စက်သုံးဆီအမျိုးအစားအလိုက် တစ်လီတာကို ကျပ် ၇၀၀ ကျော်ကနေ ၁၂၀၀ကျပ် ကျော်အတွင်း ဆက်လက်မြင့်တက်လာတယ်လို့
စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက်ထုတ်ပြန်တဲ့စာရင်းတွေအရ သိရပါတယ်။

#Local_News
Published 21 March 2026
#စက်သုံးဆီ
#YMG/NN #Yangon_Times

#Daily_News
Published 21 March 2026

၁။‌ ‎စက်သုံးဆီ အခက်အခဲနှင့်ဈေးနှုန်းမြင့်တက်လာမှုကြောင့် တက္ကစီခနှုန်းထားများမြင့်တက်

‌‎၂။ ‌‌‌‌‌‌‌‌‌‌‌စက်သုံးဆီနှင့်ဓာတ်မြေဩဇာများကို လိုအပ်သည်ထက် ပိုမိုဝယ်ယူသိုလှောင်ခြင်းမပြုရန် MRF ကမေတ္တာရပ်ခံ

‎၃။‌‌‎ ‌‌‌‌‌‌‌‌‌စက်သုံးဆီတစ်လီတာ ၇၀၀ ကျော်မှ ၁၂၀၀ ကျပ်ကျော်အတွင်း မြင့်တက်လာ

‎၄။‎ တရုတ်ပြည်တွင်းထုတ်ခရီးသည်သင်္ဘောကြီး အသက်ကယ်လှေများချခြင်းစမ်းသပ်မှုပြုလုပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 21 March 2026

ရန်ကုန်မြို့တော်မဟာသင်္ကြန်မဏ္ဍပ်၌ တိုင်းရင်းသားရိုးရာအကနှင့် ယိမ်းအကပြိုင်ပွဲများကို ကျင်းပပြုလုပ်သွားမည်ဖြစ်ရာယင်း ယိမ်းပြိုင်ပွဲများအတွက် လျှောက်လွှာများခေါ်ယူနေ
ကြောင်းရန်ကုန်မြို့တော်စည်ပင်သာယာရေးကော်မတီ၏ ထုတ်ပြန်ချက်အရသိရသည်။

ယူနက်စကို၏ လူသားမျိုးနွယ်ဆိုင်ရာ ဒြပ်မဲ့ယဉ်ကျေးမှု အမွေအနှစ်စာရင်းဝင် မြန်မာ့ရိုးရာ နှစ်သစ်ကူး အတာသင်္ကြန်ပွဲတော်ကို ဂုဏ်ပြုသည့်အနေဖြင့် ယင်းပြိုင်ပွဲများကိုကျင်းပမည်ဖြစ်ကြောင်သိရသည်။

လျှောက်လွှာတင်သွင်းရက်ကို မတ်လ ၂၀ ရက်မှ မတ်လ ၃၁ ရက်အထိ သတ်မှတ်ထားပြီး
အဆိုပါ ယိမ်းပြိုင်ပွဲများကို မူကြိုကျောင်းများမှ (၁၂)ဦးယိမ်း၊ ကျောင်းမျာမှ (၁၂)ဦးယိမ်း၊ (၁၆)ဦးယိမ်း၊ ရုံးနှင့် အခြားဌာနများမှ (၁၂)ဦးယိမ်းနှင့် (၁၆)ဦးယိမ်း၊ အလွတ်တန်းအဖြစ် (၂၀)ဦးယိမ်း၊ ကျား အလွတ်တန်းအဖြစ် (၁၂)ဦးယိမ်းနှင့် တိုင်းရင်းသားရိုးရာယဉ်ကျေးမှုအကများအဖြစ် သီးခြားကျင်းပပေးမည်ဖြစ်ကြောင်းသိရသည်။

ထို့ကြောင့်ပြိုင်ပွဲဝင်မည့်အသင်းများအနေဖြင့် မတ်လ ၂၀ ရက်မှ မတ်လ ၃၁ ရက်အထိ ရုံးချိန်အတွင်း ဗိုလ်တထောင်မြို့နယ်၊ (၄၆)လမ်း၊ (၁၂ ) ထပ်ရုံး၊ (၁၀)လွှာရှိ ရန်ကုန်မြို့တော်စည်ပင် သာယာရေးကော်မတီ အင်ဂျင်နီယာဌာန (ရေစီးရေ လာစီမံခန့်ခွဲမှု) ၌ လာရောက်စာရင်းပေးသွင်းနိုင်ကြောင်းသိရသည်။

