Published 10 Oct 2022
မလေးရှားဝန်ကြီးချုပ် အစ်စမေးလ်ဆာဘရီယာကော့က ပါလီမန်ကိုဖျက်သိမ်းကြောင်း အောက်တိုဘာ ၁၀ရက် တနင်္လာနေ့ ကကြေညာပါတယ်။ အဲသလိုဖျက်သိမ်းလိုက်တဲ့အတွက် ဒီနှစ်မကုန်ခင် အမျိုးသားရွေးကောက်ပွဲကို ကျင်းပပေးဖို့ လမ်းပွင့်သွားတာဖြစ်ပါတယ်။
တိုင်းပြည်ကို ရုပ်သံကနေတစ်ဆင့် မွန်းလွဲ(၃)နာရီမှာ မစ္စတာအစ်စမေးလ်က မိန့်ခွန်းပြောရာမှာ သူ့အနေနှင့် ပါလီမန်ကိုဖျက်သိမ်းဖို့ ဘုရင်မင်းမြတ်ဆီက နေ့လယ်က ခွင့်ပြုချက်သွားတောင်းခံခဲ့ရာမှာ သူ့ရဲ့မေတ္တာရပ်ခံချက်ကို မလေးရှားဘုရင်က လက်ခံခဲ့ကြောင်းပြောဆိုသွားပါတယ်။
ဖက်ဒရယ်အဆင့် အထွေထွေရွေးကောက်ပွဲကြောင့် ဆာဘား၊ဆာရာဝတ်၊ဂျိုဟောနှင့် မလက္ကာတို့ကလွဲပြီး ကျန် ပြည်နယ်အစိုးရတွေအနေနှင့် သူတို့ရဲ့ သက်ဆိုင်ရာ ပြည်နယ်လွှတ်တော်တွေကို တစ်ရက်တည်း ဖျက်သိမ်းကြဖို့ တိုက်တွန်းပါတယ်” လို့ သူကပြောသွားပါတယ်။
“ ပြည်သူတွေ ဝန်ထုတ်ဝန်ပိုးမဖြစ်စေဖို့အတွက် ပြည်နယ်နှင့် ဖက်ဒရယ်အဆင့်ရွေးကောက်ပွဲတွေကို တစ်ရက်တည်း ပြိုင်တူကျင်းပတာပိုကောင်းပါတယ်” လို့လည်း သူက ဖြည့်စွက်ပြောပါတယ်။
ရွေးကောက်ပွဲ ကိုယ်စားလှယ်လောင်းအဆိုပြုရက်၊မဲပေးရမယ့်ရက်နှင့်အခြားဆက်စပ်ရက်တွေကို ရွေးကောက်ပွဲ ကော်မရှင်က ဆုံးဖြတ်ပေးပါလိမ့်မယ်လို့ မလေးရှားဝန်ကြီးချုပ်ကပြောပါတယ်။
Source: CNA
#Malaysia_Politics
#Ismail_Sabri_Yaakob
#Malaysia_Parliament_Dissolved
#World_Politics
Published 10 October 2022
ထိုင်ဝမ်နဲ့ တရုတ်တို့ကြား စစ်ပွဲဖြစ်စရာလုံးဝမလိုအပ်ဘူးလို့ ထိုင်ဝမ်သမ္မတ'ဆိုင်အင်ဝမ်'က တနင်္လာနေ့က ဆိုပါတယ်။
သူမက တရုတ်နဲ့ ဆွေးနွေးပြောဆိုသွားဖို့ ဆန္ဒရှိကြောင်း အကြိမ်ကြိမ်ပြောကြားထားသလို အဆင့်မြင့်ဒုံးကျည်များဖြင့် ထိုင်ဝမ်ကျွန်းရဲ့ကာကွယ်ရေးကိုလည်း အားကောင်းအောင်ပြုလုပ်သွားဖို့ ကတိပြုလိုက်ပါတယ်။
ဒီမိုကရေစီနည်းလမ်းနဲ့ အုပ်ချုပ်နေတဲ့ ထိုင်ဝမ်ကို တရုတ်က သူတို့အပိုင်နယ်မြေလို့ဆိုလိုက်ကာ တရုတ်ရဲ့ စစ်ရေးရော နိုင်ငံရေးဖိအားများပါ သက်ရောက်နေပါတယ်။
