#Local_News
Published 12 June 2025
▪️ မြန်မာနိုင်ငံဆိုင်ရာ တရုတ်သံရုံးမှ သံမှူးကြီး Dr. Zheng Zhihong သည် ခေတ်ဟောင်းမြန်မာ့ရုပ်ရှင် “သူချစ်” ၏ အဓိကသရုပ်ဆောင်တို့၏ မိသားစုဝင်အားဒစ်ဂျစ်တယ်စနစ်ဖြင့် ပြန်လည်ပြုပြင်ထိန်းသိမ်းထားသော ရုပ်ရှင် soft copy ကို လက်ဆောင်အဖြင့်ပေးအပ်ခဲ့ကြောင်း သိရသည်။
▪️ မြန်မာနိုင်ငံဆိုင်ရာ တရုတ်သံရုံး၏ ဖိတ်ကြားချက်အရ ဇွန်လ ၁၁ ရက်နေ့တွင် ခေတ်ဟောင်းမြန်မာ့ရုပ်ရှင် “သူချစ်” ၏ အဓိကသရုပ်ဆောင်များဖြစ်သည့် ဦးညွန့်မောင်နှင့် ဒေါ်မေမြင့်တို့၏ မိသားစုဝင်များသည် တရုတ်သံရုံးသို့ လာရောက်ခဲ့ရာ သံမှူးကြီး Dr. Zheng Zhihong သည် ၎င်းတို့နှင့်အတူ ရင်းနှီးစွာတွေ့ဆုံဆွေးနွေး၍ ဒစ်ဂျစ်တယ်စနစ်ဖြင့် ပြန်လည်ပြုပြင်ထိန်းသိမ်းထားသော ရုပ်ရှင် soft copy အား လက်ဆောင်အဖြင့် ပေးအပ်ခဲ့ခြင်းဖြစ်ကြောင်း သိရသည်။
▪️ သံမှူးကြီး Dr. Zheng Zhihong က တရုတ်-မြန်မာ သံတမန်ဆက်ဆံရေးထူထောင်ခြင်း (၇၅) နှစ်မြောက်အား ဂုဏ်ပြုရန်အတွက် တရုတ်နိုင်ငံသည် မြန်မာနိုင်ငံ၏ တောင်းဆိုချက်အရ “သူချစ်” ရုပ်ရှင်အား ဒစ်ဂျစ်တယ်စနစ်ဖြင့် ပြန်လည် ပြုပြင်ထိန်းသိမ်းခဲ့ကြောင်း၊ ယခုနှစ်မတ်လပိုင်းက လွှဲပြောင်းပေးအပ်ခြင်းနှင့် ပြန်လည်ပြသခြင်းအခမ်းအနားကို ကျင်းပခဲ့ရာ မြန်မာနိုင်ငံ နယ်ပယ်အသီးသီးမှ အားပေးထောက်ခံမှုများရရှိခဲ့ကြောင်း၊ တရုတ်နိုင်ငံသည် တရုတ်-မြန်မာ နှစ်နိုင်ငံရုပ်ရှင်နှင့် ရုပ်မြင်သံကြားဆိုင်ရာ ကူးလူးဖလှယ်ပူးပေါင်းဆောင်ရွက်မှုကို အဆက်မပြတ် တက်ကြွစွာ မြှင့်တင်ဆောင်ရွက်သွားမည်ဖြစ်ကြောင်း၊ နှစ်နိုင်ငံပြည်သူများစိတ်နှလုံးချင်းဆက်နွယ်မှုကို တိုးမြင့်သွားမည်ဖြစ်ကြောင်း ပြောကြားခဲ့သည်။
