#Local_News
Published 2 January 2025
▪️ ထိုင်းနိုင်ငံသို့ သွားရောက်ရန် E -Visa လျှောက်ထားရာတွင် ညွန်ကြားချက်များမလိုက်နာပါက ငြင်းပယ်ခံရနိုင်ကြောင်း မြန်မာနိုင်ငံဆိုင်ရာ ထိုင်းသံရုံးကထုတ်ပြန်ထားသည်။
▪️ ထိုင်းဗီဇာလျှောက်ထားမှုကို E- Visa စနစ်ဖြင့်ယခုလ၁ရက်မှ စတင်ကာလက်ခံဆောင်ရွက်ပေးလျှက်ရှိရာE visa လျှောက်ထားရာ၌ အထူးသတိထားသင့်သည့် အချက်များကို သံရုံးဝက်ဘ်ဆိုက်၌ထုတ်ပြန်ထားကြောင်း သိရသည်။
▪️ ထိုအချက်များထဲတွင်မြန်မာနိုင်ငံသားများသည် မျိုးရိုးအမည် “family name” မရှိသောကြောင့် ညွှန်ကြားချက်နံပါတ် (၆) ကိုသေချာစွာလိုက်နာရမည်ဖြစ်ကြောင်း၊ညွှန်ကြားချက်နံပါတ် (၆)တွင် မြန်မာနိုင်ငံသားများသည် မိမိအမည်အပြည့်အစုံကို “First name” နေရာတွင်သာဖြည့်ရန်ဖြစ်ပြီး “Family name “နေရာကို အလွတ်ထားရန်ဖြစ်ကာ ညွှန်ကြားချက်ကို မလိုက်နာပါက သင်၏ E -Visa လျှောက်ထားမှု ငြင်းပယ်ခံရမည်ဖြစ်ကြောင်း ဖော်ပြပါရှိသည်။
▪️ လတ်တလော၂၀၂၅ ခုနှစ်၊ ဇန်နဝါရီလ ၂-၇ ရက်များအတွက် E -Visaလျှောက်ထားခဲ့ပြီး E -Visaကြေးပေးသွင်းရန် နံပါတ်ရရှိပြီးသူများသည် ဖောင်တွင် မိမိအမည်ကို ရှေ့နောက်မှားယွင်းဖြည့်သွင်းမိထားပါက ဖောင်အသစ်ကိုပြန်လည်ဖြည့်သွင်းနိုင်ရန် သံရုံးကခွင့်ပြုပေးမည်ဖြစ်ကြောင်း ၊ထိုသူများသည် လျှောက်လွှာနံပါတ် Request No. အသစ်ကို မူလကရရှိထားသော E -Visaကြေးပေးသွင်းရန်နံပါတ် E-visa payment reservation No.နှင့်အတူ တွဲဖက်အသုံးပြုရမည် ဖြစ်ကြောင်း သိရသည်။E -Visaလျှောက်ထားမည့် မြန်မာနိုင်ငံသားများသည် ဖောင်ဖြည့်ရာတွင်လိုက်နာရမည့်အချက်များကို https://www.thaiconsularyangon.com/evisapay/instructionတွင် ဖတ်ရှုနိုင်ကြောင်း သိရသည်။
#YMG/SW #Yangon_Times
#Local_News
Published 2 Jan 2024
▪️ ရေကြောင်းကုန်စည်ပို့ဆောင်မှုစနစ် ပိုမိုတိုးမြှင့် ပို့ဆောင်နိုင်ရေးအတွက် ကုန်တင်ရေယာဉ်၊ ကွန်တိန်နာတင် ရေယာဉ်များကို ပြည်တွင်း၌ ပိုမိုတည်ဆောက်ပြီး ရေကြောင်းပို့ဆောင်ရေးကဏ္ဍကို မြှင့်တင်ရမည်ဟု နစက ဥက္ကဋ္ဌဗိုလ်ချုပ်မှူးကြီးမင်းအောင်လှိုင်ပြောသည်။
▪️ ယမန်နေ့ ဇန်နဝါရီလ ၁ ရက်က ပြုလုပ်သည့် သမိုင်းဝင်ဒလသင်္ဘောကျင်း နှစ် (၁၅၀) ပြည့်အထိမ်းအမှတ် အခမ်းအနားတွင်ယင်းက အထက်ပါအတိုင်း ပြောကြားခြင်းဖြစ်သည်။
