၂၃ ဇူလိုင် ၂၀၂၅
မန္တလေးတိုင်းဒေသကြီး သပိတ်ကျင်းခရိုင်ရှိ သပိတ်ကျင်းမြို့ကို ဇူလိုင်လ ၂၃ ရက်၊ယနေ့တွင် တပ်မတော် က အလုံးစုံ ပြန်လည်သိမ်းပိုက်ထိန်းချုပ်နိုင်ခဲ့ပြီဖြစ်ကြောင်း နစက သတင်းထုတ်ပြန်ရေးအဖွဲ့က သတင်း ထုတ်ပြန်ပါတယ်။
တပ်မတော်စစ်ကြောင်းများက အကြမ်းဖက်သောင်းကျန်းသူများ ထိန်းချုပ်ထားသည့်သပိတ်ကျင်း မြို့နယ်အတွင်း အကြမ်းဖက်ချေမှုန်းမှုစစ်ဆင်ရေး (Counter- Terrorism Operation) ဖြင့် တပ်ရင်း ဌာနချုပ် ပတ်ဝန်းကျင်၌ စတင်၍ နယ်မြေရှင်းလင်းခဲ့ပြီးတန်ပြန် တိုက်စစ်များ တစ်ဆင့်ပြီးတစ်ဆင့် ခြေကုပ်ယူ တိုက်ခိုက်ခဲ့တာဖြစ်တယ်လို့သိရှိရပါတယ်။
အဆိုပါ စစ်ဆင်ရေးကြောင့် ၂၀၂၅ ခုနှစ်၊ဇွန်လ ၃၀ ရက်နေ့တွင် အကြမ်းဖက်သောင်းကျန်းသူများ ထိန်းချုပ်ထားသည့်သပိတ်ကျင်းမြို့နယ်အတွင်းရှိ ၆ မိုင်ကျေးရွာအား လည်းကောင်း၊ ဇူလိုင်လ ၅ရက်နေ့ တွင် ၅ မိုင်ကျေးရွာအား လည်းကောင်း၊ ဇူလိုင်လ ၁၇ ရက်နေ့တွင် ၄ မိုင်ကျေးရွာနှင့်အဆိုပါကျေးရွာအနီး တာဝါတိုင်ကုန်းအားလည်းကောင်း အသီးသီးပြန်လည်သိမ်းပိုက်နိုင်ခဲ့ပြီး ဇူလိုင်လ ၂၃ ရက်နေ့ ယနေ့တွင် သပိတ်ကျင်းမြို့အားတပ်မတော်က အလုံးစုံ ပြန်လည်သိမ်းပိုက်ထိန်းချုပ်နိုင်ခဲ့တာဖြစ်ပါတယ်။
အချက်အချာကျသည့်နေရာတွင်ရှိနေတဲ့ သပိတ်ကျင်းမြို့ အား မိုးမိတ်၊ မိုးကုတ်မြို့နယ်မှတဆင့် အကြမ်း ဖက်အဖွဲ့အစည်းများဖြစ်သည့် TNLA အဖွဲ့နှင့် PDF အမည်ခံအကြမ်းဖက်သောင်းကျန်းသူ ပူးပေါင်းအဖွဲ့များသည် ၂၀၂၄ ခုနှစ်၊ ဩဂုတ်လ ၁၈ ရက်မှစ၍သပိတ်ကျင်း မြို့နယ်အတွင်း လုံခြုံရေး ဆောင်ရွက်နေသည့် တပ်စခန်းများ၊ တပ်ရင်း/တပ်ဖွဲ့နှင့် မြို့/ရွာများအား အင်အားအလုံးအရင်းဖြင့် ဝင်ရောက်တိုက်ခိုက်ခဲ့တာဖြစ်ပါတယ်။
စစ်ဆင်ရေးကာလ ၁၁ လအတွင်း အကြမ်းဖက်သောင်းကျန်းသူများနှင့် တိုက်ပွဲကြီး ၁၇ ကြိမ်၊ ထိတွေ့ မှုပေါင်း ၄၅ ကြိမ် ဖြစ်ပွားခဲ့ပြီးရန်သူ့ထံမှ အလောင်း ၅၁ လောင်းနှင့် လက်နက်မျိုးစုံ ၁၁၂ လက်နှင့် ဆက်စပ်ပစ္စည်းများ သိမ်းပိုက်ရရှိခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။
