TV Yangon Times Mattersအစီအစဉ်
Published - 22 May 2022

အစီအစဉ်တင်ဆက်သူ ဆရာဟိန်းလတ်က လူငယ်တစ်ယောက်ဖြစ်တဲ့ စိုင်းအောင်မျိုး၀င်း(စိုင်းခန့်ခမ်း) နှင့်အတူ

_"လူငယ်တစ်ယောက်ရဲ့ ဘာသာသာသနာပေါ်ထားရှိတဲ့ စိတ်နေစိတ်ထားများ။

_ လူငယ်တစ်ယောက်ရဲ့ ပြုလုပ်နေတဲ့ အလှူဒါန်းများ" စတဲ့ စိတ်၀င်စားဖွယ် အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 22 May 2022

လာမည့်ရွေးကောက်ပွဲတွင် ခြွင်းချက်နှစ်ခုမှအပ လွှတ်တော်အားလုံးတွင် အချိုးကျကိုယ်စားပြုစနစ်(PR)ကျင့်သုံးသွားမယ်လို့ သိရှိရပါတယ်။

မေလ(၁၉)ရက်နေ့က ပြုလုပ်တဲ့ နစကသတင်းထုတ်ပြန်ရေးအဖွဲ့ သတင်းစာရှင်းလင်းပွဲမှာ ပြည်ထောင်စုရွေးကောက်ပွဲ ကော်မရှင်မှပြောရေးဆိုခွင့်ရှိသူဖြစ်တဲ့ အဖွဲ့ဝင် ဦးခင်မောင်ဦးက ရှင်းလင်းရာမှာ ယခုလိုထုတ်ဖော်ပြောကြားသွားတာ ဖြစ်ပါတယ်။

အဲသလိုပြောင်းလဲဆောင်ရွက်ရာမှာ ရိုးရှင်းလွယ်ကူတဲ့ စာရင်းပိတ်အချိုးကျကိုယ်စားပြုစနစ်(Closed list PR)ကို  ရွေးချယ်ထားကြတယ်လို့ ဦးခင်မောင်ဦးက ပြောပါတယ်။

ဒါပေမယ့် ကိုယ်ပိုင်အုပ်ချုပ်ခွင့်ရ တိုင်း/ဒေသတွေမှ အမျိုးသားလွှတ်တော်တစ်ဦးစီနှင့် တိုင်းဒေသကြီး/ပြည်နယ်လွှတ်တော်တွေမှာ တိုင်းရင်းသားလွှတ်တော်ကိုယ်စားလှယ်တစ်ဦးစီတင်မြှောက်ရာတွင်တော့ ယခင်ကျင့်သုံးခဲ့တဲ့ FPTPစနစ်ကိုပဲ ကျင့်သုံးမယ်လို့ သူကပြောပါတယ်။ အဲဒီခြွင်းချက်နှစ်ခုကလွဲလို့ ကျန်တာတွေအားလုံး PRကျင့်သုံးမယ်လို့ သူက ဆိုလိုတာဖြစ်ပါတယ်။

ဒီလိုပြောင်းလဲကျင့်သုံးဖို့အတွက် နိုင်ငံရေးပါတီတွေနှင့် တွေ့ဆုံဆွေးနွေးမှုတွေကနေ သဘောတူညီမှုရရှိခဲ့တာဖြစ်တယ်လို့ သူကရှင်းလင်းပါတယ်။

ဖွဲ့စည်းပုံအခြေခံဥပဒေအရ သတ်မှတ်ထားတဲ့ လွှတ်တော်အလိုက် ရွေးကောက်တင်မြှောက်ရမယ့် အရေအတွက် မပြောင်းလဲဘဲ ပြည်ထောင်စုရွေးကောက်ပွဲကော်မရှင်က မဲဆန္ဒနယ်တွေပိုင်းခြားသတ်မှတ်ခြင်းနှင့် ကိုယ်စားလှယ်ဦးရေ သတ်မှတ်ခြင်းတွေကို‌ ဆောင်ရွက်သွားမယ်လို့လည်း သူကပြောပါတယ်။

လာမယ့် ၂၀၂၃ခုနှစ်အတွင်း ရွေးကောက်ပွဲအသစ်တစ်ခု ပြန်လည်ကျင်းပပေးဖို့ ပြည်ထောင်စုရွေးကောက်ပွဲကော်မရှင်က ရည်မှန်းဆောင်ရွက်နေတာဖြစ်ပါတယ်။

Published 22 May 2022

မြောက်ကိုးရီးယားလုပ်တာမှန်သမျှအတွက် ကျွန်တော်တို့ပြင်ဆင်ထားပြီးပါပြီ၊သူတို့ဘာပဲလုပ်လုပ် ကျွန်တော်တို့ ဘယ်လိုတုန့်ပြန်ရမယ်ဆိုတာစဉ်းစားထားပြီးပြီမို့ စိတ်မပူဘူး လို့ အမေရိကန်သမ္မတ ဂျိုးဘိုင်ဒင်ကပြောပါတယ်။  တောင်ကိုးရီးယားကို သူရောက်ရှိနေစဉ်အတွင်း ဟွန်ဒေးရင်းနှီးမြှပ်နှံမှုနှင့်ပတ်သက်လို့ မှတ်ချက်စကားပြောကြားရာမှာ သူက ထည့်သွင်းပြောဆိုခဲ့တာဖြစ်ပါတယ်။

