#Local_News
Published_ 23 June 2022
အွန်လိုင်းစနစ် eVisa လုပ်ငန်းနှင့် eVisa (ကမ္ဘာလှည့်)တို့ ခွင့်ပြုဆောင်ရွက်ပေးလျှက်ရှိရာ ခရီးသည်များ ဝင်/ထွက် သွားလာမှုများပြားလာပြီး လေဆိပ်/ ဆိပ်ကမ်းနှင့် နယ်စပ်ဝင်ထွက်ပေါက်များ၌ လူဝင်မှုစစ်ဆေးရေးလုပ်ငန်းများ ထိရောက်လျှင်မြန်စွာ ဆောင်ရွက်ပေးရန် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ဝန်ကြီး ဦးခင်ရီက ပြောကြားခဲ့ပါတယ်။
ယမန်နေ့ နံနက် ၈ နာရီတွင် ရန်ကုန်အပြည်ပြည်ဆိုင်ရာလေဆိပ်သို့ Terminal-1 ရှိ Mingalar Sky CIP ဧည့်ခန်းမ၌ ရန်ကုန်အပြည်ပြည်ဆိုင်ရာလေဆိပ်နှင့် ရန်ကုန်အပြည်ပြည်ဆိုင်ရာ ဆိပ်ကမ်းတို့မှ လူဝင်မှုကြီးကြပ်ရေးဆိုင်ရာ လုပ်ငန်းတာဝန်ခံများနှင့် တွေ့ဆုံစဉ် ပြောကြားခဲ့တာဖြစ်ပါတယ်။
အပြည်ပြည်ဆိုင်ရာ လေဆိပ်နှင့်ဆိပ်ကမ်းများတွင် တာဝန်ထမ်းဆောင်နေကြသည့် ပြည်တွင်း/ပြည်ပ ခရီးသွားများနှင့် ထိတွေ့ဆက်ဆံရသူများဖြစ်သည့်နှင့်အညီ ဆက်ဆံရေးပြေပြစ်ကောင်းမွန်ရန်နှင့် ဘာသာစကား တတ်ကျွမ်းကြရန် လိုအပ်တယ်လို့ ဝန်ကြီးက ဆိုပါတယ်။
ဝန်ထမ်းများအနေဖြင့် လူဝင်မှုကြီးကြပ်ရေးဆိုင်ရာ လုပ်ငန်းများကို ဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်ကြရသော်လည်း နိုင်ငံတကာဥပဒေများ ကိုလည်း သိရှိနားလည်ထားဖို့ လိုအပ်ပါတယ်။
ပြည်ထောင်စုဝန်ကြီးသည် Terminal-1 ပြည်ပ ဆိုက်ရောက်၌ ပြည်ပ လေကြောင်းလိုင်းဖြင့် ဝင်ရောက်လာကြသည့် ခရီးသည်များအား လူဝင်မှုကြီးကြပ်ရေး ကောင်တာများ၌ လူဝင်မှုစစ်ဆေးရေးလုပ်ငန်းများ ဆောင်ရွက်နေမှု၊ ကိုဗစ်-၁၉ ကျန်းမာရေး စစ်ဆေးမှုဆိုင်ရာ လုပ်ငန်းအဆင့်ဆင့်ဆောင်ရွက်နေမှုနှင့် လူဝင်မှုကြီးကြပ်ရေး ကောင်တာများ၌ လူဝင်မှုစစ်ဆေးရေးလုပ်ငန်းများဆောင်ရွက်နေမှု၊ ပြည်ပနိုင်ငံများသို့ ထွက်ခွာမည့် ခရီးသည်များအား လူဝင်မှုကြီးကြပ်ရေးကောင်တာများ၌ လူဝင်မှုကြီးကြပ်ရေးလုပ်ငန်းများ စစ်ဆေးဆောင်ရွက်နေမှု၊ Over Stay Counter နှင့် ဌာန၏ Server ခန်းအတွင်း ကြည့်ရှုစစ်ဆေးခဲ့ကြောင်း သတင်းရရှိပါတယ်။
