Yangon, 17 April 2025- Myanmar’s State Administration Council (SAC) Chairman and Prime Minister, Senior General Min Aung Hlaing, met with ASEAN Chair and Malaysian Prime Minister Anwar Ibrahim in Bangkok on Wednesday evening, according to an official statement from the SAC Information Team.

The discussions focused on ASEAN’s continued support for Myanmar’s earthquake recovery efforts and enhanced cooperation between Myanmar and the regional bloc. The SAC described the talks as "cordial and open."

Notably, former Thai Prime Minister Thaksin Shinawatra joined the meeting. Thai media reported that Thaksin later hosted a dinner for Senior General Min Aung Hlaing and Prime Minister Anwar at the Rosewood Bangkok hotel.

Neither the Thai nor Malaysian governments have issued further details about the discussions.

The meeting comes as Myanmar continues to engage with ASEAN on regional matters, including disaster response and collaborative initiatives.

#ymg/knl

၁၇ ဧပြီ ၂၀၂၅

နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် ယနေ့ ဧပြီ ၁၇ ရက် ညနေပိုင်းတွင် ထိုင်းနိုင်ငံဘန်ကောက်မြို့၌  အာဆီယံ အလှည့်ကျဥက္ကဋ္ဌ မလေးရှားနိုင်ငံဝန်ကြီးချုပ် Mr. Anwar Ibrahimနှင့်တွေ့ဆုံဆွေးနွေးခဲ့တယ်လို့ နစက သတင်းထုတ်ပြန်ရေးအဖွဲ့က အတည်ပြုသတင်း   ထုတ်ပြန်ပါတယ်။

ထိုသို့တွေ့ဆုံဆွေးနွေးရာတွင် မြန်မာနိုင်ငံငလျင်ဘေးဒဏ်မှ ပြန်လည်ထူထောင်ရေးတွင် အာဆီယံ  အသိုက်အဝန်းမှစည်းလုံးညီညွတ်မှုဖြင့် ဆက်လက်ကူညီဆောင်ရွက်ရေး၊ မြန်မာအာဆီယံ  အသိုက်အဝန်းမှပူပေါင်းဆောင်ရွက်ရေးကိစ္စများအား ရင်းရင်းနှီးနှီးဆွေးနွေးခဲ့ကြတယ်လို့ သတင်းထုတ် ပြန်ချက်မှာဖော်ပြထားပါတယ်။

တွေ့ဆုံပွဲတွင် ထိုင်းနိုင်ငံ ဝန်ကြီးချုပ်ဟောင်း Mr. Thaksin Shinawatra လည်း တက်ရောက်ခဲ့ တယ်လို့သတင်းရရှိပါတယ်။

အသေးစိတ်အချက်အလက်တွေကိုတော့ ထိုင်းနှင့် မလေးရှားဘက်ကပါ ထုတ်ပြန်ခြင်းမရှိသေးပါဘူး။

ထိုင်းဝန်ကြီးချုပ်ဟောင်း မစ္စတာ သက်ဆင်ရှင်နာဝါထရာဟာ အာဆီယံဥက္ကဋ္ဌ မလေးရှားဝန်ကြီးချုပ် မစ္စတာ အန်ဝါအီဗရာဟင်နှင့် မြန်မာနစက ဥက္ကဋ္ဌ ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်တို့နှင့် ဘန်ကောက်မြို့ရှိ Rosewood Bangkok တွင် ညစာဖြင့်တည်ခင်းဧည့်ခံနေတယ်လို့ ထိုင်းသတင်းမီဒီယာ များကရေးသားဖော်ပြကြပါတယ်။

