#LocalNews

Published- 15 Mar 2022
မြန်မာ-ထိုင်းနယ်စပ်ကိုပို့ဆောင်မယ့် ငွေကျပ် ၅၂ ဒသမ ၈ ဘီလီယံကျော်တန်ဖိုးရှိ မူးယစ်ဆေးဝါးတွေကိုကျိုက်ထိုမြို့ နယ်မှာဖမ်းဆီးရမိခဲ့တယ်လို့ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့ ကသိရပါတယ်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မတ်လ ၁၁ ရက်နေ့ နံနက် ၈ နာရီအချိန် မွန်ပြည်နယ်၊ ကျိုက်ထိုမြို့နယ်၊ ရန်ကုန်- မော်လမြိုင်သွားကားလမ်း၊ မရမ်းချောင်ပူးပေါင်းစစ်ဆေးရေး စခန်းတွင် ပဲခူးမှ မော်လမြိုင်ဘက်သို့ ဘိုဘို(၃၇)နှစ် မောင်းနှင်လာသည့် ISUZU ၆ ဘီး ကွန်တိန်နာဘောက်ယာဉ် အား သတင်းအရရှာဖွေရာ ယာဉ်ပေါ်မှ ဒေသကာလတန်ဖိုးငွေကျပ် ၅၂ ဒသမ ၈ ဘီလီယံကျော်တန်ဖိုးရှိ စိတ်ပြောင်း ဆေးဝါးများဖြစ်ကြသည့် အိုက်စ်(မက်သ်အဖက်တမင်း) ၉၉၇ ကီလိုနှင့် ကတ်တမင်း ၇၉၈ ကီလို သိမ်းဆည်းရမိခဲ့တယ်လို့ သိရပါတယ်။

စစ်ဆေးဖော်ထုတ်ချက်အရ သိမ်းဆည်းရမိမူးယစ်ဆေးဝါးများအား ရှမ်းပြည်(မြောက်ပိုင်း)မှ တနင်္သာရီတိုင်း ဒေသကြီး၊ ထားဝယ်မှတစ်ဆင့် မြန်မာ-ထိုင်းနယ်စပ်သို့ သယ်ဆောင်ခြင်းဖြစ်ကြောင်းသိရှိရသဖြင့် ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိတယ်လို့သိရပါတယ်။

ymg/hm
#Yangon_Media_Group

#WorldHealth
Published - 15 March 2022

ဖိုင်ဇာ(Pfizer)ကုမ္ပဏီမှထုတ်လုပ်ပြီး ကိုဗစ်ရောဂါကုသရာမှာအလွန်ထိရောက်တဲ့ကုသရေးသောက်ဆေး တစ်ကမ္ဘာလုံးရရှိရေးအတွက် သဘောတူညှိနှိုင်းမှုများကို များမကြာခင်အချိန်မှာ ထုတ်ဖော်ကြေညာသွားမှာဖြစ်ပါတယ်။

ဒါပေမဲ့ ထုတ်လုပ်ညှိနှိုင်းရေးအပိုင်းတွေမှာ အခက်အခဲတွေရှိနေတာကြောင့် ကမ္ဘာ့နေရာအနှံ့အပြားကိုရောက်ရှိဖို့ကတော့ တစ်နှစ်လောက်ကြာမြင့်ဦးမှာဖြစ်ပါတယ်။
ဖိုင်ဇာကုမ္ပဏီနဲ့ လိုင်စင်မူပိုင်ခွင့်သဘောတူညီမှုရရှိပြီး ၄ လအကြာမှာ အဆိုပါသောက်ဆေးတွေကို နောက်အပတ်ကစပြီးထုတ်လုပ်သွားမယ့် ဆေးဝါးထုတ်လုပ်ရေးအဖွဲ့အစည်းများကို ကုလထောက်ပံ့ရေးဆေးဝါးမူပိုင်ခွင့်အစီအစဉ်များဖြင့် အမည်တပ်ကြေညာသွားမှာဖြစ်ပါတယ်။

ဖိုင်ဇာရဲ့ကိုဗစ်ကုသရေးသောက်ဆေး ပက်ဇ်လိုဗစ်(Paxlovid)ဆေးတွေကို ဒီဇင်ဘာလအရောက်မှာ ပထမဆုံးစတင်ဖြန့်ဖြူးနိုင်အောင် ဆေးဝါးထုတ်လုပ်ရေးကုမ္ပဏီတွေအနေနဲ့ အဆင်သင့်ပြင်ဆင်ထားရမှာဖြစ်ပါတယ်။