▪️ ထို့ကြောင့် ရေရှည်မျှော်မှန်းပြီး ဒလသင်္ဘောကျင်းကဲ့သို့ သင်္ဘောကျင်းများမှ လိုအပ်သည့် ရေယာဉ်များကို တည်ဆောက်ကြရမည်ဖြစ်ပြီး နိုင်ငံပိုင်သင်္ဘောကျင်းများအနေဖြင့် ရေရှည်ကိုမျှော်မှန်းပြီး စွမ်းဆောင်ရည် ပိုမိုမြင့်မားစွာဖြင့် ကြိုးပမ်းဆောင်ရွက်ကြရန်လည်း နစက ဥက္ကဌကပြောကြားခဲ့ကြောင်း သိရသည်။
▪️ ၎င်းကမြန်မာနိုင်ငံမြောက်ဖျားမှ တောင်ဘက်ဧရာဝတီမြစ်ဝှမ်းထိ ကူးသန်းသွားလာမှုများစွာ အထောက် အကူပြုနေသည့် ဧရာဝတီမြစ်၊ ချင်းတွင်းမြစ်များကို ရာသီမရွေး ထိထိရောက်ရောက် အသုံးချနိုင်ရန် ပင်လယ်လမ်းကြောင်းတစ်လျှောက် ကူးသန်းသွားလာမှုမြှင့်တင်ရမည်ဖြစ်ကြောင်း ဟုလည်းဆိုသည်။
▪️ ယင်းအပြင် စီးပွားရေးဖွံ့ဖြိုးတိုးတက်စေရန်ရေကြောင်းကဏ္ဍမှ ထောက်ပံ့ပေးနိုင်ရေး တီထွင်ကြံဆမှုများ၊ မြစ်တွင်းရေကြောင်းပို့ဆောင်ရေးမှ ကမ်းရိုးတန်းရေကြောင်းပို့ဆောင်ရေး၊ မြစ်တွင်းကုန်စည်ပို့ဆောင်မှုမှ ကမ်းရိုးတန်းခရီးစဉ်နှင့် ရေကြောင်းကုန်စည်ပို့ဆောင်မှု၊ ကွန်တိန်နာဖြင့် ကုန်စည်ပို့ဆောင်မှု၊ ကမ်းရိုးတန်း ခရီးစဉ်ဖြင့် မြစ်တွင်းခရီးစဉ်ပေါင်းစပ်ပြီး ရေကြောင်းကုန်စည်ပို့ဆောင်မှုစနစ်များ ပိုမိုထိုးဖောက်တိုးမြှင့်ပို့ဆောင်နိုင်ရန် လုပ်ဆောင်ရမည်ဟုလည်းပြောကြားခဲ့သည်။
#Yangon -Times/PP
#Local_News
Published 2 January 2025
▪️ (၇၇) နှစ်မြောက် လွတ်လပ်ရေးနေ့ကို ဂုဏ်ပြုသောအားဖြင့် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းသည် ‘‘(၇၇) နှစ်မြောက် လွတ်လပ်ရေးနေ့ အထိမ်းအမှတ်’’ ၂၀၀ ကျပ်တန်အထူးထုတ်စာပို့တံဆိပ်ခေါင်းသစ် (၃) မျိုးကို ဇန်နဝါရီ (၄) ရက်နေ့ မနက် ၉ နာရီခွဲမှစတင်၍ ရောင်းချပေးသွားမည်ဖြစ်ကြောင်း သိရသည်။
▪️ ထိုသို့ရောင်းချရာတွင် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ ပြည်နယ်များရှိ စာတိုက်များတွင် ရောင်းချပေးသွားမည်ဖြစ်သည်။
▪️ ထို့အပြင် အထူးအစီအစဉ်တစ်ရပ်အနေဖြင့် နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတို့တွင် ဇန်နဝါရီ (၄) ရက်၊ (စနေနေ့) တွင် ဝယ်ယူသော စာပို့တံဆိပ်ခေါင်းများပေါ်တွင် နေ့စွဲအမှတ်အသားတံဆိပ် ရိုက်နှိပ်ပေးသွားမည်ဖြစ်ကြောင်း သိရသည်။
#YMG/NN #Yangon_Times
#Local_News
Published 1 January 2025
