#LocalNews
Published_12 May 2022

ပတ်စ်ပို့စာအုပ်မလိုဘဲ Border Pass ဖြင့် ထိုင်းနိုင်ငံသို့သွားရောက်၍ အလုပ်လုပ်ခွင့် ရရှိရေးအတွက် ယနေ့ မေလ ၁၂ ရက်တွင် ဆွေးနွေးခဲ့ကြကြောင်း သိရသည်။

ယင်းသို့ သွားရောက်လုပ်ကိုင်ခွင့် ရရှိလျှင် မြန်မာနယ်စပ်အထွက်ဂိတ်မှ ကိုယ်ပိုင်မှတ်ပုံတင်ပြ၍ ၃ လ သက်တမ်းရှိ Border Pass နယ်စပ်ဖြတ်ကျော်စာအုပ် တစ်ပါတည်းရရှိမည်ဖြစ်ပြီး Border Pass ကိုလည်း တစ်လ တစ်ကြိမ် သက်တမ်းတိုးနိုင်စေရန် ဆောင်ရွက်ပေးနိုင်ရေး စီစဉ်ထားကြောင်းလည်း သိရသည်။

"မေလ ၁၂ ရက်နေ့ ဒီနေ့ မနက်ပိုင်းက ထိုင်း-မြန်မာနယ်စပ်တွေ ဖြစ်တဲ့ မဲ့ဆောက်၊ ကန်ကျနဘုရီ၊ ရနောင်းတွေမှာ အလုပ်သမားခေါ်ယူဖို့ ဆွေးနွေးတာ၊ ထိုင်းနိုင်ငံနယ်စပ်အလုပ်သမား ဥပဒေနဲ့ အလုပ်သမားခေါ်ဖို့ ရှိတယ်လို့ သိရတယ်။

ပတ်စ်ပို့စာအုပ်မလိုဘူးပေါ့ Border Pass စာအုပ်နဲ့ပဲ သွားရောက်အလုပ်လုပ်ခွင့်ရရင် ပိုကောင်းတယ်။ မြန်မာနိုင်ငံမှာက အလုပ်အကိုင်အခွင့်အလမ်းတွေ နည်းနေတော့ ထိုင်းဘက်ကို သွားပြီး အလုပ်လုပ်ချင်သူတွေအတွက် ဒီနည်းလမ်းက ကောင်းတယ်"ဟု ထိုင်းနိုင်ငံရှိ ရွှေ့ပြောင်းလုပ်သားများအရေး လုပ်ဆောင်နေသူတစ်ဦးက ပြောသည်။

ထိုင်း-မြန်မာနယ်စပ် မဲဆောက် - မြဝတီနှင့် ရနောင်းဘက်ခြမ်းမှ မေလတစ်ရက်ကစ၍ Border Pass ဖြင့် ထိုင်းနိုင်ငံကို ဝင်ခွင့်ပြုတော့မည်ဖြစ်ကြောင်း ပြီးခဲ့သည့်လက သတင်းထွက်ပေါ်ခဲ့သေးသည်။

ymg/mt
#Yangon_Media_Group

#LocalNews
Published - 12 May 2022

ထုတ်ကုန်လုံခြုံစိတ်ချရမှုရှိစေရေး အတွက် FDA က နေပြည်တော်ကောင်စီနယ်မြေအတွင်းရှိ စျေးများအား ရှောင်တခင်စစ်ဆေးမှုတွေကို ပြုလုပ်ခဲ့တယ်လို့ သိရပါတယ်။

အဆိုပါ ရှောင်တခင် စစ်ဆေးမှုကို ဈေးကွက်စောင့်ကြည့်စစ်ဆေးခြင်းနှင့် စားသုံးသူအသိပညာပေး နေပြည်တော် စားသုံးသူရေးရာကော်မတီအတွင်းရေးမှူး ဒေါက်တာဇော်လွင် ဦးဆောင်ပြီး စားသုံးသူရေးရာဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာနနှင့် နေပြည်တော်စည်ပင်သာယာရေးကော်မတီ(ဈေးများဌာန)တို့ ပူးပေါင်း၍ ပြုလုပ်ခဲ့ကြတာ ဖြစ်ပါတယ်။

ဒါ့အပြင် ဒီကနေ့စစ်ဆေးမှုတွင် နေပြည်တော်ကောင်စီနယ်မြေအတွင်းရှိ လယ်ဝေးမြို့မဈေး
(သီရိရတနာဈေး)၊ မြို့မဈေး၊ တပ်ကုန်းမြို့မဈေး၊ သပြေကုန်းဈေးများသို့ စားသုံးသူပြည်သူများ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းနှင့် စားသုံးသူအသိပညာပေးခြင်း လုပ်ငန်းများကို ဆောင်ရွက်ပေးခဲ့တယ်လို့လည်း သိရပါတယ်။