▪️ အဓိကသရုပ်ဆောင်တို့၏ မြေးဖြစ်သူ ဦးသီဟအောင်က တရုတ်နိုင်ငံမှ ခေတ်ဟောင်းမြန်မာ့ရုပ်ရှင်များကို ပြန်လည်ပြုပြင်ထိန်းသိမ်းပေးမှုကြောင့် ၁၉၅၀ ခုနှစ် အချိန်ကာလ မြန်မာလူမျိုးများ၏ ယဉ်ကျေးမှု ဓလေ့ထုံးတမ်း၊ နေထိုင်မှုအလေ့အထ၊ ဘူမိဗေဒလက္ခဏာများကို မြန်မာပြည်သူများထံ ပြန်လည်ထုတ်ဖော်ပြသနိုင်ခဲ့ကြောင်း၊ မိမိတို့တစ်မိသားစုလုံးက အဘိုးအဘွားတွေကို တင့်တယ်ထည်ဝါစွာ ပြန်တွေ့ခွင့်ရသည့် အတွက် တရုတ်နိုင်ငံအား ကျေးဇူးအထူးတင်ရှိပါကြောင်း၊ မြန်မာ-တရုတ် ချစ်ကြည်ရေးအတွက် အကျိုးထမ်းဆောင်သွားရန် ဆန္ဒရှိပါကြောင်း ပြောကြားခဲ့သည်။
▪️ “သူချစ်” ရုပ်ရှင်ကို ၁၉၅၁ ခုနှစ်တွင် ဖန်တီးရိုက်ကူးခဲ့ပြီး ထိုအချိန်က မြန်မာ့တောင်သူလယ်သမားတို့၏ဘဝကို သရုပ်ဖော်ထားကာ ၁၉၅၇ ခုနှစ်တွင် တရုတ်နိုင်ငံ၌ ကျင်းပသည့် အာရှရုပ်ရှင်ရက်သတ္တပတ်တွင် ထုတ်လွှင့်ပြသခဲ့ချိန်၌ တရုတ်ပရိသတ်များ၏ ကြိုက်နှစ်သက်မှုကို အမြောက်အမြားရရှိခဲ့ကြောင်း သိရသည်။
#YMG/SW #Yangon_Times
#Daily_News
Published 11 June 2025
၁။ ပြည်ပတင်ပို့မည့်စိုက်ပျိုးရေးထွက်ကုန် အချို့ကိုအလိုအလျောက်လိုင်စင်စနစ်ဖြင့် ခွင့်ပြုမည်
၂။ ငွေကျပ် ၃၀ဘီလီယံ မတည်ထားသည့်ကမ္ဘောဇ ကယ်ဆယ်ကူညီထောက်ပံ့ရေးစင်တာ စတင်ဖွင့်လှစ်
၃။ ရန်ကုန်တိုင်း၌ မိုးစပါးဧက၁၁သိန်းကျော် စိုက်ပျိုးရန်လျာထား
၄။ တရုတ်ထိပ်သီး AI ကုမ္ပဏီများယှဉ်ပြိုင်ကြသည့် Win in AI plus ပြိုင်ပွဲကြီးဖိုင်နယ်အဆင့်ရောက်ရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
#Local_News
Published 11June 2025
▪️ ဈေးကွက်အတွင်း ဆန်ဈေးနှုန်းကြီးမြင့်စွာရောင်းချမှုမရှိစေရေးအတွက် ကွင်းဆင်းကြပ်မတ်ကာ အသိပညာပေးဆောင်ရွက်နေကြောင်း စားသုံးသူရေးရာဦးစီးဌာနမှ သိရသည်။
▪️ အဆိုပါကွင်းဆင်းကြပ်မတ် အသိပညာပေးခြင်းကိုယခုလဆန်းမှစတင်ကာစားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ ဦးစီးအရာရှိနှင့် ဝန်ထမ်းများကကြည့်မြင်တိုင်မြို့နယ်နှင့် ဒဂုံမြို့သစ်(မြောက်ပိုင်း)မြို့နယ်များအတွင်းရှိ ဆန်ဆိုင်များတွင် ဆောင်ရွက်ခဲ့ခြင်းဖြစ်ကြောင်း သိရသည်။
