HPA-AN, MYANMAR — April 2

Following a prolonged period of closure, the Hpa-an–Kawkareik–Myawaddy stretch of the Asian Highway—a critical artery for cross-border trade in Kayin State—officially reopened to the public today.

Official figures recorded by 4:00 PM indicated a total of 555 vehicles traversing the highway on its opening day. This traffic flow included 223 passenger buses, freight trucks, and private vehicles traveling from Hpa-an to the border town of Myawaddy, alongside 332 vehicles making the return journey.

To facilitate the smooth flow of goods and ensure commuter safety, a joint task force has been stationed at the Tadarkyoe combined checkpoint in Kawkareik Township. The coalition, comprising military personnel, the Myanmar Police Force, the Road Transport Administration Department, and Customs officials, is conducting necessary inspections and providing on-the-ground assistance to travelers.

Spanning 165.36 kilometers, the highway is a crucial segment of the Greater Mekong Sub-region East-West Economic Corridor. It stands as Myanmar's most significant economic lifeline, facilitating the highest volume of overland trade with neighboring Thailand.

Traffic and commerce were previously paralyzed due to regional armed conflicts, which resulted in severe damage to roads and bridges from landmine explosions. Following security operations by state forces to clear and stabilize the area, the damaged infrastructure was rapidly restored utilizing both Union and State funds, culminating in today's reopening.

To mark the occasion and promote safe travels, local religious leaders conducted a mobile blessing ceremony this morning. Monks led by the Sayadaw of Mya Thukha Tat U Monastery in Myawaddy traveled by convoy along the newly reopened route—from Thingannyinaung village to Hlaingwa village in Kawkareik Township—reciting Paritta (protective) verses for the security and well-being of future commuters.

ဘားအံ၊ ဧပြီ ၂

အချိန်အတန်ကြာ ပိတ်ထားခဲ့ရသည့် ကရင်ပြည်နယ်၏ အဓိကဆက်သွယ်ရေးနှင့် ကုန်သွယ်ရေး   လမ်းကြောင်းဖြစ်သော ဘားအံ-ကော့ကရိတ်-မြဝတီ အာရှလမ်းမကြီးကို ပြုပြင်မှုများပြုလုပ်ပြီးနောက် ယနေ့ (ဧပြီလ ၂ ရက်)တွင် တရားဝင် ပြန်လည်ဖွင့်လှစ်လိုက်ပြီဖြစ်သည်။

ပြန်လည်ဖွင့်လှစ်သည့် ပထမဆုံးနေ့ ယနေ့ညနေ ၄ နာရီအထိ စာရင်းများအရ လမ်းမကြီးတစ်လျှောက် ယာဉ်စီးရေ (၅၅၅) စီး ဖြတ်သန်းသွားလာခဲ့ကြောင်း သိရသည်။ ထိုအထဲတွင် ဘားအံမြို့မှ မြဝတီမြို့သို့ သွားရောက်သည့် ခရီးသည်တင်ယာဉ်၊ ကုန်တင်ယာဉ်နှင့် အိမ်စီးကား စုစုပေါင်း (၂၂၃) စီးနှင့် မြဝတီမှ ဘားအံသို့ လာရောက်သည့် ယာဉ် (၃၃၂) စီး ပါဝင်သည်။

ခရီးသွားပြည်သူများ လုံခြုံရေးနှင့် ကုန်စည်စီးဆင်းမှု မြန်ဆန်စေရေးအတွက် ကော့ကရိတ်မြို့နယ်၊ တံတားကျိုး စုပေါင်းစစ်ဆေးရေးစခန်းတွင် တပ်မတော်၊ မြန်မာနိုင်ငံရဲတပ်ဖွဲ့၊ ကုန်းလမ်းပို့ဆောင်ရေး ညွှန်ကြားမှုဦးစီးဌာနနှင့် အကောက်ခွန် စသည့် ဌာနဆိုင်ရာတာဝန်ရှိသူများက ပူးပေါင်း၍ လိုအပ်သည့် စစ်ဆေးကူညီမှုများကို ဆောင်ရွက်ပေးလျက်ရှိသည်။

အရှည် ၁၆၅ ဒသမ ၃၆၀ ကီလိုမီတာရှိသော ဤလမ်းပိုင်းသည် နိုင်ငံတကာဆက်သွယ်ရေးလမ်းမကြီး ၊မဟာမဲခေါင်ဒေသ(ခွဲ) အရှေ့-အနောက်  စီးပွားရေးစင်္ကြံ (Greater Mekong Sub-region East-West Economic Corridor) တွင် ပါဝင်ပြီး အိမ်နီးချင်း ထိုင်းနိုင်ငံနှင့် ကုန်သွယ်မှု အများဆုံးပြုလုပ်နေသည့် နိုင်ငံ၏ အဓိက စီးပွားရေးအသက်သွေးကြောဖြစ်သည်။

