ရင်းနှီးမြုပ်နှံမှုပမာဏရဲ့အနည်းဆုံး ၃၅ရာခိုင်နှုန်းကို ငွေသားအဖြစ်ထည့်ဝင်ထားတဲ့ကုမ္ပဏီ‌တွေအနေနဲ့အခွန်ကင်းလွတ်ခွင့် သို့မဟုတ် သက်သာခွင့်ရနိုင်တယ်လို့ မြန်မာနိုင်ငံရင်းနှီးမြုပ်နှံမှုကော်မရှင်မှ သိရပါတယ်။

#Local_News
Published 02 April 2026
#မြန်မာနိုင်ငံရင်းနှီးမြုပ်နှံမှုကော်မရှင်
#YMG/SW #Yangon_Times

#Daily_News
Published 02 April 2026

၁။‌ အွန်လိုင်းမှ ရထားလက်မှတ်ဝယ်ယူသူများကို ဝန်ဆောင်ခ (၂၀၀)ကျပ်ကောက်ခံမည်

‌‎၂။ ‌‌‌‌‌‌‌‌‌‌‌ကမ္ဘာ့အပူဆုံးမြို့များစာရင်းတွင်အဆင့်(၁)ရောက်ခဲ့သည့်မင်းဘူးမြို့၌ အပူရှောင်စခန်းများဖွင့်လှစ်မည်

‎၃။‌‌‎ ‌‌‌‌‌‌‌‌‌မြန်မာ့မတ်ပဲနှင့်ပဲစင်းငုံတင်ပို့ခွင့်ကိုအိန္ဒိယမှ တစ်နှစ်တိုးမြှင့်သတ်မှတ်

၄။‎ (၁)နှစ်ကိုလူသားပုံစံစက်ရုပ်တစ်သောင်းခန့်ထုတ်လုပ်နိုင်မည့်စက်ရုံ တရုတ်၌ပထမဆုံးလည်ပတ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 02 April 2026

■ ကချင်ပြည်နယ်၊မြစ်ကြီးနားမြို့၌ ၂၀၂၆ ခုနှစ် (မြန်မာသက္ကရာဇ် ၁၃၈၇ ခုနှစ်) တွင် ကျရောက်တော့မည့်မဟာသင်္ကြန်ပွဲတော် ကို စတုဒီသာ မဏ္ဍပ် များဖြင့်စည်ကားသိုက်မြိုက်စွာကျင်းပသွားမည်ဖြစ်ပြီး ဧရာဝတီရှုခင်းသာတွင်လည်း သဲသောင်ပြင်လမ်းလျှောက်သင်္ကြန်ပွဲတော်ထည့်သွင်းကျင်းပမည်ဖြစ်ကြောင်း ကျင်းပရေးဦးစီးကော်မတီထံမှ သိရသည်။

■ မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ကချင်ပြည်နယ်၏ မြစ်ကြီးနားမြို့၌ ဆွမ်ပရာဘွမ်လမ်းမကြီးပေါ်တွင်လည်းကောင်း၊ မင်းရပ်ပြည်သူ့ရင်ပြင်တွင် လည်းကောင်း၊ ဧရာဝတီရှုခင်းသာ အပန်းဖြေစခန်းနေရာတွင်လည်းကောင်း လမ်းလျှောက်သင်္ကြန်ပွဲတော်များကို ကျင်းပပြုလုပ်သွားမည်ဖြစ်ကြောင်း သိရသည်။

■ ထို့အပြင် ယခုနှစ်တွင် မဟာသင်္ကြန်ပွဲတော်ကို ဆွမ်ပရာဘွမ်လမ်းမကြီး ကျောက်စိမ်းတုံးမီးပွိုင့်မှ မီးရထား သံလမ်းကူးနေရာအထိ လမ်းအရှည်ပေ ၉၅၀ ပေါ် တွင် ဗဟိုမဏ္ဍပ်ကို (၁၂၂ ပေ x ၃၆ ပေ x ၄ ပေ) ဖြင့် တည်ဆောက်လျက်ရှိပြီး လမ်းလျှောက်သင်္ကြန်ပွဲတော်ကိုလည်း အဆိုပါ ဆွမ်ပရာဘွမ်လမ်းမကြီးပေါ်တွင် ကျင်းပပြုလုပ်သွားမည်ဖြစ်ကြောင်းနှင့် လမ်းလျှောက်သင်္ကြန်အတွင်း စတုဒိသာမဏ္ဍပ်များ၊ မြန်မာတို့၏ ဒြပ်မဲ့ယဉ်ကျေးမှုအမွေအနှစ် ရိုးရာသနပ်ခါး (နံ့သာလိမ်းခြယ်) မဏ္ဍပ်များနှင့်လောင်းလှေများဖြင့် ရေပက် ကစားနိုင်ရေး လုပ်ငန်းများဆောင်ရွက်လျက်ရှိကြောင်း မြို့နယ်စည်ပင်သာယာရေးအဖွဲ့ အမှုဆောင်အရာရှိ ဒုတိယညွှန်ကြားရေးမှူး ဦးလှမိုးကပြောသည်။