ဆေးဝါးအမြောက်အများကိုတော့ ၂၀၂၃ မေလလောက်မှ ရရှိနိုင်ဖွယ်ရှိကြောင်း Airfinity Ltd ကုမ္ပဏီက ခန့်မှန်းဖော်ပြလိုက်ပါတယ်။ လက်တွေ့စမ်းသပ်ချက်များအရ ပက်ဇ်လိုဗစ်ဆေးတွေဟာ ကိုဗစ်ရောဂါကြောင့်ဖြစ်တဲ့ အသက်သေဆုံးမှုနှုန်းနဲ့ ဆေးရုံတက်ကုသခံယူရမှုနှုန်းတိုကို ၉၀ ရာခိုင်နှုန်းနီးပါးလျှော့ချနိုင်ကြောင်းသိရှိထားတာကြောင့် ပက်ဇ်လိုဗစ်ဝယ်ယူလိုအားများနိုင်တာကြောင့် ပစ္စည်းထောက်ပံ့ရေးအပိုင်းမှာ မလုံလောက်ခြင်းမျိုးကြုံတွေ့ရမှာပါ။

ကနဦးထုတ်လုပ်ရရှိလာတဲ့ဆေးဝါးပမာဏရဲ့ ၄ ပုံ ၁ ပုံခန့်ကို ချမ်းသာတဲ့နိုင်ငံတစ်စုက ဝယ်ယူဖို့သေချာနေတာကြောင့် ကာကွယ်ဆေးအလုံအလောက်မရရှိသေးတဲ့ ဆင်းရဲတဲ့နိုင်ငံတွေကို ပက်ဇ်လိုဗစ်ဆေးတွေရောက်ရှိနိုင်ဖိုအတွက် ဆေးဝါးထုတ်လုပ်ရေးကုမ္ပဏီကြီးတွေမှာ ဖိအားအများအပြားရှိလာပါတယ်။

ကပ်ရောဂါစတင်ပေါ်ပေါက်ပြီး ၂ နှစ်ကြာတဲ့အချိန်မှာ ကိုဗစ်ရောဂါကိုတိုက်ဖျက်ဖို့ ဖိုင်ဇာရဲ့ကုသရေးသောက်ဆေးက အဓိကကျလာပါတယ်။ လက်ရှိအချိန်မှာ ရောဂါကူးစက်မှုတွေလျော့ကျလာပြီဆိုပေမယ့် နောင်ထွက်ပေါ်လာနိုင်တဲ့ကိုရိုနာဗိုင်းရပ်စ်မျိုးဗီဇကွဲတွေကိုပါ တိုက်ဖျက်နိုင်ဖို့အတွက် တာဝန်ရှိသူတွေက ပက်ဇ်လိုဗစ်ဆေးတွေရရှိအောင် ကြိုးပမ်းနေကြတာဖြစ်ပါတယ်။

"ကုန်ကြမ်းအရင်းအမြစ်တွေအများဆုံးရရှိပြီး ထောက်ပံ့ရေးပစ္စည်းတွေထုတ်လုပ်နိုင်ဖို့ အာရုံစိုက်လုပ်ဆောင်နေပါတယ်။ နိုင်ငံငယ်များအပါအဝင် နိုင်ငံပေါင်း ၁၀၀ ကျော်ကို လက်လှမ်းမီသလောက် ချိတ်ဆက်ပြောဆိုထားပါတယ်" လို့ ဖိုင်ဇာမှပြောရေးဆိုခွင့်ရှိသူ'ကစ်ဒ်လောင်ဂ်လီ'က ဆိုပါတယ်။

ပက်ဇ်လိုဗစ်ကုသရေးသောက်ဆေးမှာ ဆေး ၂ မျိုးပါဝင်ပါတယ်။
ပထမဆေးအမျိုးအစားက nirmatrelvir ဆေးဖြစ်ကာ ဗိုင်းရပ်စ်ပွားခြင်းကိုဖြစ်စေတဲ့ အဓိကအင်ဇိုင်းတစ်မျိုးကိုတားဆီးပေးတာဖြစ်ပါတယ်။

