Published 20 Oct 2022

မြန်မာနိုင်ငံဆိုင်ရာ ဘယ်လာရုစ်နှင့် နီပေါသံအမတ်ကြီးတွေဟာ သံအမတ်ခန့်အပ်လွှာတွေကို ယနေ့ အောက်တိုဘာ ၂၀ ရက်မနက်ပိုင်းမှာ နစက ဥက္ကဋ္ဌထံ သီးခြားစီပေးအပ်ခဲ့ကြတယ်လို့ နစကရဲ့သတင်းထုတ်ပြန်ချက်အရသိရပါတယ်။

မြန်မာနိုင်ငံဆိုင်ရာ ဘယ်လာရုစ်နိုင်ငံသံအမတ်ကြီး အဖြစ် ခန့်အပ်ရန် သဘောတူညီပြီးဖြစ်သည့် သံအမတ်ကြီး H.E. Mr. Uladzimir Baravikou နှင့်  မြန်မာနိုင်ငံဆိုင်ရာသံအမတ်ကြီး အဖြစ် ခန့်အပ်ရန် သဘောတူညီပြီးဖြစ်သည့် သံအမတ်ကြီး H.E. Mr. Harishchandra Ghimireတို့ဟာ ဒီကနေ့ အောက်တိုဘာ ၂၀ ရက် မနက်၁၀ နာရီနှင့် ၁၀ နာရီ ၄၅ မိနစ်တို့မှာ  နေပြည်တော်၊နစက ဥက္ကဋ္ဌရုံး သံတမန်ဆောင်ခန်းမ၌ သံအမတ် ခန့်အပ်လွှာတွေကို နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်ထံ ပေးအပ်ခဲ့ကြတာဖြစ်တယ်လို့သိရပါတယ်။

အဆိုပါပွဲများအတွင်း ဘယ်လာရုစ်သံအမတ်ကြီးနှင့် ချစ်ကြည်ရေးခရီးစဉ်တွေ အပြန်အလှန်သွားရောက်ရေး၊ကုန်သွယ်မှု တိုးမြှင့်ရေး၊ သိပ္ပံနှင့်နည်းပညာ ပူးပေါင်းဆောင်ရွက်ရေးနှင့် ကာကွယ်ရေးဆိုင်ရာ ပူးပေါင်းဆောင်ရွက်ရေးတွေကို ဆွေးနွေးခဲ့ကြပါတယ်။

အလားတူ နီပေါသံအမတ်ကြီးနှင့်လည်း စီးပွားရေးနှင့်ကုန်သွယ်မှုတိုးမြှင့်ဆောင်ရွက်ရေး၊ ခရီးသွားလုပ်ငန်းများ တိုးမြှင့် ဆောင်ရွေက်ရေးတွေကို ဆွေးနွေးခဲ့ကြတယ်လို့ သတင်းထုတ်ပြန်ချက်မှာ ဖော်ပြထားပါတယ်။

-ymg/knl

#Yangon_Media_Group

#Myanmar_Diplomacy

Published 20 Oct 2022

ဗြိတိန်ဝန်ကြီးချုပ်အဖြစ်မှ နှုတ်ထွက်မည်ဖြစ်ကြောင်း လစ်ထရပ်စ်က ကြာသပတေးနေ့က ပြောကြားလိုက်ပါတယ်။ သူမဟာ ဗြိတိန်ဝန်ကြီးချုပ်အဖြစ် ရက်သတ္တပတ်ခြောက်ပတ်မျှသာ တာဝန်ထမ်းဆေင်ခဲ့ရပြီး သူမရဲ့ စီးပွားရေးအစီအစဉ်တွေကြောင့် ဈေးကွက်တွေ ကမောက်ကမဖြစ်ခဲ့ရတဲ့အပြင် သူမရဲ့ ကွန်ဆာဗေးတစ်ပါတီလည်း နှစ်ခြမ်းကွဲခဲ့ရပါတယ်။