၁၃ ဧပြီ ၂၀၂၅

မြန်မာနစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုုင်ကို  ယခုလစောစောပိုင်းက ဘန်ကောက်မြို့တွင် နိုင်ငံတကာ ထိပ်သီးဆွေးနွေးပွဲတစ်ခုသို့ ဗိုလ်ချုပ်မှူးကြီးတက်ရောက်လာစဉ်အတွင်း ထိုင်းဝန်ကြီးချုပ်ဟောင်း သက်ဆင် ရှင်နာဝါတရာက‌ တွေ့ဆုံခဲ့တယ်လို့ ဧပြီ ၁၃ ရက် နေ့က ထုတ်ဖော်ပြောကြားလိုက်ပါတယ်။

သက်ဆင်က ဗိုလ်ချုပ်မှူးကြီးနှင့်တွေ့ဆုံစဉ် မြန်မာခေါင်းဆောင်ကို ခုခံရေးအဖွဲ့များနှင့် ငြိမ်းချမ်းရေးစကား ပြောဆိုဖို့ အကြံပြုခဲ့တယ်လို့ ပြောပါတယ်။

သူတို့နှစ်ဦးသည် ဧပြီ ၄ရက်က ဘန်ကောက်တွင်ကျင်းပတဲ့ ဘင်မ်စတက်အစည်းအဝေးကာလအတွင်း တွေ့ဆုံ ခဲ့ကြတာဖြစ်တယ်လို့လည်း သက်ဆင်က ထုတ်ဖော်ပြောပါတယ်။

“ သူ့ကို ကျွန်တော်ပြောဖို့အခွင့်အရေးရခဲ့တယ်။ ဘာဖြစ်လို့လဲဆုတော့ ကျွန်တော့်အနေနှင့် မြန်မာနိုင်ငံမှာ ငြိမ်းချမ်းရေးပြန်ဖြစ်ထွန်းတာကို မြင်တွေ့လိုလို့ဖြစ်တယ်” လို့ သက်ဆင်ကပြောပါတယ်။

သက်ဆင်က သူ့အနေနှင့် အဲဒီတွေ့ဆုံမှုမတိုင်ခင် ကမ္ဘာ့စူပါပါဝါနိုင်ငံတွေနှင့် ဆက်သွယ်ပြောဆိုခဲ့တယ် လို့လည်းဆိုပါတယ်။ သူအနေနှင့် မြန်မာနိုင်ငံမှာ ငြိမ်းချမ်းတဲ့ တွေ့ဆုံဆွေးနွေးမှုများကတစ်ဆင့်  အကြမ်းဖက်  မှုတွေ အဆုံးသတ်တာ ထိုင” ်းနိုင်ငံအနေနှင့်မြင်တွေ့လိုတဲ့ဆန္ဒရှိတယ် လို့လည်း သူကပြောပါတယ်။

“ငြိမ်းချမ်းရေးဆွေးနွေးမှုများကတစ်ဆင့် မြန်မာနိုင်ငံမှာ အကြမ်းဖက်မှုတွေအဆုံးသတ်တာ မြင်တွေ့လိုတဲ့   အကြောင်း စူပါပါဝါနိုင်ငံတွေကို ကျွန်တော် အမြဲပြောခဲ့တယ်” လို့ သူကပြောပါတယ်။

ငြိမ်းချမ်းရေးအတွက်လမ်းကြောင်းရှာဖွေရာမှာ နစကအစိုးရနှင့် တိုက်ရိုက်စကားပြောဖို့လိုတယ်လို့ သက်ဆင်က ပြောဆိုလိုက်ပြီး ထိုင်းနိုင်ငံအနေနှင့် နစက နှင့် ခုံခံရေးအဖွဲ့တွေအကြား စေ့စပ်ဖြန်ဖြေသူအဖြစ် ဆောင်ရွက်ဖို့ အဆင်သင့်ရှိတယ်လို့လည်း ဆိုလိုက်ပါတယ်။