■ ထို့အပြင် ဗဟိုမဏ္ဍပ်တွင် ကချင်ပြည်နယ်အစိုးရအဖွဲ့၊ ဝန်ကြီးများ၊ တိုင်းစစ်ဌာနချုပ်နှင့် တက္ကသိုလ်များမှ ယိမ်းအဖွဲ့ ၁၈ ဖွဲ့တို့က ကပြဖျော်ဖြေယှဉ်ပြိုင်သွားမည်ဖြစ်ပြီး သင်္ကြန်ပွဲတော်ကာလအတွင်း စတုဒိသာမဏ္ဍပ်များအနေဖြင့် နေ့အလိုက် မြန်မာ့ရိုးရာလက်ဖက်၊ ထမနဲနှင့် သင်္ကြန်နှင့်လိုက်ဖက်သည့် ရွှေရင်အေး၊ မုန့်လက်ဆောင်း၊ မုန့်လုံးရေပေါ် စသည်တို့ကို နံနက်ပိုင်းတွင် လူဦးရေ ၆၀၀၀၊ ညနေပိုင်းတွင် လူဦးရေ ၆၀၀၀ ဖြင့် တစ်ရက်လျှင် လူဦးရေ ၁၂၀၀၀ စာဧည့်ခံကျွေးမွေးသွားမည်ဖြစ်ကြောင်း သိရသည်။

■ ထို့အတူ ဆွမ်ပရာဘွမ်လမ်းမကြီးပေါ်ရှိ လမ်းလျှောက်သင်္ကြန်ပွဲတော်တွင် ဂါလန် ၅၀၀၀၀ ဆံ့ ရေလှောင်ကန် နှစ်ကန်တူးဖော်ဆောင်ရွက်ထားပြီး ရေလုံလောက်စွာရရှိရေး ဆောင်ရွက်ထားပြီးဖြစ်ကြောင်းနှင့် လမ်းလျှောက်သင်္ကြန်အတွင်း ရေပန်းများ၊ ပုသိမ်ထီး၊ ရောင်စုံထီးအလှများ တပ်ဆင်ဆောင်ရွက်သွားမည်ဖြစ်ကြောင်းသိရသည်။ ယခုနှစ် သင်္ကြန်ပွဲတော်ကို တစ်မူထူးခြားပြီး စည်ကားသိုက်မြိုက်စွာကျင်းပနိုင်ရေးအတွက် ဆွမ်ပရာဘွမ်လမ်းမကြီး လမ်းလျှောက်သင်္ကြန်ပွဲတော်အပါအဝင် မြစ်ကြီးနားမြို့ မင်းရပ်ပြည်သူ့ရင်ပြင်အတွင်း၌လည်း ဧရာဦးပန်းခြံနှင့် မင်းရပ်ပြည်သူ့ရင်ပြင်အကြား အရှည်ပေ ၆၀၀ ရှိ ကမ်းနားလမ်းတစ်လျှောက်တွင် လမ်းလျှောက်သင်္ကြန်ပွဲတော်အဖြစ် ကျင်းပသွားမည်ဖြစ်ကြောင်း ၊၎င်းအပြင် စီတာပူရပ်ကွက် ဧရာဝတီမြစ်ကမ်း ဘေးရှိ ဧရာဝတီရှုခင်းသာတွင်လည်း သဲသောင်ပြင် လမ်းလျှောက်သင်္ကြန်ပွဲတော်အဖြစ် ကျင်းပသွားမည် ဖြစ်ပြီး အဆိုပါဧရာဝတီရှုခင်းသာသည် ဧရာဝတီ မြစ်ဘေးတွင်ရှိသည့်အတွက် အများပြည်သူပျော်ရွှင် စွာဆင်နွှဲရာတွင် ဧရာဝတီမြစ်အတွင်း ရေကစားခြင်းနှင့် ပြည်သူများအန္တရာယ်တစ်စုံတစ်ရာ မဖြစ်ပေါ်စေရေးတာဝန်ရှိသူများက လုံခြုံရေးအစီအစဉ်များ ချမှတ်ဆောင်ရွက်၍ စည်ကားစွာကျင်းပပြုလုပ်သွားမည်ဖြစ်ကြောင်း သိရသည်။

