#Local_News
Published 2 December 2023
တနင်္သာရီတိုင်းဒေသကြီး ရေးမြို့နယ် ဇီးဖြူသောင်ကျေးရွာ အတွင်းမီးလောင်မှုကြောင့် အိမ်ခြေ ၄၀ခန့် မီးလောင်ဆုံးရှုံးခဲ့ကြောင်း ဒေသခံများထံက သိရသည်။
ဒီဇင်ဘာ ၂ ရက် နံနက် ၁၁ နာရီခန့်က ဇီးဖြူသောင်ကျေးရွာ ငွေသောင်ဖြူ ၁ ရပ်ကွက် သဲပုံစေတီအနီး နေအိမ် တစ်လုံးမှ စတင်မီးလောင်ကျွမ်းရာကနေ အိမ်ခြေ ၄၀ ခန့် မီးလောင်ကျွမ်းခဲ့ခြင်းဖြစ်ကြောင်း သိရသည်။
အဆိုပါ မီးလောင်မှုကိုဒေသခံ ပြည်သူများနှင့် မြို့နယ်မီးသတ်တပ်ဖွဲ့အရန်မီးသတ်တပ်ဖွဲ့နှင့်ရေးမြို့နယ်အတွင်းရှိ လူမှုကူညီရေးအသင်းများက ကူညီငြှိမ်းသတ်ပေးမှုကြောင့် နေ့လည် ၁နာရီခွဲခန့် တွင် မီးငြှိမ်းသတ်နိုင်ခဲ့ကြောင်း သိရသည်။
ယင်းမီးလောင်မှုကြောင့် မီးဘေးသင့် ပြည်သူ ၁၆၀ ခန့်ရှိခဲ့ပြီး ၎င်းတို့ကို ဇီးဖြူသောင်ကျေးရွာ ရတနာအောင်မြေ ကျောင်းတိုက်တွင် ယာယီထားရှိထားကြောင်း သိရသည်။
#Local_News #ရေးမြို့ #မီးလောင်မှုဖြစ် #YMG/LW #Yangon_Times
ဗီယက်နမ်ဆိုရှယ်လစ်သမ္မတနိုင်ငံ ၊ ဟိုချီမင်းမြိုမှာ ကျင်းပခဲ့တဲ့ ၂၀၂၃ခုနှစ်၊ (၇)ကြိမ်မြောက် ကမ္ဘာ့ဗိုဗီနမ်ချန်ပီယံရှစ် (7th WVVF World Vovinam Championships 2023)ပြိုင်ပွဲတွင် မှာ မြန်မာဗိုဗီနမ်အားကစားအသင်းရွှေနှစ်ဆုအပါအဝင် ဆု၁၄ဆုဆွတ်ခူးရရှိခဲ့တယ်လို့ မြန်မာနိုင်ငံသိုင်းအဖွဲ့ချုပ်က သိရပါတယ်။
#Local_News
Published 02 December 2023
#မြန်မာဗိုဗီနမ် #ဆု၁၄ ဆုဆွတ်ခူးရရှိ
#YMG NN #Yangon_Times
"ရန်ကုန် မြောက်ဥက္ကလာမြို့နယ်ထဲမှာရှိတဲ့ ခိုင်ရွှေဝါလက်ပွေ့ထီသည်မှထိုးပြီး သိန်း ၅၀၀၀ ဆုကြီးပေါက်သွားခဲ့တာဖြစ်တယ်" ခိုင်ရွှေဝါထီဆိုင်မှတာဝန်ရှိသူတစ်ဦး
#Local_News
Published 02 December 2023
#သိန်း၅၀၀၀ဆု #ခိုင်ရွှေဝါလက်ပွေ့ထီသည်
#tthl #Yangon _Times
#Local_News
Published 2 December 2023
ရန်ကုန်တိုင်းဒေသကြီး သာကေတမြို့နယ်နှင့်သန်လျင်မြို့နယ်တို့ကို ဆက်သွယ်မည့် ပဲခူးတံတား(သန်လျင်တံတား အမှတ် ၃) စီမံကိန်းကို လာမည့် ၂၀၂၄ ခုနှစ် အတွင်း ပြီးစီးရန် လျာထားဆောင်ရွက်နေကြောင်း ရန်ကုန်တိုင်းဒေသကြီးအစိုးရအဖွဲ့၏ သတင်းထုတ်ပြန်ချက်အရသိရသည်။
အဆိုပါ တံတားသည် အရှည် ၃၅၀၀ မီတာရှိပြီး အပိုင်း ၃ပိုင်းခွဲပြီး တည်ဆောက်လျက်ရှိကာ တံတားအမျိုးအစားမှာ သံကူ ကွန်ကရစ်+သံမဏိ ကြိုးဆိုင်းတံတား+သံမဏိရက်မဖြစ်ကာ ပင်မတံတား အရှည် ၂၂ဒသမ ၉မီတာ၊ ရေလမ်းကင်းလွတ် အမြင့် ၁၃မီတာရှိကာ တံတားခံနိုင်ဝန်(ခွင့်ပြုအလေးချိန်) မှာ ယာဉ်တစ်စီးချင်း ၇၅ တန် ဖြစ်ကြောင်း သိရသည်။