Source AFP

#LocalNews
Published - 22 May 2022

စစ်ကိုင်းတောင်ရိုးရှိ IBEC အပြည်ပြည်ဆိုင်ရာဗုဒ္ဓဘာသာပညာရေးစင်တာ ဘုန်းတော်ကြီးသင်ပညာရေးအထက်တန်းကျောင်းတွင် ၂၀၂၂-၂၀၂၃ ပညာသင်နှစ် အတွက် ပညာသင်ကြားမှု တွေကို ယခုပညာသင်နှစ် အတွက် ကျောင်းသား/ ကျောင်းသူများကိုစတင်လက်ခံနေပြီး ဘုန်းတော်ကြီးသင်ပညာရေးအထက်တန်းကျောင်းစတင်ဖွင့်လှစ်လိုက်ပြီဖြစ်တယ်လို့ သိရပါတယ်။

"လူသားတို့ ဘဝထာဝရရှင်သန်စေရန် ပညာရေးသည်အရေးကြီးပါတယ်။ ပညာမတတ်ပဲ လူမူရေးစီးပွားရေးနိုင်ငံရေးဆောင်ရွက်၍မရပေ။ ပညာရေးသည်လူသားတိုင်းလူငယ်တိုင်းမဖြစ်မနေ သင်ယူကြရမှာဖြစ်ပါတယ်။"လို့ IBEC ဆရာတော်က မိန့်ကြားပါတယ်။

ဒါ့အပြင် ပညာလိုလားသူလူငယ်အားလုံးကို အယုတ်အလတ်အမြတ်မရွေး IBEC ကကြိုဆိုသွားမှာဖြစ်တယ်လို့လည်း ဆိုပါတယ်။

"ပညာရေးသည် ကြောက်နေရသောဘဝကနေလွတ်မြောက်စေပါတယ်။ ပညာကမ္ဘာတည်ဆောက်မူကိုမည်သူမျှဟန့်တား၍မရပေ။ ဟန့်တားသူမှန်သမျှလောကကိုဖျက်စီးသူ ကလေးသူငယ်အခွင့်အရေးကိုချိုးဖောက်သူအဖြစ် ကမ္ဘာ့ကုလသမဂ္ဂအဖွဲ့က သတ်မှတ်ထားပါတယ်။ မိမိတို့သားသမီးပညာရေးအတွက် IBEC ဆရာတော်နှင့်IBEC ကျောင်းတော်ကကူညီနေပါတယ်။

ကလေးငယ်များအနာဂတ်မပျောက်စေရန်ပညာသင်ကြရမှာဖြစ်ပါတယ်။"လို့ IBEC ဆရာ တော်က ဆက်လက်မိန့်ကြားပါတယ်။

စစ်ကိုင်းတောင်ရိုးရှိ IBEC အပြည်ပြည်ဆိုင်ရာဗုဒ္ဓဘာသာပညာရေးစင်တာတွင် ကျောင်းသားသစ်များလက်ခံမည့်နေ့ရက်ကို ၂၀၂၂ ခုနှစ်၊ မေလ ၂၂ ရက်မှ မေလ ၃၀ ရက် အထိ သတ်မှတ်ထားပြီး မိဘအုပ်ထိန်းသူကျောင်းသားကျောင်းသူကိုယ်တိုင်
အပ်နှံရမှာဖြစ်တယ်လို့ သိရပါတယ်။

ထို့အပြင် ပညာရေးစင်တာတွင် အတန်း KG -Grade 1 မှစတင်ကာ Grade -11 အထိလက်ခံသင်ကြားပေးသွားမည်ဖြစ်ပြီး စစ်ဘေးရှောင်ဒေသရှိ ကလေးငယ်များအထူးဦးစားပေးလက်ခံသွားမယ်လို့လည်း သိရပါတယ်။

ဓါတ်ပုံ - IBEC သတင်းထုတ်ပြန်ရေးအဖွဲ့

ymg/kg
#Yangon_Media_Group

#LocalNews
Published - 22 May 2022

စစ်ကိုင်းတောင်ရိုးရှိ IBEC အပြည်ပြည်ဆိုင်ရာဗုဒ္ဓဘာသာပညာရေးစင်တာ ဘုန်းတော်ကြီးသင်ပညာရေးအထက်တန်းကျောင်းတွင် ၂၀၂၂-၂၀၂၃ ပညာသင်နှစ် အတွက် ပညာသင်ကြားမှု တွေကို ယခုပညာသင်နှစ် အတွက် ကျောင်းသား/ ကျောင်းသူများကိုစတင်လက်ခံနေပြီး ဘုန်းတော်ကြီးသင်ပညာရေးအထက်တန်းကျောင်းစတင်ဖွင့်လှစ်လိုက်ပြီဖြစ်တယ်လို့ သိရပါတယ်။

