#LocalNews
Published_3 May 2022

ထိုင်း-မြန်မာ နယ်စပ်ရှိ မြဝတီ-မဲဆောက် အမှတ်(၁) တံတားကို မေလ ၅ ရက်တွင် ပြန်ဖွင့်ရန် စီစဉ်နေသောကြောင့် ယနေ့ မေလ ၃ ရက် နံနက်ပိုင်းတွင် မြန်မာဘက်ခြမ်း၌ သန့်ရှင်းရေး ပြုလုပ်ခဲ့ကြကြောင်း သိရသည်။

ကိုဗစ်-၁၉ ရောဂါကြောင့် ပိတ်ထားရသော အဆိုပါတံတား၏ ထိုင်းဘက်ခြမ်းတွင် မေလ ၁ ရက်က သန့်ရှင်းရေးပြုလုပ်ခဲ့ကြောင်း၊ အဆိုပါ တံတားကို ၂၀၂၀ ပြည့်နှစ် မတ်လ ၂၃ ရက်ကစတင်၍ ကိုဗစ်ကြောင့် ပိတ်ထားခဲ့ရခြင်းဖြစ်ကြောင်း သိရသည်။

ပြီးခဲ့သည့် ဧပြီလ ၂၃ ရက် ည ၁၀ နာရီ ခွဲခန့်အချိန်က မြဝတီမြို့ရှိ မြန်မာ-ထိုင်း အမှတ်(၁) ချစ်ကြည်ရေးတံတားထိပ် (မြန်မာဘက်ခြမ်း)မုဒ်ဦးတွင် မော်တော်ယာဉ်ဖြင့် ဖောက်ခွဲဖျက်ဆီးမှု ဖြစ်ပွားခဲ့သောကြောင့် လုံခြုံရေးတာဝန်ထမ်းဆောင်နေသော ရဲတပ်ဖွဲ့ဝင် ၂ ဦး ထိခိုက်ဒဏ်ရာ အနည်းငယ်ရရှိခဲ့ပြီး မော်တော်ယာဉ်နှင့် အဆောက်အဦ ပျက်ဆီးခဲ့သေးသည်။

မြန်မာ - ထိုင်း အမှတ် (၁) ချစ်ကြည်ရေးတံတားသည် မြန်မာနိုင်ငံ မြဝတီမြို့နှင့် ထိုင်းနိုင်ငံ မဲဆောက်မြို့တို့ကို ဆက်သွယ်ရန် သောင်ရင်းမြစ်ပေါ်၌ ဆောက်လုပ်ထားသော တံတားဖြစ်သည်။ ၁၉၉၇ ခုနှစ်တွင် စတင်တည်ဆောက်ခဲ့ပြီး ၄၂၀ မီတာ (၁,၃၈၀ ပေ) ရှည်လျားကာ ၁၃ မီတာ (၄၂ပေ ၈လက်မ) ကျယ်ဝန်းပြီး အရေးပါသော တံတားတစ်စင်းဖြစ်သည်။ လွန်ခဲ့သော ၂၀၁၉ ခုနှစ်က အမှတ် (၂)တံတားကို ဖွင့်လှစ်ခဲ့ပြီးနောက် အမှတ် (၁)တံတားမှ လူနှင့် ယာဉ်ငယ်များသာ ဖြတ်သန်းခွင့်ပေးတော့ကြောင်း သိရသည်။

ymg/mt
#Yangon_Media_Group

#DailyNews
Published -3 May 2022

၁။ လမ်းပန်းဆက်သွယ်ရေး အခက်အခဲကြောင့် ပူတာအိုဒေသတွင် ကုန်ဈေးနှုန်းများ အဆမတန်
မြင့်တက်လာ။

၂။ မသန်စွမ်းအထောက်အကူပြုပစ္စည်းလျှောက်ထားသည့် မသန်စွမ်းဦးရေ(၉၀)ကျော်ရှိနေ။

၃။ နေ့စဉ်မိုးလေဝသသတင်း။

၄။ ရိုးရာအပျော်တမ်းဒုံးပစ်ပြိုင်ပွဲ ထိုင်းနိုင်ငံတွင်ကျင်းပ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local News
Published-2 May 2022

