၂၀၂၆- ၂၀၂၇ ပညာသင်နှစ်အတွက်အခြေခံပညာကျောင်းများ ကျောင်းအပ်နှံရေး ရက်သတ္တပတ်လှုပ်ရှားမှုကို မေလ၂၅ ရက်ကနေ စတင် ဆောင်ရွက်လက်ခံနေပြီဖြစ်ရာ ကျောင်းသား၊ကျောင်းသူတွေလာရောက်အပ်နှံနေကြပြီလို့သိရပါတယ်။

#Local_News
Published 26 May 2026
#ကျောင်းအပ်
#YMG/NN #Yangon_Times

၂၀၂၆-၂၀၂၇ ဘဏ္ဍာရေးနှစ်မှာ ကုန်သွယ်မှုလိုငွေမဖြစ်စေရေးအတွက် နိုင်ငံတော်က သွင်းကုန်အစားထိုးထုတ်ကုန်များ ထုတ်လုပ်နိုင်ရေးနဲ့ အဆိုပါထုတ်ကုန်များကို အများဆုံး ထုတ်လုပ်နေတဲ့ MSMEs လုပ်ငန်းများကို အထူးအလေးထား အားပေးမြှင့်တင်ရန် အဓိကထားဆောင်ရွက်နေတယ်လို့အစိုးရ - ပုဂ္ဂလိက ကုန်သွယ်မှုမြှင့်တင်ရေးကောင်စီ ဥက္ကဋ္ဌ၊ ပြည်ထောင်စုဝန်ကြီး၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဦးထွန်းအုံက ပြောပါတယ်။

#Local_News
Published 26 May 2026
#MSMEs
#YMG/SW #Yangon_Times

လာမယ့် လများအတွင်း ထိုင်းနဲ့ဖိလစ်ပိုင်နိုင်ငံတွေကို  ပုသိမ်စက်မှုဆိပ်ကမ်းကနေ မြန်မာ့ပြောင်းနဲ့ဆန်တွေ တင်ပို့သွားမယ်လို့သိရပါတယ်။

#Local_News
Published 26 May 2026
#ထိုင်းနှင့်ဖိလစ်ပိုင် #မြန်မာ့ပြောင်းနှင့်ဆန်
#YMG/NN #Yangon_Times

ရှမ်းပြည်နယ်တောင်ပိုင်း၊ ကလောမြို့နယ်တွင် တန် (၇၀၀)ဝင်ဆံ့သည့် အာလူးအအေးခန်းကို ယမန်နေ့က ကလောမြို့နယ်၊ သာမိုင်းခမ်းကျေးရွာအုပ်စု၊ ကုန်းလွင်ကျေးရွာမှာ ဖွင့်လှစ်ခဲ့တယ်လို့သိရပါတယ်။

#Local_News
Published 26 May 2026
#ကလောမြို့နယ် #အာလူး
#YMG/SW #Yangon_Times

#Daily_News
Published 26 May 2026

၁။‌ ကျောင်းအပ်နှံရေး ရက်သတ္တပတ်လှုပ်ရှားမှုစတင်နေပြီး ကျောင်းသား၊ ကျောင်းသူများ လာရောက်အပ်နှံနေ

‌‎၂။ ‌ကုန်သွယ်မှုလိုငွေမဖြစ်စေရေးMSMEs လုပ်ငန်းများကို အထူးအလေးထား အားပေးမြှင့်တင်မည်

၃။‌‌‎ ထိုင်းနှင့်ဖိလစ်ပိုင်နိုင်ငံများသို့  မြန်မာ့ပြောင်းနှင့်ဆန်များတင်ပို့မည်

၄။‎ ကျူးဘားတော်လှန်ရေးခေါင်းဆောင်အပေါ်အမေရိကန်စွပ်စွဲချက်များအား ကျူးဘားသမ္မတရှုတ်ချ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မေ ၂၆၊ ၂၀၂၆ (ရန်ကုန်)

ငလျင်အလွန် ပြန်လည်ထူထောင်ရေးလုပ်ငန်းတွေကို ဗဟိုပြုပြီး လျှပ်စစ်မီး၊ ရေနံနဲ့သဘာဝဓာတ်ငွေ့၊ ကုန်သွယ်မှုနဲ့ ရင်းနှီးမြှုပ်နှံမှု အစရှိတဲ့ နယ်ပယ်အသစ်တွေမှာ ပူးပေါင်းဆောင်ရွက်မှုကို အားကောင်း   အောင် လုပ်ဆောင်သွားမယ်လို့ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး Ms. Ma Jia က ပြောကြားပါတယ်။

