မန္တလေးငလျင်ကြီးအတွက် ကူညီကယ်ဆယ်ရေးလုပ်ငန်းတွေ ဆောင်ရွက်ရာမှာ အသုံးပြုဖို့အတွက် တရုတ်နိုင်ငံက ကူအညီထောက်ပံ့တဲ့စက်သုံးဆီတွေ မကြာမီ ရောက်ရှိမယ်လို့ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီမှ သိရပါတယ်။
#Local_News
Published 30 Apirl 2025
#စက်သုံးဆီ #မကြာမီရောက်ရှိ
#YMG/SW #Yangon_Times

ဆောက်လုပ်ရေးဝန်ကြီးဌာန၏ ဆောက်လုပ်ရေး၊ အိမ်ရာနှင့်အခြေခံအဆောက်အအုံဖွံ့ဖြိုးရေးဘဏ်(CHID)က လုပ်ငန်းရှင်တွေအတွက် ချေးငွေအမျိုးအစားသုံးမျိုးကို ထုတ်ချေးပေးနေတယ်လို့ သိရပါတယ်။
#Local_News
Published 30 Apirl 2025
#CHIDဘဏ် #ချေးငွေအမျိုးအစားသုံးမျိုးထုတ်ချေး
#YMG/SW #Yangon_Times

'ရန်ကုန်ဇုန်အတွက် ဘောလုံးအကယ်ဒမီ ကျောင်းသားသစ် ပဏာမရွေးချယ်ပွဲ၌ ၃၀၀ခန့်အရွေးခံ'ရန်ကုန်ဇုန်အတွက် ဘောလုံးအကယ်ဒမီ ကျောင်းသားသစ် ပဏာမရွေးချယ်ပွဲမှာ လူငယ် ၃၀၀ခန့်အရွေးခံခဲ့တယ်လို့  မြန်မာနိုင်ငံဘောလုံးအဖွဲ့ချုပ်က သိရပါတယ်။
#Local_News
Published 30 Apirl 2025
#ဘောလုံးအကယ်ဒမီကျောင်းသားသစ် #မြန်မာနိုင်ငံဘောလုံးအဖွဲ့ချုပ်
#YMG/NN #Yangon_Times

'နိုင်ငံခြားရင်းနှီးမြှုပ်နှံမှု ဒေါ်လာသန်း ၇၀၀ နီးပါးရရှိပြီး  စင်ကာပူမှအများဆုံး ရင်းနှီးမြှုပ်နှံ' ၂၀၂၄-၂၀၂၅ ဘဏ္ဍာနှစ် တစ်နှစ်တာကာလအတွင်း မြန်မာနိုင်ငံကို ဝင်ရောက်ခဲ့တဲ့ နိုင်ငံခြားတိုက်ရိုက်ရင်းနှီးမြှုပ်နှံမှု (FDI) ဟာ အမေရိကန်ဒေါ်လာ သန်း ၇၀၀ နီးပါးရရှိပြီး စင်ကာပူနိုင်ငံက‌နေ အများဆုံး ရင်းနှီးမြှုပ်နှံထားတယ်လို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနရဲ့ စာရင်းတွေအရ သိရပါတယ်။
#Local_News
Published 30 Apirl 2025
#နိုင်ငံခြားရင်းနှီးမြှုပ်နှံမှု #FDI
#YMG/NN #Yangon_Times

#Local_News
Published 30 April 2025

▪️ ဥရောပသမဂ္ဂမှ ပေးပို့သည့် ငလျင်ထောက်ပံ့ရေးပစ္စည်းများယခုရက်ပိုင်းတွင် ဆက်တိုက်ရောက်ရှိလာခဲ့ရာ ထပ်မံ၍လည်း ဘူလ်ဂေးရီးယားနှင့် ဆွီဒင်နိုင်ငံများမှ ထောက်ပံ့မှုပစ္စည်းများ လာမည့်ရက်ပိုင်းအတွင်း ရောက်ရှိမည်ဖြစ်ကြောင်း သိရသည်။