ခေါင်းဆောင်ကို လာမယ့်အပတ်အတွင်းရွေးချယ်မယ်လို့ သိရပါတယ်။

သူမရဲ့ အမှတ်၁၀ ဒေါင်းနင်းလမ်းအိမ်တံခါးဝအပြင်ဘက်မှာ သူမကပြောကြားရာမှာ သူမဟာ ကွန်ဆာဗေးတစ်ခေါင်းဆောင်းအဖြစ် တာဝန်ယူတဲ့အချိန်မှာ သူမပေးခဲ့တဲ့ကတိတွေကို မလုပ်ပေးနိုင်ခဲ့ပဲ ပါတီရဲ့ ယုံကြည်မှု ဆုံးရှုံးခဲ့ရတာကို လက်ခံတယ်လို့ပြောပါတယ်။

“ လက်ရှိအခြေအနေမှာ ကျွန်မကို ကွန်ဆာဗေးတစ်ပါတီခေါင်းဆောင်အဖြစ် ပေးအပ်တဲ့ တာဝန်ကို မဆောင်ရွက်နိုင်ခဲ့တာကို သိပါတယ်။အဲဒါကြောင့် ကျွန်မဟာ ဗြိတိန်ဘုရင်မင်းမြတ်နှင့်တွေ့ဆုံပြီး ကျွန်မပါတီခေါင်းဆောင်အဖြစ်မှ နှုတ်ထွက်ပါမယ်လို့ အသိပေးခဲ့ပါတယ်” လို့ သူမကပြောပါတယ်။

“ ဒီမနက်မှ ကျွန်မ ၁၉၂၂ ကော်မတီဥက္ကဋ္ဌ ဆာဂရေဟမ်ဘရက်ဒီနှင့်တွေ့ပါတယ်။ လာမယ့်အပတ်အတွင်း ခေါင်းဆောင် အသစ်ရွေးချယ်ပေးဖို့သဘောတူခဲ့ပါတယ်။  ကျွန်မတို့ရဲ့ ဘဏ္ဍာရေးအစီအစဉ်တွေနှင့် ကျွန်မတို့နိုင်ငံရဲ့ စိးပွားရေးတည်ငြိမ်ရေး၊နိုင်ငံတော်လုံခြုံရေးတို့ကို ထိန်းသိမ်းနိုင်မယ့် လမ်းကြောင်းမှာပဲ ကျွန်မတို့ အသေအချာ ဆက်လက်ရှိနေကြမှာပါ” လို့ သူမကပြောပါတယ်။

Source Reuters

#Liz_Truss

#UK_PM_Resigned

#UK_Politics

Published 19 Oct 2022

ဗြိတိန်ဝန်ကြီးချုပ် လစ်ထရပ်စ်က သူမအနေဖြင့် ခေါင်းဆောင်အဖြစ်မှ နှုတ်ထွက်လိမ့်မည်မဟုတ်လို့ ဗုဒ္ဓဟူးနေ့က ပါလီမန်မှာပြောခဲ့ပါတယ်။

သူမအနေဖြင့် အရှက်ရဖွယ် အခွန်ဖြတ်တောက်မှုကို ပြောင်းပြန်လှန်ပြီးကတည်းက ပထမဆုံးမေးခွန်းတွေနှင့် ရင်ဆိုင်ရာမှာ သူမကပြောခဲ့တာပါ။

ပါလီမန်ရဲ့ စကားစစ်ထိုးပွဲတစ်ခုအတွင်း အတိုက်အခံလေဘာခေါင်းဆောင် ကီယာစတာမာက အမတ်တွေကို “သူမဘာကြောင့် ဒီရာထူးမှာရှိနေရမှာလဲ” လို့ မေးခွန်းထုတ်ခဲ့ပါတယ်။