ဓါတ်ပုံ - နေပြည်တော်ကောင်စီ

ymg/kg

#Yangon_Media_Group

#LocalNews
Published -12 May 2022

လာမယ့်မေလ(၁၄)ရက်၊ ကဆုန်လပြည့်နေ့မှာ မဟာဝိဇယစေတီတော်ကြီးမှာ အနေကဇာတင်အခမ်းအနားကျင်းပ ပြုလုပ်သွားမှာဖြစ်သလို အများပြည်သူလည်း ကဆုန်ညောင်ရေသွန်းလောင်းလှူပူဇော်နိုင်ဖို့ ပြင်ဆင်ပေးထားတယ်လို့ ဂေါပကအဖွဲထံမှ သိရပါတယ်၊၊

ကဆုန်လပြည့်နေ့မှာ မဟာဝိဇယစေတီတော်ကြီးရှိ ဗောဓိညောင်ပင်နှစ်ပင်မှာ မနက်(၅)နာရီက စလို့ အများပြည်သူဘုရားဖူးတွေ ညောင်ရေသွန်းလောင်းလှူပူဇော်နိုင်တယ်လို့ ဆိုပါတယ်၊၊

"မနက်(၅)နာရီခွဲလောက်မှာ အနေကဇာတင်မယ်၊၊ ဆရာတော်ငါးပါးနဲ့ အာရုံဆွမ်းကပ်လှူပါမယ်၊၊ညောင်ရေသွန်းလောင်းလှူဖို့ မနက်(၅)နာရီက စဖွင့်မယ် ည(၇) အထိဖွင့်ပေးထားပါတယ်၊၊ဆရာတော် သံဃာတော်တွေ ညောင်ရေသွန်းလောင်းပြီးနောက် အများပြည်သူညောင်ရေသွန်းလောင်းနိုင်ပါတယ်၊၊ ညောင်ရေသွန်းလောင်းနိုင်ဖို့ အတာအိုးတွေရေတွေလည်း အဆင်သင့်ပြင်ပေးထားပါတယ်"လို့ မဟာဝိဇယစေတီတော်၊ ဂေါပကအဖွဲ့ရုံးအဖွဲ့မှူးဦးသိန်းမြင့် က YMG ကိုပြောပါတယ်၊၊

မဟာဝိဇယစေတီတော်ကြီးမှာ ( ၁၅ )ကြိမ်မြောက် ရွှေသင်္ကန်းကပ်လှူရေးလုပ်ငန်းမှ ရွှေလှောင်လိပ်တွေနဲ့ ဆက်စပ်ပစ္စည်းတွေကို ချိပ်ပိတ်တင်ဒါစနစ်နဲ့ ရောင်းချဖို့ ဆောင်ရွက်နေပြီး မေလ(၁၂)ရက်မှာ တင်ဒါတင်သွင်းလွှာတွေ စတင်ရောင်းချမှာဖြစ်ပြီး မေလ(၁၆)ရက်မှာ အရောင်းပိတ်ကာ မေလ(၁၉)ရက်မှာ တင်ဒါဖွင့်ဖောက်မှာဖြစ်တယ်လို့ သိရပါတယ်၊၊

ymg/tthl
#Yangon_Media_Group

#DailyNews
Published - 12 May 2022

၁။ ရှေးဟောင်းပစ္စည်းများ ခိုးယူခံနေရသည့် ကမ္ဘာ့အမွေအနှစ်ဒေသပုဂံတွင် CCTV Network တပ်ဆင်မည်။

၂။ ပျူဂဝံမြို့ဟောင်းအတွင်း ဖော်ထုတ်တွေ့ရှိခဲ့သည့် ကျောက်ခေတ်ပစ္စည်းများနှင့် ပတ်သက်၍ သုတေသန စာတမ်းပြုစုနေ။

၃။ နေ့စဉ်မိုးလေဝသသတင်း။

၄။ ရုပ်ရှင်အမှတ်တရပစ္စည်းများ လေလံတင်ပွဲတွင် ဒီလော်ရီယန်မော်တော်ကားပါဝင် ပြသသွားမည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldHealth
Published 12 May 2022

ကိုဗစ်ကပ်ရောဂါပျံ့ပွားခြင်း ၂ နှစ်ကျော်လာတဲ့အချိန်မှာ အမေရိကန်ပြည်ထောင်စုမှာ ကိုဗစ်ကြောင့် သေဆုံးသူ ၁ သန်းကျော်ရှိလာပြီဖြစ်ပါတယ်။

ဒီလောက်အတိုင်းအတာအထိ ရှိလာလိမ့်မယ်လို့ မထင်မိခဲ့ကြသလို လူတွေရဲ့ဘဝဟာလည်း ကမောက်ကမ ဖြစ်ခဲ့ရပါတယ်။

လူအများရဲ့စိတ်ထဲမှာ ဗိုင်းရပ်စ်ကို တဖြည်းဖြည်းမေ့ပျောက်လာသလိုဖြစ်နေတဲ့အချိန်မှာ သေဆုံးသူ ၁ သန်းကျော်သွားပြီဆိုတဲ့ မိုင်တိုင်ကြောင့် ဝမ်းနည်းမှုတွေကို ပြန်အမှတ်ရမိစေပါတယ်။