အထူးသဖြင့် အမေရိကန်အောက်လွှတ်တော်ဥက္ကဌ'နန်စီပယ်လိုစီ' ထိုင်ဝမ်ကို လာရောက်ပြီးနောက် တရုတ်က စစ်ရေးလေ့ကျင့်မှုများပါ ပြုလုပ်လာပါတယ်။
ထိုင်ဝမ်ပဋိပက္ခက အမေရိကန်၊ ဂျပန်နဲ့ ကမ္ဘာနေရာအနှံ့အပြားပါ ပါဝင်လာတဲ့အထိဖြစ်စေပြီး ကမ္ဘာ့စီးပွားရေးပြိုလဲသွားနိုင်ပါတယ်။
အထူးသဖြင့် ထိုင်ဝမ်ဟာ စမတ်ဖုန်းများ၊ တက်ဘလက်များကနေ ဂျက်လေယာဉ်များမှာအထိ အသုံးပြုတဲ့ တစ်ပိုင်းလျှပ်ကူးပစ္စည်းများကို အဓိကထုတ်လုပ်နေသူဖြစ်ပါတယ်။
'ဆိုင်အင်ဝမ်'က သမ္မတရုံးအပြင်ဘက်မှာ အမျိုးသားနေ့မိန့်ခွန်းပြောကြားရာမှာ ထိုင်ဝမ်ရေလက်ကြားနဲ့ ဒေသတွင်းရှိ ငြိမ်းချမ်းရေးနဲ့ တည်ငြိမ်ရေးကို တရုတ်ကအရှိန်မြှင့်ခြိမ်းခြောက်လာခြင်းအတွက် စိတ်မကောင်းဖြစ်မိကြောင်း ပြောကြားခဲ့ပါတယ်။
ထိုင်ဝမ်ပြည်သူများရဲ့ ဒီမိုကရေစီနဲ့ လွတ်လပ်ရေးဆိုင်ရာ ကတိကဝတ်များမှာ တရုတ်အနေနဲ့ ဝင်ရောက်စွက်ဖက်ဖို့ မသင့်ဘူးလို့ ပြောကြားခဲ့ပါတယ်။
"ကျွန်မတို့နှစ်နိုင်ငံစလုံးအနေနဲ့ လက်နက်ကိုင်ပြီး ထိပ်တိုက်တွေ့ဆုံမှုဖြစ်လာအောင် မရွေးချယ်သင့်ဘူးလို့ တရုတ်အာဏာပိုင်များကို ရှင်းရှင်းလင်းလင်း ပြောချင်ပါတယ်၊ ထိုင်ဝမ်ပြည်သူများအတွက် အချုပ်အခြာအာဏာ၊ ဒီမိုကရေစီ၊ လွတ်လပ်ခွင့်များဖြင့်သာ ထိုင်ဝမ်ရေလက်ကြားတလျှောက် အပြန်အလှန်ဆက်ဆံရေးပြန်လည်စတင်ရန် အခြေခံအုတ်မြစ်ဖြစ်လာမှာပါ" လို့ ပြောကြားခဲ့ပါတယ်။
တင်းမာမှုများပြေလျော့ရန် ကပ်ရောဂါနောက်ပိုင်း ကျန်းမာရေးနဲ့ လူမျိုးချင်းဖလှယ်ရေးကိစ္စများမှာ တဖြည်းဖြည်းပြန်လည်စတင်သွားရန် အစိုးရအဖွဲ့က မျှော်လင့်ထားပါတယ်။
ကိုယ်ပိုင်စစ်တပ်ဖြင့် ခေတ်မီတဲ့အစီအစဉ်များ အရှိန်မြှင့်လုပ်ဆောင်နေတဲ့ တရုတ်ရဲ့နှောင့်ယှက်မှုကို ဟန့်တားနိုင်လောက်တဲ့ အခြေအနေထိရောက်အောင် ထိုင်ဝမ်ကာကွယ်ရေးကို အဆင့်မြှင့်ထားပါတယ်။
ထိုင်ဝမ်က ယင်း၏ကိုယ်ပိုင်ကာကွယ်ရေးအတွက် တာဝန်ရှိကြောင်း ကမ္ဘာကြီးကိုပြသသွားမယ်လို့ 'ဆိုင်'က ဆိုပါတယ်။
ထိုင်ဝမ်အရေးကိစ္စတင်းမာလာခြင်းက စိုးရိမ်ပူပန်မှုများမြင့်တက်လာပြီး ဆားကစ်ပြားထုတ်လုပ်ရေးမှာ စိုးရိမ်လာရပါတယ်။