“ကျွန်တော့်မှာ စာရင်းရှိတယ်.. ၄၅ပီ အခွန်ဖြတ်..သွားပြီ ကော်ပိုရေးရှင်အခွန်ဖြတ်  သွားပြီ .. (၂)နှစ်တာ စွမ်းအင် ပိတ်တားခြင်း,,သွားပြီ ..အခွန်မဲ့ ဈေးဝယ်ခြင်း..သွားပြီ..စီးပွားရေး ယုံကြည်ရမှု..သွားပြီ..။ သူမထောက်ခံတဲ့ အချစ်ဆုံးသူငယ်ချင်း ဘဏ္ဍာရေးဝန်ကြီးဟောင်း..သူလည်းသွားပြီ...အားလုံးသွားကြပြီ.. ဘာကြောင့် သူမ ဒီမှာ ရှိနေရမှာလဲ” လို့ အတိုက်အခံခေါင်းဆောင်ကမေးခွန်းထုတ်ခဲ့တာဖြစ်ပါတယ်။

အဲဒီအခါ ထရပ်စ်က “ကျွန်မဟာ ဖိုက်တာ (Fighter )သာဖြစ်ပြီး အရှုံးပေးသူ(Quitter)မဟုတ်ဘူး”လို့ ပြန်လည်ချေပခဲ့ပါတယ်။

Source AFP

#Liz_Truss

#Keir_Starmer

#UK_Politics

Published 19 Oct 2022

နေပြည်တော်ရှိ မဏိရတနာ ကျောက်စိမ်းခန်းမမှာ ဒီကနေ့ အောက်တိုဘာ ၁၉ ရက်မှာ စတင်ပြသတဲ့ ၂၀၂၂ ခုနှစ် မြန်မာ့ကျောက်မျက်ရတနာပြပွဲကို ရုရှားစီးပွားရေး လုပ်ငန်းရှင်တွေ ပထမဆုံး တက်ရောက်ခဲ့တယ်လို့ သိရပါတယ်။

အဆိုပါနှစ်လယ်မြန်မာ့ကျောက်မျက်ရတနာပြပွဲမှာ ပုလဲအတွဲပေါင်း ၄၀၀ ၊ ကျောက်မျက်အတွဲပေါင်း ၁၂၀ နှင့် ကျောက်စိမ်းအတွဲပေါင်း ၂၁၅၀တို့ကို အိတ်ဖွင့်တင်ဒါစနစ်ဖြင့်ရောင်းချပေးမယ်လို့ သတင်းထုတ်ပြန်ချက်မှာ ဖော်ပြထားပါတယ်။

အဲဒီပြပွဲဖွင့်ပွဲကို နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် နစက အဖွဲ့ဝင်တွေ၊ပြည်ထောင်စုဝန်ကြီးတွေအပြင် မြန်မာနိုင်ငံဆိုင်ရာ ရုရှားနိုင်ငံသံရုံးမှ တာဝန်ရှိသူတွေနှင့်ရုရှားစီးပွားရေးလုပ်ငန်းရှင်တွေ တက်ရောက်ခဲ့ကြတယ်လို့ နစကရဲ့ သတင်းထုတ်ပြန်ချက်အရသိရတာဖြစ်ပါတယ်။

ယခုပြပွဲတွင် ပုလဲအတွဲတွေကို ကြမ်းခင်းဈေး အမေရိကန်ဒေါ်လာဖြင့်သတ်မှတ်ထားရှိပြီး ငွေပေးချေမှုကို ပြည်ပ ရတနာကုန်သည်တွေက အမေရိကန်ဒေါ်လာ၊ယွမ်ငွေ၊ထိုင်းဘတ်ငွေတို့ဖြင့်ပေးချေနိုင်ပါတယ်။ ကျောက်မျက်ကျောက်စိမ်းအတွဲတွေကို ကြမ်းခင်းဈေး  ယူရိုငွေဖြင့်သတ်မှတ်ထားပြီး ပြည်ပရတနာကုန်သည်တွေက အမေရိကန်ဒေါ်လာ၊ယူရို၊ယွမ်ငွေ၊ထိုင်းဘတ်ငွေတွေနှင့် ပေးချေရမှာဖြစ်ပါတယ်။ ပြည်တွင်းက မြန်မာကုန်သည်တွေကတော့ ကျပ်ငွေနှင့်ပေးချေနိုင်ကြမယ်လို့ သိရှိရပါတယ်။