ymg-mnn
#Yangon_Media_Group
Published 22 June 2022
မြန်မာနိုင်ငံမှ လူ့အခွင့်အရေးအုပ်စု အချို့နှင့် နိုင်ငံရေးတက်ကြွလှုပ်ရှားသူများက မြန်မာနစက ကာကွယ်ရေးဝန်ကြီးကို အစည်းအဝေးတွင် ချန်ထားခဲ့ရန်တောင်းဆိုနေသည့်ကြားက ကာကွယ်ရေးဝန်ကြီး ဗိုလ်ချုပ်ကြီးမြထွန်းဦးဟာ ဗုဒ္ဓဟူးနေ့က ကမ္ဘောဒီးယားမှာ ကျင်းပတဲ့ အာဆီယံကာကွယ်ရေးဝန်ကြီးများ အစည်းအဝေးကို တက်ရောက်ခဲ့ကြောင်း အေအက်ဖ်ပီက သတင်းရိုက်ကူးပေးပို့ပါတယ်။
ဗိုလ်ချုပ်ကြီးမြထွန်းဦးကို ကမ္ဘောဒီးယား မြို့တော် ဖနွမ်းပင်ကို ဖိတ်ကြားဖို့ ကျန်တဲ့ အာဆီယံနိုင်ငံတွေရဲ့ ကာကွယ်ရေးဝန်ကြီးတွေ အားလုံး သဘောတူခဲ့ကြတာဖြစ်တယ်လို့ ကမ္ဘောဒီးယား ကာကွယ်ရေးဝန်ကြီး တီးဘန်းက ပြောတယ်လို့လည်း သတင်းမှာဖော်ပြထားပါတယ်။
Source AFP
#LocalNews
Published - 22 June 2022
သွေးလွန်တုပ်ကွေးရောဂါသံသယရှိပြီး စိုးရိမ်ရတဲ့သွေးလန့်လက္ခဏာတွေပေါ်လာပါကဆေးရုံကို အချိန်မီသွားဖို့လိုတယ်လို့ ကလေးအထူးကုဆရာဝန်ကြီး ဒေါက်တာ ခင်ခင်ထားကပြောပါတယ်၊၊
#Yangon_Media_Group
#LocalNews
Published - 22 June 2022
လန်ချန်း-မဲခေါင် ပူးပေါင်းဆောင်ရွက်မှုအဖြစ်အထွက်နှုန်းမြင့် အရည်အသွေးမြင့် မြန်မာ့ဆန်စပါးမျိုးစိတ်သစ်နှစ်ခုအား မှတ်ပုံတင်ပြီးဖြစ်ကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်လိုက်သည်၊၊
လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ၏ ပံ့ပိုးမှုဖြင့် မြန်မာ့ဆန်စပါးအရည်အသွေးမြင့် မျိုးစိတ်စိုက်ပျိုးရေးနှင့် အရည်အသွေးမြင့်စိုက်ပျိုးမှု စီမံကိန်းကို ဖော်ဆောင်ခဲ့ခြင်းဖြစ်သည်၊၊
တရုတ်နိုင်ငံဖူကျန့်စိုက်ပျိုးရေးနှင့်သစ်တော တက္ကသိုလ်၊ မြန်မာနိုင်ငံမော်လမြိုင်တက္ကသိုလ်နှင့် ဒဂုံတက္ကသိုလ်တို့အတူ ဖော်ဆောင်ခဲ့ကြခြင်းဖြစ်သည်၊၊
နှစ်ဦးနှစ်ဖက်၏ နှစ်နှစ်ကျော်ကြာ ကြိုးပမ်းအားထုတ်မှုကြောင့် အဆိုပါစီမံကိန်းသည် အောင်မြင်မှုများ ရရှိခဲ့သည်ဟုဆိုသည်၊၊