"လူသားတို့ ဘဝထာဝရရှင်သန်စေရန် ပညာရေးသည်အရေးကြီးပါတယ်။ ပညာမတတ်ပဲ လူမူရေးစီးပွားရေးနိုင်ငံရေးဆောင်ရွက်၍မရပေ။ ပညာရေးသည်လူသားတိုင်းလူငယ်တိုင်းမဖြစ်မနေ သင်ယူကြရမှာဖြစ်ပါတယ်။"လို့ IBEC ဆရာတော်က မိန့်ကြားပါတယ်။

ဒါ့အပြင် ပညာလိုလားသူလူငယ်အားလုံးကို အယုတ်အလတ်အမြတ်မရွေး IBEC ကကြိုဆိုသွားမှာဖြစ်တယ်လို့လည်း ဆိုပါတယ်။

"ပညာရေးသည် ကြောက်နေရသောဘဝကနေလွတ်မြောက်စေပါတယ်။ ပညာကမ္ဘာတည်ဆောက်မူကိုမည်သူမျှဟန့်တား၍မရပေ။ ဟန့်တားသူမှန်သမျှလောကကိုဖျက်စီးသူ ကလေးသူငယ်အခွင့်အရေးကိုချိုးဖောက်သူအဖြစ် ကမ္ဘာ့ကုလသမဂ္ဂအဖွဲ့က သတ်မှတ်ထားပါတယ်။ မိမိတို့သားသမီးပညာရေးအတွက် IBEC ဆရာတော်နှင့်IBEC ကျောင်းတော်ကကူညီနေပါတယ်။

ကလေးငယ်များအနာဂတ်မပျောက်စေရန်ပညာသင်ကြရမှာဖြစ်ပါတယ်။"လို့ IBEC ဆရာ တော်က ဆက်လက်မိန့်ကြားပါတယ်။

စစ်ကိုင်းတောင်ရိုးရှိ IBEC အပြည်ပြည်ဆိုင်ရာဗုဒ္ဓဘာသာပညာရေးစင်တာတွင် ကျောင်းသားသစ်များလက်ခံမည့်နေ့ရက်ကို ၂၀၂၂ ခုနှစ်၊ မေလ ၂၂ ရက်မှ မေလ ၃၀ ရက် အထိ သတ်မှတ်ထားပြီး မိဘအုပ်ထိန်းသူကျောင်းသားကျောင်းသူကိုယ်တိုင်
အပ်နှံရမှာဖြစ်တယ်လို့ သိရပါတယ်။

ထို့အပြင် ပညာရေးစင်တာတွင် အတန်း KG -Grade 1 မှစတင်ကာ Grade -11 အထိလက်ခံသင်ကြားပေးသွားမည်ဖြစ်ပြီး စစ်ဘေးရှောင်ဒေသရှိ ကလေးငယ်များအထူးဦးစားပေးလက်ခံသွားမယ်လို့လည်း သိရပါတယ်။

ဓါတ်ပုံ - IBEC သတင်းထုတ်ပြန်ရေးအဖွဲ့

ymg/kg
#Yangon_Media_Group

#LocalNews
Published - 22 May 2022

၂၀၂၂ ခုနှစ်ရဲ့ ပထမလေးလတာ ဇန်နဝါရီလကနေ ဧပြီလအထိ နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ ၄၀၇ သန်းကျော် ဝင်ရောက်ခဲ့တယ်လို့ ISP Myanmar က ထုတ်ပြန်ပါတယ်။

မြန်မာနိုင်ငံသို့ နိုင်ငံခြားရင်းနှီးမြှုပ်နှံမှုဟာ ဇန်နဝါရီလမှာ အမေရိကန်ဒေါ်လာ သန်း ၂၆၀ ကျော် ဝင်ရောက်ခဲ့ပေမယ့် ဖေဖော်ဝါရီလမှာ အမေရိကန်ဒေါ်လာ ၂၄ နီးပါး အထိ ပြန်လည်ကျဆင်းခဲ့ပါတယ်။ မတ်လမှာ အမေရိကန်ဒေါ်လာ သန်း ၁၁၆ သန်းကျော်ထိ ပြန်ဝင်ရောက်လာခဲ့ပြီး ဧပြီလမှာ အမေရိကန်ဒေါ်လာခြောက်သန်းနီးပါးသာ ဝင်ရောက်ခဲ့တာဖြစ်တယ်လို့ ISP Myanmar က ဆိုပါတယ်။

အဆိုပါကာလအတွင်းမှာ အာဆီယံနိုင်ငံများရဲ့ ရင်းနှီးမြှုပ်နှံမှုကအများဆုံးဖြစ်ပြီး စုစုပေါင်းရင်းနှီးမြှုပ်နှံမှုရဲ့ ၅၄ ရာခိုင်နှုန်းအထိရှိတာကိုတွေ့ရပြီး တရုတ်ရင်းနှီးမြှုပ်နှံမှုက အမေရိကန်ဒေါ်လာ ၅၁ သန်းကျော်ရှိပြီး စုစုပေါင်းရဲ့ ၁၃ ရာခိုင်နှုန်း ရှိခဲ့တာပါ။