ပုလဲအတွဲတွေရဲ့ အနိမ့်ဆုံးအခြေခံဈေးမှာ အမေရိကန်ဒေါ်လာ ၁၀၀၀ဖြစ်ပြီး ကျောက်မျက်အတွဲတွေအတွက် အနိမ့်ဆုံး အခြေခံဈေးကတော့ ယူရို ၅၀၀ဖြစ်ပါတယ်။ ကျောက်စိမ်းအချောထည်အတွက် အနိမ့်ဆုံးအခြေခံဈေး ယူရို ၁၀၀၀နှင့် ကျောက်စိမ်းအရိုင်းအတွဲများအတွက် အနိမ့်ဆုံးအခြေခံဈေးမှာ ယူရိုငွေ ၅၀၀၀ဖြစ်တယ်လို့ သိရှိရပါတယ်။

ယခုပြပွဲကို အောက်တိုဘာ ၂၅ရက်အထိခင်းကျင်းပြသသွားမှာဖြစ်ပါတယ်။

-ymg/knl

#Myanmar

#Myanmar_Gem_Emporium

#Myanmar_Business

Published 19 Oct 2022

ဖိလစ်ပိုင်သမ္မတ ဖာဒီနန်ဘွန်ဘွန်မားကို့စ် ဂျူနီယာက သူသမ္မတဖြစ်ပြီးတဲ့နောက် ပထမဆုံးသော ဥပဒေအဖြစ် မိုဘိုင်းဖုန်းဆင်းမ်ကတ် မှတ်ပုံတင်ခြင်းဆိုင်ရာ ဥပဒေကို ပြီးခဲ့တဲ့အပတ်က လက်မှတ်ရေးထိုးထုတ်ပြန်ခဲ့ပါတယ်။အဲဒီဥပဒေအရ မိုဘိုင်းဖုန်းဆက်သွယ်ရေးကုမ္ပဏီတွေက ဆင်းမ်ကတ်တွေနှင့် သူတို့ကို အသုံးပြုသူတွေရဲ့ အချက်အလက်တွေပါဝင်တဲ့ ဒေတာဘေ့စ်တစ်ခု database ကို မဖြစ်မနေတည်ဆောက်ပေးရမှာဖြစ်ပါတယ်။

ဥပဒေအရ တယ်လီဖုန်းဆင်းကတ်အသုံးပြုသူတွေဟာ သူတို့ရဲ့ ကိုယ်ရေးအချက်အလက်တွေကို မှတ်ပုံတင်ဖို့ လိုအပ်ပြီး အကယ်၍ မှတ်ပုံမတင်ပါက ဆင်းမ်ကတ်ကို ဖျက်သိမ်းပစ်ခံရမှာဖြစ်ပါတယ်။ လိမ်လည်စွာ မှတ်ပုံတင်ထားသူတွေကို အရေးယူအပြစ်ပေးမှာဖြစ်ပြီး ဥပဒေစိုးမိုးရေးအဖွဲ့တွေဟာ မိုဘိုင်းဖုန်းသုံးပြီး ရာဇဝတ်မှုကျူးလွန်တဲ့သူတွေကို စုံစမ်းစစ်ဆေးဖို့ သူတို့ရဲ့ အချက်အလက်တွေကို ရယူနိုင်ကြမယ်လို့ Nikkei Asia သတင်းမှာဖော်ပြထားပါတယ်။

ဥပဒေကိုထောက်ခံသူတွေက ဥပဒေဟာ ဖုန်းနှင့်ရိုက်စားလုပ်နေတာတွေကို ကာကွယ်ပေးဖို့ ရည်ရွယ်တယ်လို့ ပြောဆိုကြပါတယ်။ ဥပမာအားဖြင့် အသက် ၂၇နှစ်အရွယ် ဆံပင်အလှပြုပြင်သူ ဂျပ်စတင်းက သူ့ရဲ့ စုဆောင်းငွေတွေဟာ အချိန်ပိုင်းကလေးအတွင်း ဘယ်လိုပျောက်ဆုံးသွားခဲ့တယ်ဆိုတာကို သူမရဲ့ မိဘတွေကို ပြောပြခဲ့တာမျိုးဖြစ်တယ်လို့ ဆိုပါတယ်။

