၁၂ နိုဝင်ဘာ ၂၀၂၄

▪️ရန်ကုန်မြို့အခြေစိုက် အိန္ဒိယသံရုံး ယဉ်ကျေးမှုဌာန၊ အိန္ဒိယစင်တာက ကျင်းပတဲ့ “ ရာမယဏပန်းချီပြပွဲ" ကို ရန်ကုန်မြို့ရှိ အမျိုးသားပြတိုက်တွင် နိုဝင်ဘာ ၈ ရက်မှ ၁၅ ရက်နေ့အထိဖွင့်လှစ်ပြသနေပါတယ်။
▪️ဖွင့်ပွဲအခမ်းအနားကို ယနေ့ နိုဝင်ဘာ ၁၂ ရက် ညနေ (၄)နာရီက အဆိုပါ အမျိုးသားပြတိုက်ခန်းမတွင်ကျင်းပခဲ့ရာ အိန္ဒိယံသံအမတ်ကြီး Mr. Abhay Thakur နှင့်ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းတို့က အခမ်းအနားကို ဖွင့်လှစ်ပေးခဲ့ပါတယ်။အဲဒီနောက်ပြပွဲဖြစ်မြောက်ရေးတာဝန်ရှိသူများကလည်းဆက်လက်ပြီးနှုတ်ခွန်းဆက်စကားများပြောကြားခဲ့ကြပါတယ်။
▪️အိန္ဒိယနိုင်ငံ ယဉ်ကျေးမှုဆိုင်ရာဆက်ဆံရေးကောင်စီ (ICCR) ၏ ကမကထပြုမှုဖြင့် အိန္ဒိယစင်တာကပြသတဲ့" ရာမယဏပန်းချီပြပွဲ"တွင် အိန္ဒိယနိုင်ငံ၏ နာမည်ကျော် ပန်းချီဆရာများရဲ့ ပန်းချီလက်ရာများကို ခင်းကျင်း ပြသထားပါတယ်။
▪️အိန္ဒိယနိုင်ငံ၏ အရေးပါသော စာပေကျမ်းဂန်ဖြစ်သည့် ရာမယဏ သည် အိန္ဒိယနှင့် မြန်မာနိုင်ငံရှိ ပြည်သူများ၏ စံနှုန်းတန်ဖိုးများနှင့် အတွေးအခေါ်များကို တူညီစွာ ထင်ဟပ်စေပါတယ်လို့ အိန္ဒိယသံရုံးက သတင်းထုတ် ပြန်ပါတယ်။
▪️အဆိုပါပြပွဲကို ပန်းချီချစ်မြတ်နိုးသူများနှင့် သုတေသီများ ပြည်သူများ မည်သူမဆို နိုဝင်ဘာ ၁၅ ရက်နေ့အထိ အမျိုးသားပြတိုက်တွင် သွားရောက်ကြည့်ရှုလေ့လာနိုင်ကြောင်းသိရှိရပါတယ်။

#World_News
Published 12 November 2024

▪️ အမေရိကန်သမ္မတ ရွေးကောက်ပွဲမှာ အနိုင်ရခဲ့တဲ့ ဒေါ်နယ်ထရမ့်က ဖလော်ရီဒါမှ ရီပတ်ဘလစ်ကန် မိုက်ခ်ဝေါ့ဇ်ကို နိုင်ငံတော်လုံခြုံရေးအကြံပေးပုဂ္ဂိုလ်အဖြစ် ခန့်အပ်သွားရန် စီစဉ်နေကြောင်း ရွေးကောက်ပွဲ သတင်းနီးစပ်သူထံမှ သိရှိရပါတယ်။