ထိုင်းနိုင်ငံဟာ စစ်အစိုးရကို ထောက်ခံတယ်လို့ တွက်ဆကြမှာ စိုးရိမ်တဲ့အတွက် သူ့သမီးဖြစ်တဲ့ ထိုင်းဝန်ကြီးချုပ် ပေတုန်တန်ရှင်နာဝါတရာကို ဗိုလ်ချုပ်မှူးကြီးမင်းအောင်လှိုင်နှင့် နီးနီးကပ်ကပ် မဆက်ဆံဖို့ ထိုင်းပညာရှင်တွေက ပြောနေတဲ့ကြားထဲကနေ သူ့အနေနှင့် ဗိုလ်ချုပ်မှူးကြီးကိုတွေ့ဆုံခဲ့တာဖြစ် တယ်လို့လည်း သက်ဆင်က  ပြောပါတယ်။

ဗိုလ်ချုပ်မှူးကြီးက သူ့ရဲ့ အကြံပြုချက်ကို လက်ခံတယ်လို့ သက်ဆင်က ပြောပါတယ်။ ပြီးတော့  တရားဝင်  ဆွေးနွေးပွဲမစတင်ခင် နောက်ထပ်ဆွေးနွေးတာတွေလိုအပ်လိမ့်မယ်လို့လည်း ဗိုလ်ချုပ်မှူးကြီးကပြောတယ် လို့ သူက ဆိုပါတယ်။

“ ကျွန်တော့်အကြံပြုချက်ကို သူအလေးထားပါတယ်။  ငြိမ်းချမ်းရေးဆွေးနွေမှု မစတင်ခင်မှာ သူနှင့် ကျွန်တော် သူ အကြိမ်များစွာ ပြောဖို့လိုပါဦးမယ်” လို့ သက်ဆင်ကပြောကြားလိုက်ပါတယ်။

သက်ဆင်က သူ့အနေနှင့် မြန်မာနိုင်ငံမှာစီစဉ်ထားတဲ့ရွေးကောက်ပွဲကိစ္စကိုတော့ မဆွေးနွေးဖြစ်ခဲ့ဘူးလို့ ဆိုပါ တယ်။  အာဆီယံအနေနှင့် ငြိမ်းချမ်းရေးဆွေးနွေးပွဲတွေစမလုပ်ဘဲ၊ နိုင်ငံရေးအကျဉ်းသားတွေမလွှတ်ဘဲ ရွေးကောက်ပွဲလုပ်မှာကို ဆန့်ကျင်တဲ့ရပ်တည်ချက်ရှိတာကိုလည်း သူသိပါတယ်လို့ သက်ဆင်ကပြောပါတယ်။

Source The Nation

#Daily_News

Published 12 Apirl 2025

၁။ ယဉ်ကျေးမှုနှင့်မညီသည့်လုပ်ရပ်များ၊ ကြမ်းတမ်းစွာ ရေဆော့ကစားခြင်းများရှောင်ကြဉ်ရန် ထုတ်ပြန်

၂။ မြေငလျင်ဒဏ်သင့် အဆောက်အအုံများ ဘေးအန္တရာယ်ကင်းရှင်းမှုစစ်ဆေးရန် PE အဆင့်ရှိသူများကိုခေါ်ယူ

၃။ ဓာတ်ဆီဈေးဆက်တိုက်တက်၊ ဒီဇယ်ဈေးပါပြန်တက်

၄။ ပြည်တွင်းစက်မှုလုပ်ငန်းများအား ကာကွယ်လိုသည့်အမေရိကန်၏အခွန်တိုးမြှင့်စည်းကြပ်မှု ကိုယ်တိုင်ပြန်လည်ထိခိုက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၁ ဧပြီ ၂၀၂၅

တရုတ်နိုင်ငံက မြန်မာနိုင်ငံသို့ ငလျင်ဘေး ပြန်လည်ထူထောင်ရေးအတွက် အရေးပေါ် လူသားးချင်း စာနာ ဖောက်ထားမှုဆိုင်ရာ ကယ်ဆယ်ရေးအကူအညီအဖြစ် တရုတ်ယွမ်ငွေ တစ်ဘီလျံ( အမေရိကန်ဒေါ်လာ ၁၃၆သန်းကျော်)ကို ထပ်မံပံ့ပိုးပေးမည်ဟု ကြေညာပါတယ်။

