သီတင်းကျွတ်ပွဲတော်ကာလ ဖြစ်တာကြောင့် အခုရက်ပိုင်းအတွင်းသကြား အရောင်းအဝယ်ကောင်းနေတယ်လို့ မြန်မာနိုင်ငံသကြားနှင့်  ကြံထွက်ပစ္စည်း လုပ်ငန်းရှင်များအသင်းက သိရပါတယ်။
#Local_News
Published 19 October 2024
#သီတင်းကျွတ်ပွဲတော် #သကြား အရောင်းအဝယ်ကောင်း
#YMG/NN #Yangon_Times

#Local_Sports
Published_ 19 October 2024

▪️ ၂၀၂၅ အာရှဖလား အမျိုးသမီးဖူဆယ်ခြေစစ်ပွဲ အုပ်စုမဲခွဲပွဲကို အောက်တိုဘာ ၁၇ ရက်က မလေးရှားနိုင်ငံ၊ ကွာလာလမ်ပူမြို့တွင် ပြုလုပ်ခဲ့ရာ မြန်မာ့လက်ရွေးစင်အမျိုးသမီးအသင်းသည် အုပ်စု( D) တွင် ဗီယက်နမ်၊ တရုတ်တိုင်ပေ၊ မကာအို အသင်းများနှင့် အတူကျရောက်ခဲ့ပါတယ်။

▪️ ခြေစစ်ပွဲများကို အိမ်ရှင်နိုင်ငံများအဖြစ် မြန်မာ၊ ထိုင်း၊ အင်ဒိုနီးရှားနှင့် ဥဇဘက်ကစ္စတန်တို့တွင် ကျင်းပသွားမည်ဖြစ်ပြီး ၁၉ သင်း ဝင်ရောက်ယှဉ်ပြိုင်မည်ဖြစ်ရာ ငါးသင်း သုံးအုပ်စုနှင့် လေးသင်း တစ်အုပ်စုခွဲကာ ကျင်းပသွားမည်ဖြစ်သည်။

▪️ ခြေစစ်ပွဲကို ၂၀၂၅ ခုနှစ် ဇန်နဝါရီ ၁၁ မှ ၁၉ ရက် အထိ ကျင်းပပြုလုပ်မှာပါ။ ခြေစစ်ပွဲ အုပ်စုလေးခုမှ ထိပ်ဆုံးရပ်တည်မှုရ နှစ်သင်းစီ(ရှစ်သင်း)နှင့် အုပ်စုလေးခုမှ အကောင်းဆုံးအုပ်စုတတိယရအသင်း စုစုပေါင်း ကိုးသင်း ခြေစစ်ပွဲအောင်မြင်မှာ ဖြစ်ပါတယ်။

▪️ ၂၀၂၅ အာရှဖလား အမျိုးသမီးဖူဆယ်ပြိုင်ပွဲကို အိမ်ရှင်အဖြစ်လက်ခံကျင်းပမည့် တရုတ်၊ ၂၀၁၈ ပြိုင်ပွဲ ချန်ပီယံ အီရန်နှင့် ဒုတိယရ ဂျပန်တို့မှာ တိုက်ရိုက်ဝင်ခွင့်ရခဲ့ပြီး ခြေစစ်ပွဲအောင် ကိုးသင်း၊ စုစုပေါင်း အသင်း ၁၂ သင်းဖြင့် ကျင်းပသွားမှာဖြစ်ပြီး တရုတ်နိုင်ငံ၌ ၂၀၂၅ ခုနှစ် မေ ၇ ရက် မှ ၁၈ ရက်အထိ ကျင်းပသွားမှာ ဖြစ်ပါတယ်။

▪️ မြန်မာ့လက်ရွေးစင် အမျိုးသမီးဖူဆယ်အသင်းသည် လာမည့်နိုဝင်ဘာအတွင်း ယှဉ်ပြိုင်ရမည့် ၂၀၂၄ အာဆီယံ အမျိုးသမီးဖူဆယ် ချန်ပီယံရှစ်ပြိုင်ပွဲအတွက် စက်တင်ဘာ ၃၀ ရက်မှစ၍ ပဏာမကစားသမား၂၆ ဦးဖြင့် စခန်းဝင်လေ့ကျင့်လျက်ရှိကြောင်း သိရပါတယ်။