▪️ ထိုသို့ ကွင်းဆင်းအသိပညာပေးရာတွင် မြန်မာနိုင်ငံဆန်စပါးအသင်းချုပ်မှ သတ်မှတ်ထားသော ရည်ညွှန်းဈေးနှုန်းများအတိုင်း ရောင်းချခြင်းရှိ/ မရှိနှင့် ဆန်ဈေးနှုန်းကြီးမြင့်မှု မဖြစ်ပေါ်စေရေး အတွက်စစ်ဆေးခဲ့ကြပြီး လိုက်နာမှုမရှိသော လုပ်ငန်းရှင်များကို အရေးကြီးကုန်စည်နှင့်ဝန်ဆောင် မှုဥပဒေအရ အရေးယူခံရမည်ဖြစ်ကြောင်း အသိပညာပေး ဆောင်ရွက်ခဲ့ကြောင်း သိရသည်။
#YMG/SW #Yangon_Times
အခုနှစ် ငါးလတာအတွင်းပြည်ပခရီးသွားဧည့်သည်တစ်သိန်းကျော်ဝင်ရောက်ခဲ့တယ်လို့ ရန်ကုန်တိုင်းဒေသကြီး ဟိုတယ်နှင့်ခရီးသွား ညွှန်ကြားမှု ဦးစီးဌာနက သိရပါတယ်။
#Local_News
Published 11 June 2025
#ပြည်ပခရီးသွားဧည့်သည် #ဟိုတယ်နှင့်ခရီးသွားညွှန်ကြားမှုဦးစီးဌာန
#YMG/NN #Yangon_Times
အခု ၂ဝ၂၅-၂၀၂၆ ခုနှစ်မိုးရာသီမှာ ရန်ကုန်တိုင်းအတွင်းမှာ မိုးစပါး ဧက၁၁သိန်းကျော် စိုက်ပျိုးဖို့လျာထားတယ်လို့ တိုင်းဒေသကြီးစိုက်ပျိုးရေးဦးစီးဌာနက သိရပါတယ်။
#Local_News
Published 11 June 2025
#မိုးစပါးဧက၁၁သိန်းကျော်စိုက်ပျိုးရန်လျာထား #တိုင်းဒေသကြီးစိုက်ပျိုးရေးဦးစီးဌာန
#YMG/NN #Yangon_Times
ငလျင်ဘေးဒဏ်သင့် ပြည်သူတွေအတွက် ရည်ရွယ်ဆောက်လုပ်တဲ့ ကမ္ဘောဇကယ်ဆယ်ကူညီထောက်ပံ့ရေး စင်တာ (မန္တလေး)ကို ယမန်နေ့ကစတင်ဖွင့်လှစ်လိုက်ပြီဖြစ်ပါတယ်။
#Local_News
Published 11 June 2025
#ကမ္ဘောဇကယ်ဆယ်ကူညီထောက်ပံ့ #ငလျင်ဘေးဒဏ်သင့်ပြည်သူတွေ
#YMG/SW #Yangon_Times
ငလျင်ဘေးအလွန် ပို့ကုန်လုပ်ငန်းတွေ အဆင်ပြေချောမွေ့စွာ ဆောင်ရွက်နိုင်ရေး ပို့ကုန်လိုင်စင်ဦးစွာလျှောက်ထားပြီးမှ စိစစ်ခွင့်ပြုတဲ့စနစ်မှ အလိုအလျောက်လိုင်စင်စနစ်နဲ့ပြောင်းလဲခွင့်ပြုရာမှာ စိုက်ပျိုးရေးထွက်ကုန် အချို့လည်း ပါဝင်တယ်လိုသိရပါတယ်။
#Local_News
Published 11 June 2025
#ပို့ကုန်လိုင်စင်ဦးစွာလျှောက်ထား #လိုင်စင်စနစ်ဖြင့်ခွင့်ပြု
#YMG/SW #Yangon_Times
Page 155 of 2164