လက်ရှိတွင် အထွက်နှုန်းမြင့် အရည်အသွေးမြင့် မြန်မာ့ဆန်စပါးမျိုးစိတ်သစ်နှစ်ခုအား မှတ်ပုံတင်ပြီးဖြစ် ကြောင်းမြန်မာနိုင်ငံဆိုင်ရာ တရုတ်သံရုံးက ထုတ်ပြန်ချက်တွင် ဖော်ပြပါရှိသည်၊၊
အဆိုပါ စီမံကိန်းသည် မြန်မာနိုင်ငံတွင် စိုက်ပျိုးရေးနည်းပညာ ဆန်းသစ်တီထွင်မှုကို မြှင့်တင်ပေးပြီး စားနပ်ရိက္ခာထုတ်လုပ်မှုကို မြှင့်တင်ပေးကာ တောင်သူများ၏ ဝင်ငွေတိုးရေးနှင့် စိုက်ပျိုးရေး ဖွံ့ဖြိုးတိုးတက်ရေးတိုအတွက် ပံ့ပိုးကူညီခဲ့ကြောင်း သိရသည်၊၊
ymg/tthl
#Yangon_Media_Group
#LocalNews
Published_22 June 2022
မြန်မာ့ထွက်ကုန်တွေကို သင်္ဘောနဲ့ ဘင်္ဂလားဒေ့ရှ်ကို တိုက်ရိုက်တင်ပို့နိုင်ဖို့ စီစဉ်နေကြပါတယ်။
#Yangon_Media_Group
#LocalNews
Published - 22 June 2022
တောင်ကိုရီးယားနိုင်ငံသို့ ခြောက်လအတွင်း မြန်မာအလုပ်သမားစုစုပေါင်း ၁၆၁၉ ဦး တရားဝင်ပို့ဆောင်ထားပြီးဖြစ်ကြောင်း ဆိုးလ်မြို့ရှိ မြန်မာသံရုံးက သိရသည်။
တောင်ကိုရီးယားနိုင်ငံ အစိုးရအနေဖြင့် ကိုဗစ်-၁၉ ကူးစက်ရောဂါပြန့်ပွားခြင်းကို ကာကွယ်ထိန်းချုပ်ရန်အတွက် ၂၀၂၀ ပြည့်နှစ်၊ ဇွန်လ ၁ ရက်ကစ၍ ပြည်ဝင်ခွင့် ပိတ်ထားခဲ့ပြီး ၂၀၂၁ ခုနှစ် ဒီဇင်ဘာလ ၃၀ ရက်တွင် မြန်မာနိုင်ငံမှ အလုပ်သမားများ ပြန်လည်ခေါ်ယူခဲ့ကာ ၂၀၂၂ ခုနှစ် ဇန်နဝါရီလ ၁၀ ရက်ကစ၍ မြန်မာအလုပ်သမား ၆၄ ဦးကို ပထမအကြိမ် တရားဝင်စေလွှတ်ခဲ့ခြင်း ဖြစ်သည်။
ပြီးခဲ့သည့် ဇန်နဝါရီလတွင် ၁၂၃ ဦး၊ ဖေဖော်ဝါရီလတွင် ၁၀၅ ဦး၊ ဧပြီလတွင် ၃၁၇ ဦး၊ မေလတွင် ၆၂၂ ဦး၊ ဇွန်လတွင် ၃၈၈ ဦးတရားဝင်စေလွှတ်ခဲ့ပြီး ဖြစ်ကြောင်း ဆိုးလ်မြို့ရှိ မြန်မာသံရုံး၏ ထုတ်ပြန်သည့် အချက်အလက်များအရ သိရသည်။
တောင်ကိုးရီးယားသို့သွားရောက် အလုပ်လုပ်ကိုင်နေသည့် မြန်မာအလုပ်သမားများအနေဖြင့် စိုက်ပျိုးရေးနှင့် မွေးမြူရေးလုပ်ငန်းများ၊ ဆောက်လုပ်ရေးလုပ်ငန်းများနှင့် ကုန်ထုတ်လုပ်ငန်းများတွင် အများဆုံးလုပ်ကိုင်နေခြင်း ဖြစ်ကြောင်း သိရသည်။
ymg/sth
#Yangon_Media_Group
#Local_News
Published_ 22 June 2022