မိုးရာသီမှာ ကလေးငယ်တွေအပါအဝင် လူတိုင်းက တုပ်ကွေးရောဂါအမျိုးမျိုးဖြစ်ပွားနိုင်တဲ့အတွက် တုပ်ကွေးကာကွယ်ဆေးတွေကို အခုမေလကတည်း က ကြိုတင်ထိုးထားသင့်တယ်လို့ ကလေးအထူးကုဆရာဝန်ကြီး ဒေါက်တာခင်ခင်ထားက YMG ကိုပြောပါတယ်၊၊

တုပ်ကွေးကာကွယ်ဆေးကို အခုမေလကတည်းက ကြိုတင်ထိုးထားတော့မှ မိုးရာသီမှာကာကွယ်မှုအစွမ်းကို ရရှိမှာဖြစ်တယ်လို့ ဆိုပါတယ်၊၊

"မိုးရာသီမှာ ကလေးငယ်တွေမှာ တုပ်ကွေးအမျိုးမျိုးဖြစ်ပွားတတ်တယ်၊၊ ဒီနွေရာသီမှာ တုပ်ကွေးကာကွယ်ဆေးတွေ ကြိုထိုးထားသင့်တယ်၊၊ ဒါမှ မိုးရာသီမှာ ကာကွယ်နိုင်စွမ်းရမယ်၊၊ မိုးရာသီရောက်မှ ကပ်ထိုးလိုမရဘူး၊၊ ကာကွယ်ဆေးတွေ အမျိုးမျိုးရှိတယ်၊၊ အဲဒီထဲမှာမှ ပိုးလေးမျိုးကိုကာကွယ်နိုင်တဲ့ ကာကွယ်ဆေးတွေရှိတယ်၊၊ တုပ်ကွေးရောဂါအပြင် သွေးလွန်တုပ်ကွေးကလည်း မိုးတွင်းမှာအဖြစ်များတယ်၊၊ ခြင်ကိုက်ရင်ဖြစ်တယ်"လို ဒေါက်တာခင်ခင်ထားကသတိပြောကြားထားပါတယ်၊၊

မိုးရာသီမှာ အဖြစ်များတဲ့ တုပ်ကွေးရောဂါတွေအပြင် ကိုဗစ်ဖြစ်ပွားမှုတွေလည်းရှိနေသေးတဲ့အတွက် ကိုဗစ်မဖြစ်ပွားအောင်လည်း ကာကွယ်ရန်လိုအပ်တယ်လို သိရပါတယ်၊၊

ymg/tthl
#Yangon_Media_Group

#Local_News
Published_ 3 May 2022

တောင်ကိုရီးယားနိုင်ငံက မြန်မာလုပ်သား ၁၃၅ ဦးကို ထပ်မံခေါ်ယူခဲ့တယ်လို့ ဆိုးလ်မြို့ရှိ မြန်မာသံရုံးက သတင်းထုတ်ပြန်ထားပါတယ်။

မေ ၃ ရက် ဒီကနေ့တွင် Re-entry လုပ်သား ၁၀၇ ဦးနှင့် စိုက်ပျိုးရေးနှင့် မွေးမြူရေးလုပ်သားအဖြစ် အသစ်ဝင်ရောက်လုပ်ကိုင်မည့် လုပ်သားသစ် ၂၈ ဦး စုစုပေါင်း ၁၃၅ ဦးတို့ဟာ ရန်ကုန်မှအင်ချွန်း အပြည်ပြည်ဆိုင်ရာလေဆိပ်သို့ ရောက်ရှိလာခဲ့တာ ဖြစ်ပါတယ်။

ဧပြီလအတွင်းကလည်း တောင်ကိုရီးယားနိုင်ငံက မြန်မာလုပ်သား ၃၁၀ ကျော် ခေါ်ယူခဲ့တယ်လို့ ဆိုးလ်မြို့ရှိ မြန်မာသံရုံးရဲ့ ထုတ်ပြန်ချက်အရ သိရပါတယ်။

မြန်မာလုပ်သားတွေကို မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့်အချက်များကို မှာကြားခဲ့ပြီး လိုအပ်တာတွေ ကူညီပံ့ပိုးပေးခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

ymg-mnn
#Yangon_Media_Group

Published 2 May 2022

#လျှပ်စစ်နှင့်စွမ်းအင်ဝန်ကြီးဌာနပြည်ထောင်စုဝန်ကြီးဦးအောင်သန်းဦးကို တာဝန်မှအနားယူခွင့်ပြု