ထို့ကြောင့် ပြိုင်ပွဲဝင်လိုသည့် ရုံး၊ ကျောင်း၊ တိုင်းရင်းသားရိုးရာအကအဖွဲ့ ယိမ်းများ၏ အမည်စာရင်းကို လျှောက်လွှာလက်ခံမည့် နောက်ဆုံးရက်မတိုင်မီအတွင်း နေ့စဉ်ထုတ် မြန်မာ့အလင်းသတင်းစာ၊ ကြေးမုံသတင်းစာ၊ မြဝတီသတင်းစာ၊ မြန်မာ့အသံနှင့်ရုပ်မြင်သံကြား၊ မြဝတီရုပ်သံတို့၌ သင့်တော်သလို ထည့်သွင်းဖော်ပြပေးနိုင်မည်ဖြစ်ကြောင်းသိရသည်။

#YMG/NN #Yangon_Times

#Local_News
Published 21 March 2026

▪️ PDF အပါအဝင် အဖွဲ့အစည်းအမျိုးမျိုးအမည်ခံ အမျိုးသား ၂၀ ဦးနှင့် အမျိုးသမီး ၁ ဦး၊ AA အဖွဲ့ဝင် အမျိုးသား ၁ဦး၊ ပေါင်း ၂၂ ဦးတို့သည် လက်နက်၊ ခဲယမ်းများနှင့်အတူ ဥပဒေဘောင်အတွင်းသို့ ဝင်ရောက်လာကြပြီး တာဝန်ရှိသူများက ကြိုဆိုလက်ခံ၍ မိဘအုပ်ထိန်းသူများထံ ပြန်လည်လွှဲပြောင်း အပ်နှံပွဲကို ယနေ့ နံနက်ပိုင်းတွင် တောင်ပိုင်းတိုင်းစစ်ဌာနချုပ် အေးချမ်းဖြိုးခန်းမ၌ ကျင်းပပြုလုပ်ခဲ့ကြောင်း သိရသည်။

▪️ ယင်းတို့မှာ ပဲခူးတိုင်းဒေသကြီး၊ ညောင်လေးပင်မြို့မှ အမျိုးသား ၅ ဦး၊ အမျိုးသမီး ၁ဦး၊ ရွှေကျင်မြို့မှ အမျိုးသား ၁ဦး၊ ရွှေတောင်မြို့မှ အမျိုးသား ၁ဦး၊ ရေတာရှည်မြို့မှ အမျိုးသား ၃ဦး၊ ပန်တောင်းမြို့မှ အမျိုးသား ၆ဦး၊ အုတ်ဖိုမြို့မှ အမျိုးသား ၂ဦး၊ မင်းလှမြို့မှ အမျိုးသား ၁ဦး၊ ဖြူးမြို့မှ အမျိုးသား ၁ဦး၊ ပေါက်ခေါင်းမြို့မှ အမျိုးသား ၁ဦး၊ စုစုပေါင်း အမျိုးသား (၂၁)ဦးနှင့် အမျိုးသမီး(၁)ဦးတို့ဖြစ်ကြောင်း သိရသည်။

▪️ ၎င်းတို့အား တာဝန်ရှိသူများက ကြိုဆိုလက်ခံ၍ မိဘအုပ်ထိန်းသူများထံ ပြန်လည်လွှဲပြောင်းအပ်နှံပွဲကို ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ်ရှိအေးချမ်းဖြိုးခန်းမ၌ပြုလုပ်ရာ တောင်ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် သူရဇော်လွင်စိုးနှင့် အစိုးရအဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိသူများ၊ ဥပဒေဘောင်အတွင်းသို့ ဝင်ရောက်လာကြသူများနှင့် ၎င်းတို့၏ မိဘအုပ်ထိန်းသူများ၊ ဖိတ်ကြားထားသောဧည့်သည်တော်များ တက်ရောက်ကြကြောင်း သိရသည်။

