#Local_News
Published 17 March 2026

▪️ ပြည်ထောင်စုနယ်မြေ (နေပြည်တော်) တွင် ဆန်အကြောင်း သိကောင်းစရာပြပွဲ လာရောက်လေ့လာသူ ၄၀၀ ဦးရှိကြောင်းသိရသည်။

▪️ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါးအသင်းချုပ်တို ပူးပေါင်း၍ ကမ္ဘာ့စားသုံးသူအခွင့်အရေးများနေ့အထိမ်းအမှတ်အဖြစ် ဆန်အကြောင်းသိကောင်းစရာပြပွဲအား နေပြည်တော်၊ ဇမ္ဗူသီရိမြို့နယ်၊ မြို့မဈေး၌ မတ်လ ၁၃ရက်နေ့က ကျင်းပပြုလုပ်ခဲ့ကြောင်းသိရသည်။

▪️ ပြပွဲသို့ စားသုံးသူရေးရာဦးစီးဌာနမှ ညွှန်ကြားရေးမှူးချုပ်၊ မြန်မာနိုင်ငံဆန်စပါးအသင်းချုပ် ဥက္ကဋ္ဌ နှင့် ဌာနဆိုင်ရာများမှ ဖိတ်ကြားထားသူများ တက်ရောက်ခဲ့ကြပြီး၊ ပြပွဲအား စားသုံးသူရေးရာဦးစီးဌာန တိုင်းဦးစီးမှူး၊ နေပြည်တော် ဆန်စက်လုပ်ငန်းရှင်များအသင်း ဥက္ကဋ္ဌနှင့် နေပြည်တော် ဆန်ကုန်သည်များအသင်း ဥက္ကဋ္ဌတို့မှ ဖဲကြိုးဖြတ် ဖွင့်လှစ်ပေးခဲ့ကြောင်းသိရသည်။

▪️ ဆန်အကြောင်း သိကောင်းစရာပြပွဲတွင် ပြည်တွင်း စားသုံးမှုများသည့် ဆန်အမျိုးအစားများ၏ ဆန်နမူနာများ၊ ဧရာဝတီပေါ်ဆန်း အမျိုးအစားများ၊ ထမင်းနမူနာများ၊ ဆန်အမျိုးအစားအလိုက် အရည်အသွေးများနှင့် အာဟာရတန်ဖိုးများ၊ ဈေးနှုန်းများကို ပြသခဲ့ပြီး၊ လာရောက်လေ့လာသူများကို စမ်းသပ်စားသုံးနိုင်ရန် ထမင်း၊ လက်ဖက်၊ ငါးခြောက် စသော အစားအစာများဖြင့် ဧည့်ခံကျွေးမွေးခဲ့ကြောင်းယင်း ပြပွဲသို့ လာရောက်လေ့လာသူ ၄၀၀ ဦးရှိပြီး၊ သက်သာသော စျေးဖြင့် ရောင်းချပေးသော ပေါ်ဆန်းဆန်များကို ဝယ်ယူသူ (၁၈၀) ဦးခန့် ရှိကြောင်း သိရသည်။

▪️ ဧရာဝတီတိုင်းဒေသကြီးမှ ထုတ်လုပ်သော ကြားပျံ၊ မြောင်းမြပေါ်ဆန်း၊ ဖျာပုံပေါ်ဆန်း၊ ရေကြည်ပေါ်ဆန်း၊ ဘိုကလေးပေါ်ဆန်း၊ ကျိုက်လတ်ပေါ်ဆန်းတို့သည် စျေးနှုန်းသင့်တင့်မျှတပြီး တစ်အိတ်လျှင် ၁၂၀၀၀၀ မှ ၁၄၀၀၀၀ ဝန်းကျင် ရှိရာ စားသုံးသူများမှ ရွေးချယ်ဝယ်ယူ စားသုံးမှု အထူးမြင့်မားကြောင်း၊ စိတ်ဝင်တစား လေ့လာကြည့်ရှု့ပြီး ဆန်နမူနာများ၊ ထမင်းနမူနာများကို ကြိုက်နှစ်သက်စွာ စားသုံးကြကြောင်းသိရသည်။