နောက်တစ်မျိုးကတော့ HIV လူနာတွေမှာအသုံးပြုတဲ့ ritonavir ဆေးဖြစ်ပြီး nirmatrelvir ဆေးရဲ့ဖြိုခွဲမှုကိုနှေးအောင်ပြုလုပ်ကာ အချိန်ကြာမြင့်တဲ့အထိ ဆေးအာနိသင်ပမာဏများနေအောင် ထိန်းသိမ်းပေးတာဖြစ်ပါတယ်။

ဖိုင်ဇာရဲ့ကိုဗစ်ကုသရေးသောက်ဆေးက ဗိုင်းရပ်စ်ကိုတိုက်ဖျက်ရာမှာ Merck ကုမ္ပဏီရဲ့ molnupiravir ဆေးထက်ပိုမိုထိရောက်နိုင်ဖို့ မျှော်လင့်နိုင်ပါတယ်။
molnupiravir ဆေးကတော့ အသုံးပြုတဲ့လူနာအချို့မှာ ဘေးကင်းစိတ်ချရမှုအပိုင်းပြဿနာတွေရှိနေပြီး ကိုဗစ်ရောဂါကြောင့်ဖြစ်တဲ့ ဆေးရုံတက်ကုသခံယူရမှုနဲ့ အသက်သေဆုံးမှုနှုန်းတို့ကိုကာကွယ်ရာမှာ ၃၀ ရာခိုင်နှုန်းခန့်သာ ထိရောက်မှုရှိခဲ့တာကြောင့် ပက်ဇ်လိုဗစ်နဲ့အခြားကုသနည်းတွေ မရနိုင်တဲ့အခြေအနေမှသာ Merck ရဲ့ဆေးဝါးကိုအသုံးပြုဖို့ အမေရိကန်နိုင်ငံတော်ကျန်းမာရေးအဖွဲ့အစည်းက ညွှန်ကြားထားပါတယ်။

ဒါပေမဲ့ ဖိုင်ဇာရဲ့ပက်ဇ်လိုဗစ်ဆေးဝါးကိုထုတ်လုပ်ဖို့က အခြားဆေးဝါးတွေထုတ်လုပ်ရတာထက် ပိုပြီးကြာရှည်နိုင်တာကြောင့် ဆေးဝါးထုတ်လုပ်ရေးကုမ္ပဏီတွေအနေနဲ့ အခက်အခဲတွေရှိလာနိုင်တယ်လို့ ခန့်မှန်းရပါတယ်။

ပက်ဇ်လိုဗစ်မှာပါဝင်တဲ့ nirmatrelvir ဆေးက ကန့်သတ်ချက်ရှိတာမို့လို့ လိုင်စင်ခွင့်ပြုချက်ရရှိအောင်စောင့်ဆိုင်းရဦးမှာဖြစ်ပါတယ်။ ညတွင်းချင်းထုတ်လုပ်လို့ရတဲ့ပစ္စည်းတွေ မဟုတ်တဲ့အတွက် ချက်ချင်းကြီးပမာဏအများအပြားထုတ်လုပ်ဖို့ မျှော်လင့်နေတာတော့ မတရားဘူးလို့ ဆေးဝါးမူပိုင်ခွင့်ဆောင်ရွက်ရေးအဖွဲ့အစည်းမှ အမှုဆောင်ချုပ်'ချားလ်စ်ဂိုး'က ပြောကြားခဲ့ပါတယ်။

ပက်ဇ်လိုဗစ်ဆေးဝါးထုတ်လုပ်ဖို့အတွက် ကမ္ဘာတဝန်းမှ ကုန်ကြမ်းပစ္စည်းများနဲ့ဓာတ်ပြုပစ္စည်းအမျိုးအစား ၃၈ မျိုးလိုအပ်ပြီး အခုထက်ထိ ကုန်ကြမ်းပစ္စည်းပြတ်လတ်တာမျိုးမရှိပေမယ့် ကြာလာတဲ့အချိန်ကျရင်တော့ အခက်အခဲရှိလာနိုင်ပါတယ်။ဖိုင်ဇာကုမ္ပဏီက ၂၀၂၂ ခုနှစ်အတွင်း ပက်ဇ်လိုဗစ်ဆေးဝါးပေါင်း သန်း ၁၂၀ ထုတ်လုပ်ဖို့ မျှော်မှန်းထားပြီး ယခုနှစ်မှာ အမေရိကန်နိုင်ငံကို ဆေးဝါးသန်း ၂၀ ပို့ဆောင်ဖို့ စီစဉ်ထားပါတယ်။