ဧပြီလ ၁၀ ရက်နေ့တွင် တရုတ်နိုင်ငံတကာဖွံ့ဖြိုးရေးပူးပေါင်းဆောင်ရွက်မှုအေဂျင်စီ (CIDCA) ၏ ပြောရေးဆိုခွင့်ရှိသူ Mr. Li Ming က ယခုအခါ မြန်မာနိုင်ငံ၏ ကယ်ဆယ်ရေးလုပ်ငန်းများသည် ကပ်ရောဂါကာကွယ်ထိန်းချုပ်ရေးနှင့် ပြန်လည်ထူထောင်ရေးအဆင့်သို့ ရောက်ရှိနေပြီဖြစ်ကြောင်း ထုတ် ပြန်ပြောဆိုခဲ့ခြင်းနှင့်အတူ နောက်ထပ်အကူအညီကိုလည်း ကြေညာပေးခဲ့ခြင်းဖြစ်ပါတယ်။၊

အဆိုပါ အကူအညီသည် မြန်မာအစိုးရ၏ တောင်းဆိုချက်အရ ပေးအပ်ခြင်းဖြစ်တယ်လို့လည်း ကြေညာ ချက်မှာဖော်ပြထားပါတယ်။ အဆိုပါငွေဖြင့် လောင်စာဆီ၊ Plank House၊ ခွဲစိတ်ခန်း၊ ဆေးဝါးနှင့် ကာကွယ်ဆေးများစသည့် အရေးတကြီး လိုအပ်သောပစ္စည်းများကို ဝယ်ယူမည်ဖြစ်ပြီး ကျန်းမာရေးနှင့် ရောဂါကာကွယ်ရေးဆိုင်ရာ ကျွမ်းကျင်အဖွဲ့များကိုလည်း ကုသရေးနှင့်ပိုးသတ်ရေးလုပ်ငန်းများဆောင်ရွက်ရန် စေလွှတ်မယ်လို့ သိရပါတယ်။

ယင်းအပြင် ဘေးအန္တရာယ်အကဲဖြတ်ရေးအဖွဲ့ကိုလည်း စေလွှတ်ကာ ငလျင်ဒဏ်ခံဒေသများသို့ ကွင်း ဆင်းစစ်ဆေးပြီး ပြနလည်ထူထောင်ရေးနှင့် ဘေးအန္တရာယ်ကာကွယ်လျှော့ချရေးလုပ်ငန်းစဉ်များ ရေး ဆွဲရာတွင်ပံ့ပိုးကူညီသွားမယ်လို့ သတင်းထုတ်ပြန်ချက်မှာဆိုပါတယ်။ တရုတ်နိုင်ငံက ယဉ်ကျေးမှုအမွေအနှစ်နှင့် အဆောက်အဦဆိုင်ရာ စစ်ဆေးရေးအဖွဲ့များလည်း စေလွှတ်ကာ ပျက်စီးနေသော ရှေးဟောင်း ယဉ်ကျေးမှုအမွေအနှစ်ပစ္စည်းများ၊ အဆောက်အဦများကို စစ်ဆေးအကဲဖြတ်ခြင်း၊ ခိုင်ခံ့မှုစမ်းသပ်ခြင်းနှင့် ပြုပြင်မွမ်းမံခြင်းလုပ်ငန်းများ ဆောင်ရွက်ပေးသွားမယ် လို့သိရပါတယ်။

မြန်မာနိုင်ငံ၏  ပြင်းထန်ငလျင်ကြီး (မန္တလေးငလျင်ကြီး) ဖြစ်ပွားချိန်မှစ၍ တရုတ်အစိုးရသည် ပထမဆုံးသော နိုင်ငံအဖြစ် ယွမ်ငွေ သန်း ၁၀၀ တန်ဖိုးရှိ အရေးပေါ်လူသားချင်းစာနာ ထောက်ထားမှုဆိုင်ရာ ငလျင်ကယ်ဆယ်ရေးအကူအညီများ ပေးအပ်ရန် ကြေညာခဲ့တာဖြစ်ပါတယ်။