▪️ နိုင်ငံတော်လုံခြုံရေး အကြံပေးအနေနဲ့ ဝေါ့ဇ်ဟာ ယူကရိန်းစစ်ပွဲကနေစလို့ ဂါဇာရှိ အစ္စရေးလ်-ဟားမတ်စ် စစ်ပွဲအထိ ပထဝီနိုင်ငံရေး ပဋိပက္ခတွေမှာ အမေရိကန်မူဝါဒ ပုံဖော်ရေးအတွက် အရေးပါတဲ့ကဏ္ဍကနေ ပါဝင်သွားရမှာ ဖြစ်ပါတယ်။

▪️ ဒီတာဝန်ရာထူးဟာ ဝန်ကြီးအဖွဲ့အဆင့် မဟုတ်သလို အထက်လွှတ်တော်မှ အတည်ပြုစရာ မလိုအပ်ပါဘူး။

▪️ အမေရိကန် အထူးတပ်ဖွဲ့ဝင်ဟောင်း ဝေါ့ဇ်ဟာ ထရမ့်နဲ့ရင်းနှီးတာ ကြာပြီဖြစ်ပြီး လွှတ်တော်မှာ တရုတ်ဝေဖန်ရေး ဦးဆောင်သူအဖြစ်လည်း မှတ်ယူထားပါတယ်။

▪️ ၂၀၁၈ ခုနှစ် လွှတ်တော်မှာ နေရာရလာတည်းက တရုတ်ပြည်မှ ရှားပါးသတ္တုများအပေါ် မှီခိုမှုလျှော့ချရေး၊ အမေရိကန် ကောလိပ်များနဲ့ တက္ကသိုလ်များကို တရုတ်ထောက်လှမ်းမှုမှ ကာကွယ်ရေးတို့အတွက် ဥပဒေများကို ဦးဆောင်ချပြခဲ့ပါတယ်။

▪️ ဒါ့အပြင် စစ်တပ်ထောက်လှမ်းရေးအေဂျင်စီနဲ့ နိုင်ငံခြားရေးတို့ ပါဝင်တဲ့ အောက်လွှတ်တော် ကော်မတီတွေမှာလည်း တာဝန်ထမ်းဆောင်ခဲ့ပါတယ်။

▪️ ၂၀၂၄ ထရမ့်စည်းရုံးရေးပွဲ ပြုလုပ်စဉ် လုပ်ကြံခံရမှုကို စုံစမ်းနေတဲ့ အောက်လွှတ်တော်အဖွဲ့ထဲမှာလည်း တာဝန်ထမ်းဆောင်နေပါတယ်။

▪️ ယူကရိန်းစစ်ပွဲကို သံတမန်ရေးရာ ဖြေရှင်းချက်မျိုးဖြင့် အဆုံးသတ်နိုင်လိမ့်မယ်လို့ ယုံကြည်နေကြောင်း ဝေါ့ဇ်က NPRနဲ့ အင်တာဗျူးမှာ ပြောခဲ့ပါတယ်။

▪️ ရုရှားကို စွမ်းအင်ဒဏ်ခတ်ပိတ်ဆို့မှုများ ပိုမိုချမှတ်ပြီး အမေရိကန် စွမ်းအင်များကို တိုးမြှင့်တင်ပို့ခြင်းဖြင့် ပဋိပက္ခညှိနှိုင်းရာမှာ ရုရှားသမ္မတ ဗလာဒီမာပူတင်ကို လွှမ်းမိုးနိုင်လိမ့်မယ်လို့ ဝေါ့ဇ်က အကြံပြုထားပါတယ်။

▪️ ထိုအခါ ပူတင်ရဲ့ စီးပွားရေး စစ်ရေးတွေ အလျင်အမြန် ကုန်ခမ်းလာပြီး ညှိနှိုင်းလာလိမ့်မယ်လို့ ပြောသွားပါတယ်။

▪️ အသက် ၅၀ အရွယ်ဝေါ့ဇ်ဟာ လွှတ်တော်မှာ ရွေးချယ်မခံရခင် စစ်တပ်နဲ့ အမျိုးသားအစောင့်တပ်တို့မှာ ၂၇ နှစ်တာ တာဝန်ထမ်းဆောင်ခဲ့ပြီး အာဖဂန်နစ္စတန်၊ အရှေ့အလယ်ပိုင်း၊ အာဖရိကတို့က တိုက်ခိုက်ရေးတွေမှာ ပါဝင်ခဲ့ပါတယ်။