ယူကေက ဆေးဝါး ၂.၇၅ သန်းကိုဝယ်ယူထားကာ နောက်ထပ် ၁၀ သန်းခန့်ကို နိုင်ငံငယ်များထံပေးပို့သွားမှာဖြစ်ကြောင်း Airfinity က ဖော်ပြထားပါတယ်။
Source: Bloomberg

#WorldHealth
Published - 15 March 2022
လူအယောက်များစွာရှိနေတဲ့လူအုပ်တွေထဲက ကိုရိုနာဗိုင်းရပ်စ်ကူးစက်ခံထားရသူတွေကိုရှာဖွေရာမှာ သေချာလေ့ကျင့်သင်ကြားပေးထားသောခွေးများက အကူအညီပေးနိုင်ကြောင်း သုတေသနအသစ်များအရ အထောက်အထားတွေ့ရှိထားပါတယ်။

ပဲရစ်မြို့ရှိ ရောဂါပိုးစစ်ဆေးရေးစင်တာ ၂ ခုမှာ စမ်းသပ်ခံတဲ့သူ ၃၃၅ ယောက်ဟာ ချွေးနမူနာများဖြင့် PCR test စမ်းသပ်ခဲ့ကြပါတယ်။ PCR စမ်းသပ်ချက်များအရ ရောဂါလက္ခဏာပေါ်သူ ၇၈ ယောက်နဲ့ လက္ခဏာမပေါ်သူ ၃၁ ယောက်တို့မှာ ကိုရိုနာဗိုင်းရပ်စ်တွေ့ရှိခဲ့ပါတယ်။

သူတို့ရဲ့ချွေးနမူနာများကို ခွေးများဖြင့်အနံ့ခံရာမှာ ရောဂါကူးစက်ထားသူတွေကို ၉၇ ရာခိုင်နှုန်းတိကျတဲ့အထိ ရှာဖွေနိုင်ပြီး လက္ခဏာမပေါ်ဘဲရောဂါကူးစက်ထားသူတွေကို ရှာဖွေရာမှာ ၁၀၀ ရာခိုင်နှုန်းတိကျမှန်ကန်ကြောင်း medRxiv ဝက်ဘ်ဆိုက်မှာ အင်္ဂါနေ့ကဖော်ပြခဲ့ပါတယ်။

ရောဂါကူးစက်ခြင်းမရှိဘဲ မိမိဆန္ဒအလျောက်လာရောက်စမ်းသပ်သူတွေကို အနံ့ခံရှာဖွေခိုင်းရာမှာ ၉၁ ရာခိုင်နှုန်းတိကျမှုရှိပြီး လက္ခဏာမပေါ်ဘဲရောဂါပိုးကူးစက်ထားသူတွေကိုတော့ ၉၄ ရာခိုင်နှုန်းတိကျအောင် ရှာဖွေနိုင်ခဲ့ပါတယ်။

ခွေးတွေနဲ့ရှာဖွေစမ်းသပ်ခြင်းက လူ့ခန္ဓာကိုယ်ထဲပစ္စည်းထည့်စရာမလိုတဲ့အပြင် ထွက်ရှိလာတဲ့အဖြေက ယုံကြည်စိတ်ချရပြီးတိကျလျင်မြန်ကြောင်း၊ လေဆိပ် သင်္ဘောဆိပ် မီးရထားဘူတာ ပွဲလမ်းသဘင်နဲ့ အားကစားပွဲတွေက လူအုပ်ကြီးတွေကို ခွေးတွေနဲ့ ရောဂါပိုးအနံ့ခံစစ်ဆေးနိုင်ဖို့ အဓိကအာရုံစိုက်ပြီး ဆက်လက်လေ့လာသွားမှာဖြစ်ကြောင်း သုတေသီများက ပြောကြားလိုက်ပါတယ်။
Source: Reuters

Published 15 March 2022

၂၀၂၂ ခုနှစ်၊ သာသနာတော်ဆိုင်ရာ ဘွဲ့တံဆိပ်တော် ဆက်ကပ်ခံယူမည့် ဆရာတော်ကြီးများကို နေ့ဆွမ်းဆက်ကပ်လှုဒါန်းပွဲ မတ်၁၄ရက် နံနက်က နေပြည်တော်၊ ဥပ္ပါတသန္တိစေတီတော် မြတ်ကြီး ပရိဝုဏ်အတွင်းရှိ သာသနာ့ မဟာဗိမာန်  တော်ကြီးမှာ ကျင်းပခဲ့ပါတယ်။