ယခင်ကအဆိုပါလမ်းပိုင်းတစ်လျှောက် လက်နက်ကိုင်ပဋိပက္ခများဖြစ်ပွားခြင်း၊ လမ်းတံတားများ မိုင်း  ထောင်ဖျက်ဆီးခံရခြင်းတို့ကြောင့် ကုန်သွယ်ရေးနှင့် ခရီးသွားလာမှုများ လုံးဝရပ်တန့်ခဲ့ရသည်။ ယခုအခါ လုံခြုံရေးတပ်ဖွဲ့ဝင်များက နယ်မြေရှင်းလင်းရေးများပြုလုပ်ကာ စိုးမိုးမှုပြန်လည်ရယူနိုင်ခဲ့ပြီးနောက် ပျက်စီးသွားသော လမ်းနှင့် တံတားများကို ပြည်ထောင်စုနှင့် ပြည်နယ်ရန်ပုံငွေများဖြင့် အမြန်ဆုံးပြန်လည်ပြုပြင်ကာ ယခုကဲ့သို့ ပြန်လည်ဖွင့်လှစ်နိုင်ခဲ့ခြင်းဖြစ်သည်။

အာရှလမ်းမကြီး ပြန်လည်ဖွင့်လှစ်ခြင်း အထိမ်းအမှတ်အဖြစ် ခရီးသွားပြည်သူများ ဘေးအန္တရာယ်  ကင်းရှင်းစေရန် ယနေ့နံနက်ပိုင်းက နိုင်ငံတော်ဗဟိုသံဃာ့ဝန်ဆောင် မြဝတီမြို့၊ မြသုခတပ်ဦးကျောင်း တိုက်ဆရာတော် အမှူးပြုသော သံဃာတော်များက လမ်းပိုင်းတစ်လျှောက် မေတ္တာပို့ဆုတောင်းမှုများ ပြုလုပ်ခဲ့ကြသည်။ သံဃာတော်များသည် အာရှလမ်းထိပ် သင်္ဃန်းညီနောင်ကျေးရွာမှ ကော့ကရိတ်  မြို့နယ် လှိုင်ဝကျေးရွာအထိ မော်တော်ယာဉ်များဖြင့် လှည့်လည်ကာ အန္တရာယ်ကင်း ပရိတ်တရားတော်များ ရွတ်ဖတ်သရဇ္ဈာယ်ပေးခဲ့ကြကြောင်း သတင်းရရှိသည်။

#ymg/knl

NAYPYITAW, April 1

Myanmar's Acting President, Senior General Min Aung Hlaing, has emphasized the need to implement a vehicle exchange system that allows the import of electric vehicles (EVs) to replace older, fuel-powered vehicles. The initiative aims to significantly reduce the nation's domestic fuel demands and curb foreign currency expenditure.

The Senior General announced the proposed policy during a coordination meeting focused on ensuring adequate supplies of fuel and agricultural fertilizers. The meeting was held on the afternoon of April 1 at the office of the Chairman of the National Defence and Security Council in Naypyidaw.

Policy Driven by Global Instability

The consideration of this new policy emerges as Myanmar grapples with domestic fuel shortages and surging prices, largely driven by global oil market instability and ongoing conflicts in the Middle East.

Senior General Min Aung Hlaing, who also serves as the Chairman of the State Security and Peace Commission, explained to attendees that facilitating EV imports in exchange for decommissioning old vehicles serves a dual macroeconomic purpose. It is projected to lower the country's reliance on imported fuel while simultaneously controlling the outflow of US dollars required to purchase foreign goods.

High-Level Coordination

The meeting underscored the urgency of the economic measures, bringing together top-tier government and financial figures. Attendees included Prime Minister U Nyo Saw, senior military officials, key cabinet ministers overseeing finance and home affairs, and the Governor of the Central Bank of Myanmar.