ရင်းနှီးမြှုပ်နှံမှုတွေကို ကဏ္ဍအလိုက် နှိင်းယှဥ်ကြည့်မယ်ဆိုပါက အခြားဝန်ဆောင်မှုများကဏ္ဍမှာ အမေရိကန်ဒေါ်လာ ၂၁၃ သန်းကျော်နဲ့ အများဆုံးဝင်ရောက်ခဲ့ပြီးကုန်ထုတ်လုပ်ရေးကဏ္ဍမှာ အမေရိကန်ဒေါ်လာ ၁၂၂ သန်းကျော်နဲ့ ဒုတိယအများဆုံးဝင်ရောက်ခဲ့ပါတယ်။ အိမ်ခြံမြေကဏ္ဍမှာ အမေရိကန်‌ဒေါ်လာ ၃၈ သန်းကျော်၊ စွမ်းအင်ကဏ္ဍမှာ ၁၇ သန်းကျော်နဲ့ မွေးမြူ‌ရေးနှင့်‌ ရေလုပ်ငန်း ကဏ္ဍတွေမှာလည်း ၁၅ သန်းကျော် စီဝင်ရောက်ခဲ့ပါတယ်။ ဆောက်လုပ်ရေး၊ ရေနံနဲ့ သဘာဝဓာတ်‌ငွေ့၊ စက်မှုဇုန်၊ ပို့ဆောင်ဆက်သွယ်ရေး၊ သတ္တုတူးဖော်ရေး၊ ဟိုတယ်နဲ့ ခရီးသွားလုပ်ငန်းနဲ့ စိုက်ပျိုးရေး စတဲ့ ကဏ္ဍတွေမှာရင်းနှီးမြှုပ်နှံမှု လုံးဝဝင်ရောက်ခဲ့ခြင်း မရှိတာကိုတွေ့ရကြောင်း ISP Myanmar ၏
သုတေသနစစ်တမ်းမှာ ဖော်ပြထားပါတယ်။

ymg/kg
#Yangon_Media_Group

#Local_News
Published_ 22 May 2022

နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့နှင့် သျှမ်းပြည်ပြန်လည်ထူထောင်ရေး ကောင်စီ (RCSS) ဥက္ကဋ္ဌဦးဆောင်သော ကိုယ်စားလှယ်အဖွဲ့တို့ မနေ့ကနံနက်ပိုင်းက နေပြည်တော်ရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန၌ စတင်ဆွေးနွေးခဲ့ကြောင်း သိရပါတယ်။

တွေ့ဆုံဆွေးနွေးပွဲသို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီဥက္ကဋ္ဌ၊ ငြိမ်းချမ်းရေးဆွေးနွေးရေး အဖွဲ့ခေါင်းဆောင် ဒုတိယ ဗိုလ်ချုပ်ကြီးရာပြည့်နှင့် အဖွဲ့ဝင်များ၊ သျှမ်းပြည်ပြန်လည်ထူ ထောင်ရေးကောင်စီ (RCSS) ဥက္ကဋ္ဌ ဗိုလ်ချုပ်ကြီးယွက်စစ်နှင့် အဖွဲ့ဝင်များ တက်ရောက်ဆွေးနွေးခဲ့ကြပါတယ်။

ဆွေးနွေးပွဲတွင် ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် သျှမ်းပြည်ပြန်လည်ထူထောင်ရေးကောင်စီ (RCSS) ဥက္ကဋ္ဌ ဗိုလ်ချုပ်ကြီး ယွက်စစ်တို့က နှုတ်ခွန်းဆက်အမှာစကားပြောကြားကြပြီး တက်ရောက်လာကြသူများက ငြိမ်းချမ်းရေးနှင့် ဖွံ့ဖြိုးရေးဆိုင်ရာကိစ္စရပ်များအား အပြန်အလှန်ဆွေးနွေးခဲ့ကြကြောင်း သိရပါတယ်။

အဆိုပါ ဆွေးနွေးပွဲကို မေ ၂၂ ရက် ဒီကနေ့တွင် ဆက်လက်ကျင်းပသွားမှာဖြစ်တယ်လို့ဆိုပါတယ်။

ymg-mnn
#Yangon_Media_Group

Published 22 May 2022

ဂရင်းပါတီနှင့် ရာသီဥတုပြောင်းလဲမှာ အာရုံစိုက်တဲ့ တစ်သီးပုဂ္ဂလိကတွေအပေါ်မကြုံစဖူး ထောက်ခံမှုတွေ က ကွန်ဆာဗေးတစ်ညွန့်ပေါင်းရဲ့ ဆယ်စုနှစ်တစ်စုနီးပါး အုပ်ချုပ်မှုကို အဆုံးသတ်လိုက်ပြီးနောက်  ဩစတြေးလျ လေဘာပါတီဟာ နောက်အစိုးရကို တနင်္လာနေ့မှာ ဖွဲ့စည်းဖို့ရှိပါတယ်။