ယင်းတံတားတည်ဆောက်ရေး စီမံကိန်းတစ်ခုလုံးပြီးစီးပါက ရန်ကုန်မှသန်လျင်သို့ အချိန်တိုအတွင်း သွားလာနိုင်ပြီး လက်ရှိကြုံတွေ့နေရသည့် ယာဉ်ကြောပိတ်ဆို့မှုများ လျော့နည်းသက်သာလာမည် ဖြစ်သည်။
ထို့ပြင် သီလဝါအထူးစီးပွားရေးဇုန်ကို အကြောင်းပြု၍ ပြည်တွင်းပြည်ပစီးပွားရေးလုပ်ငန်းများ တိုးပွားလာမှုကြောင့် ရန်ကုန်တောင်ပိုင်းခရိုင်မြို့နယ်များဖြစ်သည့် သန်လျင်၊ ကျောက်တန်းခရမ်းသုံးခွဒေသရှိ ပြည်သူများ လူမှုဘ၀တိုးတက်လာမည်ဖြစ်ကြောင်း သိရသည်။
#Local_News #ပဲခူးမြစ်ကူးတံတား #(သန်လျင်တံတားအမှတ်၃)စီမံကိန်း #YMG/LW #Yangon_Times
#Local_News
Published 02 December 2023
Miss Grand International 2023 ပြိုင်ပွဲမှ 1st Runner up ဆုရှင်မြန်မာအလှမယ် နီနီလင်းအိမ်နှင့်အတူ Miss Grand International 2023 ပြိုင်ပွဲမှTop 10 အလှမယ်များ မြန်မာနိုင်ငံကိုလာရောက်ကြမည်ဖြစ်ကြောင်း သိရသည်။
1st Runnerဆုရှင် မြန်မာအလှမယ်နီနီလင်းအိမ်နှင့် Top 10 ရရှိခဲ့သည့် နိုင်ငံတကာအလှမယ်များကိုကြိုဆိုပွဲ အခမ်းအနား Welcom Back Our Queen ၊ Home Coming ကို ဒီဇင်ဘာလ၇ရက်၊ Yangon International Airport တွင် မနက် 11:05 AM ၌ကြိုဆိုပွဲ အခမ်းအနားကျင်းပသွားကြမည် ဖြစ်သည်။
ယင်းနောက် အဆိုပါအလှမယ်များအားလုံး မြန်မာပလာဇာပရိုမိုးရှင်းဧရိယာသို့ရောက်ရှိလာမည်ဖြစ်ပြီး ဒီဇင်ဘာလ၇ရက်မနက်၁ဝနာရီမှ၁၂နာရီအတွင်းNi Ni Lin Eain ကို ကြိုဆိုရင်း Miss Grand Myanmar 2024 Host City ပွဲအား တစ်ခဲနက်အားပေးရမည်ဖြစ်ကြောင်းနှင့် Home Coming (Fan Meeting)ကိုနေ့လည် ၁နာရီမှ ၃နာရီအထိ ကျင်းပမည်ဖြစ်ကြောင်း Miss Grand Myanmar Organization မှသိရသည်။
#Local_News #1st Runner upဆုရှင်နီနီလင်းအိမ် #Miss_Grand_Myanmar_2024_Host_Cityပြိုင်ပွဲ #tthl #Yangon _Times
#Local_News
Published 02 December 2023
ရှမ်းပြည်နယ်မြောက်ပိုင်းမှာ ဖြစ်ပေါ်နေသည့် တိုက်ပွဲများကြောင့် လောက်ကိုင်မြို့တွင် ပိတ်မိနေသည့် မလေးရှားနိုင်ငံသား အများစုပါဝင်သော စုစုပေါင်း လူ ၁၂၁ ဦးကို ဒီဇင်ဘာ ၁ ရက်မှာ မြန်မာနိုင်ငံကနေဘေးလွတ်ရာကို ရွှေ့ပြောင်းပေးခဲ့ကြောင်း မလေးရှားနိုင်ငံခြားရေးဝန်ကြီးဌာန၏ ပြောကြားချက်အရသိရသည်။
မလေးရှားနိုင်သားအများစုနှင့် အင်ဒိုနီးရှားနိုင်ငံသားတစ်ဦးပါဝင်သည့် ယင်းအဖွဲ့သည်အွန်လိုင်းမှ တစ်ဆင့် အလုပ်အကိုင်အခွင့်အလမ်းကောင်းတွေရရှိမည်ဟုဆိုကာ မက်လုံးပေးခေါ်ယူခံရသူ အများစု ပါဝင်သူများဖြစ်ပြီး ယမန်နေ့မနက်ပိုင်းက ကွာလာလမ်ပူလေဆိပ်ကို အထူးစီစဉ်ထားသည့် လေယာဉ်ဖြင့် တရုတ်နိုင်ငံ ကူမင်းမြို့မှ ရောက်ရှိလာခဲ့ကြောင်း ဝန်ကြီးဌာန၏ ထုတ်ပြန်ချက်၌ ဖော်ပြပါရှိသည်။