Ongoing Crisis Management Measures

To mitigate the immediate impacts of the ongoing fuel crisis, the government has already rolled out several conservation measures. Currently, authorities are enforcing an odd/even license plate rationing system for vehicle refueling. Additionally, government employees are mandated to carry out their office duties from home every Wednesday. The state is also actively encouraging citizens to rely primarily on public transportation networks, particularly the railway system, to further reduce individual fuel consumption.

ymg/knl

နေပြည်တော်၊ ဧပြီ ၁

ပြည်သူများ၏ စားရေရိက္ခာဖူလုံရေးကို အဓိကထား ဆောင်ရွက်ရာတွင် စိုက်ပျိုးရေးတောင်သူများ မဖြစ် မနေလိုအပ်သည့် ဓာတ်မြေဩဇာများကို ဈေးနှုန်းသက်သာစွာဖြင့် လက်ဝယ်အရောက် ဖြန့်ဖြူးပေးနိုင်ရန် အခွန်အခကောက်ခံမှုများကို တတ်နိုင်သမျှ လျှော့ချပေးသွားမည်ဖြစ်ကြောင်း နိုင်ငံတော်ယာယီသမ္မတ ဗိုလ်ချုပ်မှူးကြီး မင်းအောင်လှိုင်က ပြောကြားလိုက်သည်။

အဆိုပါ လမ်းညွှန်ချက်ကို ယနေ့ ဧပြီလ ၁ ရက် မွန်းလွဲပိုင်းက နေပြည်တော်ရှိ အမျိုးသားကာကွယ်ရေးနှင့် လုံခြုံရေးကောင်စီဥက္ကဋ္ဌရုံး၌ ကျင်းပသော စက်သုံးဆီနှင့် မြေဩဇာ ဖူလုံစွာရရှိရေး ညှိနှိုင်းအစည်းအဝေးတွင် ထည့်သွင်းပြောကြားခဲ့ခြင်းဖြစ်သည်။

ကမ္ဘာ့လောင်စာဆီဈေးနှုန်း မြင့်တက်လာမှုနှင့်အတူ သွင်းအားစုဖြစ်သော ဓာတ်မြေဩဇာဈေးနှုန်းများပါ လိုက်ပါမြင့်တက်လာသည့်အတွက် တောင်သူများ စိုက်ပျိုးစရိတ် သက်သာစေရန် နိုင်ငံတော်က ယခုကဲ့သို့ ထောက်ပံ့ပေးရန် စီစဉ်ခြင်းဖြစ်သည်။

ထို့ပြင် စိုက်ပျိုးရေးလုပ်ငန်းများတွင် စက်သုံးဆီသုံးစွဲမှုကို လျှော့ချနိုင်ရန်အတွက် ဒီဇယ်သုံး ရေတင်စက်  များနေရာတွင် နေရောင်ခြည်စွမ်းအင်သုံး လျှပ်စစ်မြစ်ရေတင်လုပ်ငန်းများကို ပြောင်းလဲအစားထိုး ဆောင် ရွက်သွားရန်လည်း နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌလည်းဖြစ်သူ ဗိုလ်ချုပ်  မှူးကြီးက အဆိုပါအစည်းအဝေးတွင် တိုက်တွန်းခဲ့သည်။ ကုန်ကျစရိတ်များသည့် ဓာတ်မြေဩဇာများနေရာတွင် သဘာဝမြေဩဇာများကို ပိုမိုအားထားသုံးစွဲကြရန်လည်း လမ်းညွှန်ခဲ့သည်။

ယင်းအပြင် နိုင်ငံတော်၏ နိုင်ငံခြားငွေသုံးစွဲမှုကို လျှော့ချနိုင်ရေးအတွက် နှစ်စဉ် ပြည်ပမှ အများအပြား တင်သွင်းနေရသည့် စားသုံးဆီကဏ္ဍကို အစားထိုးရန်လည်း ဆွေးနွေးခဲ့ကြသည်။ ပြည်တွင်း၌ နေကြာ၊ ပဲပုပ်နှင့် နှမ်း အစရှိသည့် ဆီထွက်သီးနှံများကို တိုးချဲ့စိုက်ပျိုးရန်နှင့် အထူးသဖြင့် နေကြာစိုက်ပျိုး ထုတ် လုပ်မှုကို ပိုမိုတိုးတက်အောင် ဆောင်ရွက်ခြင်းဖြင့် ပြည်ပစားသုံးဆီ တင်သွင်းမှုကို သိသာစွာ လျှော့ချ နိုင်မည်ဖြစ်ကြောင်းကိုပါ ဗိုလ်ချုပ်မှူးကြီးက ထည့်သွင်းပြောကြားခဲ့သည်။

စိုက်ပျိုးရေးကဏ္ဍ ဖွံ့ဖြိုးတိုးတက်ရေးအတွက် နိုင်ငံတော်အပိုင်းမှ လိုအပ်သည့် သွင်းအားစုများကို တတ်နိုင်သမျှ ဖြည့်ဆည်းပေးသွားမည်ဖြစ်ပြီး တောင်သူများဘက်မှလည်း ကုန်ထုတ်လုပ်မှုများ အတတ်နိုင်ဆုံး တိုးမြှင့်လုပ်ဆောင်ကြရန် နိုင်ငံတော်ယာယီသမ္မတက တိုက်တွန်းပြောကြားခဲ့ကြောင်း သတင်းရရှိသည်။