#YMG/NN #Yangon_Times

#Local_News
Published 17 March 2026

▪️ စက်သုံးဆီအခက်အခဲကြောင့် အိမ်အရောက်ပို့စနစ်ဖြင့် ဆန်ရောင်းချမှုကို မတ်လ ၁၇ ရက် ယနေ့မှ စတင်ပြီး ယာယီရပ်နားထားမည်ဖြစ်ကြောင်း မြန်မာနိုင်ငံဆန်စပါးအသင်းချုပ်မှ အသိပေးချက်ထုတ်ပြန်ထားသည်။

▪️ မြန်မာနိုင်ငံဆန်စပါးအသင်းချုပ်နှင်ဘ မြန်မာနိုင်ငံဆန်စပါးကုန်သည်များအသင်းတို့ ပူးပေါင်းပြီး ဆန်ဈေးနှုန်းများ တည်ငြိမ်မှန်ကန်စေရေးအတွက် စားသုံးသူများထံသို့ အိမ်အရောက်ပို့စနစ် (Home Delivery) ဖြင့် ဆန်များရောင်းချပေးလျက်ရှိရာ ယမာန်နေ့အထိ စားသုံးသူများထံသို့ စုစုပေါင်းဆန်အိတ် ၁,၁၆၁ အိတ်ကို ပေးပို့ရောင်းချခဲ့ပြီးဖြစ်ကြောင်း ဆိုထားသည်။

▪️ ယခုအခါ ကမ္ဘာနှင့်အဝှမ်းဖြစ်ပေါ်နေသည့် စက်သုံးဆီအခြေအနေများအရ Home Delivery ကို အချိန်နှင့် အညီ ပေးပို့ရန်အခက်အခဲရှိသော ကြောင့် လက်ရှိငွေပေးသွင်းထားသည့် စားသုံးသူ များနှင့် အမှာစာပေးပို့ထားသည့် စားသုံးသူများထံသို့သာ ဆက်လက်ဖြန့်ဖြူး ရောင်းချပေးသွားမည်ဖြစ်ကြောင်း၊ ပြန်လည်ဆောင်ရွက်မည့် အစီအစဉ်များကိုလည်း ထပ်မံကြေညာပေးသွားမည်ဖြစ်ကြောင်းသိရသည်။

#YMG/NN #Yangon_Times

#Local_News
Published 17 March 2026

▪️ ဘက်ထရီ လျှပ်စစ်သုံး လူစီး(EV)ယာဉ်များကိုနှစ်နှစ်ဆက်တိုက် အခွန်ကင်းလွတ်ခွင့်ပြုထားရာမှဧပြီ၁ရက်မှစတင်ကာအခွန် ၅ ရာခိုင်နှုန်း ကောက်ခံသွားမည်ဖြစ်ကြောင်း သိရသည်။

▪️ ဘက်ထရီ လျှပ်စစ်သုံး လူစီး(EV)ယာဉ်များကို အထူးကုန်စည်အဖြစ် သတ်မှတ်လိုက်ပြီးပြည်တွင်းသို့ တင်သွင်းခြင်းအတွက် ကုန်းပေါ်ရောက် တန်ဖိုးအပေါ် အထူး ကုန်စည်ခွန် ၅ ရာခိုင်နှုန်း ပေးဆောင်ရမည်ဖြစ်ကြောင်း မတ်လ၁၅ရက်က ဗိုလ်ချုပ်မှူးကြီး မင်းအောင်လှိုင် လက်မှတ်ရေးထိုးထုတ်ပြန်လိုက်သည့် ၂၀၂၆ ခုနှစ်၊ ပြည်ထောင်စု၏ အခွန်အကောက်ဥပဒေ၌ ဖော်ပြထားသည်။