#လျှပ်စစ်နှင့်စွမ်းအင်ဝန်ကြီးဌာနကို လျှပ်စစ်စွမ်းအားဝန်ကြီးဌာနနှင့် စွမ်းအင်ဝန်ကြီးဌာနအဖြစ်ပြောင်းလဲဖွဲ့စည်း

#ဦးသောင်းဟန်အား လျှပ်စစ်စွမ်းအားဝန်ကြီးဌာနပြည်ထောင်စုဝန်ကြီးအဖြစ်ခန့်၊စွမ်းအင်ဝန်ကြီးဌာနပူးတွဲ

#သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနဒုတိယဝန်ကြီးဦးမင်းမင်းဦးကိုရွေး/ကော်အဖွဲ့ဝင်အဖြစ် ပြောင်းရွှေ့

#ပြည်ထဲရေးဒုဝန်ကြီးနှင့်ရဲချုပ်ဒုတိယဗိုလ်ချုပ်ကြီးသန်းလှိုင် စစ်ဘက်မူလတာဝန်များ ပြန်လည်ထမ်းဆောင်

#ဗိုလ်ချူပ်ဇင်မင်းထက်ကိုပြည်ထဲရေးဒုဝန်ကြီးနှင့်ရဲချုပ်တာဝန်ပေး

#သာ/ယဉ်ဒုဝန်ကြီးဦးထွန်းအုံကိုသယံဇာတ/ပတ်ဝန်းကျင် ဒုဝန်ကြီးအဖြစ်ပြောင်းရွှေ့

#ဒေါက်တာမိုးဇော်ထွန်း-သာ/ယဉ်ဒုဝန်ကြီး၊ ဦးမင်းသူ-သယံဇာတ/ပတ်ဝန်းကျင်ဒုဝန်ကြီး၊ ဒေါက်တာအောင်ဇေယျ-လျှပ်စစ်စွမ်းအားဒုဝန်ကြီး၊ ဦးသန့်စင်-စွမ်းအင်ဒုဝန်ကြီး များအဖြစ်ခန့်အပ်

#LocalNews
Published - 2 May 2022

မြန်မာနိုင်ငံဆိုင်ရာ တရုတ်သံရုံးက ဘုန်းတော်ကြီးကျောင်းများနှင့် ဘိုးဘွားရိပ်သာများသို့ ကပ်ရောဂါကာကွယ်ရေးပစ္စည်းများကို ပေးအပ်လှူဒါန်းခဲ့တယ်လို့ သိရပါတယ်။

အဆိုပါ လှူဒါန်းပေးအပ်မှုကို ပြီးခဲ့သည့်ရက်ပိုင်းအတွင်းက ပြုလုပ်ခဲ့ခြင်းဖြစ်ပြီး တရုတ်သံရုံးက မြန်မာ-တရုတ် ဗုဒ္ဓဘာသာ ချစ်ကြည်နှီးနှောဖလှယ်ရေးအဖွဲ့မှတစ်ဆင့် ဘုန်းတော်ကြီးကျောင်း (၄၉)ကျောင်း၊ ဘိုးဘွားရိပ်သာ (၁၂)ခု ၊ ရန်ကုန်ပြည်သူ့ဆေးရုံကြီး၊ ရန်ကုန်တိုင်းဒေသကြီး လူမှုဝန်ထမ်းဦးစီးဌာနတို့ထံ နှာခေါင်းစည်း (၃၆၀,၀၀၀)ခုတို့ကို ပေးအပ်ခဲ့တာ ဖြစ်ပါတယ်။

ယခုလို လှူဒါန်းပေးအပ်ခဲ့တာဟာ မြန်မာပြည်သူများ ကပ်ရောဂါအတွက် ကိုယ်ခံအား အတားအဆီးကို မြှင့်တင်ပေးခြင်းဖြစ်ကာ ကပ်ရောဂါကာကွယ်ရေးရလဒ် ခိုင်မာစေရန်ဖြစ်တယ်လို့လည်း တရုတ်သံရုံး၏ ဒီကနေ့ သတင်းထုတ်ပြန်ချက်မှာ ဖော်ပြခဲ့ပါတယ်။

ဓါတ်ပုံ - မြန်မာနိုင်ငံဆိုင်ရာ တရုတ်သံရုံး

ymg/kg
#Yangon_Media_Group