#YMG/NN #Yangon_Times

နေပြည်တော်၊ ဧပြီ ၁

ပြည်သူများ၏ စားရေရိက္ခာဖူလုံရေးကို အဓိကထား ဆောင်ရွက်ရာတွင် စိုက်ပျိုးရေးတောင်သူများ မဖြစ် မနေလိုအပ်သည့် ဓာတ်မြေဩဇာများကို ဈေးနှုန်းသက်သာစွာဖြင့် လက်ဝယ်အရောက် ဖြန့်ဖြူးပေးနိုင်ရန် အခွန်အခကောက်ခံမှုများကို တတ်နိုင်သမျှ လျှော့ချပေးသွားမည်ဖြစ်ကြောင်း နိုင်ငံတော်ယာယီသမ္မတ ဗိုလ်ချုပ်မှူးကြီး မင်းအောင်လှိုင်က ပြောကြားလိုက်သည်။

အဆိုပါ လမ်းညွှန်ချက်ကို ယနေ့ ဧပြီလ ၁ ရက် မွန်းလွဲပိုင်းက နေပြည်တော်ရှိ အမျိုးသားကာကွယ်ရေးနှင့် လုံခြုံရေးကောင်စီဥက္ကဋ္ဌရုံး၌ ကျင်းပသော စက်သုံးဆီနှင့် မြေဩဇာ ဖူလုံစွာရရှိရေး ညှိနှိုင်းအစည်းအဝေးတွင် ထည့်သွင်းပြောကြားခဲ့ခြင်းဖြစ်သည်။

ကမ္ဘာ့လောင်စာဆီဈေးနှုန်း မြင့်တက်လာမှုနှင့်အတူ သွင်းအားစုဖြစ်သော ဓာတ်မြေဩဇာဈေးနှုန်းများပါ လိုက်ပါမြင့်တက်လာသည့်အတွက် တောင်သူများ စိုက်ပျိုးစရိတ် သက်သာစေရန် နိုင်ငံတော်က ယခုကဲ့သို့ ထောက်ပံ့ပေးရန် စီစဉ်ခြင်းဖြစ်သည်။

ထို့ပြင် စိုက်ပျိုးရေးလုပ်ငန်းများတွင် စက်သုံးဆီသုံးစွဲမှုကို လျှော့ချနိုင်ရန်အတွက် ဒီဇယ်သုံး ရေတင်စက်  များနေရာတွင် နေရောင်ခြည်စွမ်းအင်သုံး လျှပ်စစ်မြစ်ရေတင်လုပ်ငန်းများကို ပြောင်းလဲအစားထိုး ဆောင် ရွက်သွားရန်လည်း နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌလည်းဖြစ်သူ ဗိုလ်ချုပ်  မှူးကြီးက အဆိုပါအစည်းအဝေးတွင် တိုက်တွန်းခဲ့သည်။ ကုန်ကျစရိတ်များသည့် ဓာတ်မြေဩဇာများနေရာတွင် သဘာဝမြေဩဇာများကို ပိုမိုအားထားသုံးစွဲကြရန်လည်း လမ်းညွှန်ခဲ့သည်။

ယင်းအပြင် နိုင်ငံတော်၏ နိုင်ငံခြားငွေသုံးစွဲမှုကို လျှော့ချနိုင်ရေးအတွက် နှစ်စဉ် ပြည်ပမှ အများအပြား တင်သွင်းနေရသည့် စားသုံးဆီကဏ္ဍကို အစားထိုးရန်လည်း ဆွေးနွေးခဲ့ကြသည်။ ပြည်တွင်း၌ နေကြာ၊ ပဲပုပ်နှင့် နှမ်း အစရှိသည့် ဆီထွက်သီးနှံများကို တိုးချဲ့စိုက်ပျိုးရန်နှင့် အထူးသဖြင့် နေကြာစိုက်ပျိုး ထုတ် လုပ်မှုကို ပိုမိုတိုးတက်အောင် ဆောင်ရွက်ခြင်းဖြင့် ပြည်ပစားသုံးဆီ တင်သွင်းမှုကို သိသာစွာ လျှော့ချ နိုင်မည်ဖြစ်ကြောင်းကိုပါ ဗိုလ်ချုပ်မှူးကြီးက ထည့်သွင်းပြောကြားခဲ့သည်။