လက်ရှိသေဆုံးနှုန်းက အမေရိကန် ၃၂၇ ဦးမှာ ၁ဦးသေဆုံးတဲ့နှုန်းဖြစ်နေပြီး ဆန်ဖရန်ဆစ္စကို ဒါမှမဟုတ် ဆီယက်တဲလ်တစ်မြို့လုံးရှိ လူဦးရေထက် ပိုများတဲ့ပမာဏဖြစ်ပါတယ်။

၂၀၂၀ မတ်လ ၁၁ ရက်နေ့က WHO က ကိုဗစ်-၁၉ ရောဂါကို ကမ္ဘာ့ကပ်ရောဂါအဖြစ် ကြေညာခဲ့တဲ့အချိန်မှာ အမေရိကန်မှာ ကိုရိုနာဗိုင်းရပ်စ်ကြောင့် သေဆုံးသူ ၃၆ ဦးရှိနေခဲ့ပါတယ်။

လပိုင်းအကြာမှာတော့ ဗိုင်းရပ်စ်ကလျင်မြန်စွာပျံ့ပွားနေခဲ့ကာ လူနေထူထပ်တဲ့ နယူးယော့ခ်လိုနေရာမျိုးမှာ ကူးစက်မှုအလွန်များပြားနေခဲ့ပြီး အဲဒီနောက် တိုင်းပြည်အနှံရောက်ရှိသွားပါတယ်။

၂၀၂၀ ဇွန်လမှာ အမေရိကန်အတွင်း ကိုဗစ်ကြောင့် သေဆုံးသူအရေအတွက်က ပထမကမ္ဘာစစ်အတွင်း ကျဆုံးခဲ့တဲ့အမေရိကန်စစ်သည်တွေထက် ပိုများနေခဲ့ပါတယ်။

၂၀၂၁ ဇန်နဝါရီလအရောက်မှာ သေဆုံးသူ ၄၀၅,၀၀၀ ကျော်ခဲ့ရာ ဒုတိယကမ္ဘာစစ်ကကျဆုံးခဲ့တဲ့အမေရိကန်စစ်သည်တွေထက် ပိုများခဲ့ပါတယ်။

ကမ္ဘာတဝန်း ကိုဗစ်ကြောင့်သေဆုံးသူ ၆.၇ သန်းရှိကြောင်း အတည်ပြုသိရှိထားပေမယ့် ရောဂါနဲ့သွယ်ဝိုက်စွာ ပတ်သက်နေတဲ့ အခြေအနေများကြောင့် သေဆုံးသူတွေကိုပါ ထည့်သွင်းစဉ်းစားပါက ၁၅ သန်းနီးပါးအထိရှိတယ်လို့ ခန့်မှန်းရပါတယ်။

ဆေးရုံတွေမှာ အလောင်းတွေပုံနေလို့ အပြင်မှာရေခဲတိုက်ကားတွေ တန်းစီနေတဲ့ပုံရိပ်တွေ၊ အလုံပိတ် အထူးကြပ်မတ်ဆောင်တွေမှာ လူနာတွေကိုအသက်ရှူကိရိယာတပ်ဆင်နေရတဲ့ပုံရိပ်တွေ၊ ကူးစက်မှုလှိုင်းတိုင်းကို ကြံ့ကြံ့ခိုင်ရင်ဆိုင်နေရတဲ့ ကျန်းမာရေးဝန်ထမ်းတွေရဲ့ပုံရိပ်တွေကို အမြဲအမှတ်ရမိနေစေမှာ ဖြစ်ပါတယ်။

၂၀၂၀ နှောင်းပိုင်း ကိုဗစ်ကာကွယ်ဆေးတွေဖြန့်ဝေလာခဲ့ရာ အမေရိကန်ပြည်သူသန်းပေါင်းများစွာဟာ ကာကွယ်ဆေးထိုးဖို့ စိတ်အားထက်သန်နေခဲ့ပါတယ်။

၂၀၂၁ အစောပိုင်းအရောက်မှာ ကိုရိုနာဗိုင်းရပ်စ်ကြောင့် သေဆုံးသူ ၅ သိန်းရှိလာပြီဖြစ်ပါတယ်။
အဲဒီအချိန်မှာ ကိုဗစ်ကြောင့် နေ့စဉ်သေဆုံးလျက်ရှိတဲ့ အမေရိကန်ပြည်သူပျမ်းမျှအရေအတွက်ဟာ ၂၀၀၁ စက်တင်ဘာ ၁၁ ရက်နေ့က အယ်လ်ကိုင်ဒါ အ‌‌သေခံတိုက်ခိုက်မှုကြောင့် သေဆုံးခဲ့တဲ့အရေအတွက်ထက် များနေခဲ့ပါတယ်။

ကိုဗစ်ရောဂါက သက်ကြီးရွယ်အိုတွေနဲ့ ကျန်းမာရေး အားနည်းသူများမှာ အဓိကဒုက္ခပေးခဲ့ပါတယ်။