Source: NPR

#World_Health
Published 12 November 2024

▪️ အသက်ကြီးသူတွေမှာ နှစ်ခြိုက်စွာ အိပ်စက်ချိန် လျော့နည်းခြင်းနဲ့ ဒီမန်ရှာရောဂါ ဖြစ်နိုင်ခြေများခြင်းတို့ကြား ဆက်စပ်နေပုံကို လေ့လာတွေ့ရှိထားပါတယ်။

▪️ အသက် ၆၀ ကျော်လူတွေဟာ နှစ်စဉ် နှစ်ခြိုက်စွာအိပ်စက်ချိန် ၁ ရာခိုင်နှုန်း နည်းလာတာတဲ့အမျှ ဒီမန်ရှာရောဂါ ဖြစ်နိုင်ခြေ ၂၇ ရာခိုင်နှုန်း ပိုများနေတယ်လို့ တွေ့ရပါတယ်။

▪️ နှစ်ခြိုက်စွာ အိပ်စက်မှုဆိုတာက အငြိမ်သက်ဆုံး အိပ်ပျော်နေချိန်ဖြစ်ပြီး ဦးနှောက်လှိုင်းများ၊ နှလုံးခုန်နှုန်း၊ သွေးပေါင်ချိန်တို့ ကျဆင်းနေပါတယ်။

▪️ လူတွေရဲ့ မိနစ် ၉၀ အိပ်စက်စက်ဝန်းမှာ တတိယအဆင့်ဖြစ်ပြီး မိနစ် ၂၀ မှ ၄၀ လောက် ကြာမြင့်ပါတယ်။

▪️ ၁၉၉၅ နဲ့ ၁၉၉၈ ခုနှစ်ကြား၊ ၂၀၀၁ နဲ့ ၂၀၀၃ ခုနှစ်ကြားတို့မှာ လူပေါင်း ၃၄၆ ဦး လေ့လာခဲ့ရာမှာ တစ်နှစ်ကို နှစ်ခြိုက်စွာ အိပ်စက်ချိန် ၁ ရာခိုင်နှုန်းကျဆင်းတိုင်း ဒီမန်ရှာဖြစ်နိုင်ခြေ ၂၇ ရာခိုင်နှုန်း ပိုများလာပါတယ်။

▪️ အမေရိကန်မှာ ၂၀၂၂ က အယ်လ်ဇိုင်းမားရောဂါ ဖြစ်ပွားမှုက ၃၂ ရာခိုင်နှုန်း ပိုများလာပါတယ်။

▪️ အသက် ၇၅ နှစ်မှ ၈၀ ကြားလူတွေမှာ နှစ်ခြိုက်စွာ အိပ်ပျော်မှုက လျော့နည်းလာပြီး နှလုံးသွေးကြောရောဂါများ ဖြစ်ပွားကာ သုံးစွဲရတဲ့ ဆေးများကြောင့် အိပ်စက်မှုကို ထိခိုက်စေပါတယ်။

▪️ အိပ်ရေးပျက်တဲ့အခါ အဝလွန်ခြင်း၊ ဆီးချို၊ အခြားနှလုံးသွေးကြောရောဂါများလည်း ဖြစ်နိုင်ခြေ မြင့်မားစေပါတယ်။

▪️ နှစ်ခြိုက်စွာ အိပ်ပျော်ခြင်းဟာ ဦးနှောက် သန့်ရှင်းရာမှာ ပါဝင်ပြီး ဦးနှောက်အိုမင်းခြင်းကို လျှော့ချပေးပါတယ်။