#ymg/knl

နေပြည်တော်၊ ဧပြီ ၁

နိုင်ငံတွင်း စက်သုံးဆီလိုအပ်ချက်နှင့် နိုင်ငံခြားငွေသုံးစွဲမှုများကို လျှော့ချနိုင်ရန်အတွက် စက်သုံးဆီသုံး ယာဉ်အိုယာဉ်ဟောင်းများအပ်နှံကာ လျှပ်စစ်သုံးမော်တော်ယာဉ် (EV) များ အစားထိုးတင်သွင်းခွင့်ပြုမည့် စနစ်တစ်ရပ်ကို ဖော်ဆောင်သွားဖို့လိုအပ်ကြောင်း နိုင်ငံတော်ယာယီသမ္မတ ဗိုလ်ချုပ်မှူးကြီး မင်းအောင် လှိုင်က ပြောကြားလိုက်သည်။

ယနေ့ ဧပြီလ ၁ ရက် မွန်းလွဲပိုင်းက နေပြည်တော်ရှိ အမျိုးသားကာကွယ်ရေးနှင့် လုံခြုံရေးကောင်စီ  ဥက္ကဋ္ဌ  ရုံး၌ ကျင်းပသော စက်သုံးဆီနှင့် မြေဩဇာ ဖူလုံစွာရရှိရေး ညှိနှိုင်းအစည်းအဝေးတွင် ဗိုလ်ချုပ်မှူးကြီးက ထိုသို့ ထည့်သွင်းပြောကြားခဲ့ခြင်းဖြစ်သည်။

ကမ္ဘာ့ရေနံဈေးကွက် မတည်ငြိမ်မှုနှင့် အရှေ့အလယ်ပိုင်းဒေသ ပဋိပက္ခများကြောင့် ပြည်တွင်း၌ စက်သုံး ဆီ ရှားပါးမှုနှင့် ဈေးနှုန်းမြင့်တက်မှုများကို ကြုံတွေ့နေရချိန်တွင် ယခုကဲ့သို့ မူဝါဒအသစ်တစ်ရပ်ကို စဉ်းစားလာခြင်းဖြစ်သည်။

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌလည်းဖြစ်သူ ဗိုလ်ချုပ်မှူးကြီး မင်းအောင် လှိုင်က ယာဉ်ဟောင်းများအပ်နှံ၍ EV ကားများ ပြန်လည်တင်သွင်းသည့်စနစ်ဖြင့် ဆောင်ရွက်ခြင်းဖြင့် နိုင်ငံတွင်း စက်သုံးဆီတင်သွင်းရမှုကို လျှော့ချနိုင်မည့်အပြင် ပြည်ပသွင်းကုန်အတွက် ဒေါ်လာသုံးစွဲရမှု များကိုပါ တစ်ပါတည်း ထိန်းချုပ်နိုင်မည်ဖြစ်ကြောင်း အဆိုပါအစည်းအဝေးတွင် ရှင်းလင်းပြောကြား  ခဲ့သည်။

အစည်းအဝေးသို့ ကော်မရှင်အဖွဲ့ဝင် နိုင်ငံတော်ဝန်ကြီးချုပ် ဦးညိုစော၊ ကော်မရှင် အဖွဲ့ဝင် ဦးအောင်လင်း  ဒွေး၊ ကော်မရှင်အတွင်းရေးမှူး တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး ရဲဝင်းဦး၊ ပြည်ထဲရေး  ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးဖုန်းမြတ်၊ ဘဏ္ဍာရေးနှင့်အခွန်ဝန်ကြီးဌာန ပြည် ထောင်စုဝန်ကြီး ဒေါက်တာ ကံဇော်၊ ပြည်ထောင်စုစာရင်းစစ်ချုပ် ဒေါက်တာ ခင်နိုင်ဦး နှင့် ဗဟိုဘဏ် ဥက္ကဋ္ဌ ဒေါ်သန်းသန်းဆွေ တို့ တက်ရောက်ခဲ့ကြသည်။

အစိုးရအနေဖြင့် လက်ရှိတွင် စက်သုံးဆီအကျပ်အတည်းကို ဖြေရှင်းရန် မော်တော်ယာဉ်များကို စုံ/မ အလှည့်ကျ ဆီဖြည့်စနစ်ကျင့်သုံးခြင်း၊ အစိုးရရုံးဝန်ထမ်းများကို အပတ်စဉ် ဗုဒ္ဓဟူးနေ့တိုင်း နေအိမ်မှ ရုံး လုပ်ငန်းများဆောင်ရွက်စေခြင်းနှင့် မီးရထား အပါအဝင် အများပြည်သူသုံး သယ်ယူပို့ဆောင်ရေး  စနစ်များကို အဓိကအားထားအသုံးပြုရန် တွန်းအားပေးခြင်း စသည့်အစီအမံများကို လုပ်ဆောင်လျက်  ရှိကြောင်း သိရသည်။

