#WorldHealth
Published - 20 February 2022
ကိုဗစ်ရောဂါကူးစက်မှုမြင့်မားနေတဲ့နိုင်ငံများအတွင်း ကွာရန်တင်းသတ်မှတ်နေထိုင်ချိန် ၁၄ ရက်ကို အချို့အခြေအနေတွေမှာ လျှော့ချလိုရနိုင်ကြောင်း ကမ္ဘာ့ကျန်းမာရေးအဖွဲ့အစည်း WHO က ကြာသပတေးနေ့က ပြောကြားလိုက်ပါတယ်။

ဒီလိုလျှော့ချသတ်မှတ်လိုက်ခြင်းက ကျန်းမာရေးစောင့်ရှောက်မှုအဖွဲ့အစည်းတွေမှာ ဝန်ထုပ်ဝန်ပိုးပိနေတဲ့နေရာတွေအတွက် သက်သာရာရစေမှာဖြစ်ကြောင်း ကုလသမဂ္ဂက ထောက်ခံလိုက်ပါတယ်။

ဥပမာအားဖြင့် ရောဂါစစ်ဆေးပြီးကြောင်းမပြသနိုင်ပါက ၁၀ ရက်ကွာရန်တင်းနေထိုင်နိုင်ပြီး ရောဂါလက္ခဏာမပေါ်တဲ့အပြင် ရောဂါပိုးမရှိကြောင်းစစ်ဆေးချက်ရရှိပါက ကွာရန်တင်းနေထိုင်ချိန်ကို ၇ ရက်အထိ လျှော့ချနိုင်မှာဖြစ်ပါတယ်။

ကွာရန်တင်းနေထိုင်ချိန်လျှော့ချဖို့အတွက် ရောဂါပိုးစစ်ဆေးခြင်းမပြုလုပ်နိုင်တဲ့နေရာတွေမှာ ရောဂါလက္ခဏာပေါ်မပေါ်ကိုကြည့်ပြီး ဆုံးဖြတ်သွားနိုင်ကြောင်း ဖော်ပြထားပါတယ်။
ထိုကဲ့သို့အခြေအနေတွေမှာ ထိတွေ့ဆက်ဆံခဲ့သူများအား ခြေရာခံစောင့်ကြည့်ခြင်းတို့ကိုလည်း ဖြေလျှော့ဆောင်ရွက်နိုင်ကြောင်း WHO က ဆိုပါတယ်။

ကိုဗစ်ရောဂါပိုးတွေ့ရှိသူတွေနဲ့ ထိတွေ့ဆက်ဆံခဲ့သူတွေထဲက ကျန်းမာရေးဝန်ထမ်းတွေလို ရောဂါကူးစက်နိုင်ချေများသူတွေ၊ ရောဂါအခံရှိပြီး ပြင်းထန်စွာခံစားရနိုင်သူတွေ၊ ကာကွယ်ဆေးမထိုးရသေးတဲ့လူတွေကိုတော့ ဦးစားပေးစစ်ဆေးသွားသင့်ပါတယ်။

အမေရိကန်၊ ဂျာမနီ၊ ဆွစ်ဇာလန်တို့လို နိုင်ငံအချို့မှာ အိုမီခရွန်ကူးစက်မှုပုံစံနဲ့ကိုက်ညီအောင် ကွာရန်တင်းနေထိုင်ချိန်ကို လျှော့ချထားပြီးဖြစ်ပါတယ်။
Source: The Jerusalem Post