ဒါ့အပြင် ကလေးအယောက် ၁ ထောင်ကျော်လည်း သေဆုံးသူတွေထဲ ပါဝင်ခဲ့ပါတယ်။

အမေရိကန်မှခန့်မှန်း‌ချေ ကလေးငယ် ၂၁၃,၀၀၀ ဦးတို့ဟာ မိဘတစ်ဦးဦး ဒါမှမဟုတ် အုပ်ထိန်းသူကို ကပ်ရောဂါကာလအတွင်း ဆုံးရှုးခဲ့ရပါတယ်။

အိုမီခရွန်ပျံ့ပွားမှု အပြီးမှာတော့ ကိုဗစ်အန္တရာယ်စိုးရိမ်မှုလျော့နည်းလာရပြီး ရုံးတွေအလုပ်တွေ ပြန်ဖွင့်လာခဲ့ပါတယ်။

ဗိုင်းရပ်စ်ကထပ်မံဆင့်ကဲ ပြောင်းလဲလာနိုင်တာကြောင့် သုတေသီတွေက နောက်ထပ်အားမြှင့်ကာကွယ်ဆေးတွေ ထုတ်လုပ်နေပါတယ်။

အမေရိကန်မှ ကူးစက်ရောဂါဆိုင်ရာထိပ်သီးပညာရှင် ဒေါက်တာ’အန်သိုနီဖော်ချီ’က ကိုဗစ်ရောဂါက မပြီးဆုံးသေးကြောင်း၊ ကပ်ရောဂါအဆင့်ရှိနေဆဲဖြစ်ကြောင်း ပြောကြားသွားပါတယ်။

Source: Reuters
#Yangon_Media_Group

#WorldHealth
Published 12 May 2022

လက်ကိုင်ဖုန်းတွေကို နှလုံးနဲ့နီးစပ်ရာအိတ်ကပ်တွေထဲ ထည့်ထားခြင်းက ကျန်းမာရေးပြဿနာများဖြစ်နိုင်ချေရှိကြောင်း ပညာရှင်များက သတိပေးလိုက်ပါတယ်။

iPhone နဲ့ Airpod အားသွင်းပေါက်ပစ္စည်းတွေမှာ ပါဝင်တဲ့ သံလိုက်ဆွဲအားက လျှပ်စစ်နှလုံးခုန်စက်တွေမှာပါတဲ့ နှလုံးခုန်နှုန်း အားပေးတဲ့လမ်းကြောင်းကို သက်ရောက်စေပါတယ်။

ယူကေမှာ နှစ်တိုင်း လျှပ်စစ်နှလုံးခုန်စက်တပ်ဆင်ရသူ ၅ သောင်းခန့်ရှိနေပါတယ်။

ဒီစက်တွေက ပုံမှန်အတိုင်းနှလုံးခုန်နိုင်အောင် လှုံ့ဆော်ပေးနိုင်ပါတယ်။

နှလုံးခုန်မမှန်သူတွေနဲ့ နှလုံးခုန်ရပ်ခြင်းခံစားရဖူးသူတွေမှာ အဆိုပါစက်မျိုးတပ်ဆင်လေ့ရှိပါတယ်။

Apple နဲ့ Microsoft တို့မှ ထုတ်လုပ်တဲ့ပစ္စည်းအချို့ဟာ နှလုံးခုန်စက်နဲ့ စင်တီမီတာအကွာအဝေးလောက်ကနေတောင် အနှောင့်အယှက်ဖြစ်စေကြောင်း ဆွစ်ဇာလန်ပညာရှင်များ လေ့လာတွေ့ရှိထားပါတယ်။

ဒီသဘောကတော့ ဖုန်းကိုအင်္ကျီအိတ်ကပ်ထဲမှာ ထည့်ထားပါက လျှပ်စစ်ဓာတ်ထုတ်လွှတ်မှုကို နှောင့်ယှက်စေတာဖြစ်ပါတယ်။

ဘေဆယ်လ်တက္ကသိုလ်နဲ့ လက်တွေ့သိပ္ပံတက္ကသိုလ်တိုပညာရှင်များက iPhone 12 Pro Max, Apple Airpod အားသွင်းပစ္စည်း, Apple Pencil 2nd Gen နဲ့ Microsoft Surface Pen တို့ကို စမ်းသပ်ခဲ့ကြပါတယ်။

ပညာရှင်တွေက ဒီပစ္စည်းတွေကို နှလုံးခုန်စက်မှ အကွာအဝေးအမျိုးမျိုးကနေ ထားရှိစမ်းသပ်ခဲ့ပါတယ်။

နှလုံးခုန် မမှန်တဲ့သူတွေမှာ ရင်ဘတ်အနီးနားကို အီလက်ထရောနစ်ပစ္စည်းထားမယ်ဆိုရင် စက်ပစ္စည်းတွေထဲမှာပါဝင်တဲ့ လျှပ်စစ်သံလိုက်လှိုင်းတွေက နှလုံးခုန်စက်‌‌‌တွေကို ရပ်တန့်ပစ်နိုင်‌ကြောင်း သုတေသနအင်ဂျင်နီယာ ဒေါက်တာ’ကိုရန်တင်ဖယ်ရီ’က ရှင်းပြသွားပါတယ်။