▪️ မြန်မာ့လက်ရွေးစင် အမျိုးသမီးဖူဆယ်အသင်းသည် အာဆီယံအမျိုးသမီး ချန်ပီယံရှစ်ပြိုင်ပွဲအပြင် အာရှဖလား ခြေစစ်ပွဲအတွက်ပါ ပြင်ဆင်လျက်ရှိပြီး နည်းပြချုပ်အဖြစ် ဦးဌေးမြင့်က ကိုင်တွယ်နေတာ ဖြစ်ပါတယ်။

#Ymg_mnn #Yangon_Media_Group

#Local_News
Published_ 19 October 2024

▪️ အွန်လိုင်းလိမ်လည်မှုများနှင့် အွန်လိုင်းလောင်းကစားမှုများသည် မြန်မာနိုင်ငံအပါအဝင် ဒေသတွင်းနိုင်ငံများတွင် ကြီးမားသောပြဿနာဖြစ်လာပြီး မြန်မာနိုင်ငံအနေဖြင့် အွန်လိုင်းလိမ်လည်မှုများကို နှိမ်နှင်းလျက်ရှိပြီး အခြားနိုင်ငံများနှင့် ပူးပေါင်းဆောင်ရွက်လျက်ရှိကြောင်း ဗီယင်နာမြို့ အခြေစိုက်ကုလသမဂ္ဂနှင့် အခြားနိုင်ငံတကာ အဖွဲ့အစည်းများဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးမင်းသိမ်းတက်ရောက်ခဲ့ ပြောကြားခဲ့ပါတယ်။

▪️ ဩစတြီးယားနိုင်ငံ၊ ဗီယင်နာမြို့တွင် အောက်တိုဘာ (၁၄)ရက်မှ (၁၈)ရက်အထိ ကျင်းပခဲ့တဲ့ နိုင်ငံဖြတ်ကျော်အုပ်စုဖွဲ့မှုခင်းတိုက်ဖျက်ရေးဆိုင်ရာ ကုလသမဂ္ဂကွန်ဗင်းရှင်း (UNTOC) အဖွဲ့ဝင်နိုင်ငံများ ၏ (၁၂)ကြိမ်မြောက်ညီလာခံ၌ မြန်မာအမြဲတမ်းကိုယ်စားလှယ်က ပြောကြားခဲ့တာ ဖြစ်ပါတယ်။

▪️ မြန်မာနိုင်ငံအနေဖြင့် ၂၀၀၄ ခုနှစ်တွင် UNTOC နှင့် လူကုန်ကူးမှုနှင့် ရွှေ့ပြောင်းသွားလာ သူများအား မှောင်ခိုကူးမှုဆိုင်ရာ နောက်ဆက်တွဲစာချုပ်(Protocol)(၂)ခုသို့ ဝင်ရောက်ခဲ့ပြီး လူကုန်ကူးမှု တိုက်ဖျက်ရေးဆိုင်ရာ အာဆီယံကွန်ဗင်းရှင်း (ACTIP)နှင့် မဲခေါင်ဒေသတွင်းနိုင်ငံများအကြား နားလည်မှုစာချွန်လွှာ (COMMIT MoU)တို့မှတစ်ဆင့် ဒေသတွင်းပူးပေါင်းဆောင်ရွက်မှုများ တိုးမြှင့် ဆောင်ရွက်နေပါတယ်။

▪️ လက်ရှိတွင် မြန်မာနိုင်ငံလူကုန်ကူးမှု တိုက်ဖျက်ရေးဆိုင်ရာ စတုတ္ထ(၅)နှစ်စီမံကိန်း (၂၀၂၂-၂၀၂၆)ကို အကောင်အထည်ဖော်ဆောင်ရွက်နေပြီး နိုင်ငံတကာအနေဖြင့် အကူအညီလိုအပ်နေသော နိုင်ငံများသို့ အဆင့်မြင့်နည်းပညာနှင့် နည်းပညာဆိုင်ရာ ကိရိယာများပံ့ပိုးပေးခြင်း၊ စွမ်းဆောင်ရည် မြှင့်တင်ပေးခြင်း၊ သတင်းအချက်အလက်မျှဝေမှုစနစ် ပိုမိုကောင်းမွန်စေခြင်းတို့ဖြင့် ပူးပေါင်းဆောင်ရွက် မှုများ တိုးမြှင့်ဆောင်ရွက်ရန်လိုအပ်နေတယ်လို့ ဆိုပါတယ်။