#ymg/knl

ဧပြီ၁၊၂၀၂၆(ရိုက်တာ)

ဟော်မုဇ်ရေလက်ကြားမှတဆင့် ကမ္ဘာ့ရေနံအများဆုံးတင်သွင်းသည့် နိုင်ငံသည် အဆိုပါရေလမ်းကြောင်း ပိတ်ဆို့သွားမည့်ဒဏ်ကို အကောင်းဆုံးခံနိုင်ရည်ရှိသည့် နိုင်ငံများထဲမှ တစ်နိုင်ငံဖြစ်နေသည်မှာ ဆန့်ကျင် ဘက် အံ့သြဖွယ်ပင်ဖြစ်သည်။

တရုတ်နိုင်ငံသည် ပင်လယ်ကွေ့ဒေသမှ ရေနံပမာဏ အမြောက်အများကို သုံးစွဲနေပြီး ထိုဒေသမှ ယင်း၏ တင်သွင်းမှုသည် အိန္ဒိယ၊ ဂျပန်နှင့် တောင်ကိုရီးယား ၃ နိုင်ငံပေါင်း တင်သွင်းမှုနှင့် ခန့်မှန်းခြေအားဖြင့် တူညီနေသည်။

ရေလက်ကြား ပိတ်ဆို့မှုအပေါ် တုံ့ပြန်သည့်အနေဖြင့် အာရှတစ်လွှားရှိ တာဝန်ရှိသူများက စွမ်းအင် ချွေတာရန်အတွက် ရေချိုးချိန်လျှော့ချရန် သို့မဟုတ် အိမ်မှသာ အလုပ်လုပ်ကြရန် နိုင်ငံသားများကို တောင်းဆိုနေကြသည်။သို့သော်  တရုတ်နိုင်ငံရှိ အာဏာရ ကွန်မြူနစ်ပါတီ၏ အဓိကသတင်းစာကနိုင်ငံ သည် ကိုယ်ပိုင်စွမ်းအင်အရင်းအမြစ်ကို ကိုယ်တိုင် ထိန်းချုပ်နိုင်သည့် အခြေအနေတွင် ရှိနေကြောင်း ဖတ်ရှုသူများကို တင်ပြထားသည်။

ထောက်ပံ့မှုများကို ထိန်းသိမ်းရန်အတွက် ဘေဂျင်းသည် လောင်စာဆီတင်ပို့မှုများကို တရားဝင်မဟုတ်ဘဲ ပိတ်ပင်ထားသည်ကို အဆိုပါ အယ်ဒီတာ့အာဘော်တွင် ဖော်ပြထားခြင်းမရှိသော်လည်း၊ စွမ်းအင်ဆိုင်ရာ ရိုက်ခတ်မှုများအပေါ် ထိခိုက်လွယ်မှုကို လျှော့ချပေးခဲ့သည့် နှစ်ပေါင်းများစွာကြာ ချမှတ်ခဲ့သော မူဝါဒ  အစီအမံများကြောင့် တရုတ်နိုင်ငံသည် ယင်း၏ အိမ်နီးချင်းများစွာထက် ပိုမိုလုံခြုံမှုရှိနေပါသည်။

တရုတ်နိုင်ငံသည် ကမ္ဘာတစ်ဝန်းလုံးရှိ လျှပ်စစ်မော်တော်ယာဉ်(EV) အရေအတွက်အားလုံးပေါင်း နီးပါး ရှိ သောလျှပ်စစ်မော်တော်ယာဉ်၊ကြီးမားကျယ်ပြန့်၍ တိုးပွားနေသော ရေနံသိုလှောင်မှုများ၊ မျိုးစုံသော ရေနံ  နှင့် သဘာဝဓာတ်ငွေ့ ရင်းမြစ်များနှင့် ပြည်တွင်း ကျောက်မီးသွေးနှင့် ပြန်လည်ပြည့်ဖြိုးမြဲစွမ်းအင်များ   ကြောင့် ပြည်ပတင်သွင်းမှုအပေါ် မှီခိုစရာမလိုလောက်အောင် လုံခြုံမှုရှိနေသည့် လျှပ်စစ်မဟာဓာတ်အား   လိုင်း စသည်တို့ကို ပိုင်ဆိုင်ထားသည်ကို ဂုဏ်ယူဝင့်ကြွားနေသည်။