နှလုံးရောဂါလူနာတွေအနေနဲ့ ဒီလိုအန္တရာယ်တွေကို သိရှိနားလည်သင့်ပြီး ဆရာဝန်တွေကလည်း ဒီအကြောင်းကို သတိပေးသင့်ပါတယ်။

အင်္ကျီအိတ်ကပ်ထဲမှာ ဖုန်းထည့်တာမျိုး၊ လှဲနေတဲ့အချိန် ရင်ဘတ်ပေါ်မှာ တင်ထားတာမျိုး၊ ဖုန်းသုံးရင်းအိပ်ပျော်သွားတာမျိုးတို့က ဒီလိုပြဿနာတွေဖြစ်လာနိုင်စေပါတယ်။

အင်္ဂလိပ်လူမျိုးသန်းပေါင်းများစွာဟာ နှစ်စဉ် iPhone ဝယ်ယူသုံးစွဲကြပြီး ၂၀၂၀ အတွင်း iPhone ပိုင်ဆိုင်သူ ၅၀ ရာခိုင်နှုန်းနီးပါးရှိခဲ့ပါတယ်။

‌နောက်ထွက်တဲ့ပစ္စည်း‌တွေအပြင် ၂၀၁၃ တကည်းကထွက်ရှိလာတဲ့ Microsoft Surface Pen တွေမှာလည်း လျှပ်စစ်သံလိုက်လှိုင်းများ ပါဝင်လာကြပါတယ်။

နှလုံးစက်ပစ္စည်းတွေမှာပါဝင်တဲ့ အာရုံခံနည်းပညာတွေက အနီးနားကသံလိုက်လှိုင်းနဲ့ ရေဒီယိုလှိုင်းတွေကို တုန့်ပြန်စေပါတယ်။

ဒီလိုအပြန်အလှန်တုန့်ပြန်မှုတွေမဖြစ်အောင် ဖုန်းပစ္စည်းတွေကို နှလုံးခုန်စက်တည်ရှိရာနေရာနဲ့ ၆ လက်မအကွာမှာ ထားရှိသင့်ပါတယ်။

Apple ပစ္စည်းသုံးစွဲရင်း နှလုံးခုန်စက်ပြဿနာရှိလာပြီဆိုရင် ဆက်လက်အသုံးမပြုဘဲ ဆရာဝန်နဲ့ နှလုံးခုန်စက်ထုတ်လုပ်သူများထံ ဆက်သွယ်အကြံဉာဏ်တောင်းခံသင့်ပါတယ်။

Source: The Sun
#Yangon_Media_Group

#WorldHealth
Published 13 May 2022

နာတာရှည်စိတ်ဖိစီးမှုများခြင်းက အမျိုးသမီးတွေရဲ့မျိုးဥအိမ်ထဲက မျိုးဥအရေအတွက် ကျဆင်းစေပြီး မျိုးအောင်နိုင်စွမ်းထိခိုက်စေကြောင်း လေ့လာချက်မှာဖော်ပြထားပါတယ်။

တရုတ်သုတေသီများက ကြွက်မများဖြင့် စမ်းသပ်ကြရာ အဖွဲ့သုံးဖွဲ့ခွဲပြီး စိတ်ဖိစီးမှုဖြစ်လာအောင် အော်ဟစ်ခြင်း၊ ဆူညံသံပြုလုပ်ခြင်း၊ နောက်ခံသံပြုလုပ်ခြင်းများကို ၃ ပတ်တိုင်‌‌‌အောင် နေ့စဉ် ၆ နာရီ နားထောင်ခိုင်းခဲ့ပါတယ်။

အော်ဟစ်သံကိုနားထောင်ခိုင်းခဲ့တဲ့ ကြွက်မတွေက မွေးဖွားတဲ့အခါ အကောင်ရေသိသိသာသာနည်းပါးသွားခဲ့ပါတယ်။

ဒီလိုဖြစ်ရတာဟာ အီစထရိုဂျင်အမျိုးသမီးဟော်မုန်းနဲ့ မျိုးဥအိမ်များရှိ မျိုးပွားဆဲလ်များနဲ့ ဆက်စပ်နေတဲ့ အန်တီမူလေရီယန်ဟော်မုန်းများ နည်းပါးသွားတာကြောင့်ဖြစ်ကြောင်း သိပ္ပံပညာရှင်များရှင်းပြလိုက်ပါတယ်။

စိတ်ဖိစီးမှုက အဓိကဟော်မုန်းထွက်ရှိမှုကို တားဆီးပေးပြီး မျိုးပွားနိုင်စွမ်းကို ထိခိုက်စေကာ ဓမ္မတာ ရပ်တန့်သွားတဲ့အထိ ဖြစ်တတ်ပါတယ်။

စိတ်ဖိစီးမှုက အမျိုးသားတွေမှာလည်း မျိုးအောင်နိုင်စွမ်းကျဆင်းစေပြီး တက်စ်တိုစထရုန်းဟော်မုန်းလျော့နည်းကာ သုတ်ပိုးအရေအတွက်နည်းပါးစေပါတယ်။