ပြန်ကြားရေးနှင့်ဆက်သွယ်ရေးနည်းပညာဝန်ကြီးဌာန ဝန်ကြီး အိုင်ဗန်ယူရီက တယ်လီကွမ်းကုမ္ပဏီတွေအနေနှင့် လူတွေ တန်းအကြာကြီးစီကြရမှာကို ရှောင်ကြဉ်ဖို့နှင့် နိုင်ငံရပ်ခြားက ဖိလစ်ပိုင်ဆင်းကတ်သုံးနေတဲ့ ဖိလစ်ပိုင်နိုင်ငံသးတွေ အဆင်ပြေစေဖို့ မှတ်ပုံတင်လုပ်ငန်းကို အွန်လိုင်းကနေ လုပ်ဖို့ တိုက်တွန်းထားပါတယ်။

ကွန်ပျူတာပညာရှင်သမဂ္ဂက ကင်ကန်တီလားစ်က ဒီဥပဒေဟာ ဂျပ်စတင်းတို့လို အလိမ်ခံရတဲ့သူတွေကို သိသိသာသာ ကူညီနိုင်လိမ့်မယ်လို့ မထင်ကြောင်းပြောပါတယ်။ ဥပဒေက လိမ်လည်မှတ်ပုံတင်သူတွေကိုသာ အပြစ်ပေးထားတယ်။ လိမ်လည်လုပ်စားသူတွေကိုဖော်ထုတ်ဖို့ဆိုရင် တရာရုံးအမိန့်နှင့် ရဲတွေပါဝင်ဖို့၊အချိန်ကုန်ငွေကုန်ဖြစ်ဖို့ရှိတယ်လို့ သူမက ပြောပါတယ်။ သူမက ဒီဥပဒေဟာ အစိုးရကိုဝေဖန်ဲ့သူတွေကို စောင့်ကြည့်ထောက်လှမ်းဖို့တော့ အကူအညီဖြစ်စေလိမ့်မယ်လို့ ပြောပါတယ်။

ဆင်းမ်ကတ်တွေ မဖြစ်မနေမှတ်ပုံတင်ရတာကို နိုင်ငံအများစုမှာ ကျင့်သုံးကြပါတယ်။ ယူကေအခြေစိုက် ပရိုက်ဗေစီ အင်တာနေရှင်နယ်ကတော့ အဲဒီလိုမူဝါဒတွေ အပေါ် သတိကြီးစွာထားနေပါတယ်။ ပါကစ္စတန်လိုနေရာမျိုးတွေမှာ မှတ်ပုံ မတင်တဲ့ ကတ်တွေအတွက် ပိုင်ရှင်ကိုယ်ရေးအချက်အလက်ခိုးပေးတာတို့ ၊ မှောင်ခိုဈေးကွက်တို့ ရှိနေလို့ဖြစ်ပါတယ်။

ပြီးခဲ့တဲ့လက အင်ဒိုနီးရှားမှာ သန်းရာပေါင်းများစွာသော လူတွေရဲ့ ကိုယ်ရေးအချက်အလက်တွေ ဖောက်ထွင်းခိုးယူ ခံခဲ့ရပါတယ်။ အင်ဒိုနီးရှားဟာ ၂၀၁၈ခုနှစ်မှာ ဆင်းမ်ကတ်မှတ်ပုံတင်ခြင်းကိုစတင်ခဲ့ပါတယ်။ အဲဒီကတည်းက မကြာခဏဆိုသလို အချက်အလက်တွေ ဖောက်ထွင်းခိုးယူခံနေရပါတယ်။