အလယ်-လက်ဝဲ လေဘာပါတီဟာ အောက်လွှတ်တော်၁၅၁နေရာက အများစု ၇၆နေရာရရှိဖို့ လေးနေရာ ငါးနေရာခန့် လိုအပ်နေပါတယ်။ ဒါကြောင့် ၂၀၁၃ခုနှစ်ကတည်းက လက်လွှတ်ခဲ့တဲ့ အာဏာကို ပြန်ရယူဖို့ တစ်သီးပုဂ္ဂလိကတွေနှင့် ပါတီငယ်လေးတွေရဲ့ထောက်ခံမှုလိုကောင်းလိုပါမယ်။

တိုကျိုမှာ အင်္ဂါနေ့ မှာ အမေရိကန်သမ္မတ ဂျိုးဘိုင်ဒင်၊ဂျပန်နှင့်အိန္ဒိယဝန်ကြီးချုပ်တို့နှင့်တွေ့ဆုံဆွေးနွေးကြမယ့် လေးပြည်ထောင်"Quad" အစည်းအဝေးကို သူမတက်ခင် သူဟာ ၃၁ဦးမြောက်ဝန်ကြီးချုပ်အဖြစ် အခြား ပါတီရဲ့ဝါရင့် ပါတီဝင်(၄)ဦးနှင့်အတူ  ကျမ်းသစ္စာကျိန်ဆိုမယ်လို့ လေဘာပါတီခေါင်းဆောင် အန်သိုနီအယ်ဘန်နီဆီက ပြောပါတယ်။

“ ကျွန်တော်ဟာ နိုင်ငံကို မပြောင်းလဲလိုပါဘူး။ နိုင်ငံမှာ နိုင်ငံရေးတွေ လှုပ်ရှားဆောင်ရွက်နေကြတဲ့ နည်းလမ်းကိုပဲ ပြောင်းလဲချင်ပါတယ်” လို့ ဆစ်ဒနီဆင်ခြေဖုံးရက်ကွက်က ကဖေးဆိုင်တစ်ဆိုင်က ထွက်လာတဲ့ အယ်ဘန်နီဆီက သတင်းထောက်တွေကိုပြောပါတယ်။သူဟာ အဲဒီနေရာမှာပဲ ထောက်ခံသူတွေနှင့် အမှတ်တရ ဓာတ်ပုံတွေ ရိုက်ကူးခဲ့တာပါ။

ဗြိတိန်ဝန်ကြီးချုပ် ဘောရစ်ဂျွန်ဆင်နှင့်အိမ်နီးချင်း နယူးဇီလန်ဝန်ကြီးချုပ် ဂျာဆင်ဒါအာဒန်တို့အပါအဝင် ကမ္ဘာ့ခေါင်းဆောင် တော်တော်များများက သူ့အနိုင်ရမှုကို ချီးကျုးဝမ်းသာစကားပြောခဲ့ကြပါတယ်။

လက်ရှိဝန်ကြီးချုပ် စကော့မော်ရစ်ဆန်ရဲ့ လစ်ဘရယ်ပါတီဟာ သူ့ရဲ့အမာခံ  မြို့တော်တော်များများမှာ  အမျိုးသမီး အများစုပါဝင်တဲ့ တစ်သီးပုဂ္ဂလိကတွေရဲ့ ဖြုတ်ချခြင်းခံရပါတယ်။အဲဒီအမျိုးသမီးတွေဟာ ရာသီဥတုပြောင်းလဲခြင်း၊ဂုဏ်သိက္ခာနှင့် လိင်တန်းတူရှိမှုတို့အတွက် ပိုမိုလုပ်ဆောင်ဖို့ စည်းရုံးလှုံ့ဆော်ခဲ့ကြသူတွေဖြစ်ပါတယ်။

လစ်ဘရယ်ပါတီခေါင်းဆောင်ကနေ နှုတ်ထွက်မယ့် မော်ရစ်ဆန်ကို တနင်္ဂနွေနေ့ ဘုရာရှိခိုးကျောင်းလာတက်ပုံကို ရုပ်သံမှာ ပြသခဲ့ပါတယ်။

“ကျွန်တော်တို့လျှောက်လှမ်းနိုင်ဖို့ ကြီးမားတဲ့ ဖောင်ဒေးရှင်းတစ်ခုကို ခင်ဗျားတို့က ကျွန်တော်တို့ကိုပေးခဲ့ပါတယ်။ ဒါပေမယ့် ပြီးခဲ့တဲ့လေးနှစ်လုံးလုံး အတော်ခက်ခက်ခဲခဲလျှောက်လှမ်းခဲ့ရပါတယ်” လို့ စိတ်လှုပ်ရှားနေပုံရတဲ့ မော်ရစ်ဆန်က ဘုရားကျောင်းလာသူတွေကို ပြောခဲ့ပါတယ်။