အဲဒီအခမ်းအနားကို နိုင်ငံတော်သံဃမဟာနာယကအဖွဲ့ဥက္ကဋ္ဌ၊ မန္တလေးမြို့ ဗန်းမော်ကျောင်းတိုက် ပဓာနနာယက ဆရာတော်၊ အဘိဓဇမဟာရဋ္ဌဂုရု၊ အဘိဓဇအဂ္ဂမဟာ သဒ္ဓမ္မ ဇောတိက ဒေါက်တာဘဒ္ဒန္တ ကုမာရာဘိဝံသနှင့် နိုင်ငံတော်သံဃမဟာနာယကအဖွဲ့ အကျိုးတော်ဆောင်၊ သန်လျင်မြို့ မင်းကျောင်းပထမပြန် စာသင်တိုက် ပဓာနနာယက ဆရာတော်၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မ ဇောတိကဓဇ ဒေါက်တာဘဒ္ဒန္တစန္ဒိမာ ဘိဝံသနှင့် ၂၀၂၂ ခုနှစ်၊ သာသနာတော်ဆိုင်ရာ ဘွဲ့တံဆိပ်တော် ဆက်ကပ်ကော်ရော်အပူဇော်ခံတော်မူကြမည့် ဆရာတော်၊ သံဃာတော်များ ကြွရောက်ချီးမြှင့်တော်မူခဲ့ကြတယ်လို့  MOI ရဲ့ သတင်းထုတ်ပြန်ချက်အရ သိရပါတယ်။

အဲဒီအခမ်းအနားမှာ နစကဥက္ကဋ္ဌနှင့်ဇနီး၊ဒုတိယဥက္ကဋ္ဌနှင့်ဇနီး၊နစကအဖွဲ့ဝင်တွေနှင့် နစကအစိုးရအဖွဲ့ဝင်တွေ တက်ရောက်ခဲ့ကြပြီး ဆရာတော်ကြီးများနှင့် ဘွဲ့တံဆိပ်တော်ဆက်ကပ်အပူဇော်ခံကြမယ့် ဆရာတော်၊သံဃာတော်များနှင့် သီလရှင်ဆရာကြီးတွေကို  လှူဖွယ်ပစ္စည်းတွေနှင့် နေ့ဆွမ်းဆက်ကပ်လှူဒါန်းခဲ့ကြပါတယ်။

သာသနာတော်ဆိုင်ရာ ဘွဲ့တံဆိပ်တော်များ ရရှိသည့် ပြည်တွင်း/ ပြည်ပမှ ရဟန်း ၂၈၄ ပါး၊ သီလရှင် ၄၁ ပါးနှင့် လူပုဂ္ဂိုလ် ၂၈ ဦးတို့အနက် အဘိဓဇမဟာရဋ္ဌဂုရုဘွဲ့တံဆိပ်တော်ရ ဆရာတော်ကြီး ၉ ပါး၊ အဘိဓဇအဂ္ဂမဟာသဒ္ဓမ္မဇောတိက ဘွဲ့တံဆိပ်တော်ရ ဆရာတော်ကြီး ၈ ပါး၊ အဂ္ဂမဟာ ပဏ္ဍိတဘွဲ့တံဆိပ်တော်ရ ဆရာတော်ကြီး ၁၈ ပါး၊ အဂ္ဂမဟာဂန္ထဝါစကပဏ္ဍိတဘွဲ့ တံဆိပ်တော်ရ ဆရာတော်ကြီး ၂၃ ပါး၊ အဂ္ဂမဟာဂန္ထဝါစကပဏ္ဍိတ ဘွဲ့တံဆိပ်‌တော်ရ သီလရှင်ဆရာကြီး ၃ ပါး၊ အဂ္ဂမဟာသဒ္ဓမ္မဇောတိကဓဇဘွဲ့တံဆိပ်တော်ရ ဆရာတော်ကြီး ၄၁ ပါး၊ အဂ္ဂမဟာ ကမ္မဋ္ဌာနာစရိယ ဘွဲ့တံဆိပ်တော်ရ ရဟန်း ၆ ပါး၊ အဂ္ဂမဟာသီရိသုဓမ္မမဏိဇောတဓရ ဘွဲ့တံဆိပ် ရလူပုဂ္ဂိုလ် ၁ ဦးနှင့် အဂ္ဂမဟာသီရိသုဓမ္မသိင်္ဂီဘွဲ့တံဆိပ်ရ လူပုဂ္ဂိုလ် ၂ ဦး၊ စုစုပေါင်း ၁၁၁ ပါး/ဦးတို့ အား သာသနာတော် ဆိုင်ရာ ဘွဲ့တံဆိပ်တော်များ ဆက်ကပ်လှူဒါန်းပွဲကို ၁၃၈၃ ခုနှစ်၊ တပေါင်းလပြည့်(၂၀၂၂ ခုနှစ်၊ မတ်လ ၁၆  ရက်) ဗုဒ္ဓဟူးနေ့၊ မွန်းလွဲ  ၁ နာရီတွင် နေပြည်တော်၊ ဥပ္ပါတသန္တိစေတီတော်ပရိဝုဏ်အတွင်းရှိ သာသနာ့မဟာဗိမာန်တော်ကြီး၌ ကျင်းပသွားမယ်လို့သတင်းရရှိပါတယ်။