▪️ အိပ်နေစဉ် အသက်ရှူရပ်ပြီး နိုးတတ်တဲ့သူတွေမှာလည်း ဒီမန်ရှာဖြစ်နိုင်ခြေ များပါတယ်။

▪️ ဘာကြောင့်လဲဆိုတော့ ထိုအခြေအနေဟာ ဦးနှောက်သို့ အောက်ဆီဂျင်ရောက်ရှိမှု လျော့ကျသွားပြီး ဦးနှောက်ထဲက သွေးကြောများ၊ ဆဲလ်များကို ထိခိုက်စေပါတယ်။

▪️ ဒါ့အပြင် အိပ်စက်ချိန် များလွန်းတာကလည်း ဒီမန်ရှာဖြစ်နိုင်ခြေ များစေတာနဲ့ ဆက်စပ်နေပါတယ်။

▪️ အိပ်စက်မှုပြဿနာတွေနဲ့ ဦးနှောက်စွမ်းရည်တို့ကြား ဆက်စပ်မှုတွေကို ထပ်မံသုတေသန ပြုလုပ်ဖို့ လိုအပ်ပါသေးတယ်။

▪️ တစ်ညကို အိပ်ချိန် ၇ နာရီမှ ၉ နာရီကြားရှိဖို့ ဦးစားပေးသင့်တယ်လို့ ပညာရှင်များ ဖော်ပြထားပါတယ်။

Source: The Jerusalem Post.

#World_Health
Published 12 November 2024

▪️ နေ့စဉ်လမ်းလျှောက်ခြင်းရဲ့ ကျန်းမာရေး အကျိုးကျေးဇူးတွေထဲမှာ နှလုံးရောဂါ ဖြစ်နိုင်ခြေ လျှော့ချနိုင်ပြီး သွေးဖိအားနဲ့ မကောင်းတဲ့ ကိုလက်စ်ထရောလ် လျှော့ချပေးခြင်း၊ ဖိစီးမှု လျှော့ချပေးခြင်း၊ ကိုယ်ခံအားနဲ့ အစာခြေစနစ် မြှင့်တင်ပေးခြင်းတို့ ပါဝင်ပါတယ်။

▪️ နောက်ထပ်လေ့လာချက်တစ်ခုမှာ တစ်ပတ်ကို မိနစ် ၃၀ ကြာဖြင့် ၅ ကြိမ်လျှောက်ပေးပါက ခါးကိုက်ခါးနာခြင်းကို လျော့ပေးစေကာ ဆေးခန်းသွားရောက်ခြင်း နည်းပါးသွားပါတယ်။

▪️ လေ့လာချက်အရ ခါးကိုက်ခါးနာခြင်းမှ သက်သာလာသူ ၁၀ ဦးမှာ ၇ ဦးလောက်က နောက်တစ်နှစ်အတွင်း ပြန်ဖြစ်တတ်ကြပါတယ်။

▪️ လမ်းလျှောက်သူတွေက ခါးကိုက်ဝေဒနာ အပြီးမှာ နာကျင်မှုမရှိတော့တာကိုလည်း တွေ့ရပါတယ်။

▪️ ခါးကိုက်ခါးနာခြင်းက ၂၀၂၀ မှာ ကမ္ဘာတဝှမ်းရှိ လူပေါင်း ၆၁၉ သန်းမှာ ဖြစ်နိုင်တယ်လို့ ခန့်မှန်းခဲ့ပြီး ၂၀၅၀ အရောက်မှာ ၈၄၃ သန်း ရှိလာနိုင်ပါတယ်။

▪️ ခါးကိုက်ခါးနာခြင်း ကာကွယ်ဖို့အတွက် အရေးကြီးတာက အလေးအပင် ပစ္စည်းများ ကောက်ယူခြင်းနဲ့ ကလေးများ ချီပွေ့ခြင်းတို့ကို သတိထားရမယ်လို့ နော့သ်ဝဲလ်ဟဲ့လ်ဆေးရုံမှ ကျောရိုးဆေးပညာ အကြီးအကဲ ဒေါက်တာဂျေဆန်လီပက်ဇ်က ပြောပါတယ်။