Source Reuters

#Local_News
Published_ 22 May 2022

ရခိုင်ပြည်နယ် စစ်တွေမြို့၊ စစ်တွေ-ရေချမ်းပြင် မီးရထားလမ်းပိုင်းသို့ RBE ရထားတွဲ သုံးတွဲ မေ ၂၀ ရက်က ပို့ဆောင်ခဲ့ပြီး တက္ကသိုလ်ကျောင်းသားများနှင့် အများပြည်သူအတွက် တိုးချဲ့ပြေးဆွဲမှာဖြစ်ကြောင်း သိရပါတယ်။

အဆိုပါ ရထားတွဲများမှာ ပြီးခဲ့တဲ့မတ်လကစပြီး ပြန်လည်ပြေးဆွဲနေတဲ့ ရထားလိုင်းတွင် တိုးချဲ့ပြေးဆွဲမှာဖြစ်ပြီး တက္ကသိုလ်ကျောင်းသား/ကျောင်းသူများ သွားလာရေးအဆင်ပြေစေရန် ရည်ရွယ်ပြေးဆွဲတဲ့ ရထားလိုင်းတစ်ခုဖြစ်ပါတယ်။

အဆိုပါရထားတွဲ သုံးတွဲအနက် နှစ်တွဲကို တက္ကသိုလ် ကျောင်းသား၊သူများအတွက် ဦးစားပေးပြေးဆွဲမှာဖြစ်ပြီး ကျန်တစ်တွဲကို အများပြည်သူအတွက် ပြေးဆွဲမှာဖြစ်ကြောင်း သိရပါတယ်။

တက္ကသိုလ် ကျောင်းသား၊သူများအတွက် ရထားပြေးဆွဲမှုကို ကျောင်းဖွင့်သည့် အချိန်တိုင်း ပြေးဆွဲသွားမှာဖြစ်ပြီး လူတစ်ဦးလျှင် ရထားစီးခ ၁၅၀ ကျပ်သာ ကောက်ခံမှာဖြစ်ကြောင်း သိရပါတယ်။

စစ်တွေမြို့တွင် ကွန်ပျူတာတက္ကသိုလ်၊ စစ်တွေတက္ကသိုလ်နှင့် စစ်တွေနည်းပညာ တက္ကသိုလ် စတဲ့ တက္ကသိုလ် ၃ခုရှိပြီး စစ်တွေတက္ကသိုလ်နှင့် စစ်တွေနည်းပညာတက္ကသိုလ် တို့မှာ စစ်တွေ-ရေချမ်းပြင် ရထားလမ်းပိုင်းတွင်တည်ရှိပါတယ်။

ပြီးခဲ့တဲ့ မတ် ၂၄ ရက်က စစ်တွေ- ရေချမ်းပြင် မီးရထားလမ်းပိုင်းကို ပြန်လည် ပြေးဆွဲရန် ဖွင့်လှစ်ခဲ့ပါတယ်။

ရထားလက်မှတ်ဈေးနှုန်းများမှာ ပြည်တော်သာဘူတာမှ စစ်တွေဘူတာ၊ စစ်တွေတက္ကသိုလ်ဘူတာနှင့် ဒါးပိုင်ဘူတာအထိ (၅၀) ကျပ်၊ ပြည်တော်သာ ဘူတာမှ ဇောပူဂျာဘူတာနှင့် မယ်ဇလီကုန်းဘူတာအထိ (၁၀၀) ကျပ်နှင့် ပြည်တော်သာဘူတာမှ ရေချမ်းပြင်ဘူတာအထိ (၁၅၀) ကျပ် သတ်မှတ်ထားကြောင်း သိရပါတယ်။

ymg-mnn
#Yangon_Media_Group

Published 22 May 2022

တောင်ကိုးရီးယားလူမှုအဖွဲ့အစည်းတွေဟာ သောကြာနေ့မွန်းလွဲပိုင်းက အမေရိကန်သမ္မတ ဂျိုးဘိုင်ဒင် လာရောက်တဲ့ခရီးစဉ်ကို ဆိုးလ်မြိုမှာ စီတန်းလှည့်လည်ပြီး ကန့်ကွက်ဆန္ဒပြခဲ့ကြပါတယ်။

“ ဘိုင်ဒင် တောင်ကိုးရီးယားကို လာတဲ့ခရီးဟာ စစ်အကျပ်အတည်းကို မီးလာထိုးတာ” “ ယွန်ဆောင်ယို အစိုးရအဖွဲ့ဟာ အမေရိကန်ရဲ့စစ်အေးတိုက်ပွဲအသစ်ကို ပူးပေါင်းနေတာ ဆန့်ကျင်ကြ” “ အမေရိကန်-ဂျပန်-တောင်ကိုးရီးယား စစ်ရေးပူးပေါင်းမှုဆန့်ကျင်ကြ”စတဲ့ ဆိုင်းဘုတ်တွေနှင့်ကြွေးကြော်သံတွေဟစ်ကြွေး ဆန္ဒပြကြတာဖြစ်ပါတယ်။