"လက်ရှိအခြေအနေက တရုတ်စီမံကိန်းရေးဆွဲသူတွေ ဆယ်စုနှစ်များစွာကတည်းက စိတ်ထဲမှာရှိနေခဲ့   တာတွေနဲ့ တော်တော်လေးနီးစပ်နေပါတယ်" ဟု ဖင်လန်နိုင်ငံရှိ စွမ်းအင်နှင့် သန့်ရှင်းသောလေထု သုတေ   သနစင်တာ (CREA) ၏ ပူးတွဲတည်ထောင်သူ လော်ရီ မိုင်လီဗာတာ က ပြောသည်။ "ဒါဟာ ပင်လယ်   ရေကြောင်းမှတစ်ဆင့်လာတဲ့ ရုပ်ကြွင်းလောင်စာအပေါ် မှီခိုအားထားမှုကို လျှော့ချဖို့ ကြိုးပမ်းချက်က မှန်ကန်ကြောင်း သက်သေပြနေပါတယ်"

မျှော်လင့်မထားသော EV အဟုန်

၂၀၂၀ ပြည့်နှစ် နှောင်းပိုင်းတွင် ဘေဂျင်းသည် ၂၀၂၅ ခုနှစ်၌ လျှပ်စစ်မော်တော်ယာဉ် ဝယ်ယူမှုများအား ကားသစ်ရောင်းချရမှု၏ ၂၀ ရာခိုင်နှုန်းအထိ ရောက်ရှိရန် ရည်မှန်းချက်တစ်ရပ် ထုတ်ပြန်ခဲ့သည်။ ပြီးခဲ့ သည့်နှစ်တွင်မူ အရောင်းပမာဏသည် မော်တော်ယာဉ်သစ်အားလုံး၏ ထက်ဝက်ခန့်အထိ ရောက်ရှိခဲ့   သည်။

ဤမျှော်လင့်မထားသော EV ဖွံ့ဖြိုးမှုများကြောင့် ဆယ်စုနှစ်များစွာကြာ အရှိန်အဟုန်ဖြင့် တိုးတက်  လာခဲ့သည့် တရုတ်နိုင်ငံ၏ လောင်စာဆီသုံးစွဲမှုသည် ထပ်မတက်တော့သည့် အမြင့်ဆုံးအမှတ်သို့ ရောက်  ရှိသွားခဲ့ပြီးပြီဖြစ်သည်။ နိုင်ငံသည် လွန်ခဲ့သည့် နှစ်အနည်းငယ်က မျှော်မှန်းထားသည်ထက် ရေနံသုံးစွဲမှု နှင့် တင်သွင်းမှု ပိုမိုနည်းပါးလာသည်။

စွမ်းအင်နှင့် သန့်ရှင်းသောလေထု သုတေသနစင်တာ၏ ခန့်မှန်းချက်များအရ ပြီးခဲ့သည့်နှစ်က EV များ  ကြောင့် အစားထိုးလျှော့ချနိုင်ခဲ့သည့် ရေနံပမာဏသည် တရုတ်နိုင်ငံက ဆော်ဒီအာရေဗျမှ တင်သွင်းခဲ့  သည့် ပမာဏနှင့် ခန့်မှန်းခြေအားဖြင့် ညီမျှကြောင်း သိရသည်။

လုံခြုံစိတ်ချရသော လျှပ်စစ်မဟာဓာတ်အားလိုင်း

တရုတ်နိုင်ငံ၏ လျှပ်စစ်မဟာဓာတ်အားလိုင်းကို ကျောက်မီးသွေးနှင့် လျင်မြန်စွာ ဖွံ့ဖြိုးတိုးတက်နေသော ပြန်လည်ပြည့်ဖြိုးမြဲစွမ်းအင်များဖြင့်သာ အဓိက လည်ပတ်ထားသည်။ ဘေဂျင်း၏ ကိုယ်ပိုင်ရည်မှန်း ချက်များထက် ကျော်လွန်နေသည့် သန့်စင်သောစွမ်းအင်များ၏ အဟုန်မှာ စီးပွားရေးအတွက် နှစ်စဉ်  လိုအပ်သော အပိုစွမ်းအင်အားလုံးနီးပါးကို ဆိုလာ သို့မဟုတ် လေအားလျှပ်စစ်အသစ်များဖြင့် ဖြည့်ဆည်း   ပေးနိုင်သည်အထိဖြစ်လာသည်။ ယင်းက ကျောက်မီးသွေး တင်သွင်းမှုနည်းပါးစေပြီး လျှပ်စစ်ဓာတ်အား  ထုတ်လုပ်ရာတွင် LNG ပါဝင်သည့် ကမ်းရိုးတန်းပြည်နယ်အချို့သို့ သဘာဝဓာတ်ငွေ့ရည် (LNG) တင်သွင်းမှု လျော့နည်းစေခဲ့သည်ဟု အဓိပ္ပာယ်သက်ရောက်နေသည်။