▪️ ၎င်းတို့နှင့်အတူ ပါရှိလာသည့် M4သေနတ် ၂ လက်၊ MA1သေနတ် ၃ လက်၊ MA3 ၂လက်၊ MA4သေနတ် ၁ လက်၊ AK47သေနတ် ၁ လက်၊ T-81 သေနတ် ၁လက်၊ ပစ္စတို ၂လက်၊ လေသေနတ် ၁ လက်၊ ကျည်မျိုးစုံ ၅၆၉ တောင့်၊ ကျည်အိမ် ၁၆ ခု၊ လက်ပစ်ဗုံး ၄လုံး၊ ၄၀မမဗုံးသီး ၇ လုံး၊ ခဲဖူး ၈၈ခုတို့အား လွှဲပြောင်းအပ်နှံရာ တိုင်းမှူးနှင့် တာဝန်ရှိသူများက လက်ခံရယူကြသည်။ ယင်းနောက် တိုင်းမှူးနှင့် တာဝန်ရှိသူများက လက်နက်၊ ခဲယမ်းများနှင့်အတူ ဥပဒေဘောင်အတွင်း ဝင်ရောက်လာသူများအား မောင်းပြန်ရိုင်ဖယ်သေနတ်တစ်လက်အတွက် ဆုကြေးငွေသိန်း ၅၀နှုန်း ဖြင့် ၁၀ လက်အတွက် ငွေကျပ် သိန်း ၅၀၀ ၊ ပစ္စတို ၁ လက်အတွက် ဆုကြေးငွေ ကျပ်သိန်း ၃၀ နှုန်းဖြင့် ၂လက်အတွက် ဆုကြေးငွေကျပ်သိန်း ၆၀၊ လေသေနတ် တစ်လက်အတွက် ဆုကြေးငွေကျပ် ၅ သိန်း၊ လက်ပစ်ဗုံး တစ်လုံးစီ အတွက်ဆုကြေးငွေ ကျပ် ၃ သိန်း နှုန်းဖြင့် လက်ပစ်ဗုံး ၄ လုံး အတွက် ငွေကျပ် ၁၂ သိန်းနှင့် ထောက်ပံ့ပစ္စည်းများကို ထပ်မံထောက်ပံ့ပေးအပ်ခဲ့ကြောင်း သိရသည်။

▪️ ထို့နောက် ခံဝန်ကတိလက်မှတ်ရေးထိုးစေပြီး မိဘအုပ်ထိန်းသူ များထံ ပြန်လည် လွှဲပြောင်းအပ်နှံ ပေးအပ် ခဲ့ပြီး တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ပြီး စားသောက် ဖွယ်ရာများဖြင့် တည်ခင်းဧည့်ခံခဲ့ကြောင်း သိရသည်။

#YMG/PP #Yangon_Times

#Local_News
Published 20 March 2026

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီကထုတ်ပြန်သည့် ယခုတစ်ပတ်အတွက်စားအုန်းဆီ အခြေခံလက်ကားရည်ညွှန်းဈေးထပ်မံတက်လာကြောင်း သိရသည်။

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအ‌ေနဖြင့် စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ်ကင်းရှင်းပြီး သင့်တင့်သော ဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက်များကို ဖြည့်ဆည်းပေးနိုင်ရန် ဆောင်ရွက်ပေးလျက်ရှိပြီးပြည်ပမှ စားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ မတ်လ ၂၀ ရက်မှ ၂၆ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ငွေကျပ် ၆၆၀၀ ဖြစ်ကြောင်းသိရသည်။

▪️ ယခင်တစ်ပတ်ကထုတ်ပြန်ရာတွင် ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ တစ်ပိဿာလျှင် ငွေကျပ်(၆၅၇၅)ဖြစ်သောကြောင့် ယခုတစ်ပတ်တွင် ထပ်မံတက်လာခြင်းဖြစ်ကြောင်း သိရသည်။

▪️ စားအုန်းဆီကို ပြည်ပမှဝယ်ယူတင်သွင်းရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက် အကျပေါ်မူတည်၍ ပြည်တွင်း၌ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိပြီး စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ်ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊ Facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ Facebook Page တို့တွင်ဝင်ရောက်ကြည့်ရှုလေ့လာနိုင်ကြောင်း သိရသည်။

#YMG/SW #Yangon_Times

ကချင်ပြည်နယ်၊ ပူတာအိုမြို့ကို 7th ASEAN ESC Award နဲ့ 6th Certificate of Recongnition ဆုများအတွက် ထည့်သွင်းယှဉ်ပြိုင်နိုင်ရေး ကြိုတင်ပြင်ဆင်မှုများဆောင်ရွက်နေတယ်လို့ ကချင်ပြည်နယ်အစိုးရအဖွဲ့ကနေ သိရပါတယ်။

#Local_News
Published 20 March 2026
#ပူတာအိုမြို့
#YMG/NN #Yangon_Times