▪️ ဥရောပသမဂ္ဂသည် လူသားချင်းစာနာထောက်ထားမှုဆိုင်ရာ အကူအညီများကို ဆက်လက်ပေးဝေနိုင်ရန် သေချာစွာ ဆောင်ရွက်နေပြီးဧပြီလ ၁၈၊ ၁၉ နှင့် ၂၂ ရက်တို့တွင် တန်ချိန် ၉၀ ကျော်ရှိသည့်အသက်ကယ် ကယ်ဆယ်ရေးပစ္စည်း ၇၀,၀၀၀ ကျော် ကို လေယာဉ်သုံးစင်းဖြင့် ထောက်ပံ့ပို့ဆောင်ပေးခဲ့ကြောင်း၊ထိုပစ္စည်းများကို IOM နှင့် ၎င်း၏ ဒေသခံ မိတ်ဖက်အဖွဲ့များမှ အကူအညီ အလိုအပ်ဆုံးသော လူ့အဖွဲ့အစည်းများထံသို့ ပေးပို့သွားမည်ဖြစ်ကြောင်း သိရသည်။

▪️ ယခုရောက်ရှိလာသည့်မီးဖိုချောင်ပစ္စည်း၊ ရေပုံး၊ တာပေါ်လင်နှင့် ဆိုလာမီးအိမ်များပါဝင်သည့်အသက်ကယ်ပစ္စည်းပေးပို့မှုများသည် ဖင်လန်၊ လူဇင်ဘတ်နှင့် IOM ၏ ကမ္ဘာလုံးဆိုင်ရာသိုလှောင်ဂိုဒေါင်မှ ထောက်ပံ့မှုများဖြင့် လုပ်ဆောင်နိုင်ခဲ့ခြင်းဖြစ်ပြီး လာမည့်ရက်များအတွင်း ဘူလ်ဂေးရီးယားနှင့် ဆွီဒင်နိုင်ငံများမှ ထောက်ပံ့မှုပစ္စည်းများဖြင့် နောက်ထပ် လေယာဉ်ပို့ဆောင်မှုများကိုလည်း စီစဉ်ထားကြောင်း သိရသည်။

#YMG/SW #Yangon_Times

#Local_News
Published 30 April 2025

▪️ ရှမ်းပြည်နယ် ၊ အရှေ့ပိုင်း တာချီလိတ်မြို့ဝန်းကျင် တောင်ပေါ်ဒေသများမှာ မေလ ၂ ရက် စနေနေ့ မနက်ပိုင်းအထိ မိုးဆက်ပြီးများနေနိုင်ကြောင်းပြင်ပ မိုးလေဝသပညာရှင် ဦးဝင်းနိုင်က သတိပေးထားသည်။

▪️ ထို့ကြောင့် တောင်ကျချောင်းရေကျဆင်းလာနိုင်မည်ကို သတိထားကြရန် လိုအပ်ကြောင်းလည်း ဆိုထားသည်။

▪️ တာချီလိတ်မြို့ အထက်ပိုင်းရှိ မိုင်းဆတ်ခရိုင်အတွင်း၌  ဧပြီ ၂၇ ရက်နှင့် ဧပြီ ၂၈ ရက်နေ့၊ ညပိုင်းများတွင် မိုးရွာသွန်းမှုကြောင့် တောင်ကျရေမှာ မယ်ဆိုင်ချောင်းအတွင်း ဝင်ရောက်လာပြီး ချောင်းရေမြင့်တက်လာခြင်းဖြစ်သည်။

▪️ အဆိုပါ မယ်ဆိုင်ချောင်းရေသည် ဧပြီလ ၂၉ရက် နေ့ ၊ နေ့လည်ပိုင်းတွင်  တောင်ကျချောင်းရေ ဆင်းသက်လာခြင်းနှင့်အတူ ချောင်းရေမြင့်တက်ခဲ့ပြီး တာလော့ရပ်ကွက်ရှိ အိမ်အချို့နှင့် ပုန်းထွန်ရပ်ကွက်၊ မကာဟိုခမ်းရပ်ကွက်၏ နေရာအချို့တွင် ရေဝင်ရောက်မှုများရှိခဲ့ပြီး နောက်နေ့လယ်ပိုင်းတွင် ပြန်ကျသွားကြောင်း ဒေသခံများထံမှ သိရသည်။

▪️ မယ်ဆိုင် ချောင်းသည်ထိုင်း - မြန်မာနယ်စပ်၊ တာချီလိတ်မြို့နှင့် မယ်ဆိုင်မြို့ကြားတွင်တည်ရှိပြီး ပြီးခဲ့သည့်  ၂၀၂၄ ခုနှစ်၊ မိုးရာသီကာလ အတွင်းကလည်းရေကြီး၊ ရေလျှံမူဖြစ်ပွားခဲ့ဖူးပြီး ရပ်ကွက်များအထိ ရေဝင်ရောက်မှုရှိခဲ့ကြောင်း သိရသည်။

#YMG/NN #Yangon_Times