ရန်ကုန်မြို့၊ Wyndham Grand Yangon Hotel  တွင် မေလ ၂၆ ရက်(ယနေ့) ကျင်းပတဲ့ ၂၀၂၆ ခုနှစ် ဒုတိယသုံးလပတ် တရုတ်-မြန်မာ မီဒီယာတွေ့ဆုံပွဲတွင် တရုတ်သံအမတ်ကြီး Ms. Ma Jia က ယင်းကဲ့သို့ ပြောကြားခဲ့ခြင်းဖြစ်ပါတယ်။

“ရင်းနှီးမြှုပ်နှံမှုနဲ့ ဘဏ္ဍာရေး ပူးပေါင်းဆောင်ရွက်မှုတွေဟာ အခြေခံအဆောက်အအုံ စီမံကိန်း တည်  ဆောက်ရေးနဲ့ ကုန်ထုတ်လုပ်မှု ကဏ္ဍတွေကို အဓိက လွှမ်းခြုံထားပြီး၊ မြန်မာနိုင်ငံရဲ့ ရန်ပုံငွေပြတ်လပ်မှု၊ အခြေခံအဆောက်အအုံ နောက်ကျကျန်နေမှုနဲ့ လူသားအရင်းအမြစ် မလုံလောက်မှုစတဲ့ ဖွံ့ဖြိုး  တိုးတက်  ရေး အကျပ်အတည်းတွေကို ထိရောက်စွာ ကျော်လွှားနိုင်ဖို့ ကူညီပေးနိုင်မှာ ဖြစ်တယ်” လို့ တရုတ် သံအမတ်ကြီးက ဆက်လက်ပြောဆိုပါတယ်။

“ ဒါဟာ တရုတ်နိုင်ငံရဲ့ ပုံရိပ်ကို တမင်တကာ ပုတ်ခတ်ညှိုးနွမ်းစေဖို့ အတွက် လုပ်ကြံဖန်တီးထားတဲ့ “ကြွေးမြီထောင်ချောက်” ဆိုတာမျိုး လုံးဝ ဖြစ်လာမှာ မဟုတ်ပါဘူး။ ကျွန်မတို့က ပြည်သူလူထု အကျိုးပြု စီမံကိန်းတွေကို ပိုမို အကောင်အထည်ဖော် ဆောင်ရွက်သွားမှာဖြစ်ပြီး တရုတ်-မြန်မာ နှစ်ဦးနှစ်ဖက် အပြန်အလှန် အကျိုးဖြစ်ထွန်းစေမယ့် ပူးပေါင်းဆောင်ရွက်မှုကတစ်ဆင့် ပြည်သူလူထုအတွက် ပိုမို  များပြားတဲ့ အကျိုးကျေးဇူးတွေကို ဖော်ဆောင်ပေးသွားပါမယ်” လို့လည်း Ms. Ma Jia က ကတိပေး ပြောဆိုပါတယ်။

အချက်အလက်တွေ စီးဆင်းပျံ့နှံ့တဲ့နေရာမှာ တိကျမှုမရှိတာ အစရှိတဲ့ အကြောင်းရင်းအမျိုးမျိုးကြောင့် နှစ်နိုင်ငံပြည်သူတွေအကြား နက်နက်ရှိုင်းရှိုင်း သိရှိနားလည်မှု အားနည်းနေတာတွေကို လျော့နည်း  ပပျောက်အောင်အားလုံးက ပိုမိုအားသွန်ခွန်စိုက်ကြိုးပမ်းဆောင်ရွက်သွားကြဖို့လည်း သံအမတ်ကြီးက တိုက်တွန်းသွားပါတယ်။

အခမ်းအနားတွင် တက်ရောက်လာကြသည့် မြန်မာနိုင်ငံနှင့် တရုတ်နိုင်ငံ နှစ်ဘက်မှ ပညာရှင်များ၊ မီဒီယာအသင်းအဖွဲ့များမှကိုယ်စားလှယ်များ၊ မြန်မာနိုင်ငံအခြေစိုက်တရုတ်စီးပွားရေးလုပ်ငန်းများမှ ကိုယ်စားလှယ်များက တစ်ဦးချင်းစီ၏ သဘောထားအမြင်များကို လွတ်လပ်ပွင့်လင်းစွာပြောဆိုဆွေးနွေး  ခဲ့ကြကြောင်းသိရှိရပါတယ်။