▪️ ထို့အပြင်လောင်စာဆီသုံး ယာဉ်များဖြစ်ကြတဲ့ ဗင်ကားများ၊ ဆလွန်း၊ ဆီဒင်နှင့်ဝက်ဂွန် (Estate Wagon) ကားများ၊ ကူပေး (Coupe) ကား အမျိုးအစားများ တင်သွင်းခြင်းအတွက် ၁၅၀၁ CC မှ ၂၀၀၀ CC အထိ အခွန် ၁၀ ရာခိုင်နှုန်း၊ ၂၀၀၁ CC မှ ၄၀၀၀ CC အထိ အခွန် ၃၀ ရာခိုင်နှုန်း၊ ၄၀၀၁ CC နှင့်အထက်ကို ၅၀ ရာခိုင်နှုန်း ကောက်ခံသွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 17 March 2026

■ စစ်ကိုင်းတိုင်းဒေသကြီးအထက်ပိုင်း၊ ကချင်နှင့် ချင်းပြည်နယ်တို့၌ မိုးတိမ်တောင်များဖြစ်ထွန်းလျှက်ရှိပြီး ၎င်းတို့ရွေ့လျားရာရှိ နေရာအချို့၌ မိုးလေကြီးနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန ၏ ယနေ့ မနက်ပိုင်းထုတ်ပြန်ချက်အရသိရသည်။

■ ယနေ့ညနေအထိခန့်မှန်းချက်အရ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး နှင့် မွန်ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ပြီး ကချင်ပြည်နယ်တွင် နေရာအနှံ့အပြား၊ စစ်ကိုင်း တိုင်းဒေသကြီးအထက်ပိုင်းတွင် နေရာစိပ်စိပ်၊ ချင်းပြည်နယ်နှင့် ရှမ်းပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီး နှင့် ပြည်နယ်တို့တွင် နေရာကွက်ကျား မိုးထစ်ချုန်းရွာမည်ဖြစ်ကြောင်း သိရသည်။

■ ထို့အပြင် စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် ချင်းပြည်နယ်တို့တွင် မိုးတိမ်တောင်များဖြစ်ထွန်းလျက်ရှိပြီး အဆိုပါ မိုးတိမ်တောင်များရွေ့လျားရာနေရာတစ်လျှောက်တွင် မိုးရွာသွန်းခြင်း နှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထား‌ကြောင်းသိရသည်။

■ နောက် ၂ ရက်အတွက်ခန့်မှန်းချက်အရ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ် နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် နေရာကွက်ကျားမှ နေရာကျဲကျဲ မိုးထစ်ချုန်းရွာနိုင်ကြောင်းသိရသည်။

#YMG/NN #Yangon_Times

NAYPYIDAW, March 16 — During the first regular session of the Third Pyithu Hluttaw (House of Representatives) convened on March 19—forty-nine days after the recent elections—U Khin Yi, Chairman of the ruling Union Solidarity and Development Party (USDP), was elected as Parliamentary Speaker.

Subsequently, the assembly elected U Maung Maung Ohn, the Minister for Information and a Pyithu Hluttaw representative, to serve as Deputy Speaker.

All 373 Pyithu Hluttaw representatives attended the inaugural session, marking a 100 percent turnout with zero absentees. Both leadership positions were filled unopposed.

-end-

နေပြည်တော်၊ မတ် ၁၅-နိုင်ငံတော်မှ သက်သာသောဈေးနှုန်းဖြင့် ရောင်းချပေးနေသည့် သဘာဝဓာတ်ငွေ့ (CNG) ကို အသုံးပြုပြီး ဓာတ်ဆီ၊ ဒီဇယ် ဈေးနှုန်းကြီးမြှင့်မှုကို အခွင့်အရေးယူ၍ အများပြည်သူထံမှ ယာဉ်စီးခပိုမိုတောင်းခံ နေသည့် Taxi ယာဉ်များကို CNG သုံးစွဲခွင့်စာရင်းမှ ပယ်ဖျက်သွားမည်ဖြစ်ကြောင်း စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်က ယနေ့ ကျင်းပသည့် လုပ်ငန်းညှိနှိုင်းအစည်းအဝေးတွင် ပြောကြားလိုက်သည်။