"ကျွန်မရဲ့ပြည်သူတွေနဲ့ နိုင်ငံတကာအသိုင်းအဝိုင်းကို အသိပေးချင်တာက ထိုင်ဝမ်ကထုတ်လုပ်တဲ့ တစ်ပိုင်းလျှပ်ကူးပစ္စည်းတွေကိစ္စက မစွန့်စားသင့်တာပါပဲ"
Source: Reuters
#Yangon_Media_Group
#World_Health
Published 10 October 2022
အော်တစ်ဇင်ရှိတဲ့သူတွေရဲ့ ဆဲလ်တွေကနေ ဦးနှောက်ကဲ့သို့ အော်ဂဲနွိုက်များထွက်ပေါ်လာခြင်းက ဦးနှောက်ထဲမှာ အလွန်လှုပ်ရှားမှုပြင်းထန်တဲ့ အာရုံကြောများဖြစ်ပေါ်စေပြီး ဦးနှောက်ချို့ယွင်းမှု ဖြစ်ပေါ်လာစေတာဖြစ်ပါတယ်။
အော်ဂဲနွိုက်ဆိုတာက အင်္ဂါတစ်ခုကဲ့သို့ ဆဲလ်အတုများထွက်ပေါ်လာတာဖြစ်ပြီး ဦးနှောက်အစိတ်အပိုင်းတစ်ခုနဲ့ ဆင်တူပါတယ်။
အူတာကျန်းမာရေးတက္ကသိုလ်မှ သုတေသီများက ဒီအစိတ်အပိုင်းကို အနီးကပ်လေ့လာနေကြဆဲဖြစ်ပါတယ်။
အော်တစ်ဇင်ဖြစ်တဲ့လူတွေရဲ့ ပင်မစတမ်းဆဲလ်တွေကို ဓာတ်ခွဲခန်းမှာစမ်းသပ်ကြည့်ရာ အစေ့အရွယ်အစားကဲ့သို့ ဦးနှောက်တွေ ဖြစ်ပေါ်လာကာ ဒီလိုလူတွေမှာ အာရုံကြောမျှင်လေးတွေက ဘယ်လိုမျိုးကွဲပြားသွားလဲဆိုတာကို လေ့လာခဲ့ကြပါတယ်။
အော်ဂဲနွိုက်များရရှိရန် ဦးနှောက်များ ပုံမှန်အတိုင်းဖွံ့ဖြိုးပုံနဲ့ လူသားပင်မစတမ်းဆဲလ်များအတိုင်း လေ့လာခဲ့ကြပါတယ်။
ဆဲလ်တွေက လတွေကြာတဲ့အခါ သူ့ဘာသာဖွံ့ဖြိုးလာကြကာ အရွယ်အစားကြီးမားလာကြပြီး သန္ဓေသားလောင်းရဲ့ ဦးနှောက်ဖွံ့ဖြိုးမှုအတိုင်း ဖြစ်ပေါ်လာပါတယ်။
၅ လလောက်အကြာမှာတော့ အော်ဂဲနွိုက်တွေက လူသားဦးနှောက်ကဲ့သို့ ပုံသဏ္ဍာန်ပြောင်းလဲလာကြောင်း အူတာကျန်းမာရေးတက္ကသိုလ်မှ ဇီဝအာရုံကြောတွဲဖက်ပရော်ဖက်ဆာ'အဲလက်စ်ရှချီဂလိုဗီတော့ဗ်'က ပြောပြခဲ့ပါတယ်။
ဒီတည်ဆောက်ပုံတွေက ဦးနှောက်အပြင်ဆုံးအလွှာမှာတွေ့ရတဲ့ အာရုံကြောများနဲ့ အခြားဆဲလ်အမျိုးအစားများအတိုင်း ပါဝင်ပါတယ်။
ထိုအစိတ်အပိုင်းဟာ ပြောဆိုနားလည်နိုင်စွမ်း၊ စိတ်ခံစားချက်၊ ကျိုးကြောင်းဆီလျော်မှု၊ အခြားအဆင့်မြင့်စိတ်ပိုင်းဆိုင်ရာဖြစ်စဉ်တွေနဲ့ ဆက်စပ်နေပါတယ်။
ထိုကဲ့သို့အော်ဂဲနွိုက်တွေက တိရိစ္ဆာန်တွေမှာ တဖြည်းဖြည်းဝင်ရောက်လာနိုင်ပြီး အာရုံကြောချို့ယွင်းမှုများဖြစ်ပေါ်ကာ Planet of the Apes ဇာတ်ကားထဲကလို ဖြစ်လာမှာကို အချို့သုတေသီများ စိုးရိမ်နေကြပါတယ်။