▪️ ခါးပေါ်မှာ ကွေးညွတ်ခြင်းက ကျောရိုးဆစ်တွေအပေါ် ဖိအားဖြစ်စေပြီး နာကျင်စေရကြောင်း၊ စက်ဘီးထိုင်ခုံ နိမ့်လွန်းခြင်း၊ ကားပေါ် အတက်အဆင်း ပြုလုပ်ခြင်းတို့က ဒူးကိုအလွန်မြှောက်ရတာကြောင့် ကျောရိုးကို ဖိအားသက်ရောက်ကာ ခါးကိုက်ခါးနာရကြောင်း ပြောပါတယ်။

▪️ အထိုင်များတဲ့သူတွေ၊ ဖုန်းတွေ ကွန်ပျူတာတွေ အကြည့်များတဲ့သူတွေဟာ ထိုဝေဒနာ ပိုမိုခံစားရတတ်ပါတယ်။

▪️ လမ်းလျှောက်ခြင်းဟာ ပြေးလွှားခြင်း၊ လေ့ကျင့်ခန်း အပြင်းအထန် လုပ်ခြင်းတို့လို မဟုတ်ဘဲ ပေါ့ပေါ့ပါးပါး လုပ်နိုင်ပြီး သက်ရှည်ကျန်းမာစေမှာပါ။

▪️ လမ်းလျှောက်တဲ့အခါ ခပ်သွက်သွက်လျှောက်ခြင်းက ဆီးချိုရောဂါ ဖြစ်နိုင်ခြေကိုလည်း လျှော့ချပေးနိုင်ကြောင်း တွေ့ရှိထားပါတယ်။

Source: New York Post.

ကြာသပတေးနေ့မှာ တရုတ်သမ္မတ ရှီကျင့်ဖင်က မလေးရှားဝန်ကြီးချုပ် အန်ဝါအီဘရာဟင်နဲ့ ပေကျင်းမှာ တွေ့ဆုံခဲ့ပြီး နှစ် ၅၀ပြည့် နှစ်နိုင်ငံသံတမန်ဆက်ဆံရေး မြှင့်တင်ကာ အနာဂတ်အတွက် တရုတ်-မလေးရှား ပူးပေါင်းမှုအားဖြည့်သွားရန် တောင်းဆိုလိုက်ပါတယ်။

#World_News
Published 11 November 2024
#တရုတ်နဲ့မလေးရှား #နှစ်နိုင်ငံသံတမန်ရေးမြှင့်တင်သွားရန်ဆွေးနွေး

#World_News
Published 11 November 2024

▪️ အမေရိကန်သမ္မတအဖြစ် ရွေးချယ်ခံရတဲ့ ဒေါ်နယ်ထရမ့်က ရုရှားသမ္မတ ဗလာဒီမာပူတင်နဲ့ စကားပြောဆိုခဲ့ကာ ယူကရိန်းစစ်ပွဲ အခြေအနေ တင်းမာအောင် မလုပ်ရန် အကြံပေးလိုက်ကြောင်း သတင်းရင်းမြစ်တစ်ခုက တနင်္ဂနွေနေ့မှာ ဖော်ပြပါတယ်။

▪️ လက်ရှိသမ္မတ ဂျိုးဘိုင်ဒင်ကတော့ ယူကရိန်းကို မစွန့်လွှတ်ရန် ထရမ့်ကို တိုက်တွန်းဖို့ ကြိုးစားနေပါတယ်။

▪️ ထရမ့်က ပူတင်နဲ့ ပြီးခဲ့တဲ့ရက်များအတွင်း ပြောဆိုခဲ့တာဖြစ်ပြီး ယူကရိန်းသမ္မတ ဗိုလိုဒီမီယာဇယ်လန်စကီနဲ့လည်း ဗုဒ္ဓဟူးနေ့က ပြောဆိုခဲ့ပါတယ်။