တရုတ်နိုင်ငံ၏ ကယ်ဆယ်ရေးအဖွဲ့များသည် မြန်မာနိုင်ငံတွင်ရောက်ရှိတာဝန်ထမ်းဆောင်နေစဉ်အတွင်း ကိုယ်ဝန်ဆောင်အမျိုးသမီး ၁ ဦး အပါအဝင် အသက်ရှင်သူ ၉ ဦးကို အောင်မြင်စွာ ကယ်တင်နိုင်ခဲ့ကာ သေဆုံးသူ ၅၉ ဦး၏ သက်မဲ့ခန္ဓာများကို ရှာဖွေတွေ့ရှိခဲ့ကြပါတယ်။ ထို့အပြင် အိမ်ခြေနှင့် အရေးပါသော အခြေခံအဆောက်အအုံများ ၂၈၇၀၀၀ စတုရန်းမီတာ ဧရိယာကို စစ်ဆေးပေးခဲ့ပြီး ဘေးဒဏ်သင့်ပြည်သူပေါင်း ၂၀၀၀ ကျော်အား ကျန်းမာရေးစစ်ဆေးကုသမှုများ ဆောင်ရွက်ပေးခဲ့ပါတယ်။

ငလျင်ဘေးသင့်ပြည်သူများ၏ အရေးပေါ်လိုအပ်ချက်များကို ဖြည့်ဆည်းရန် ရွက်ဖျင်တဲ အလုံး ၄၀၀၀၊ စောင် အထည် ၁၀၀၀၀၊ အရေးပေါ်ဆေးအိတ်များ ၅၅၀၀၀ ကျော်၊ ခြင်ထောင် အလုံး ၄၀၀၀၀၊ တာပေါ်လင်စ အချပ် ၁၈၀၀၀၊ အိပ်အိတ် အလုံး ၄၀၀၀၊ နေရောင်ခြည်စွမ်းအင်သုံးမီးအိမ် အလုံး ၁၀၀၀၀၊ ချက်ပြုတ်ရေးပစ္စည်းများ ၂၀၀၀ စုံ၊ ကျန်းမာရေးဆေးအိတ်များ ၃၈၈၀၀ ကျော်၊ ခေါက်ဆွဲခြောက် အဖာ ၂၀၀၀ စသည့် ပစ္စည်းများကို တရုတ်နိုင်ငံအတွင်းမှ အမြန်ဆုံးဝယ်ယူပြီး အထူးလေယာဉ်ဖြင့် မြန်မာနိုင်ငံသို့ အရေးပေါ်ပို့ဆောင်ပေးခဲ့တယ်လို့သတင်းထုတ်ပြန်ချက်မှာဖော်ပြထားပါတယ်။

#ymg/knl

#Daily_News

Published 11 Apirl 2025

၁။ တရုတ်က မြန်မာအတွက် ယွမ်ငွေ ၁ ဘီလီယံ ထပ်မံကူညီမည်

၂။ အင်းလေးရှိငလျင်ကြောင့် ပြိုကျခဲ့သည့် နေအိမ်များပြန်လည်ထူထောင်ရန်လိုအပ်နေ

၃။ ရွှေတိဂုံစေတီတော်၌ ဗုဒ္ဓဘာသာယဉ်ကျေးလိမ္မာသင်တန်း တစ်ပတ်ကြာဖွင့်လှစ်

၄။ UNHCR က မြန်မာငလျင်ကို ပံ့ပိုးကူညီမှုတိုးမြှင့်လုပ်ဆောင်ကြရန် နိုင်ငံတကာကိုတိုက်တွန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group