ဦးနှောက်အော်ဂဲနွိုက်ရှိသူတွေမှာ ကျင့်ဝတ်ပြဿနာတွေ ဖြစ်လာနိုင်တဲ့အကြောင်း ကျိုတိုတက္ကသိုလ်အဖွဲ့က သတိပေးလိုက်ပါတယ်။
ဒါဟာ အရမ်းကြီး ရှေ့ရောက်နေသလိုဖြစ်ပေမယ့် အော်ဂဲနစ်တွေက လူသားတွေမှာ ပြဿနာဖြစ်လာနိုင်တဲ့အကြောင်းကို အသိပေးချင်ကြတာဖြစ်ပါတယ်။
အော်ဂဲနွိုက်တွေကို ၂၀၀၈ ခုနှစ်တုန်းက စတင်ဖန်တီးခဲ့ကာ လူသားတွေဆီမှ ပင်မစတမ်းဆဲလ်ကဲ့သို့ 3D ပုံစံဦးနှောက်တစ်ရှူးများဖြစ်ပါတယ်။
တိရိစ္ဆာန်တွေထဲမှာ လူသားဦးနှောက်ထည့်သွင်းကာ ဖွံ့ဖြိုးလာစေခြင်းက သိပ်ပြီးပြဿနာမဟုတ်ပေမယ့် ဒီနည်းဖြင့် မှတ်ဉာဏ်ချို့ယွင်းခြင်းပြဿနာများကို ကုသနိုင်အောင် ကူညီပေးပါတယ်။
အော်ဂဲနွိုက်များဖြင့် သိပ္ပံပညာရှင်များက လူသားဦးနှောက်အကြောင်း ပိုမိုသိရှိလာရသလို ချို့ယွင်းမှုများ ဖြစ်ပေါ်လာပုံကိုလည်း သိရှိစေနိုင်ပါတယ်။
Source: Daily Mail
#Yangon_Media_Group
#Health_Tips
Published 10 October 2022
ကျောက်ကပ်မှာ ပုံဆောင်ခဲလေးတွေ ဖြစ်ပေါ်လာတဲ့အခါ ကျောက်တည်ခြင်း ဖြစ်ပေါ်လာပါတယ်။
ဒီပုံဆောင်ခဲလေးတွေက ကျောက်ကပ်တွေမှာရော ဆီးလမ်းကြောင်းမှာပါ စူးရှနာကျင်စေပါတယ်။
ကျောက်ကပ်ထဲက ကျောက်တွေက ကြီးလွန်းပြီး မပျော်ဝင်နိုင်တော့တဲ့အခါ ခွဲစိတ်ဖို့ လိုအပ်လာပါတယ်။
ကျောက်ကြေနိုင်လောက်တဲ့ အခြေအနေဆိုရင်လည်း သဘာဝအတိုင်း ကြေနိုင်မယ့်နည်းလမ်းတွေ ရှိနေနိုင်ပါတယ်။
(၁) ရေ
လုံးဝကျောက်ကြေဖို့အတွက်ဆိုရင် ရေသောက်တယ်ဆိုတာထက် ပိုမိုလိုအပ်ပါတယ်။
ရေသောက်တဲ့အခါ ဆီးလမ်းကြောင်းကနေ ဆီးအဖြစ်မထွက်သွားခင် ကျောက်တွေကို ကြေစေနိုင်ပါတယ်။
လူကြီးတစ်ယောက်အတွက် တစ်နေ့ကို ရေ ၂ လီတာသောက်ပေးဖို့ အထူးအကြုံပြုလိုက်ပြီး ပူလွန်းတဲ့အခါမျိုးနဲ့ လှုပ်ရှားမှုများတဲ့အခါဆိုရင် နေ့ဘက်အတွင်းမှာပဲ ရေ ၂ လီတာထက် ပိုသောက်ပေးဖို့ အကြံပြုပါတယ်။
သောက်တဲ့အခါမှာ တထိုင်တည်းနဲ့ အများကြီးသောက်တာမျိုးမဟုတ်ဘဲ တစ်နေ့ခင်းလုံး အညီအမျှခွဲသောက်သင့်ပါတယ်။
ညစာစားပြီးချိန်နဲ့ မအိပ်ခင်အချိန်အတွင်း ရေလီတာတဝက်ခန့်သောက်သုံးသင့်ပါတယ်။