#WorldBusiness
Published 14 March 2022

တရုတ်နိုင်ငံမှာ မနှစ်ကထက် စိန်လက်ဝတ်ရတနာဝယ်လိုအား ပြန်လည်မြင့်တက်လာခဲ့ပြီး အထူးသဖြင့် အခုလိုစေ့စပ်လက်ထပ်ပွဲတွေ အများဆုံးပြုလုပ်လေ့ရှိတဲ့ရာသီမှာ စိန်ရတနာတွေအရောင်းသွက်လာတာဖြစ်ပါတယ်။

#Yangon_Media_Group

#LocalNews

Published_14 March 2022

ထိုင်း-မြန်မာ နယ်စပ်ကုန်သွယ်မှု အဓိကလမ်းကြောင်းဖြစ်တဲ့ ကရင်ပြည်နယ်၊ မြဝတီ-ကော့ကရိတ် အာရှလမ်းပေါ်၊ တောနော် ရေတံခွန်အနီးမှာရှိတဲ့ တံတားကိုပြုပြင်ဖို့အတွက် ကုန်တင်ယာဉ်တွေ ဖြတ်သန်းသွားလာခွင့်ကို ၃ ရက်ပိတ်မယ်လို့ ဒေသခံလူမှုကယ် ဆယ်ရေးအသင်းတွေက သိရပါတယ်။

#Yangon_Media_Group

Published 14 March 2022

ရန်ကုန်မြို့မှာ ကိုဗစ်ကပ်ရောဂါဘေးနှင့် နိုင်ငံရေးမငြိမ်သက်မှုတွေကြောင့် လူနေမှုစရိတ်တွေမြင့်တက်လာပြီး ငွေကြေး ဖောင်းပွမှုတွေမြင့်တက်လာနေတာကို ဒီလပိုင်းအတွင်းမှာ ပြည်သူတွေ ခံစားနေကြရပါတယ်။

မြန်မာနိုင်ငံမှာ စီးပွားရေးလှုပ်ရှားဆောင်ရွက်မှုတွေဟာ နိမ့်ကျနေဦးမယ်လို့ ဇန်နဝါရီလတုန်းက ကမ္ဘာ့ဘဏ်ကထုတ်ပြန်တဲ့ မြန်မာ့စီးပွားရေးစောင့်ကြည့်မှုအစီရင်ခံစာမှာ ဖော်ပြထားပါတယ်။

၂၀၂၁ခုနှစ်မှာ မြန်မာနိုင်ငံရဲ့ ငွေကြေးဖောင်းပွမှုဟာ ၆ရာခိုင်နှုန်းရှိခဲ့ရာကနေ ယခုနှစ်မှာ ၉ရာခိုင်နှုန်းအထိမြင့်တက်လာမယ်လို့ ကမ္ဘာ့ဘဏ်က ခန့်မှန်းထားပါတယ်။

မြန်မာနိုင်ငံရဲ့ မြို့တော်ဟောင်း ရန်ကုန်ရဲ့ဈေးတစ်ဈေးမှာ အစားအသောက်နှင့် လောင်စာဆီအပါအဝင် ကုန်ပစ္စည်းမျိုးစုံဈေးနှုန်းဟာ မြင့်တက်လာနေတာကို တွေ့ရှိခဲ့ပါတယ်။