▪️ မြန်မာနိုင်ငံအနေဖြင့် နိုင်ငံဖြတ်ကျော်အုပ်စုဖွဲ့မှုခင်းအားလုံးကို တိုက်ဖျက်သွားဖို့ ထပ်မံ အတည်ပြုပြောကြားခဲ့ပြီး UNODC၊ နိုင်ငံတကာနှင့် ဒေသတွင်းမိတ်ဖက်နိုင်ငံများနှင့် ပိုမိုပူးပေါင်း ဆောင်ရွက်သွားဖို့လည်း အသင့်ရှိကြောင်း မြန်မာအမြဲတမ်းကိုယ်စားလှယ်က ပြောကြားခဲ့ပါတယ်။

#Ymg_mnn #Yangon_Media_Group

#Daily_News
Published 18 October 2024

၁။ ရွှေတိဂုံစေတီတွင်  မီးစေတီပူဇော်ပွဲ၊ ဆီမီးပူ‌ဇော်ပွဲ၊ အဘိဓမ္မာအခါတော်နေ့နဲ့ ဆွမ်းသိမ်းအောင်ပွဲကျင်းပခဲ့

၂။ ‌ပုဂံ၌ မြင်းလှည်းအစီးရေ၁၃၀ ခန့်ဖြင့် ဝန်ဆောင်မှုပေးနေပြီး ရိုးရာချစ်မြတ်နိုးသူများစီးနင်းနေဆဲဟုဆို

၃။ သုခဒဂုံပြည်သူ့အငှါး အိမ်ရာတတိယအသုတ်အိမ်ခန်း ငှါးရမ်းခွင့်အတွက် ယခုလ နောက်ဆုံးပတ်၌ မဲနှိုက်ရမည်

၄။ ရှန်ဟိုင်းပူးပေါင်းဆောင်ရွက်ရေးအဖွဲ့ အစိုးရအဖွဲ့ခေါင်းဆောင်များ အစည်းအဝေး ပါကစ္စတန်တွင်ကျင်းပခဲ့... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်တိုင်းဒေသကြီး၊ ပြည်သူ့ရင်ပြင် သီတင်းကျွတ်ဈေးရောင်းပွဲတော်နှင့်ဂီတပွဲတော်မှာစားအုန်းဆီ 5 Liters ဗူး(ဆီ၂ပိဿာ၇၅ကျပ်သား)ကို  ဈေးနှုန်းသက်သာစွာရောင်းချပေးနေတယ်လို့ သိရပါတယ်။
#Local_News
Published 18 October 2024
#စားအုန်းဆီရောင်းပေး #ပြည်သူ့ရင်ပြင်
#YMG/tthl #Yangon_Times

ဒဂုံမြို့သစ်တောင်ပိုင်းမြို့နယ်ရှိ သုခဒဂုံပြည်သူ့အငှါးအိမ်ရာတတိယ အသုတ်အိမ်ခန်းငှါးရမ်းခွင့်ရရှိနိုင်ရန် အခုအောက်တိုဘာလ နောက်ဆုံးပတ်မှာမဲနှိုက်ခွင့်ရမယ်လို့ သုခဒဂုံပြည်သူ့အငှားအိမ်ရာ၊ အိမ်ခန်းနေရာချထားရေးနှင့်စည်းကမ်းထိန်းသိမ်းရေးကော်မတီမှ သိရပါတယ်။
#Local_News
Published 18 October 2024
#သုခဒဂုံပြည်သူ့အငှါးအိမ်ရာ #နောက်ဆုံးပတ်၌မဲနှိုက်
#YMG/NN #Yangon_Times