ညအိပ်ရာနိုးတဲ့အခါလည်း ရေသောက်ဖို့တွန့်ဆုတ်မနေပါနဲ့။
(၂) သံပရာရည်
လေ့လာချက်များအရ သံပရာရည်က ကျောက်ကြေစေပါတယ်။
သံပရာရည်က ဆစ်ထရစ်အက်ဆစ်ကြွယ်ဝကာ ဆီးရဲ့ pH ဓာတ်ကို အယ်လ်ကာလိုင်းဖြစ်စေပါတယ်။
အယ်လ်ကာလိုင်းဖြစ်တဲ့အခါ ကျောက်ကပ်မှာ ကျောက်တည်ခြင်းဖြစ်နိုင်ချေကို လျှော့ချပေးပါတယ်။
ကျောက်ကြေဖို့အတွက် တစ်နေ့ကို သံပရာရည် ၈၅ မီလီလီတာသောက်သုံးသင့်ပါတယ်။
(၃) သလဲသီး
သလဲသီးက အန်တီအောက်ဆီဒင့်ဖြစ်ပြီး ဆီးကျိတ်ကင်ဆာကို ကာကွယ်ပေးနိုင်ပါတယ်။
သလဲသီးက ဆီးရဲ့အက်ဆစ်ဓာတ်ကို လျှော့ချပေးကာ ကျောက်တည်ခြင်းနဲ့ ပိုမိုဆိုးရွားခြင်း ဖြစ်မလာအောင် ကူညီပေးပါတယ်။
ဆီးလမ်းကြောင်း ကြွက်သားတွေကို ပြေလျှော့စေတာကြောင့် ကျောက်ဖယ်ရှားရာမှာ လွယ်ကူစေပါတယ်။
သလဲသီးကို အသီးလိုက်စားသုံးနိုင်သလို ဖျော်ရည်အဖြစ်လည်း သောက်သုံးနိုင်ပါတယ်။
Source: Soo Healthy
#Yangon_Media_Group
Published 9 Oct 2022
ကမ္ဘာလုံးဆိုင်ရာ စီးပွားရေးဟာ ခက်ခဲတဲ့ လမ်းခွဆုံကို ရောက်နေပြီလို့ ကမ္ဘာ့ငွေကြေးရန်ပုံငွေအဖွဲ့ က သတိပေးလိုက်ပါတယ်။ ငွေကြေးဖောင်းပွမှု တစ်ဟုန်ထိုးမြင့်တက်ခြင်း၊အတိုးနှုန်းများတက်နေခြင်းနှင့် ကျယ်ပြန့်လာနေတဲ့ အကြွေးအကျပ်အတည်းတွေအပါအဝင် များလှစွာသော ဆိုးရွားမှုတွေရိုက်ခတ်နေတဲ့အတွက် ကမ္ဘာ့စီးပွားရေး အကျပ်အတည်းတစ်ခုရောက်ရှိနေတယ်လို့ ကမ္ဘာ့ကျန်းမာရေးအဖွဲ့ မန်နေဂျင်းဒါရိုက်တာ ခရစ်စတယ်လီနာ ဂျော့ဂီဗာ က ပြောပါတယ်။ ဒါပေမယ့် ဒီမုန်တိုင်းကို ခံနိုင်ရည်ရှိစေဖို့ အဖွဲ့အစည်းတွေဟာ ပိုမိုကောင်းမွန်အောင် ပြင်ဆင်ထားနေတယ်လို့လည်း သူမက ပြောပါတယ်။
Source AFP
#IMF
#Global_Economy
#Global_Economy_Crisis
Published 9 October 2022
အသက်၂၃ နှစ်အရွယ် အင်္ဂလိပ်အမျိုးသားတစ်ဦးဟာ သူ့ဘဝတစ်လျောက်လုံးမှာ ဘယ်မိန်းကလေးကိုမှ မချိန်းတွေ့ဖူးပါဘူး။ သူ့မှာရည်းစားလည်းမရှိပါဘူး။ အဲဒါကြောင့် သူဟာ သူ့ရဲ့မြို့ကလေးအနီးက အဝေးပြေးလမ်းမကြီးပေါ်မှာ ဘီဘုတ်ခ် ကြေညာဆိုင်းဘုတ်ကြီးတစ်ခုကို ငှားပြီး သူ့ကိုယ်သူ ကြေညာလိုက်ပါတော့တယ်။