ယွန်ဆောင်ယိုရဲ့အစိုးရအဖွဲ့ဟာ အမေရိကန်-တောင်ကိုးရီးယား စစ်ရေးမဟာမိတ်ကိုပိုမိုတောင့်တင်းအောင်နှင့် အမေရိကန်-ဂျပန်-တောင်ကိုးရီးယား စစ်ရေးမဟာမိတ်ကိုတိုးတက်စေအောင် ပြီးတော့ ယင်းရဲ့ ရန်လိုတဲ့ စစ်ရေးမဟာဗျူဟာဟာ ကိုရီးယားကျွန်းဆယ်ရဲ့ အရှိန်မြှင့်ပြီးသား အနေအထားနှင့် ဒေသအတွင်း တင်းမာမှုတွေကို ပိုပြီး မီးလောင်ရာလေပင့်ဖြစ်စေတယ်လို့ ဆန္ဒပြသူတွေက ပြောကြပါတယ်။

အင်ဒိုပစိဖိတ်ရဲ့ စီးပွားရေးမူဘောင်လို့ခေါ်တဲ့ IPEF ကို အမေရိကန်စတင်မှာကို ဆန္ဒပြသူတွေက ဆန့်ကျင်ကြပါတယ် လို့ ပြောပါတယ်။ သူတို့နိုင်ငံဟာ အမေရိကန်နှင့်စစ်ရေးမဟာမိတ်လုပ်ပြီး လက်နက်ယှဉ်ပြိုင်မှုကို အရှိန်မြှင့်တာကို မရွေးချယ် သင့်ဘူးလို့လည်းပြောပါတယ်။ အစိုးရအနေနှင့် ငြိမ်းချမ်းရေးနှင့်ပူးပေါင်းဆောင်ရွက်ရေးကို ရွေးချယ်ဖို့ သူတို့ တောင်းဆိုလိုက်ပါတယ်။

ဘိုင်ဒင်ဟာ တောင်ကိုးရီးယားနှင့် ဂျပန်ကို လေးရက်ကြာခရီးစဉ်အဖြစ် သွားရောက်နေတာဖြစ်ပါတယ်။

Source CMG/CCTV

#Local_News
Published_ 22 May 2022

ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၌ ကမ္ဘောဇဘဏ်ငွေသိမ်းယာဉ်ပေါ်မှ ငွေကျပ်သိန်း ၃၀၀၀ လုယက်မှုကျူးလွန်ခဲ့သူများအား သက်သေခံ ပစ္စည်းများနှင့်အတူ ဖော်ထုတ်ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

၂၀၂၂ ခုနှစ်၊ မေလ ၁၃ ရက်နေ့ မွန်းလွဲ ၂ နာရီ ၅၀ မိနစ်အချိန်တွင် ကမ္ဘောဇဘဏ်မှ ဝန်ထမ်း ၃ ဦးလိုက်ပါလာသည့် ငွေသိမ်းယာဉ်ပေါ်မှ ပီနံအိတ် ၄ လုံးဖြင့် ထည့်ထားသည့် ငွေကျပ်သိန်း ၃၀၀၀ အား လုယက်ခဲ့သည့် ဖြစ်စဉ် ဖြစ်ပွားခဲ့သဖြင့် ပြစ်မှုကျူးလွန်သူများအား ဖော်ထုတ်ဖမ်းဆီးရမိနိုင်ရေး ဒဂုံမြို့သစ်(မြောက်ပိုင်း) မြို့နယ်၊ မြို့မရဲစခန်း၌ အမှုဖွင့်လှစ်ကာ စုံစမ်းစစ်ဆေးခြင်းများ ဆောင်ရွက်ခဲ့ပါတယ်။

ထိုသို့ လုယက်မှုကျူးလွန်ခဲ့သူများအား ဖော်ထုတ်ဖမ်းဆီးရမိနိုင်ရေး စုံစမ်းဖော်ထုတ်ခဲ့ရာ လုယက်မှုကျူးလွန်ရာတွင် အသုံးပြုခဲ့သည့် YGN 5H/4572 Probox အမျိုးအစား မော်တော်ယာဉ်အား စုံစမ်းရှာဖွေခဲ့ရာ အခင်းဖြစ်စဉ်က အဆိုပါ မော်တော်ယာဉ်အား AYY CC-4512 နံပါတ်ပြားမှ YGN 5H/4572 နံပါတ်ပြားသို့ ပြောင်းလဲတပ်ဆင်အသုံးပြု၍ လုယက်မှုကျူးလွန်ခဲ့ခြင်းဖြစ်ကြောင်း ဖော်ထုတ်သိရှိရသဖြင့် အဆိုပါ AYY CC-4512 Probox ယာဉ်နှင့် ယာဉ်ပိုင်ရှင်ဖြစ်သူတို့အား ထိန်းသိမ်းခေါ်ယူစစ်ဆေးခဲ့ပါတယ်။