တရုတ်မြောက်ပိုင်းရှိ ရှန်ကျိုတုန်တက္ကသိုလ်မှသုတေသီများက ကြွက်မအကောင် ၁၀၀ ကို စိတ်ဖိစီးမှုများ အောင်ပြုလုပ်ပြီး Endocrinology ဂျာနယ်မှာ ဖော်ပြခဲ့ပါတယ်။

ကြွက် ၃ ပုံ ၁ ပုံကို မနက်နဲ့ညနေတိုင်း ၃ နာရီကြာအောင် အော်ဟစ်သံများနားထောင်စေခဲ့ပါတယ်။

နောက်ထပ် ၃ ပုံ ၁ ပုံက ကြိမ်နှုန်းအားလုံးရဲ့ဆူညံသံများ နားထောင်စေခဲ့ပြီး ကျန်တဲ့ကြွက်တွေကိုတော့ နောက်ခံအသံများဖြင့်သာ စမ်းသပ်ခဲ့ကြပါတယ်။

ရက်အနည်းငယ်ကြာပြီးနောက် မျိုးဥအရေအတွက်နဲ့ ဟော်မုန်းပမာဏကို စစ်ဆေးခဲ့ကြပါတယ်။

အော်ဟစ်သံများ နားထောင်စေခဲ့တဲ့ ကြွက်မတွေက အကောင်ရေအနည်းဆုံးပေါက်ဖွားခဲ့ပြီး နောက်ခံအသံသာ နားထောင်ခိုင်းခဲ့တဲ့ ကြွက်တွေက အများဆုံးမွေးဖွားနိုင်ခဲ့ပါတယ်။

အော်ဟစ်သံဖြင့် စမ်းသပ်ခဲ့တဲ့ ကြွက်မ‌တွေရဲ့ မျိုးဥတွေကိုလေ့လာကြည့်ရာမှာ ဆဲလ်ထိခိုက်ပျက်စီးမှုများ တွေ့ရပါတယ်။

အဆိုပါ အချက်အလက်တွေအရ စိတ်ဖိစီးခြင်းက မျိုးဥအရေအတွက် ထိခိုက်တာနဲ့ ဆက်စပ်နေတယ်လို့ ကောက်ချက်ချနိုင်ကြောင်း ဒေါက်တာ’ဝမ်ယန်’က ဖော်ပြထားပါတယ်။

ဒီတွေ့ရှိချက်က လက်ရှိ‌ဆေးပညာအပေါ် တိုးတက်မှုရှိလာစေမှာဖြစ်ပြီး မျိုးဥလျော့နည်းရတဲ့အခြေအနေကို သဘောပေါက်လာစေမှာဖြစ်ပါတယ်။

Source: DailyMail
#Yangon_Media_Group

#LocalNews
Published_12 May 2022

ထိုင်းနိုင်ငံအတွင်းသို့ နှစ်ရက်အတွင်း တရားမဝင်ရောက်လာသည့် မြန်မာ ၂၃၃ ဦးကို ထိုင်းနိုင်ငံရဲတပ်ဖွဲ့က ဖမ်းဆီးမိကြောင်း သိရသည်။

အဆိုပါ မြန်မာနိုင်ငံသားများမှာ ထိုင်းနိုင်ငံတွင်းသို့ ပွဲစားခ ဘတ်နှစ်သောင်းမှ နှစ်သောင်းခွဲကြားပေး၍ ဝင်ရောက်လာကြခြင်းဖြစ်ကြောင်း၊ ယင်းတို့အား ထိုင်းနိုင်ငံ ကန်ကျနဘုရီပြည်နယ်အတွင်းနှင့် ပကျွတ်ခီရီခန်ပြည်နယ်အတွင်း မေလ ၁၀ ရက်နှင့် ၁၁ ရက်တို့တွင် ဖမ်းဆီးရမိခြင်း ဖြစ်ကြောင်း သိရသည်။

ပကျွတ်ခီရီခန်ပြည်နယ်၊ အောင်နွဲခရိုင်ခွဲ၊ ဟွေးစိုင်ခရိုင်ခရိုင်ခွဲတို့တွင် မြန်မာနိုင်ငံသား အမျိုးသား ၈၉ ဦး၊ အမျိုးသမီး ၆၉ ဦး တို့အား ထိုင်းနိုင်ငံသား လမ်းပြနှစ်ဦး၊ မော်တော်ယာဉ်နှစ်စီးတို့ဖြင့် နေရာ ၄ ခု ၌လည်းကောင်း၊ ကန်ကျနဘုရီပြည်နယ်၊ ဗောင်းတီးခရိုင်ခွဲ ဆိုင်ယုတ်ခရိုင်၊ ဆလယ်ခရိုင်ခွဲ ထောင်ဖာဖွန်ခရိုင်တို့တွင် မြန်မာနိုင်ငံသား အမျိုးသား ၃၉ ဦး၊ အမျိုးသမီး ၃၆ ဦးတို့ကို ထိုင်းနိုင်ငံသားလမ်းပြ ၁၀ ဦး၊ မော်တော်ယာဉ် ၅ စီးဖြင့် နေရာ ၇ ခု၌လည်းကောင်း ဖမ်းဆီးရမိခြင်း ဖြစ်ကြောင်း သိရသည်။

