#Local_News
Pubished 31 May 2025

▪️ ဇွန်လ ၄ ရက်နေ့နောက်ပိုင်းတွင် မြန်မာနိုင်ငံ၏ ပြည်နယ်/တိုင်းဒေသအချို့တွင် မိုးအားလျော့နည်းသွားနိုင်ကြောင်း မိုးလေဝသပညာရှင် ဦးဝင်းနိုင်က အိန္ဒိယမိုးလေဝသဌာန၏ မေလ ၃၁ ရက်နေ့ထုတ်ပြန်ချက်ကို ကိုးကားဖော်ပြထားသည်။

▪️ အိန္ဒိယမိုးလေဝသဌာနက အာသံပြည်နယ် အနောက်မြောက်ဘက် (မြန်မာပြည် နယ်စပ်အနီး)မှ လေဖိအားနည်းရပ်ဝန်း အားလျော့သွားပြီး အထက်အမြင့် ၃.၁ ကီလိုမီတာ(အမြင့်ပေ ၁၀,၀၀၀ အထက်)မှာ လေပွေလှိုင်းဆက်လက်ဖြစ်ပေါ်နေကြောင်း ယနေ့ထုတ်ပြန်ထားရာ အဆိုပါအခြေအနေကြောင့် ကချင်ပြည်နယ်အထက်ပိုင်း ဧရာဝတီ နှင့် ချင်းတွင်းမြစ်ဖျားဒေသများတွင် ဇွန်လ ၄ ရက်နေ့အထိမိုးဆက်များနေနိုင်ကာ ဇွန်လ ၄ ရက်နေ့နောက်ပိုင်းတွင် မြန်မာနိုင်ငံ၏ ကျန်ရှိ ပြည်နယ်/တိုင်းဒေသများတွင် မိုးအား လျော့နည်းသွားနိုင်ကြောင်း သိရသည်။

▪️ ထို့ပြင် မေလ ၃၁ ရက် နံနက် ၆ နာရီခွဲမှ ဇွန်လ ၂ ရက် နံနက် ၆ နာရီခွဲအထိ - ၄၈ နာရီအတွင်း ကချင်ပြည်နယ်၊ စစ်ကိုင်းတိုင်းအထက်ပိုင်း၊ ရခိုင်ပြည်နယ်၊ ရှမ်းပြည်နယ် မြောက်ပိုင်း၊ ချင်းပြည်နယ်၊ မကွေးတိုင်းမြောက်ပိုင်းမှ (ရခိုင်ရိုးမတောင်ကြောနှင့်ကပ်လျှက်ရှိသည့်ဒေသများ)၊ မွန်ပြည်နယ် ကရင်ပြည်နယ်တို့တွင် မိုးများ/မိုးအလွန်များနို င်ကြောင်း၊ ချင်းတွင်း/ဧရာဝတီမြစ်ရေအခြေအနေ စိုးရိမ်ရေမှတ်ရောက်ရန် လိုနေသေး သော်လည်း ဇွန်လ ၃ ရက် အထိ ဆက်လက်၍ မိုးများနေနိုင်သည့် ဧရာဝတီ-ချင်းတွင်းမြစ်ဖျားပိုင်းမှ ကျဆင်းလာနိုင်မည့်ရေထုထည် နှင့် မြစ်ရေစီးဆင်းနှုန်း များလာနိုင်သောကြောင့် "မိုး‌လေဝသနှင့်ဇလဗေဒညွန်ကြားမှု ဦးစီးဌာနမှ နေ့စဉ် တင်ပြပေးနေသည့်မြစ်ရေအခြေအနေသတင်း" ကို မပြတ်စောင့်ကြည့်ပြီး မြစ်ကမ်းပါးအနီးမှ အနိမ့်ပိုင်းရပ်ကွက်များ၊ မြစ်လယ်သောင်များတွင် အခြေချနေထိုင်သူများ သတိပြုကြရမည့်အချိန်ဖြစ်ကြောင်း မိုးလေဝသပညာရှင် ဦးဝင်းနိုင်က၄င်း၏ လူမှုကွန်ရက်စာမျက်နှာမှ တဆင့်အသိပေးပြောကြားထားသည်။

#YMG/SW #Yangon_Times

#Local_News
Published 31 May 2025

▪️ ထိုင်းဘာသာဖြင့် ကပ်နှိပ်ထားသည့်  Sprite အမှတ်တံဆိပ် အစိမ်းရောင် အချိုရည်ဗူးများကို FDA ထောက်ခံချက်မရှိဘဲ တရားမဝင် တုပထုတ်လုပ်ဖြန့်ဖြူးရောင်းချနေကြောင်း အစားအသောက်နှင့် ဆေးဝါးကွပ်ကဲ ရေးဦးစီးဌာနမှ သိရသည်။

▪️ ကျန်းမာရေးဝန်ကြီးဌာန ၊အစားအသောက်နှင့် ဆေးဝါးကွပ်ကဲ ရေးဦးစီးဌာနသည် အရည်အသွေးစစ်မှန်ကောင်းမွန်ပြီး ဘေးအန္တရာယ်ကင်းရှင်းသည့်အစားအသောက်များကို အများပြည်သူတို့ စားသုံးနိုင်ရန်စဉ်ဆက်မပြတ်ဆောငိရွက်နေကြောင်း သိရသည်။