အက်ဒ်ချက်မင်းဟာ သူ့ရဲ့ဆယ်ကျော်သက်ရွယ်ဘဝ၊ အသက် ၂၀စွန်းစအထိ ရည်းစားကောင်မလေးကို သမားရိုးကျနည်းလမ်းမျိုးစုံနှင့် လူမှုပွဲလမ်းတွေနှင့် ချိန်းဆိုပေးတဲ့ အက်ပလီကေးရှင်းတွေလိုမျိုးနှင့် ရှာဖွေခဲ့ပေမယ့် မအောင်မြင်ခဲ့ပါဘူး။
အဲဒါကြောင့် လိဒ်မြို့သား သူဟာ ဒီအချိန်မှာတော့ မတူတဲ့နည်းလမ်းသုံးမှပဲရတော့မယ်လို့ ဆုံးဖြတ်လိုက်ပါတော့တယ်။ အဲဒီနောက်သူဟာ M621 အမြန်လမ်းမကြီးအနီးမှာ ကြီးမားတဲ့ ကြေညာဘုတ်ကြီးတစ်ခုကို ငှားလိုက်ပါတယ်။ အဲသလိုလုပ်လိုက်တဲ့အတွက် သူ့ဘဝမှာ တစ်ခါမျှမကြုံစဖူးတဲ့ အောင်မြင်မှုကိုရရှိလိုက်ပါတယ်။ သူ့ဆီကို ရည်းစားဖြစ်နိုင်တဲ့ ကောင်မလေးတွေ အများကြီးဆီက မက်ဆေ့ချ်တွေ ရောက်ရှိလာလို့ဖြစ်ပါတယ်။
“ အနည်းဆုံးရည်စားတစ်ယောက်လောက်တော့ ရှိခဲ့သင့်ပြီဆိုတဲ့ အသက်ကို ကျွန်တော်ရောက်လာပြီ။ ဒါပေမယ့် ၂၃နှစ်လုံးလုံး ကျွန်တော့်မှာ တစ်ယောက်တည်းနေခဲ့ရတယ်။ အဲဒါကြောင့် ကျွန်တော်နှင့် ရည်စားတော်ချင်တဲ့ သူတစ်ဦးဦး ရှာဖို့ ကျွန်တော်အဆင်သင့်ဖြစ်ခဲ့တာပါ” လို့ ချက်မင်းကပြောပါတယ်။
“ ကျွန်တော် ချိန်းတွေတဲ့ ဒိတ်တင်း အက်ပလီကေးရှင်းတွေ သုံးကြည့်သေးတယ်။ ဒါပေမယ့် ကျွန်တော့် အတွက် အဆင်မပြေဘူးဗျ။ အဲဒါကြောင့် မတူတဲ့နည်းလမ်းနှင့်လုပ်ကြည့်မှရမယ်လို့ ကျွန်တော်ဆုံးဖြတ်ခဲ့တယ်။ ကိုယ်ပိုင် ဘီဘုတ်နှင့်ဆိုရင် လူတွေကိုတွေ့နိုင်မယ့် နည်းလမ်းကောင်းတစ်ခုဖြစ်လိမ့်မယ်လို့ ကျွန်တော်တွေးမိပါတယ်” လို့ သူက ဖြည့်စွက်ပြောပါတယ်။
ကိုယ့်ရဲ့မျက်နှာကြီးကို ဘီဘုတ်ပေါ်တင်ပြီး “ ကျွန်တော်နှင့်ချိန်းတွေ့ပါ” လို့ စာရေးကြေညာရတဲ့အလုပ်အတွက် အတော်သတ္တိကောင်းဖို့တော့လိုပါတယ်။ အထူးသဖြင့် တစ်ခါမှ ချိန်းမတွေ့ဖူးတဲ့သူတွေအတွက်ပိုလိုပါတယ်။ ဒါပေမယ့် အက်ဒ်ရဲ့ကိစ္စမှာတော့ စွန့်စားရကျိုးနပ်သွားတဲ့သဘောရှိပါတယ်။ ဘီဘုတ်တင်လိုက်တဲ့ ပထမဆုံးနေ့မှာပဲ သူနှင့်ချိန်းတွေ့ဖို့ စိတ်ဝင်စားတဲ့ အမျိူးသမီးတစ်ဦးဆီက ပထမဆုံးမက်ဆေ့ချ်ကို သူရရှိလိုက်ပါတယ်။