၎င်းမြန်မာနိုင်ငံသားများမှာ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ မန္တလေးတိုင်းဒေသကြီး၊ ရန်ကုန်တိုင်းဒေသကြီး၊ မကွေးတိုင်းဒေသကြီး၊ မွန်ပြည်နယ်တို့မှ လာရောက်ကြသူများ ဖြစ်ကြောင်း သိရသည်။

ymg/mt

#Yangon_Media_Group

#WorldHealth
Published 12 May 2022

ဖိုင်ဇာဘိုင်အိုတက်ခ်မှထုတ်လုပ်တဲ့ ကိုဗစ်အားမြှင့်ကာကွယ်ဆေး(booster)ထိုးနှံခြင်းက ရောဂါကာကွယ်နိုင်စွမ်းကို သိသိသာသာမြင့်တင်ပေးနိုင်ကြောင်း ရှီဘာဆေးဘက်ဆိုင်ရာစင်တာနဲ့ တဲလ်အဗစ်တက္ကသိုလ်တို့မှ အစ္စရေးသုတေသီများက တနင်္လာနေ့မှာ ဖော်ပြခဲ့ပါတယ်။

တတိယအကြိမ်ကာကွယ်ဆေးထိုးခြင်းရဲ့ထိရောက်မှုက ရောဂါကူးစက်မှုကို ကာကွယ်ရာမှာ ရှေ့နှစ်ကြိမ်ထိုးနှံခြင်းထက် ၈၅.၆ ရာခိုင်နှုန်းပိုများကြောင်း Nature Immunology ဂျာနယ်မှာ ဖော်ပြခဲ့ပါတယ်။

အားမြှင့်ကာကွယ်ဆေးရဲ့ ထိရောက်မှုကို သုံးသပ်လေ့လာရန် ကာကွယ်ဆေး ၂ ကြိမ်ထိုးထားပြီး ကိုဗစ်မကူးစက်ဖူးသေးတဲ့ ကျန်းမာရေးဝန်ထမ်း ၁၂,၂၉၀ ဦးမှာ ထိုးနှံစမ်းသပ်ခဲ့ကြပါတယ်။

ထို ၁၂,၂၉၀ ဦးကို PCR test ဖြင့်စစ်ဆေးခဲ့ရာ ၄၀၇ ယောက်မှာ ရောဂါပိုးတွေ့ရှိခဲ့ကြပါတယ်။

ထိုထဲက ၂ ဦးက တတိယအကြိမ်ထိုးနှံပြီးနောက် ဝေဒနာများခံစားရတာကြောင့် ဆေးရုံတက်ကုသခံခဲ့ရပါတယ်။

တစ်ဦးက ခေါင်းတခြမ်းကိုက်ခြင်းမျိုးခံစားရပြီး နောက်တစ်ဦးကတော့ သွေးထဲကဆိုဒီယမ်ပမာဏနည်းခြင်းမျိုး ခံစားခဲ့ရတာပါ။

အများစုကတော့ တတိယအကြိမ်ထိုးနှံပြီးနောက် သာမန်ခံစားမှုမျိုးသာကြုံတွေ့ကြရပြီး အသက် ၆၀ အောက် အမျိုးသမီးတွေက ငယ်ရွယ်သူများထက် ဝေဒနာပိုမိုခံစားရကြောင်း တွေ့ရှိခဲ့ပါတယ်။

ငယ်ရွယ်တဲ့အမျိုးသမီးတွေမှာတော့ နွမ်းနယ်ခြင်း၊ ကြွက်သားကိုက်ခဲခြင်း၊ အဖျားတက်ခြင်းတို့ဖြစ်ပေါ်ခဲ့ပါတယ်။

ရောဂါကူးစက်ခြင်းကို တားဆီးပေးတဲ့ ပဋိပစ္စည်းပမာဏက ဒုတိယအကြိမ်ထိုးနှံခြင်းကထက် ပိုများလာခဲ့ပါတယ်။

တတိယအကြိမ်ထိုးနှံခြင်းမှရရှိတဲ့ ပဋိပစ္စည်းတွေဟာ ဒယ်လ်တာမျိုးဗီဇကွဲကူးစက်မှုကိုလည်း ကာကွယ်နိုင်မှာဖြစ်တယ်လို့ လေ့လာချက်မှာ ပါရှိပါတယ်။