သပိတ်ကျင်းမြို့ အတွင်းသို့ ယာယီနေရပ်စွန့်ခွာနေကြရသည့် ဒေသခံပြည်သူများအား အန္တရာယ် ကင်းရှင်းစွာ ပြန်လည်ဝင်ရောက် နေထိုင်နိုင်ရေးအတွက် တပ်မတော်စစ်ကြောင်းများက မြို့တွင်း မိုင်းရှင်းလင်းခြင်းလုပ်ငန်းများ စတင်ရှင်းလင်းဆောင်ရွက်နေပါတယ်။
မိမိတို့၏ အိုးအိမ်နေရာများသို့ ပြန်လည်နေထိုင်လိုပြီး ရိုးသားစွာ မိမိတို့၏ လူမှုစီးပွားဘဝ လုပ်ကိုင် စားသောက်လိုသည့် ယာယီနေရပ်စွန့်ခွာ ပြည်သူများအနေဖြင့်လည်း သက်ဆိုင်ရာ လုံခြုံရေးအဖွဲ့များထံ စနစ်တကျသတင်းပို့၍ နေထိုင်နိုင်ရေးသက်ဆိုင်ရာမှ နှိုးဆော်ထားပါတယ်။
သက်ဆိုင်ရာတိုင်းဒေသကြီး အစိုးရအဖွဲ့မှ လည်းဌာနဆိုင်ရာဝန်ထမ်းများဖြင့် အစိုးရအုပ်ချုပ်မှု ယန္တရားများ ၊ စာသင်ကျောင်းများ၊ဆေးရုံများ အမြန်ဆုံးလည်ပတ်နိုင်ရေး စီမံဆောင်ရွက်လျက်ရှိပါတယ်။
သပိတ်ကျင်းမြို့သည် ကချင်ပြည်နယ်၊ စစ်ကိုင်းတိုင်းဒေသကြီးနှင့် ရှမ်းပြည်နယ်(မြောက်ပိုင်း) တို့ရှိမြို့ များနှင့်နယ်နိမိတ်ချင်းထိစပ်နေပြီး ဧရာဝတီမြစ်၏ အရှေ့ဘက် ကမ်းပေါ်၌ရှိသောသင်္ဘောဆိပ်မြို့လည်း ဖြစ်ပါတယ်။
#ymg/knl
#Daily_News
Published 23 July 2025
၁။ စိမ်းလဲ့မြေဆန်စက်ဆိုလာစီမံကိန်း ညောင်တုန်း၌စတင်
၂။ ရွှေဘို၊ ဧရာဝတီပေါ်ဆန်းနှင့် ရက် (၉၀) ဆန်များကို သက်သာသောဈေးနှုန်းများဖြင့် လိုက်လံရောင်းချပေးမည်
၃။ “ဝီဖာ”မုန်တိုင်းအရှိန်ကြောင့် ဒေသအများစု၌ မိုးကြီးပြီးလေပြင်းတိုက်နိုင်
၄။ အလိုအလျောက်ဘက်ထရီလဲထည့်နိုင်သည့် ကမ္ဘာ့ပထမဆုံးလူသားပုံသဏ္ဍာန်စက်ရုပ် Walker S2 ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
လက်ရှိ ၂၀၂၅-၂၀၂၆ ဘဏ္ဍာနှစ်အတွင်း ပြည်ပမှဓာတ်မြေဩဇာနဲ့ပိုးသတ်ဆေးတန်ချိန် ၁ ဒသမ ၆ သန်း ကျော်တင်သွင်းနိုင်ဖို့လျာထားဆောင်ရွက်နေတယ်လို့ ယူရီးယားမြေဩဇာဝယ်ယူဖြန့်ဖြူးရောင်းချရေး ဦးဆောင်ကော်မတီအစည်းအဝေးမှ သိရပါတယ်။
#Local_News
Published 23 July 2025
#ဓာတ်မြေဩဇာနှင့်ပိုးသတ်ဆေး #ယူရီးယားမြေဩဇာဝယ်ယူဖြန့်ဖြူးရောင်းချရေး
#YMG/SW #Yangon_Times
“ဝီဖာ” မုန်တိုင်းအရှိန်ကြောင့် ဒေသအများစုမှာ မိုးကြီးပြီးလေပြင်းတိုက်နိုင် တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ ယမန်နေ့ညပိုင်းကထုတ်ပြန်ချက်မှာ ဖော်ပြထားပါတယ်။
#Local_News
Published 23 July 2025
#“ဝီဖာ”မုန်တိုင်း #မိုးကြီးပြီးလေပြင်းတိုက်နိုင်