“ ကြော်ငြာဘုတ်တင်တဲ့ ပထမနေ့မှာတင်ပဲ ပထမဆုံးမက်ဆေ့ရပါတယ်။ အဲဒီကတည်းက အသက် ၁၈နှစ်နှင့် ၄၈နှစ်အကြား အမျိုးသမီး တွေဆီက မက်ဆေ့အချို့ ကျွန်တော်ဆက်ပြီးရခဲ့ပါတယ်” လို့ သူက ကာတာစ် သတင်းဌာနကိုပြောပါတယ်။
“ ဒါဟာ ရောသမမွှေတစ်ခုပဲ၊ စိတ်လှုပ်ရှားဖို့တော့ တကယ်ကောင်းတယ်ဗျ။ ပြီးတော့ ဒါဟာ ကျွန်တော့်အတွက် အကောင်းတွေလာတော့မယ်ဆိုတဲ့ သဘောလက္ခဏာပဲ” လို့သူကပြောပါတယ်။
ဘီဘုတ်နှင့် အချစ်ကိုရှာတာ သူ့အရင်မှာလည်းရှိခဲ့ဖူးပါတယ်။ ပြီးခဲ့တဲ့နှစ်က ဒိတ်တင်း အပလီကေးရှင်းနှင့် အလုပ်မဖြစ်တဲ့ အင်္ဂလိပ်တစ်ယောက်အဲသလိုသုံးခဲ့ပါတယ်။ ၂၀၁၉မှာလည်း ဒီနည်းအတိုင်း ထူးခြားဆန်းကြယ်တဲ့ မာမွန်မီလျံနာတစ်ဦးလုပ်ခဲ့ပါတယ်။၂၀၁၃ခုနှစ်တုန်းက တစ်ခါ အိမ်ထောင်မရှိတဲ့ လုပ်ငန်းရှင်တစ်ဦးက ဘီဘုတ်မှာ ကြေညာခဲ့တာဖြစ်ပါတယ်။
Source: dailymail.uk
#Ed_Chapman
#Billboard_find_love
#UK
Published 9 October 2022
တစ်ယောက်နှင့်တစ်ယောက်အမြဲ ယှဉ်ပြီးအပြောခံနေရတဲ့ ဂျပန်နိုင်ငံကအမြွှာညီအစ်မနှစ်ယောက်ဟာ အဲဒါကို မခံစားနိုင်တော့တဲ့အဆုံး နောက်ဆုံးမှာ နှစ်ယောက်စလုံး မျက်နှာပြင်ခွဲစိတ်ဖို့သဘောတူကြပြီး ခွဲစိတ်မှုခံခဲ့ကြပါတယ်။
အမြွှာညီအစ်မ ချီနှင့် ချီကာယိုရှီကာဝါတို့ဟာ သူတို့လိုချင်တဲ့ မျက်နှာသွင်ပြင်ရရှိအောင် မျက်နှာပြင်ခွဲစိတ်မှုကို ထပ်ကာလုပ်ခဲ့ကြတာတွေကြောင့် သူတို့ရဲ့ မွေးရပ်မြေ ဂျပန်နိုင်ငံမှာ လူသိများကျော်ကြားနေကြပါတယ်။
အသက်နှစ်ဆယ်စွန်းတုန်းက သူတို့ပုံတွေနှင့် ယခုအသက် ၃၄နှစ်အရွယ်ပုံတွေကြည့်လိုက်ရင် သူတို့နှစ်ဦးဟာ လုံးဝမတူတဲ့ အမျိုးသမီးငယ်တွေအဖြစ် အသွင်ပြောင်းလဲသွားကြတာကိုတွေ့နိုင်ပါတယ်။သူတို့ဟာ အင်စတာဂရမ်နှင့် တွစ်တာမှာပုံတွေတင်ဖို့ မိတ်ကပ်တွေနှင့် အလှပြင်ခဲ့ကြပေမယ့် သေသေချာချာကြည့်ရင် သူတို့ရဲ့ မျက်လုံးနှင့် နှာခေါင်း ပုံသဏ္ဍာန်တွေဟာ မူလရုပ်နှင့်လုံးဝမတူကွဲပြားသွားတာသိသာပါတယ်။
ညီအစ်မနှစ်ယောက်ဟာ မျက်နှာပြင်ခွဲစိတ်အလှပြုပြင်ရေးအတွက် တစ်ဦးကို ယန်းသန်း၄၀ (ဒေါ်လာ နှစ်သိန်းခုနှစ်သောင်း ငါးထောင်) အကုန်အကျခံခဲ့ကြတာပါ။ အဲဒီခွဲစိတ်မှုတွေမှာ filler injections ၊မျက်နှာပြင်မတင်တာက အစ နှာခေါင်းပြုပြင်တာ မျက်ရစ်ခွဲစိတ်တာတွေအထိပါဝင်ပါတယ်။