ရေနံအများအပြားရှိသော်လည်း ပေးသွင်းသူများစွာရှိခြင်း

တရုတ်နိုင်ငံသည် ရေနံအမြောက်အများကို တင်သွင်းသော်လည်း အခြားသော အဓိက အာရှတင်သွင်း  သည့် နိုင်ငံများနှင့်မတူဘဲ မည်သည့် ပေးသွင်းသူ တစ်ဦးတစ်ယောက် တစ်နိုင်ငံတည်းအပေါ် မှီခိုမှု  မရှိစေရန် ဂရုတစိုက် လုပ်ဆောင်ထားသည်။

ဂျပန်ကို ကြည့်ပါ။တိုကျိုသည် ပုံမှန်အားဖြင့် ယင်း၏ရေနံ ၈၀ ရာခိုင်နှုန်းနီးပါးကို ဆော်ဒီအာရေဗျနှင့် အာရပ်စော်ဘွားများပြည်ထောင်စု (UAE) တို့မှ ဝယ်ယူသည်။ တရုတ်နိုင်ငံကမူ ဝယ်ယူသူအများစု အတွက် အမေရိကန်၏ ပိတ်ဆို့အရေးယူမှုများကြောင့် ကန့်သတ်ချက်များရှိနေသည့် ရုရှား၊ ဗင်နီဇွဲလား  နှင့် အီရန်တို့မှ ဈေးလျှော့ပေးထားသော ရေနံအမြောက်အများ အပါအဝင် နိုင်ငံပေါင်း ၈ နိုင်ငံထံမှ ထိုပမာဏတူ ရေနံအချိုးအစားကို ဝယ်ယူခဲ့သည်။

တရုတ်နိုင်ငံသည် ယင်း၏ ရေနံတင်သွင်းမှုများကို မျိုးစုံကွဲပြားအောင် ထိန်းသိမ်းထားခြင်း

တရုတ်နိုင်ငံသည် အဆိုပါတင်သွင်းမှုများ၏ အစိတ်အပိုင်းတစ်ခုကို ယင်း၏ လျှို့ဝှက်ထားသော မဟာ  ဗျူဟာမြောက် ရေနံသိုလှောင်ကန်များထဲသို့လည်း ထည့်သွင်းထားသည်။ သိုလှောင်ထားမှု မည်မျှကြီး  မားကြောင်း မည်သူမျှ အတိအကျမသိသော်လည်း စီးပွားရေးလုပ်ငန်းသုံး ရေနံချက်စက်ရုံများတွင် သိုလှောင်ထားမှုများနှင့် ပေါင်းစပ်လိုက်လျှင် တချို့သော ခန့်မှန်းချက်များအရ ဟော်မုဇ်ရေလက်ကြား မှ တဆင့် တင်သွင်းမှုများအား အစားထိုးရန် ၇ လခန့်အထိ လုံလောက်သော ရေနံများ တရုတ်နိုင်ငံတွင် သိုလှောင်ထားပြီးဖြစ်နေသည်။

ပြည်တွင်းထုတ်လုပ်မှု တိုးတက်လာခြင်း

တရုတ်နိုင်ငံသည် ပြီးခဲ့သည့်နှစ်က တစ်ရက်လျှင် ရေနံစည်ပေါင်း ၄.၃ သန်း ထုတ်လုပ်ခဲ့ပြီး၊ ယင်းသည် ရေနံတင်သွင်းမှုအားလုံး၏ ၄၀ ရာခိုင်နှုန်းခန့်နှင့် ညီမျှသည့် စံချိန်သစ်တစ်ခုဖြစ်သည်။ သို့သော် ရေနံသိုက် များ ခန်းခြောက်လာနေပြီး တရုတ်နိုင်ငံအနေဖြင့် အမေရိကန်၏ရှေးလ်ရေနံ (shale oil) အဟုန်ကို ထပ်မံ ပုံတူကူးရန် မဖြစ်နိုင်ပေ။

သို့သော် သဘာဝဓာတ်ငွေ့အခြေအနေကမူ ကွာခြားသည်။ ပြည်တွင်းထုတ်လုပ်မှုမှာ လျင်မြန်စွာ တိုး  တက်နေသောကြောင့် ပိုက်လိုင်းမှတဆင့် တင်သွင်းသည့် သဘာဝဓာတ်ငွေ့နှင့် ပေါင်းစပ်လိုက်ပါက တရုတ်နိုင်ငံသည် တကယ်တမ်းတွင် ၂၀၂၀ ပြည့်နှစ်ကထက် LNG တင်သွင်းမှု ပိုမိုနည်းပါးလာနေသည်။