▪️ ထိုသို့ဆောင်ရွက်လျှက်ရှိရာ ထိုင်းဘာသာဖြင့် ကပ်နှိပ်ထားသည့်  Sprite အမှတ်တံဆိပ် အစိမ်းရောင် အချိုရည်ဗူးများကို FDA ထောက်ခံချက်မရှိဘဲ  ဈေးကွက်များတွင် တရားမဝင် တုပထုတ်လုပ်ဖြန့်ဖြူးရောင်းချနေသည်ကိုစိစစ်တွေ့ရှိရကြောင်း သိရသည်။

▪️ ထို့ကြောင့် စားသုံးသူပြည်သူများ၏ကျန်းမာရေးကိုထိခိုက်စေ နိုင်ပြီး အရည်အသွေး အာမခံချက်နှင့်တာဝန်ယူမှု၊တာဝန်ခံမှုမရှိသည့် ၎င်းအစားအသောက်အမယ်အားဝယ်ယူသုံးစွဲခြင်းမပြုရန်သတိပေးထားကြောင်း သိရသည်။

▪️ ဖြန့်ဖြူးရောင်းချသူများကိုမူ ဈေးကွက်အတွင်းဖြန့်ဖြူးရောင်းချခြင်းမပြုကြရန်နှင့် လိုက်နာ ဆောင်ရွက်ခြင်းမပြုပါကအမျိုးသားအစားအသောက်ဥပဒေပုဒ်မ၂၈(က)အရ အရေး ယူဆောင်ရွက်မည်ဖြစ်ကြောင်း သိရသည်။

#YMG/NN #Yangon_Times

#Local_News
Published 31 May 2025

▪️ ရေတွင်းအတွင်း ကျောက်တုံးနှင့် အမှိုက်များ ဆင်းဆယ်ရာမှ အမျိုးသားတစ်ဦး ‌ေ-သဆုံးမှုတစ်ခုပခုက္ကူမြို့တွင်  ယနေ့မနက်ပိုင်းတွင် ဖြစ်ပေါ်ခဲ့ကြောင်း သိရသည်။

▪️ မေ၃၁ ရက်နေ့၊ မနက်၈ နာရီ၁၀ မိနစ်အချိန်ခန့်၊ မကွေးတိုင်းဒေသကြီး၊ ပခုက္ကူမြို့၊ အမှတ် (၁၂) ရပ်ကွက်တွင် အမျိုးသား(၁)ဦး ရေတွင်းအတွင်း ကျောက်တုံးနှင့် အမှိုက်များ ဆင်းဆယ်ရာမှ ရေတွင်းအတွင်း သေဆုံးမှုဖြစ်ပွားခဲ့ကြောင်း သိရသည်။

▪️ 'အမှိုက်ဆင်းဆယ်ရာကနေ အောက်ဆီဂျင်ပြတ်လပ်ပြီး ဆုံးသွတာပါ ၊ ရေတွင်းထဲ ဆင်းရင် သတိရှိကြဖို့လိုပါတယ်၊ ဒီလိုအဖြစ်တွေ မကြာခဏကြားနေရတယ်'ဟု ဒေသခံတစ်ဦးကပြောသည်။

▪️ အဆိုပါ သတင်းရရှိသဖြင့် ပခုက္ကူမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ပြီး သေဆုံးသူ အမျိုးသား (၁)ဦး၏ ရုပ်အလောင်းအား ဂရုဏာရှင် လူမှုကူညီရေးအသင်းယာဉ်ဖြင့် ပခုက္ကူပြည်သူ့ဆေးရုံသို့ ပို့ဆောင်ပေးခဲ့ ကြောင်း သိရသည်။

#YMG/NN #Yangon_Times

အခုဘဏ္ဍာနှစ်အတွင်း ငါးသားပေါက်ကောင်ရေ သိန်း (၃၈၀)ကျော်ကို နိုင်ငံတစ်ဝန်းက မြစ်ချောင်းအင်းအိုင်တွေကို  မျိုးစိုက်ထည့်ဖို့ လျာထားဆောင်ရွက်နေတယ်လို့ ငါးလုပ်ငန်း ဦးစီးဌာနက သိရပါတယ်။
#Local_News
Published 31 May 2025
#မြစ်ချောင်းအင်းအိုင် #ငါးသားပေါက်သိန်း၃၈၀
#YMG/NN #Yangon_Times

ပြီးခဲ့တဲ့အပတ်က ပြန်လည်မြင့်တက်လာတဲ့  ရန်ကုန်အထိုင်စက်သုံးဆီဈေးနှုန်းတွေဟာ အခုတစ်ပတ်မှာတော့ တစ်လီတာကို ၁၅ကျပ်ကနေ ၄၅ ကျပ်အတွင်း ပြန်လည်ကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက သိရပါတယ်။
#Local_News
Published 31 May 2025
#စက်သုံးဆီအားလုံးဈေးကျ #စက်သုံးဆီတင်သွင်းသိုလှောင်ဖြန့်ဖြူးခြင်း
#YMG/NN #Yangon_Times

မြန်မာနိုင်ငံမှ အေးခဲအသားအပါအဝင် တိရစ္ဆာန်အသား (အမဲသား)များ တရုတ်နိုင်ငံသို့တင်ပို့ခွင့် ရရှိရေးအတွက် ဆွေးနွေးလျှက်ရှိတယ်လို့ သိရပါတယ်။
#Local_News
Published 31 May 2025
#အေးခဲအသား #တရုတ်နိုင်ငံသို့တင်ပို့ခွင့်ရရှိရေး
#YMG/SW #Yangon_Times