စိုက်ပျိုးရေးကဏ္ဍ ဖွံ့ဖြိုးတိုးတက်ရေးအတွက် နိုင်ငံတော်အပိုင်းမှ လိုအပ်သည့် သွင်းအားစုများကို တတ်နိုင်သမျှ ဖြည့်ဆည်းပေးသွားမည်ဖြစ်ပြီး တောင်သူများဘက်မှလည်း ကုန်ထုတ်လုပ်မှုများ အတတ်နိုင်ဆုံး တိုးမြှင့်လုပ်ဆောင်ကြရန် နိုင်ငံတော်ယာယီသမ္မတက တိုက်တွန်းပြောကြားခဲ့ကြောင်း သတင်းရရှိသည်။

#ymg/knl

နေပြည်တော်၊ ဧပြီ ၁

နိုင်ငံတွင်း စက်သုံးဆီလိုအပ်ချက်နှင့် နိုင်ငံခြားငွေသုံးစွဲမှုများကို လျှော့ချနိုင်ရန်အတွက် စက်သုံးဆီသုံး ယာဉ်အိုယာဉ်ဟောင်းများအပ်နှံကာ လျှပ်စစ်သုံးမော်တော်ယာဉ် (EV) များ အစားထိုးတင်သွင်းခွင့်ပြုမည့် စနစ်တစ်ရပ်ကို ဖော်ဆောင်သွားဖို့လိုအပ်ကြောင်း နိုင်ငံတော်ယာယီသမ္မတ ဗိုလ်ချုပ်မှူးကြီး မင်းအောင် လှိုင်က ပြောကြားလိုက်သည်။

ယနေ့ ဧပြီလ ၁ ရက် မွန်းလွဲပိုင်းက နေပြည်တော်ရှိ အမျိုးသားကာကွယ်ရေးနှင့် လုံခြုံရေးကောင်စီ  ဥက္ကဋ္ဌ  ရုံး၌ ကျင်းပသော စက်သုံးဆီနှင့် မြေဩဇာ ဖူလုံစွာရရှိရေး ညှိနှိုင်းအစည်းအဝေးတွင် ဗိုလ်ချုပ်မှူးကြီးက ထိုသို့ ထည့်သွင်းပြောကြားခဲ့ခြင်းဖြစ်သည်။

ကမ္ဘာ့ရေနံဈေးကွက် မတည်ငြိမ်မှုနှင့် အရှေ့အလယ်ပိုင်းဒေသ ပဋိပက္ခများကြောင့် ပြည်တွင်း၌ စက်သုံး ဆီ ရှားပါးမှုနှင့် ဈေးနှုန်းမြင့်တက်မှုများကို ကြုံတွေ့နေရချိန်တွင် ယခုကဲ့သို့ မူဝါဒအသစ်တစ်ရပ်ကို စဉ်းစားလာခြင်းဖြစ်သည်။

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌလည်းဖြစ်သူ ဗိုလ်ချုပ်မှူးကြီး မင်းအောင် လှိုင်က ယာဉ်ဟောင်းများအပ်နှံ၍ EV ကားများ ပြန်လည်တင်သွင်းသည့်စနစ်ဖြင့် ဆောင်ရွက်ခြင်းဖြင့် နိုင်ငံတွင်း စက်သုံးဆီတင်သွင်းရမှုကို လျှော့ချနိုင်မည့်အပြင် ပြည်ပသွင်းကုန်အတွက် ဒေါ်လာသုံးစွဲရမှု များကိုပါ တစ်ပါတည်း ထိန်းချုပ်နိုင်မည်ဖြစ်ကြောင်း အဆိုပါအစည်းအဝေးတွင် ရှင်းလင်းပြောကြား  ခဲ့သည်။