မြန်မာ-တရုတ်နယ်စပ်မှာ နိုဝင်ဘာ၃၀ရက် နံနက်ပိုင်းကစတင်ပြီး ရွှေ့ပြောင်းရေး ခရီးစဉ်ကို နိုင်ငံပေါင်းစုံက ပူးပေါင်းဆောင်ရွက်မှုများ၊ ခွင့်ပြုချက်များနှင့် ဆောင်ရွက်ခဲ့ခြင်းဖြစ်ကာ လက်ရှိ အမိမြေကို ပြန်လည်ခေါ်ယူနိုင်ခဲ့သည့် အဖွဲ့တွင် မြန်မာနိုင်ငံ ရှမ်းပြည်နယ်မြောက်ပိုင်း လောက်ကိုင်မြို့၌ ပိတ်မိနေသူ ၁၂၈ ဦးအတွင်း၌ အပါအဝင်ဖြစ်ကြောင်း
သိရသည်။
ထို့အပြင်မလေးရှားအစိုးရသည် တိုးတက်မှုအခြေအနေများကို စောင့်ကြည့်နေမည်ဖြစ်သကဲ့သို့ ကယ်တင်ခြင်းမခံခဲ့ရသည့် ကျန်ခုနစ်ဦးကို ကယ်ထုတ်နိုင်ရန်အသင့်ရှိကြောင်းလည်း မလေးရှားလက်ထောက်နိုင်ငံခြားရေးဝန်ကြီး Mohamad Alamin က ပြောကြားသည်။
#Local_News #လောက်ကိုင်တွင်ပိတ်မိနေ #မလေးရှားနိုင်ငံသား ၁၂၀ ကျော် #YMG NN #Yangon_Times
#Local_News
Published 02 December 2023
ရှမ်းပြည်နယ်မြောက်ပိုင်း ကွတ်ခိုင်အနီးဗဟိုပြုပြီး ငလျင်လှုပ်ခတ်ခဲ့သလို ချင်းပြည်နယ်ဟားခါးအနီး ဘင်္ဂလားဒေ့ရှ်၌လည်း ဗဟိုပြုပြီး ငလျင်များလှုပ်ခတ်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၊မြေငလျင်ဌာနခွဲမှ သိရသည်။
၂၀၂၃ ခုနှစ်၊ ဒီဇင်ဘာလ (၂) ရက်နေ့၊ မြန်မာစံတော်ချိန် (၀၀) နာရီ၊ (၀၆) မိနစ်၊ (၄၅) စက္ကန့်အချိန်တွင် သီပေါမြေငလျင်စခန်းမှ အရှေ့မြောက်ဘက် (၇၃) မိုင်ခန့်ကွာဝေးသော မြန်မာနိုင်ငံ ပြည်တွင်း (ကွတ်ခိုင်မြို့၏ မြောက်ဘက် (၄) မိုင်ခန့်အကွာ)၊ မြောက်လတ္တီတွဒ် (၂၃.၅၁) ဒီဂရီ၊ အရှေ့လောင်ဂျီတွဒ် (၉၇.၉၃) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း ဖော်ပြထားသည်။
ဒီဇင်ဘာလ (၂) ရက်နေ့ မနက် (၁၀)နာရီ၊ (၀၅)မိနစ်၊ (၂၈)စက္ကန့် အချိန်တွင် ဟားခါးမြေငလျင်စခန်းမှ အနောက်-အနောက်မြောက်ဘက် (၁၇၆) မိုင်ခန့်ကွာဝေးသော မြန်မာနိုင်ငံပြည်ပ (Bangladesh)၊ မြောက်လတ္တီတွဒ် (၂၃.၂၉)ဒီဂရီ၊ အရှေ့လောင်ဂျီတွဒ် (၉၀.၉၂)ဒီဂရီ၊ အနက် (၁၀)ကီလိုမီတာကို ဗဟိုပြု၍ အင်အား ရစ်(ခ်)တာ စကေး (၅.၉) အဆင့်ရှိ အင်အားအသင့်အတင့်ရှိသော မြေငလျင်တစ်ခုလှုပ်ရှားသွားကြောင်း လည်းဖော်ပြထားသည်။
၂၀၂၃ခုနှစ်အတွင်း ပြတ်ရွေ့ကြောများရှိသော ရန်ကုန်၊ပဲခူး၊မန္တလေးစသည့်ဒေသများအပြင် ပြတ်ရွေ့ကြောငယ်များရှိသည့် ဒေသအနှံ့ ငလျင်ကြီး ငယ်များလှုပ်ခတ်မှုများခဲ့ပြီး တစ်ကျော့ပြန် ငလျင်ကြီးများလှုပ်ခတ်နိုင်သဖြင့် သတိပြုနေထိုင်ကြရန် မြေငလျင်ဌာနခွဲမှသတိပေးထားကြောင်း သိရသည်။
#Local_News #ကွတ်ခိုင်အနီး(၄.၈)အဆင့်ငလျင်လှုပ် #tthl #Yangon _Times
Page 447 of 1739