#YMG/NN #Yangon_Times
ယခုလ၂၄ရက်ကစတင်ပြီး ရန်ကုန်တိုင်းအတွင်းကမြို့နယ် ၉ခုရဲ့ ဈေး၉ ဈေးမှာ ရွှေဘိုပေါ်ဆန်း၊ ဧရာဝတီပေါ်ဆန်းနဲ့ရက် (၉၀) ဆန်တွေကို သက်သာတဲ့ဈေးနှုန်းတွေနဲ့ ရောင်းချပေးသွားမယ်လို့ မြန်မာနိုင်ငံဆန်စပါးကုန်သည်များအသင်းက ထုတ်ပြန်ထားပါတယ်။
#Local_News
Published 23 July 2025
#လိုက်လံရောင်းချပေး #သက်သာတဲ့ဈေးနှုန်း
#YMG/SW #Yangon_Times
စိမ်းလဲ့မြေဆန်စက်ဆိုလာစီမံကိန်းကို ညောင်တုန်းမြို့နယ်မှာ စတင်လိုက်ပြီလို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 23 July 2025
#စိမ်းလဲ့မြေဆန်စက်ဆိုလာစီမံကိန်း #မြန်မာနိုင်ငံဆန်စပါးအသင်းချုပ်
#YMG/NN #Yangon_Times
#Local_News
Published 23 July 2025
▪️ ရန်ကုန်တိုင်းဒေသကြီး၊ ရွှေပြည်သာမြို့နယ်တွင် နှစ်ရက်ဆက်တိုက် မီးလောင်မှုများဖြစ်ပွားခဲ့ပြီး Level1 အဆင့်မီးငြိမ်းသတ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
▪️ ပထမဖြစ်စဉ်မှာယမန်ေန့၂၂.၇.၂၀၂၅ ရက်နေ့၊ ည၆နာရီ၅၃မိနစိ အချိန်ခန့်က ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတရာစက်မှုဇုန်တွင် မီးလောင်မှုဖြစ်ပွားခဲ့ခြင်းဖြစ်ပြီး ရွှေပြည်သာမြို့နယ်မီးသတ်စခန်းမှ မီးသတ်ယာဉ်များထွက်ခွာခဲ့ပြီးနောက် ည ၇ နာရီ ၁၀ မိနစ် အချိန်တွင် Level 1 ယာဉ်အုပ်စုများ ထွက်ခွာငြိမ်းသတ်ခဲ့ရာ ည ၇ နာရီ ၄၉ မိနစ်တွင် မီးငြိမ်းခဲ့ကြောင်း သိရသည်။
▪️ ဒုတိယဖြစ်စဉ်မှာ ယနေ့ နံနက် ၀၉နာရီ ၂၇ မိနစ်အချိန်က ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၂၆)ရပ်ကွက်၊ အမှတ်(၄)လမ်းတွင် စက်ရုံမီးလောင်မှုဖြစ်ပွားသဖြင့် မြောက်ပိုင်းခရိုင်မီးသတ်စခန်းမှ မီးငြှိမ်းသတ်ယာဉ်(၄)စီး၊ ရွှေပြည်သာမြို့နယ်မီးသတ်စခန်းမှ မီးငြှိမ်းသတ်ယာဉ်(၆)စီး၊ အင်းစိန်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ တညင်းကုန်းနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ပြီး နံနက် ၀၉ နာရီ ၄၉ မိနစ်အချိန်တွင် Level 1 ယာဉ်အုပ်စုများ ထွက်ခွာငြိမ်းသတ်ခဲ့ရာ နံနက်၁၀ နာရီ၀၄ မိနစ်အချိန်တွင်မီးငြိမ်းခဲ့ေကြာင်း သိရသည်။
#YMG/SW #Yangon_Times
Page 342 of 2399