အစည်းအဝေးသို့ ကော်မရှင်အဖွဲ့ဝင် နိုင်ငံတော်ဝန်ကြီးချုပ် ဦးညိုစော၊ ကော်မရှင် အဖွဲ့ဝင် ဦးအောင်လင်း  ဒွေး၊ ကော်မရှင်အတွင်းရေးမှူး တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး ရဲဝင်းဦး၊ ပြည်ထဲရေး  ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးဖုန်းမြတ်၊ ဘဏ္ဍာရေးနှင့်အခွန်ဝန်ကြီးဌာန ပြည် ထောင်စုဝန်ကြီး ဒေါက်တာ ကံဇော်၊ ပြည်ထောင်စုစာရင်းစစ်ချုပ် ဒေါက်တာ ခင်နိုင်ဦး နှင့် ဗဟိုဘဏ် ဥက္ကဋ္ဌ ဒေါ်သန်းသန်းဆွေ တို့ တက်ရောက်ခဲ့ကြသည်။

အစိုးရအနေဖြင့် လက်ရှိတွင် စက်သုံးဆီအကျပ်အတည်းကို ဖြေရှင်းရန် မော်တော်ယာဉ်များကို စုံ/မ အလှည့်ကျ ဆီဖြည့်စနစ်ကျင့်သုံးခြင်း၊ အစိုးရရုံးဝန်ထမ်းများကို အပတ်စဉ် ဗုဒ္ဓဟူးနေ့တိုင်း နေအိမ်မှ ရုံး လုပ်ငန်းများဆောင်ရွက်စေခြင်းနှင့် မီးရထား အပါအဝင် အများပြည်သူသုံး သယ်ယူပို့ဆောင်ရေး  စနစ်များကို အဓိကအားထားအသုံးပြုရန် တွန်းအားပေးခြင်း စသည့်အစီအမံများကို လုပ်ဆောင်လျက်  ရှိကြောင်း သိရသည်။

#ymg/knl

#Local_News
Published 01 April 2026

■ မြန်မာနိုင်ငံတွင် သုံးစွဲရန် တားမြစ်ပိတ်ပင်သည့် ပိုးသတ်ဆေးများစာရင်းကို စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ပိုးသတ်ဆေးမှတ်ပုံတင်အဖွဲ့ကထုတ်ပြန်ထားပြီး အဆိုပါစာရင်းအရ ပိုးသတ်ဆေး၅၅မျိုးကို မသုံးစွဲရန် တားမြစ်ချက်သည်ယနေ့ဧပြီလ၁ရက်တွင်စတင်အသက်ဝင်ကြောင်း သိရသည်။

■ ပိုးသတ်ဆေးမှတ်ပုံတင်အဖွဲ့သည် ပိုးသတ်ဆေးဥပဒေပုဒ်မ၄၇၊ပုဒ်မခွဲ(ခ)အရ အပ်နှင်းထားသော လုပ်ပိုင်ခွင့်ကို ကျင့်သုံး၍ ယခုစာရင်းကိုထုတ်ပြန်လိုက်ခြင်းဖြစ်ကြောင်း သိရသည်။

■ အဆိုပါ ပိုးသတ်ဆေး၅၅မျိုးသည် လူ၊တိရိစ္ဆာန်၊သီးနှံ သဘာဝပတ်ဝန်းကျင်တို့ကို ဘေးအန္တရာယ်မြင့်မားစေနိုင်ပြီး အဆိပ်အတောက်ပြင်းထန်သာကြောင့် ပိုးသတ်ဆေးဥပဒေပုဒ်မ၈အရ မြန်မာနိုင်ငံအတွင်းသုံးစွဲရန် တားမြစ်ပိတ်ပင်သည့် ပိုးသတ်ဆေးများအဖြစ်သတ်မှတ်လိုက်ကြောင်းသိရသည်။

■ ထို့ကြောင့် အမည်စာရင်းပါ ပိုးသတ်ဆေး၅၅မျိုးကို မြန်မာနိုင်ငံအတွင်း မည်သည့်အစိုးရဌာန၊အဖွဲ့အစည်း၊ပုဂ္ဂိုလ်ကမျှ မည်သည့်အကြောင်းနှင့်မျှ မှတ်ပုံတင်ခြင်း၊တင်သွင်းခြင်း၊ဖော်စပ်ခြင်း၊ပြန်လည်ထုပ်ပိုးခြင်း၊ရောင်းချခြင်း၊သုံးစွဲခြင်းကို ခွင့်မပြုကြောင်းအသိ‌ေပးထုတ်ပြန်ထားသိရသည်။

#YMG/SW #Yangon_Times