ဖိလစ်ပိုင်မှာ ဆင်းကတ်အသုံးပြုနေသူ သန်း၁၅၀ ရှိပါတယ်။ မေလတုန်းက အမျိုးသားရွေးကောက်ပွဲမကျင်းပခင် ရက် သတ္တပတ်အနည်းငယ်အလိုမှာ  သူတို့စနစ်ထဲက အချက်အလက်တွေ ဖောက်ထွင်းခံရတယ်လို့ ရွေးကောက်ပွဲကော်မရှင်က ထုတ်ပြန်ကြေညာခဲ့ပါတယ်။ ၂၀၁၆ခုနှစ်တုန်းကလည်း မဲဆန္ဒရှ၍် သန်း၇၀ကျော်ရဲ့ အချက်အလက်တွေ ပေါက်ကြားမှု တွေရှိခဲ့ပါတယ်။

Source Nikkei Asia

#Philippine

#Sim_Registration_Law

#Phone_Scam

Published 18 Oct 2022

မော်လမြိုင်ဒေသတွင် အပြည်ပြည်ဆိုင်ရာလေဆိပ်နှင့် ပင်လယ်ဆိပ်ကမ်းတို့ကို တည်ဆောက်ရန်စီစဉ်နေတယ်လို့ နစကဥက္ကဋ္ဌကပြောကြားပါတယ်။

အောက်တိုဘာ ၁၈ ရက် က မွန်ပြည်နယ်မော်လမြိုင်တွင် ကျင်းပသည့် မွန်ပြည်နယ်ရှိ အသေးစား၊အငယ်စားနှင့်အလတ်စား စီးပွားရေး MSMEလုပ်ငန်းရှင်များနှင့်တွေ့ဆုံဆွေးနွေးပွဲတွင် ထည့်သွင်း ပြောကြားခဲ့ခြင်း ဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

“မော်လမြိုင်မှာ ယခင်က ပင်လယ်ဆိပ်ကမ်းရှိခဲ့ပေမယ့် အကြောင်းအမျိုးမျိုးကြောင့် ယခုအသုံးပြုမှုမရှိတော့ပါဘူး။ အဲဒါကြောင့် မော်လမြိုင်ဒေသတွင် ပင်လယ်ဆိပ်ကမ်းတစ်ခု တည်ဆောက်နိုင်ရေးအတွက် စီမံဆောင်ရွက်ချက်ရှိနေပါတယ်။ အလားတူပဲ မော်လမြိုင်ဒေသတွင် အပြည်ပြည်ဆိုင်ရာလေဆိပ်တည်ဆောက်နိုင်ရေး စီမံဆောင်ရွက်နေပါတယ်။ နောင်တစ်ချိန်မှာ မော်လမြိုင်ဒေသသကို ခရီးသွားတွေပိုမိုဝင်ရောက်လာစေဖို့နှင့် လေကြောင်းမှ ကုန်စည်စီးဆင်းမှုတွေကို မြှင့်တင်ဆောင်ရွက်ဖို့ ရည်ရွယ်ဆောင်ရွက်နေတာဖြစ်ပါတယ်” ဟု ဗိုလ်ချူပ်မှူးကြီးမင်းအောင်လှိုင်ကပြောပါတယ်။

ပြည်ပမှ သွင်းကုန်တွေထိန်းချုပ်ပေးတဲ့အတွက် ပြည်တွင်းစက်မှုလုပ်ငန်းတွေ အားကောင်းလာပြီး အလုပ်အကိုင်တွေ ပိုများလာကြောင်း၊နိုင်ငံတွင် ၂၀၁၈/၂၀၁၉ ခုနှစ်ခန့်မှစပြီး စီးပွားရေးကျဆင်းခဲ့ပေမယ့် ယခုအခါ နိုင်ငံရဲ့ စီးပွားရေးဟာ ပြနလည် တည်ငြိမ်ကောင်းမွန်လာပြီဖြစ်တယ်လို့လည်း နစက ဥက္ကဋ္ဌက ဆက်လက်ပြောဆိုတယ်လို့ သတင်းထုတ်ပြန်ချက်မှာဖော်ပြထားပါတယ်။