သူတို့နှစ်ဦးဟာ ငယ်စဉ်တုန်းက အမြဲယှဉ်အပြောခံရတာကို သတိရနေကြပါတယ်။ တစ်ယောက်ကို ပိုချစ်စရာ ကောင်းတယ်လို့ အပြောခံရတာမျိုး၊ တစ်ယောက်ကစာပိုတော်တယ်အပြောခံရတာမျိုး၊ တစ်ယောက်က ပိုပြီးစမတ်ဖြစ်တယ်ဆိုတာမျိုး၊ တစ်ယောက်က အားကစားပိုတော်တယ်လိုမျိုး အမြဲအပြောခံခဲ့ကြရတာလို့ သူတို့ကပြောပါတယ်။
အဲသလိုနှိုင်းအပြောခံရတာတွေဟာ သူတို့ရဲ့စိတ်ကျန်းမာရေးအပေါ် မကောင်းတဲ့ဆိုးကျိုးဖြစ်စေပါတယ်။ သူတို့ဟာ သူတို့ရဲ့မျက်နှာတွေကို မှန်မှာကြည့်ပြီး မလှတဲ့အစိတ်အပိုင်းတွေကို ရှာခဲ့ကြပါတယ်တဲ့။ သူတို့ဟာ ခွဲစိတ်လို့ရတဲ့ အရွယ်ရောက်တဲ့အခါ အကြီးမ ချီက အရင်ဆုံးခွဲစိတ်ခံပါတယ်။ ချီရဲ့ ရလာဒ်ကိုကြည့်ပြီး အငယ်မ ချီကာက ဆက်ပြီး ခွဲစိတ်ခံတာဖြစ်ပါတယ်။ နှစ်ယောက်ခွဲစိတ်ခံရတဲ့ အဆင့်တွေမတူကြပေမယ့် နှစ်ယောက်စလုံးက တစ်ယောက်ကို ယန်းသန်း၃၀ဆီမျှခံကြတာပါလို့ပြောပါတယ်။
အစပထမမှာတော့ သူတို့ဟာ နှိုင်းယှဉ်အပြောခံရတာတွေမုန်းလို့ နှစ်ယောက်စလုံးချွတ်စွတ်တူအောင်လုပ်ချင်ကြပါတယ်။ ဒါပေမယ့် အချိန်ကြာလာတာနှင့်အမျှ သူတို့တစ်ယောက်စီမှာမတူတဲ့ အလှကလေးတွေရှိတယ်လို့ သဘောပေါက်သွားကြပါတယ်တဲ့။
သူတို့ဟာ ပထမအကြိမ်မျက်နှာပြင်ခွဲစိတ်ပြုပြင်ပြိးနောက် ဆိုရှယ်မီဒီယာတွေပေါပုံတွဲတင်ပါတယ်။ ကြည့်ရသူတွေက ဝေဖန်ကြတာကိုနားထောင်ပြီး ပြန်ပြင်လိုက် နားထောင်လိုက်ခဏခဏလုပ်ခဲ့ကြပါတယ်။ ဒါပေမယ့် နောက်ဆုံးမှာ လူ့အလို နတ်မလိုက်နိုင်တာလို အားလုံးအကြိုက်တော့မဖြစ်နိုင်ဘူးဆိုတာသိလို့ အဲဒီအလုပ်ကိုရပ်လိုက်တယ်လို့ ပြောပါတယ်။
အခုအသက် ၃၄နှစ်အရွယ်ရောက်ပြီဖြစ်တော့ ချီနှင့်ချီကာတို့က အလှအပစံညွှန်းတွေနှင့် လူကြိုက်ဦးတည်ရာတွေဟာ အမြဲပြောင်းလဲနေလို့ ကိုယ့်ကိုကိုယ်စိတ်ကျေနပ်ဖို့အတွက် အဲဒီအပြောင်းအလဲတွေနောက် အမြဲလိုက်စရာမလိုတော့ဘူးဆိုတာကို သိမြင်သဘောပေါက်လာကြပါတယ်လို့ သတင်းကရေးသားပါတယ်။
Source: aramajapan.com
#Chie_Chika
#Twin_Girls_plastic_surgery
#Japan_Beauty_industry
Page 525 of 774