Source: The Jerusalem Post.
#Yangon_Media_Group

#အမေရိကန်ကွန်တိန်နာသင်္ဘော SS Mayaguez သင်္ဘောကိုကမ္ဘောဒီးယားတပ်များကသိမ်းပိုက်

မေ ၁၂ ၊ ၁၉၇၅ ခုနှစ် ဗီယက်နမ်မြို့တော် ဆိုင်းဂုံကျရှုံးပြီးနောက်တစ်နေ့ ၁၉၇၅ခုနှစ် မေလ(၁၂)ရက်တွင် ခမာရုတပ်များက အမေရိကန်ကွန်တိန်နာသင်္ဘော SS Mayaguez ကို စီးနင်းသိမ်းပိုက်ကာ သင်္ဘောသားများကို ကမ္ဘောဒီးယားကမ်းခြေသို့ ချထားခဲ့သည်။ နောက်ပိုင်းတွင် အမေရိကန်မရိန်းတပ်က သင်္ဘောနှင့် သင်္ဘောသားများကိုဖမ်းထားသည့် ခိုတန်ကျွန်းကို ဝင်ရောက်စီးနင်းခဲ့သည်။

မေ(၁၂)ရက် ထင်ရှားကမ္ဘာ့ဖြစ်ရပ်အချို့က..

၁၈၉၇

တက်ဆာလီစစ်ပွဲ- တူရကီတပ်က ဂရိကိုအနိုင်တိုက်

၁၉၂၅

ဥဇဘက်ကစ္စတန်နှင့်ကီဂျစ်စတန်တို့ အထူးအုပ်ချုပ်ခွင့်ရ ဆိုဗီယက်သမ္မတနိုင်ငံများဖြစ်လာ

၁၉၄၃

ဂျာမန်တပ်များက တူနီးရှား၊မြောက်အာဖရိကတွင် လက်နက်ချ

၁၉၈၄ တောင်အာဖရိကအကျဉ်းသား နယ်လ်ဆင်မင်ဒဲလား ဇနီးဖြစ်သူ ဝင်နီမင်ဒဲလားနှင့် ၂၂နှစ်ခွဲနေရပြီးပထမဆုံးတွေ့ခွင့်ရ

၁၉၉၁

ပစိဖိတ်အနောက်မြာက်ရှိ ရှားပါးအပင်တစ်ပင်၏ အခေါက်မှထုတ်ယူရသည့် ကင်ဆာဆေးဝါးသစ်ကြေညာ

#WorldTradition
Published 11 May 2022

လေမုန်တိုင်းနတ်ဘုရားကို ကျေနပ်စေပြီး မိုးခေါင်မှုကျော်လွှားနိုင်ဖို့အတွက် မက္ကဆီကိုတောင်ပိုင်းမှာ ရှေးဟောင်းရိုးရာပွဲတစ်ခု ကျင်းပခဲ့ကြပါတယ်။

#Yangon_Media_Group

Published 11 May 2022

အယ်လ်ဂျာဇီးယားရုပ်သံက ယင်းတို့ရဲ့သတင်းစာဆရာမ ရှီရင်းအာဘူအက်လက် Shireen Abu Aqleh အသတ်ခံရပြီးကာစ မြင်ကွင်းကို ရိုက်ကူးထားတဲ့ ရုပ်သံကို ထုတ်ပြန်လိုက်ပါတယ်။

အသက် ၅၁နှစ်အရွယ်ရှိ အယ်ဂျာဇီးယားရဲ့ ဝါရင့်သတင်းစာဆရာမအာဘူအက်လက်ဟာ မေ(၁၁)ရက် ဗုဒ္ဓဟူးနေ့က အစ္စရေးစစ်ပတ်က အသိမ်းပိုက်ခံ အနောက်ဘက်ကမ်းခြေက ဂျင်နင်းဒုက္ခသည်စခန်းကို ဝင်ရောက်စီးနင်းတာကို သတင်းရယူစဉ်မှာ သေနတ်နှင့် အပစ်ခံရလို့ သေဆုံးခဲ့ရတာဖြစ်ပါတယ်။

သူမဟာ အပစ်ခံရတဲ့အချိန်မှာ သတင်းမီဒီယာတံဆိပ်ပါတဲ့ ကျည်ကာအင်္ကျီဝတ်ဆင်ထားတယ်လို့ အခင်းဖြစ်ပွားတဲ့နေရာရောက်ရှိနေတဲ့ အေအက်ဖ်ပီ ဓာတ်ပုံဆရာက အတည်ပြုပါတယ်။

အစ္စရေးတပ်တွေဟာ အဲဒီနေရာတစ်ဝ်ုက်ကို ပစ်ခတ်နေပြီး အာဘူအက်လက်ဟာ မြေကြီးပေါ်လဲကျသွားတာကို သူမြင်လိုက်ရတယ်လို့ ဓာတ်ပုံဆရာက သတင်းပေးပို့ပါတယ်၊  သူမကို အစ္စရေးတပ်တွေက  သွေးအေးအေးနှင့် တမင်သတ်ပစ်လိုက်တာဖြစ်တယ်လို့ အယ်ဂျာဇီးယားက ပြောပါတယ်။  အစ္စရေးဝန်ကြီးချုပ် နက်ဖ်တာလီ ဘင်နက်ကတော့ ဒါဟာ ပါလက်စတိုင်းသေနတ်သမားပစ်သတ်လိုက်ပုံရတယ်လို့ ပြောပါတယ်။

Source AFP