▪️ မွန်ပြည်နယ်၊မော်လမြိုင်မြို့ရှိ တောင်ဝိုင်းတောင်ပေါ် အဆင်းကားလမ်းတွင် ယနေ့ နေ့လယ်ပိုင်း၌ Light Track ယာဉ်တစ်စီးချောက်ထဲထိုးကျပြီး၁၁ဦးဒဏ်ရာရ ရှိခဲ့၍ ဆေးရုံသို့ကူညီ ပို့ဆောင်ပေးခဲ့ကြောင်း ဘိုဘိုဝင်း Rescue အရေးပေါ်ကယ်ဆယ်ရေးအဖွဲ့မှ သိရသည်။
▪️ ဖြစ်စဉ်မှာဇန်နဝါရီ ၁ ရက်နေ့လယ် ၂နာရီ ၅၅ မိနစ် အချိန်က မော်လမြိုင်မြို့၊ တောင်ဝိုင်းတောင်ပေါ်အဆင်းကားလမ်းကွေ့တွင် Light Track ယာဉ်၁စီး ဘရိတ်ပေါက် ၍ တောင်အောက်သို့ထိုးကျသွားကြောင်း သိရသည်။
▪️ အဆိုပါဖြစ်စဉ်ကြောင့် ယာဉ်ပေါ်ပါသူအမျိုးသား၊ အမျိုးသမီး ၁၅ ဦးနှင့် ကလေး၁ဦး၊ စုပေါင်း(၁၆)ဦးတွင် ကျား၊ မ ၁၁ ဦး ထိခိုက်ဒဏ်ရာရရှိခဲ့ကြောင်း သိရသည်။
▪️ ထို့ကြောင့် ဒဏ်ရာရရှိသူများအားဘိုဘိုဝင်း Rescue အရေးပေါ်ကယ်ဆယ်ရေးအဖွဲ့မှ လိုအပ်သည့်များပြုစုပေးပြီး မော်လမြိုင်ဆေးရုံကြီးသို့ လူနာတင်ယာဉ် (၂)စီးဖြင့် ကူညီပို့ဆောင်ပေးခဲ့ကြောင်း သိရသည်။
#YMG/NN #Yangon_Times
#Daily_News
Published 1 January 2025
၁။ အဝေးပြေးယာဉ်လိုင်းများမှ တစ်ဆင့်ပို့ဆောင်သည့် ကုန်ပစ္စည်းများကိုဖွင့်ဖောက်စစ်ဆေးမည်
၂။ မိုဘိုင်းငွေကြေးဝန်ဆောင်မှုလုပ်ငန်းများအသုံးပြု လိမ်လည်သူများကို အရေးယူမှုအရှိန်မြှင့်မည်
၃။ ပြည်တွင်းထုတ် စားဆီဈေးရောင်းပွဲတော်ကျင်းပမည်
၄။ ဆယ်စုနှစ်များစွာ ထိန်းချုပ်ထားနိုင်ခဲ့သည့် ကာလဝမ်းရောဂါဖြစ်ပွားမှုများပြားလာသဖြင့် WHO က အရေးပေါ်ကျန်းမာရေးအခြေအနေကြေညာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
အင်းလေးဒေသသို့ ပြည်တွင်း ပြည်ပမှ ခရီးသွားတွေလာရောက်လည်ပတ်လျက်ရှိရာမှာ ရုရှားနိုင်ငံမှ အများဆုံးလာရောက်လည်ပတ်လျက်ရှိတယ်လို့ သိရပါတယ်။
#Local_News
Published 1 January 2025
#အင်းလေးဒေသ #ရုရှားမှအများဆုံးဖြစ်
#YMG/SW #Yangon_Times
မသမာသူတွေက မိုဘိုင်းငွေ ကြေးဝန်ဆောင်မှုလုပ်ငန်းတွေကိုအသုံးချပြီး ငွေလိမ်လည်မှုတွေ ဆောင်ရွက်လျက်ရှိတာကြောင့် လိမ်လည်သူတွေကို ထိရောက်စွာ အရေးယူမှုအား အရှိန်မြှင့်လုပ်ဆောင်သွားမယ်လို့ မြန်မာနိုင်ငံတော်ဗဟိုဘဏ်က ထုတ်ပြန်လိုက်ပါတယ်။
#Local_News
Published 1 January 2025
#မိုဘိုင်းငွေကြေးဝန်ဆောင်မှုလုပ်ငန်း #လိမ်လည်သူ
#YMG/SW #Yangon_Times
Page 328 of 2149