တွေ့ဆုံပွဲမှာ မွန်ပြည်နယ် စီးပွားရေးလုပ်ငန်းရှင်တွေက လိုအပ်ချက်တွေနှင့် နိုင်ငံတော်က ပံ့ပိုးဆောင်ရွက်ပေးစေလိုတဲ့ အခြေအနေတွေကိုလည်းဆွေးနွေးတင်ပြခဲ့တယ်လို့ သတင်းထုတ်ပြန်ချက်ကဆိုပါတယ်။

သူတို့ရဲ့တင်ပြချက်တွေထဲမှာ ရော်ဘာလုပ်ငန်းပိုမိုဖွံ့ဖြိုးတိုးတက်ဖို့ပံ့ပိုးကူညီပေး စေလိုရေး၊ဆားထုတ်လုပ်ရေးလုပ်ငန်းတွေမှာ နေရောင်ခြည်စွမ်းအင်သုံးလျှပ်စစ်ဖြင့် အစားထိုးသုံးစွဲနိုင်ရေး၊ ဆားကို ပြည်တွင်းပြည်ပရောင်းချရာမှာ အဆင့်မြင့်ဆားတွေထုတ်လုပ်နိုင်ဖို့ နိုင်ငံတော်ကကူညီပေးရေး၊ ငါးမွေးမြူရေး၊ စက်မှုဇုန်လုပ်ငန်းများနှင့်  ယက်ကန်းလုပ်ငန်းများတွင် အရင်းမပျောက်မတည်ချေးငွေများနှင့်  အတိုးနှုန်းသက်သာသည့်ချေးငွေတွေထုတ်ချေပေးရေး၊ သံရည်ကျိုလုပ်ငန်းနှင့် သတ္ထုထုတ်လုပ်မှုလုပ်ငန်းများအတွက် ကုန်ကြမ်းများ ဈေးနှုန်းသက်သာစွာရရှိစေရေးတွေပါဝင်တယ်လို့သိရပါတယ်။

စိုက်ပျိုးရေး၊မွေးမြူရေး၊ကုန်ထုတ်လုပ်မှု၊စွမ်းအင်နှင့် ခရီးသွားလုပ်ငန်းဆိုင်ရာများနှင့်ပတ်သက်ပြီး မွန်ပြည်နယ်အတွင်း အလားအလာများနှင့် ဆောင်ရွက်သင့်တာတွေကိုလည်း ဗိုလ်ချူပ်မှူးကြီးက ပြောကြားခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။

အိမ်နီးချင်းနိုင်ငံတွေနှင့် ကုန်သွယ်မှုစာရင်းဇယားတွေကို တိုက်ဆိုင်စစ်ဆေးကြည့်တဲ့အခါ ၅၀ ရာခိုင်နှုန်းခန့် ကွာဟနေတာတွေ့ရပြီး ယင်းသည် တရားမဝင်ကုန်သွယ်မှုများရှိနေခြင်းကြောင့်ဖြစ်တယ်လို့လည်း နစက ဥက္ကဋ္ဌက ပြောဆိုပြီး အချို့သော EAO ဟာ တရားမဝင်ကုန်သွယ်ရေးတွေမှာ ပါဝင်လျက်ရှိနေတယ်လို့လည်း သူက ထုတ်ဖော်ပြောဆိုခဲ့ပါတယ်။

နစက ဥက္ကဋ္ဌဟာ တိုင်းဒေသကြီးနှင့်ပြည်နယ်အလိုက် အသေးစား၊အငယ်စားနှင့်အလတ်စားစက်မှုလုပ်ငန်းMSME စီးပွားရေးလုပ်ငန်းရှင်များနှင့် ဆက်တိုက်တွေ့ဆုံမှုတွေပြုလုပ်နေတာဖြစ်ပြီး ယမန်နေ့ကလည်း ကရင်ပြည်နယ်က လုပ်ငန်းရှင်တွေနှင့် တွေ့ဆုံခဲ့ပါတယ်။

-ymg/knl

#Mon_State_Myanmar

#Myanmar_MSME

#SG_Min_Aung_Hlaing