Source: CMG

#LocalNews
Published -14 Mar 2022

ရန်ကုန်တိုင်းဒေသကြီး မြိုနယ်အသီးသီးမှာ လျှပ်စစ်ဓါတ်အားပြတ်တောက်မှုများ မကြာခဏဖြစ်ပေါ်နေတာကြောင့် ဝန်ဆောင်မှုလုပ်ငန်းတစ်ခုဖြစ်တဲ့ ဟိုတယ်နှင့် တည်းခိုခန်းတွေအနေနဲ့ လုပ်ငန်းရပ်တည်ရေး အခက်အခဲဖြစ်လာနေတယ်လို သိရပါတယ်။

#Yangon_Media_Group

#LocalNews
Published- 14 Mar 2022

ရခိုင်ပြည်နယ်၊ ကျောက်ဖြူမြို့တွင် ကိုဗစ်-၁၉ ရောဂါပိုးတွေ့ရှိပြီး Home Isolation ထားရှိသူနှင့် ခရိုင်ပြည်သူ့ဆေးရုံကြီးတွင် တက်ရောက်ဆေးကုသမှုခံယူနေသူ(၁၂)ဦးတို့ ရောဂါပျောက်ကင်းသွာတာကြောင့်ဆေးရုံဆင်းလက်မှတ်များပေးအပ်ကာ နေအိမ်အသီးသီးတွင် Home Quarantine (၇)ရက် အသွားအလာကန့်သတ်ထားတယ်လို့ မြို့နယ်ကျန်းမာရေးဦးစီးဌာနက သိရပါတယ်။

ရောဂါပိုးတွေ့ရှိသူများမှာ လေယာဉ်စီးနင်းလိုက်ပါကြမည့်ခရီးသည်များ ပိုးတွေ့လူနာများနှင့် ထိတွေ့ဆက်စပ်သူများဖြစ်ပြီး ကျန်းမာရေးဌာန၏လမ်းညွှန်ချက်ဖြင့် Home Isolation ထားရှိသူ(၈)ဦးနှင့် ခရိုင်ပြည်သူ့ဆေးရုံကြီးတွင် ဆေးကုသမှုခံယူနေသူ(၄)တို့မှာ ယခုအခါ ရောဂါသက်သာပျောက်ကင်းသွားပြီဖြစ်သဖြင့် ၎င်းတို့၏နေအိမ်အသီးသီးတွင် Home Quarantine (၇) ရက် အသွားအလာကန့်သတ်၍ နေထိုင်ရမှာဖြစ်တယ်လို့ သိရပါတယ်။

"အားလုံးကို နေအိမ်မှာ ၇ ရက်နေထိုင်ဖို့ ကန့်သတ်ထားပါတယ် ရခိုင်ပြည်နယ်အနေနဲ့က ကိုဗစ်တတိယလှိုင်းမှာ ကူးစက်မှုစတင်တာကြောင့် ယခုလို အိုမီခရွန်ဖြစ်ပွားနေတဲ့ကာလမှာ ကျန်းမာရေးအရ စစ်ဆေးမှုကိုတင်းကြပ်ထားပါတယ်"လို့ မြို့နယ်ကျန်းမာရေးဦးစီးဌာနမှ တာဝန်ရှိသူတစ်ဦးကပြောပါတယ်။

ကျောက်ဖြူမြို့နယ်တွင် ဇန်နဝါရီလ၂၈ ရက်နေ့မှ မတ်လ ၁၃ ရက်နေ့အထိ ကိုဗစ်-၁၉ ရောဂါပိုးတွေ့လူနာ(၅၃)ဦးရှိပြီး ရောဂါသက်သာပျောက်ကင်းသူပေါင်း(၄၄)ဦးရှိကာ လက်ရှိတွင် ခရိုင်ပြည်သူ့ဆေးရုံကြီး၌ ဆေးကုသမှုခံယူနေသူ (၆)ဦးနှင့် Home Isolation ထားရှိသူ (၃)ဦး၊ စုစုပေါင်း(၉)ဦးသာကျန်ရှိကာ သေဆုံးသူမရှိကြောင်း မြို့နယ်အထွေထွေအုပ်ချုပ်ရေးဦးစီးဌာနက သိရပါတယ်။

ymg/hm
#Yangon_Media_Group

#LocalNews
Published_14 March 2022

လျှပ်စစ် သုံးစွဲသူတွေအနေနဲ့ မီးပြတ်ချိန် ၊ မီးလာချိန်ကို တိတိကျကျ မသိရတာကြောင့် အခက်အခဲ ဖြစ်နေကြပါတယ်။