ယာဉ်ပိုင်ရှင်ဖြစ်သူ၏ ထွက်ဆိုချက်အရ AYY CC-4512 Probox မော်တော်ယာဉ်အား ၎င်း၏သူငယ်ချင်းဖြစ်သူ ခရမ်းမြို့နယ်၊ အမှတ်(၃)ရပ်ကွက်၊ (၃)လမ်း၊ အမှတ်(၂၁၁)နေ ဝေလင်းထွန်း(၃၀)နှစ် (ဘ)ဦးတင်အောင်အား မေလ ၁၃ ရက်နေ့က ငှားရမ်းခဲ့ကြောင်း သိရှိရသဖြင့် ဝေလင်းထွန်းအား ဖမ်းဆီးရမိရေးဆောင်ရွက်ခဲ့ရာ မေလ ၁၈ ရက်နေ့ မွန်းလွဲ ၁ နာရီအချိန်တွင် သင်္ဃန်းကျွန်းမြို့နယ်၊ လေးထောင့်ကန်လမ်းရှိ “The Lord” စားသောက်ဆိုင်အနီးတွင် ဖမ်းဆီးရမိခဲ့ပါတယ်။

ဖမ်းဆီးရမိသူ ဝေလင်းထွန်း(ခ)ကိုထွန်းအား စစ်ဆေးဖော်ထုတ်ချက်အရ ကမ္ဘောဇဘဏ် ငွေသိမ်းယာဉ်ပေါ်မှငွေများအား သူငယ်ချင်းများနှင့်အတူ လုယက်ခဲ့ခြင်းဖြစ်ကြောင်း ဝန်ခံထွက်ဆို ခဲ့ပြီး လုယက်မှုကျူးလွန်သည့်နေ့တွင် ၎င်း၏ သူငယ်ချင်းများဖြစ်ကြသည့် ဇင်ကိုကိုဦး(ခ)ဇင်ကို၊ ထွဋ်ခေါင်မင်း(ခ)ထက်လင်းကျော်၊ ဇွဲပြည့်စုံမှူး(ခ)ဇွဲကြီးတို့နှင့်အတူ ပါဝင်ကျူးလွန်ခဲ့ကြကြောင်း၊ လုယက်ရာမှ ရရှိလာသည့် ငွေများအား တစ်ဦးလျှင် ငွေကျပ်သိန်း ၇၀၀ စီခွဲဝေယူဆောင်ခဲ့ကြောင်း ဖော်ထုတ်သိရှိရပါတယ်။

ဖမ်းဆီးရမိသူ တရားခံများ၏ ထွက်ဆိုချက်များအရ ၎င်းတို့အနေဖြင့် လက်ရှိဖြစ်ပေါ်နေသော အကြမ်းဖက်အဖွဲ့များ၏ အကြမ်းဖက်လုပ်ကြံသတ်ဖြတ်မှုများနှင့် မိုင်းထောင်ဖောက်ခွဲဖျက်ဆီးမှုများကြောင့် ပြည်သူလူထုများအကြား စိုးရိမ်ထိတ်လန့်မှုများနှင့် လုံခြုံရေးတပ်ဖွဲ့ဝင်များ၏ အလစ်အငိုက်အပေါ် အခွင့်ကောင်းယူကာ ငွေကြေးလိုအပ်ချက်အပေါ် အခြေခံပြီး ဒုစရိုက်မှုကို ကျူးလွန်ခဲ့ကြခြင်းဖြစ်ကြောင်း သိရပါတယ်။

ဖြစ်စဉ်တွင် လုယက်မှုကျူးလွန်သူ တရားခံအမျိုးသား ၅ ဦးနှင့် ပူးပေါင်းပါဝင်သူ အမျိုးသမီးတစ်ဦးတို့အား သက်သေခံပစ္စည်းများဖြစ်သည့် ငွေကျပ် ၂၂၁၀ သိန်းနှင့် လုယက်မှု ကျူးလွန်စဉ် အသုံးပြုခဲ့သည့် AYY CC-4512 Probox ယာဉ် ၁ စီး၊ လုယက်မှုကျူးလွန်ရာမှရရှိသည့် ငွေများဖြင့် ဝယ်ယူထားသည့် 82W-40613 Honda PCX ဆိုင်ကယ် ၁ စီး၊ ရွှေဆွဲကြိုး ၁ ကုံး၊ Xiaomi အမျိုးအစား လက်ကိုင်ဖုန်း ၁ လုံး၊ Vivo အမျိုးအစား လက်ကိုင်ဖုန်း ၁ လုံးနှင့် Redmi Note 11 အမျိုးအစား လက်ကိုင်ဖုန်းတစ်လုံးတို့အား ဖော်ထုတ်သိမ်းဆည်းရမိခဲ့ပြီး ဖမ်းဆီးရမိ တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး ဆက်လက်ဆောင်ရွက်လျက်ရှိကြောင်း နစကမှ သတင်းထုတ်ပြန်ထားပါတယ်။

ymg-mnn
#Yangon_Media_Group