▪️ ယူကရိန်းအတွက် အမေရိကန်မှ စစ်ရေးနဲ့ ဘဏ္ဍာရေးထောက်ပံ့မှုပေးတဲ့ အတိုင်းအတာကို ထရမ့်က ဝေဖန်လိုက်ပြီး စစ်ပွဲမြန်မြန်အဆုံးသတ်ရန် ကတိပြုလိုက်ပါတယ်။

▪️ ထရမ့်နဲ့ ပူတင်တို့ ခေါ်ဆိုပြောကြားမှုအကြောင်း မသိရဘူးလို့ ယူကရိန်းနိုင်ငံခြားရေး ဝန်ကြီးဌာနက ပြောလိုက်ကာ ထောက်ခံလား ကန့်ကွက်မှာလားဆိုတာ မသိရပါဘူး။

▪️ ဒီဖုန်းခေါ်ဆိုမှုနဲ့ ပတ်သက်ပြီး ဝါရှင်တန်ရှိ ရုရှားသံရုံးက ဘာမှမပြောသေးပါဘူး။
ထရမ့်ဟာ သမ္မတရွေးကောက်ပွဲမှာ ဒုသမ္မတ ကာမယ်လာဟားရစ်ကို အနိုင်ရပြီးနောက် ဇန်နဝါရီ ၂၀ ရက်နေ့မှာ သမ္မတတာဝန် စတင်ထမ်းဆောင်မှာ ဖြစ်ပါတယ်။

▪️ ဘိုင်ဒင်က ထရမ့်ကို အိုဗယ်ရုံးခန်းသို့ လာရောက်ရန် ဖိတ်ခေါ်ထားတယ်လို့ အိမ်ဖြူတော်က ဆိုပါတယ်။

▪️ အမေရိကန်အနေနဲ့ ယူကရိန်းအရေးကနေ ရှောင်ဖယ်မသွားသင့်တဲ့ အကြောင်းကို နောက်တာဝန်ယူမယ့် အစိုးရအဖွဲ့နဲ့ လွှတ်တော်ထံ တင်ပြဖို့ ဘိုင်ဒင်အနေနဲ့ ရက် ၇၀ လောက် အချိန်ရသေးကြောင်း၊ ယူကရိန်းကို လက်လွှတ်လိုက်ရင် ဥရောပမှာ မတည်ငြိမ်မှုတွေ ပိုဖြစ်လာနိုင်ကြောင်း အိမ်ဖြူတော် ပြောရေးဆိုခွင့်ရှိသူ ဂျိတ်ခ်ဆာလီဗန်က CBS News ကို ပြောသွားပါတယ်။

▪️ ဘိုင်ဒင်သမ္မတရာထူး ပြီးဆုံးသွားသည့်တိုင်အောင် ယူကရိန်းအတွက် အကူအညီတွေ လိုအပ်နေဦးမယ်ဆိုတာကို တင်ပြသွားမှာဖြစ်ပါတယ်။

▪️ ထရမ့်က ယင်းသာ သမ္မတဖြစ်နေပါက ပူတင်ဟာ ယူကရိန်းကို ဘယ်တော့မှ ကျူးကျော်မှာ မဟုတ်ဘူးလို့ ယမန်နှစ်က ပြောထားပါတယ်။

▪️ ယူကရိန်းအနေနဲ့ ငြိမ်းချမ်းရေး သဘောတူညီမှု ရရှိရန် နယ်မြေအချို့ ပေးအပ်ဖို့လိုတယ်လို့ ထရမ့်က ပြောဆိုလိုက်ကာ ယူကရိန်းတွေက ငြင်းပယ်ထားသလို ဘိုင်ဒင်ကလည်း ထိုကဲ့သို့ အကြံမပြုထားပါဘူး။

Source: Reuters