အာဆီယံစီးပွားရေး အသိုက်အဝန်း ၂၀၂၅ အောက်ရှိ “စားနပ်ရိက္ခာ၊ စိုက်ပျိုးရေးနှင့် သစ်တောကဏ္ဍလုပ်ငန်းကော်မတီ" အနေဖြင့် ရေရှည်တည်တံ့သော စားနပ်ရိက္ခာ၊ စိုက်ပျိုးရေးနှင့် သစ်တောကဏ္ဍတို့ကို ကမ္ဘာ့စီးပွားရေးနှင့် ချိတ်ဆက်ဆောင်ရွက်နိုင်ရေး မျှော်မှန်းဆောင်ရွက်လျက်ရှိကြောင်း သိရပါတယ်။
အဆိုပါကော်မတီရဲ့ ပထမအကြိမ် အစည်းအဝေးကို ယနေ့မွန်းလွဲပိုင်းက နေပြည်တော်ရှိ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၌ ကျင်းပခဲ့ရာ လုပ်ငန်းကော်မတီဥက္ကဋ္ဌ ဒုတိယဝန်ကြီး ဒေါက်တာအောင်ကြီးနှင့် လုပ်ငန်းကော်မတီ အဖွဲ့ဝင်များ၊ ဌာနဆိုင်ရာ ကိုယ်စားလှယ်များ တက်ရောက်ခဲ့ကြပါတယ်။
အာဆီယံအသိုက်အဝန်း၏ မဏ္ဏိုင်ကြီး(၃)ခုအနက် အာဆီယံစီးပွားရေး အသိုက်အဝန်း လမ်းပြမြေပုံ(၂၀၂၅)တွင် ပါရှိသောလုပ်ငန်းများ ဆောင်ရွက်နိုင်ရန် လုပ်ငန်းကော်မတီ ၂၂ ခုကို သက်ဆိုင်ရာ ကဏ္ဍအလိုက် ဖွဲ့စည်းထားရှိရာ “စားနပ်ရိက္ခာ၊ စိုက်ပျိုးရေးနှင့် သစ်တောဆိုင်ရာ လုပ်ငန်းကော်မတီ”ကလည်း တစ်ခုအပါအဝင် ဖြစ်ပါတယ်။
အာဆီယံ လယ်ယာစိုက်ပျိုးရေးနှင့် သစ်တောဆိုင်ရာ အဆင့်မြင့်အရာရှိများ အစည်းအဝေးများနှင့် ဝန်ကြီးများအစည်းအဝေးများကို နှစ်စဉ်ကျင်းပလျက်ရှိကာ အဆိုပါ အစည်းအဝေးများတွင် သက်ဆိုင်ရာ လုပ်ငန်းအဖွဲ့များက တင်ပြလာသော နှစ်စဉ်ဆောင်ရွက်မယ့် ကဏ္ဍအလိုက် ဦးစားပေးလုပ်ငန်းများကို အတည်ပြုပြီး အာဆီယံအဖွဲ့ဝင် နိုင်ငံအသီးသီးက နိုင်ငံအလိုက် အကောင်အထည်ဖော် ဆောင်ရွက်နေတာဖြစ်ပါတယ်။
၂၀၂၁ ခုနှစ်အတွင်း စားနပ်ရိက္ခာ၊ စိုက်ပျိုးရေးနှင့် သစ်တောကဏ္ဍအတွက် အတည်ပြုပြီးသော ကဏ္ဍအလိုက် ဦးစားပေးလုပ်ငန်း ၁၁ ခုရှိပြီး ၂၀၂၂ ခုနှစ်တွင် ဆောင်ရွက်ဆဲကဏ္ဍအလိုက် ဦးစားပေးလုပ်ငန်း ၁၉ ခုကို အောက်တိုဘာလအတွင်း ကျင်းပမည့် အာဆီယံလယ်ယာစိုက်ပျိုးရေးနှင့် သစ်တောဆိုင်ရာ ဝန်ကြီးများအစည်း အဝေးသို တင်ပြအတည်ပြုချက် ရယူသွားမည်ဖြစ်ကြောင်း သတင်းရရှိပါတယ်။
ymg-mnn
#Yangon_Media_Group
Page 1929 of 2201