စက်သုံးဆီဈေးနှုန်း ကြီးမြင့်မှုကို အကြောင်းပြကာ CNG သုံး Taxi များက ခရီးသည်များထံမှ ယာဉ်ခတိုးမြှင့်တောင်းခံကြောင်း တိုင်ကြားမှုများ ရှိနေသည့်အတွက် ယခုကဲ့သို့ အရေးယူရန် ဆုံးဖြတ်ခြင်းဖြစ်သည်။ သတ်မှတ်စည်းကမ်းဖောက်ဖျက်သည့် ယာဉ်များကို စာရင်းမှပယ်ဖျက်၍ အမှန်တကယ် စည်းကမ်းလိုက်နာမည့် အခြားယာဉ်များကို အစားထိုးခွင့်ပြုပေးသွားမည်ဟု ဝန်ကြီးက ဆိုသည်။

ထို့အပြင် ရှေ့ပြေးစီမံကိန်းအနေဖြင့် CNG သုံးယာဉ်များတွင် Metering စနစ် တပ်ဆင်ခြင်း။ နည်းပညာ အသုံးပြု၍ ဓာတ်ငွေ့ဖြန့်ဖြူးမှုကို ထိန်းချုပ်ခြင်းနှင့် YBS ယာဉ်များအနေဖြင့် သတ်မှတ် လမ်းကြောင်း အတိုင်းသာ မောင်းနှင်ရန် ကြပ်မတ်ခြင်းတို့ဆောင်ရွက်မည်ဟုလည်းသိရသည်။

လက်ရှိတွင် စွမ်းအင်ဝန်ကြီးဌာနသည် အများပြည်သူသယ်ယူပို့ဆောင်ရေးအတွက် CNG ၁ ကီလို ဂရမ်လျှင် ၂၇၃ ကျပ် ၂၅ ပြား နှုန်းဖြင့် ၂၀၀၇ ခုနှစ်မှစ၍ ဈေးနှုန်းပြောင်းလဲခြင်းမရှိဘဲ ရောင်းချ ပေးနေခြင်းဖြစ်သည်။

"ဒီဈေးနှုန်းဟာ နိုင်ငံတကာဈေးနဲ့ နှိုင်းယှဉ်ရင် ထက်ဝက်နီးပါး သက်သာနေသလို၊ ဓာတ်ဆီ၊ ဒီဇယ်တို့နဲ့ နှိုင်းယှဉ်ရင်လည်း လောင်စာဆီကုန်ကျစရိတ် သုံးပုံတစ်ပုံလောက်ပဲ ရှိပါတယ်" ဟု ပြည်ထောင်စု ဝန်ကြီးက ရှင်းလင်းပြောကြားသည်။ လက်ရှိဖြစ်ပေါ်နေသည့် စက်သုံးဆီအကျပ်အတည်းကို ဖြေရှင်းရန်အတွက် နိုင်ငံတော်အနေဖြင့် အရန်စက်သုံးဆီ သိုလှောင်ခြင်းနှင့် အရန်လမ်းကြောင်းများ ရှာဖွေခြင်းတို့ကို ဆောင်ရွက်နေသည်။

ရန်ကုန်တိုင်းဒေသကြီး အစိုးရအဖွဲ့အနေဖြင့်လည်း CNG သုံးယာဉ်များ ထိရောက်စွာ ဝန်ဆောင်မှု ပေးစေရေးအတွက် သက်ဆိုင်ရာအဖွဲ့အစည်းများနှင့် ပူးပေါင်းကာ တင်းကျပ်စွာ ကြပ်မတ်သွားမည်ဟု သိရသည်။ အများပြည်သူအနေဖြင့် CNG သုံးယာဉ်များနှင့် စပ်လျဉ်း၍ ကျေနပ်မှုမရှိပါက သို့မဟုတ် မတရားယာဉ်ခတောင်းခံရပါက ညွှန်ကြားရေးမှူး (CNG) - ၀၉ ၇၉၄၁၁၅၄၁၀ ၊ ၀၉ ၂၆၂၄၆၇၀၇၇သို့ တိုင်ကြားနိုင်ကြောင်းသတင်းထုတ်ပြန်ထားသည်။

#ymg/knl