၂၀၁၅ ခုနှစ်မှစ၍ မတူညီသော သတင်းရင်းမြစ် သုံးခုမှ နှစ်စဉ် သဘာဝဓာတ်ငွေ့ရည် ပမာဏကို ပြသထားသည့် ဇယားများ။ ခန့်မှန်းခြေအားဖြင့် ၂၀၂၀ ပြည့်နှစ်ကတည်းက သင်္ဘောဖြင့် တင်သွင်းမှုများ တိုးမလာခဲ့သော်လည်း ပိုက်လိုင်းဖြင့် သဘာဝဓာတ်ငွေ့ပေးပို့မှုနှင့် ပြည်တွင်းထုတ်လုပ်မှုတို့ မြင့်တက်လာခဲ့သည်။

တရုတ်နိုင်ငံ၏ ပိုက်လိုင်းကွန်ရက်သည် ပင်လယ်ရေကြောင်းမှ တင်သွင်းမှုများကို လျှော့ချရန်နှင့် ရုရှား၊ ဗဟိုအာရှနှင့် မြန်မာနိုင်ငံတို့မှ ရေနံနှင့် သဘာဝဓာတ်ငွေ့များကို ရယူရန် ခွင့်ပြုပေးထားသည်။ နောက် ထပ် ရုရှား-တရုတ် ပိုက်လိုင်းဖြစ်သော 'Power of Siberia 2' အတွက် ရည်မှန်းချက်ကြီးမားသော စီမံ ကိန်းများကို အဆိုပြုထားသော်လည်း ပြီးစီးရန် နှစ်ပေါင်းများစွာ ကြာဦးမည်။

ဆိုက်ဘေးရီးယား၏ စွမ်းအင် ပိုက်လိုင်း တည်ဆောက်ပြီးကတည်းက တရုတ်နိုင်ငံ၏ ပိုက်လိုင်းဖြင့် သဘာဝဓာတ်ငွေ့တင်သွင်းမှုများမှာ တဖြည်းဖြည်း မြင့်တက်လာခဲ့သည်။ ဂျပန် သို့မဟုတ် ကိုရီးယား ကဲ့သို့သော ကျွန်းနိုင်ငံ အိမ်နီးချင်းများမှာမူ ထိုကဲ့သို့သော ပထဝီဝင် အားသာချက်မျိုး မရှိကြပေ။

ပိုမိုလုံခြုံသော အနာဂတ်

ဆယ်စုနှစ်များစွာကြာ တရုတ်နိုင်ငံ၏ ဖွံ့ဖြိုးတိုးတက်မှုကို နိုင်ငံရပ်ခြားမှ တင်သွင်းသည့် ရုပ်ကြွင်း  လောင်စာများ၊ အထူးသဖြင့် ရေနံစိမ်းများက မောင်းနှင်ပေးခဲ့သည်။ သို့သော် EV အဟုန်ကြောင့် တရုတ် နိုင်ငံသည် ယင်း၏ တိုးတက်မှုအင်ဂျင်ကို ပြည်ပရေနံများအပေါ် မှီခိုမှုမှ ဖြုတ်ချနေပြီဖြစ်သည်။

“China’s oil demand is likely to peak this year and decline thereafter,” said Chen Lin, vice president of oil and gas research at Rystad Energy. “So although the import share will remain high, the situation is unlikely to worsen.”

"တရုတ်နိုင်ငံရဲ့ ရေနံဝယ်လိုအားက ဒီနှစ်မှာ အမြင့်ဆုံးဖြစ်လာနိုင်ပြီး အဲဒီနောက်မှာ ကျဆင်းသွားဖွယ် ရှိပါတယ်" ဟု Rystad Energy မှ ရေနံနှင့် သဘာဝဓာတ်ငွေ့ သုတေသနဆိုင်ရာ ဒုတိယဥက္ကဋ္ဌ ချန်လင်း က ပြောကြားခဲ့သည်။ "ဒါကြောင့် တင်သွင်းမှု အချိုးအစားက မြင့်မားနေဦးမှာဖြစ်ပေမယ့် အခြေ အနေ တွေ ပိုဆိုးလာဖို့တော့ မရှိပါဘူး။

(ရိုက်တာသတင်းဌာနပါ How China can survive without the Strait of Hormuz  အထူးသုံးသပ်ချက်  ဆောင်းပါးကို ဆီလျော်အောင်မြန်မာဘာသာသို့ပြန်ဆိုပါသည်။)