#WorldHealth

Published - 20 March 2022
အိုမီခရွန်ကူးစက်မှုကာလများအတွင်း တရုတ်နိုင်ငံထုတ် ဆိုင်နိုဗက်(Sinovac)ကိုဗစ်ကာကွယ်ဆေးဟာ အသက် ၃ နှစ်မှ ၅ နှစ်ကြားကလေးတွေမှာ ကိုဗစ်ရောဂါကို ၃၈.၂ ရာခိုင်နှုန်းကာကွယ်ပေးနိုင်ကြောင်း ချီလီနိုင်ငံမှလေ့လာစမ်းသပ်ချက်မှာ ဖော်ပြခဲ့ပါတယ်။
ဒီလေ့လာချက်ကို အင်္ဂါနေ့ကထုတ်ပြန်ခဲ့တာဖြစ်ပြီး ကျွမ်းကျင်ပညာရှင်များအချင်းချင်း သုံးသပ်မှုမလုပ်ရသေးပါဘူး။

အစောပိုင်းသုံးသပ်ချက်များအရ ကိုရိုနာဗက်ကာကွယ်ဆေးဟာ ဒယ်လ်တာမျိုးဗီဇကွဲလွှမ်းမိုးချိန်ကာလအတွင်း အသက် ၆ နှစ်မှ ၁၆ နှစ်ကြားကလေးတွေမှာ ကိုဗစ်ရောဂါကို ၇၄.၅ ရာခိုင်နှုန်း ကာကွယ်ပေးနိုင်ကြောင်း စမ်းသပ်ရရှိခဲ့ပါတယ်။

အိုမီခရွန်မျိုးဗီဇကွဲက ကာကွယ်ဆေးမှရရှိတဲ့ခုခံအားကို ကျော်ဖြတ်သွားနိုင်တယ်လို့ WHO က အသိပေးခဲ့ပေမယ့် နိုင်ငံအနှံ့အပြားမှာ ကိုဗစ်အားမြှင့်ကာကွယ်ဆေး(booster)ထိုးနှံဖို့ ညွှန်ကြားလျက်ရှိပါတယ်။

ဒါ့အပြင် ကာကွယ်ဆေးအများစုက ရောဂါပြင်းထန်စွာဖြစ်ပွားခြင်းကို ထိရောက်စွာကာကွယ်ပေးနိုင်ဆဲဖြစ်ပါတယ်။ ဆိုင်နိုဗက်ကာကွယ်ဆေးက ဆေးရုံတက်ကုသခံယူရမှုနှုန်းကို ၆၄.၅ ရာခိုင်နှုန်းကာကွယ်ပေးနိုင်ပြီး အရေးပေါ်ကြပ်မတ်ကုသခံယူရမှုနှုန်းကို ၆၉ ရာခိုင်နှုန်းကာကွယ်ပေးထားနိုင်ကြောင်း ချီလီကလေ့လာသုံးသပ်ထားပါတယ်။

နယူးယော့ခ်မှသုတေသီများသုံးသပ်ထားတဲ့ လေ့လာချက်တစ်ခုမှာ ဖိုင်ဇာကိုဗစ်ကာကွယ်ဆေးက အိုမီခရွန်ကူးစက်မှုကာလအတွင်း အသက် ၅ နှစ်မှ ၁၁ နှစ်ကြားကလေးငယ်တွေမှာ ကာကွယ်နိုင်စွမ်း အလျင်အမြန်ကျဆင်းသွားကြောင်း ဖေဖော်ဝါရီလက ဖော်ပြထားပါတယ်။
Source: Reuters