#World_Science
Published 15 January 2025
▪️ ရင်သားကင်ဆာ စစ်ဆေးရာမှာ AIဉာဏ်ရည်တုစနစ် အသုံးပြုပြီးတော့ ဆရာဝန်တွေအတွက် ရောဂါပိုမိုသိရှိစေလိမ့်မယ်လို့ လေ့လာချက်အသစ်တစ်ခုမှာ တွေ့ရပါတယ်။
▪️ ဒါဟာ လက်တွေ့ရောဂါစစ်ဆေးရေး အစီအစဉ်တစ်ခုရဲ့ ကြီးမားကျယ်ပြန့်တဲ့ စမ်းသပ်မှုဖြစ်ပြီး ရောဂါတွေ့ရှိမှုနှုန်း တိုးတက်လာနိုင်သလို မှားယွင်းတဲ့ ရောဂါတွေ့ရှိမှုမျိုးတွေ မလိုလားအပ်တဲ့ နောက်ဆက်တွဲ စစ်ဆေးမှုတွေ လျော့နည်းလာစေမယ်လို့ The Guardian က ဖော်ပြထားပါတယ်။
▪️ ၂၀၂၁ ဇူလိုင်မှ ၂၀၂၃ ဖေဖော်ဝါရီကြားမှာ ဂျာမနီမှ ရင်သားကင်ဆာ စစ်ဆေးမှုခံယူခဲ့တဲ့ အမျိုးသမီး ၄၆၁၈၁၈ ဦးထံမှ အချက်အလက်တွေကို ဆန်းစစ်ခဲ့ပြီး အသက် ၅၀ မှ ၆၉ နှစ်ကြား ရောဂါလက္ခဏာမပေါ်တဲ့ အမျိုးသမီးတွေကို ပစ်မှတ်ထားတဲ့ စစ်ဆေးရေးအစီအစဉ်တစ်ခုမှာ AIဖြင့် စမ်းသပ်ခဲ့ကြပါတယ်။
▪️ တစ်ဦးချင်းစီရဲ့ ဓာတ်မှန်တွေကို ဓာတ်ရောင်ခြည်ပညာရှင် ၂ ဦးမှ သုံးသပ်ခဲ့ပြီး အမျိုးသမီး တဝက်လောက်အတွက် AIအကူအညီ အသုံးပြုခဲ့ပါတယ်။
▪️ AI ကိရိယာက သံသယရှိတဲ့နေရာတွေကို ထောက်ပြပြီး ဓာတ်မှန်ပညာရှင်တွေ လွဲချော်တာရှိရင် အချက်ပြပေးပါတယ်။
▪️ စမ်းသပ်ချက်များအရ AIအကူအညီ အသုံးပြုတဲ့ စစ်ဆေးမှုတွေမှာ ရင်သားကင်ဆာ တွေ့ရှိမှုနှုန်းက ၆.၇ ရာခိုင်နှုန်း ပိုများနေပါတယ်။
▪️ ပိုပြီးအရေးကြီးတာက AIကိရိယာ အသုံးပြုခြင်းက လွဲမှားတဲ့တွေ့ရှိမှုမျိုးတွေ ဖြစ်မလာတော့ဘဲ မလိုလားအပ်တဲ့ နောက်ဆက်တွဲစစ်ဆေးမှုတွေ လုပ်စရာမလိုတော့ပါဘူး။
▪️ ဒါ့အပြင် AIဖြင့် ဓာတ်မှန်ပညာရှင်တွေရဲ့ ဝန်ထုပ်ဝန်ပိုးတွေကို လျှော့ချနိုင်ကာ ဓာတ်မှန်တွေနဲ့ ပိုမိုရှုပ်ထွေးတဲ့ ကိစ္စတွေမှာ အာရုံစိုက်နိုင်စေမယ်လို့ Varaကုမ္ပဏီတည်ထောင်သူ ဒေါက်တာ စတီဖန်ဘန့်ခ်က ပြောပါတယ်။
▪️ ဒီတွေ့ရှိချက်တွေကို ပညာရှင်တွေက ချီးကျူးနေကြပေမယ့် AIအကူအညီက စိတ်ချရနိုင်မလားဆိုတာ နောက်ထပ်သုတေသနတွေ ပြုလုပ်ဖို့လိုတယ်လို့ ယူဆနေကြပါတယ်။
#Source: WION