#Yangon_Media_Group

#LocalNews
Published - 14 March 2022

ရန်ကုန်မြို့မှာ အိမ်မွေးတိရစ္ဆာန်ကြောင်တွေကိုဖမ်းဆီးပြီး ပြန်ရောင်းစားဖို့ ကြိုးစားခံရတဲ့ကြောင်တွေကို kind Heart Dogs Rescue and Shelter ကြောင်ဂေဟာက ပြန်လည်ကယ်ဆယ်ခဲ့ရပါတယ်။ အဲဒီကယ်ဆယ်ပုံကို လူမှုကွန်ယက်တွင် တိုက်ရိုက်ရုပ်သံတင်ဆက်ခဲ့ရာ ကြည့်ရှုသူလွန်စွာများပြားခဲ့ပါတယ်။

အခုညနေပိုင်းက ရန်ကုန်မြို့ ၁၀ မိုင်ကုန်း ရန်ကြီးအောင်လမ်းမှာ စိတ်မနှံ့သူဟုယူဆရတဲ့ အမျိုးသမီးတစ်ဦးက အိမ်မွေးတိရစ္ဆာန်ကြောင်တွေကို ဖမ်းဆီးထားတယ်လို့ ရပ်ကွက်နေပြည်သူတွေက kind Heart Dogs Rescue and Shelter ကြောင်ဂေဟာကို အကူညီတောင်းခဲ့တဲ့အတွက် ကယ်ဆယ်ခဲ့ရတယ်လို့ သိရပါတယ်။

“ ရပ်ကွက်ထဲကသူတွေ အကူအညီတောင်းကြတယ်၊ စိတ်မနှံတဲ့သူက အရက်သမားတွေဆီကို ရောင်းနေတယ်ပေါ့။ သူက ဖမ်းပေးတာပေါ့၊ ရောင်းတဲ့သူက တစ်ယောက်ရှိတယ်လို့ အဲလိုပြောကြတယ်။ အခုလက်ရှိကိုပဲ ကြောင်တွေကို ပိုင်ရှင်တွေက လာခေါ်ကြတာရှိတယ်။ အခုတော့ ကြောင်တွေအားလုံး ကျွန်တော်တို့ ပြန်ခေါ်ထားနိုင်ပါတယ်၊ အားလုံးပေါင်း ၇ ကောင်ရှိပါတယ်”လို့ Kind Heart Dogs Rescue and Shelter ကြောင်ဂေဟာက တာဝန်ရှိသူက ပြောပါတယ်။

ဖမ်းဆီးခံရတဲ့ ကြောင်တွေထဲမှာ ပိုင်ရှင်ရှိတဲ့ကြောင်တွေကိုလည်းပါဝင်သလို စုစုပေါင်း ၇ ကောင်ရှိပြီး ကြောင်တွေကို ဂေဟာကပဲ စောင့်ရှောက်သွားမယ်လို့ သိရပါတယ်။

#ymg/ei
#Photos CRD
#Yangon_Media_Group

#LocalNews
Published - 14 March 2022

ဒဂုံဆိပ်ကမ်းမြို့နယ်၊ ယုဇနဥယျာဥ်မြို့တော်ရှိ တိုက်ခန်း အရောင်းအဝယ်စျေးကွက်ဟာ ယခု ၂၀၂၂ ခုနှစ်အတွင်းမှာ ပြန်သွက်လာခဲ့ပြီး ယနေ့တွင် တိုက်ခန်းတစ်ခန်းလျှင် ကာလပေါက်စျေးထက် ကျပ် ၁၀ သိန်းမှ သိန်း ၂၀ ကျော်ခန့်အထိ စျေးနှုန်းများလည်း မြင့်တက်လာခဲ့တယ်လို့ သိရပါတယ်။

"အခန်းတွေက အရောင်း၊အဝယ်တွေ ပြန်လိုက်နေတယ်လို့ ပြောရင်ရပါတယ်။ အရောင်းအခန်းတွေလည်း အမြဲရှိသလို အဝယ်တွေလည်းလိုက်လာပါတယ်။ ပြောရရင် ဒီဘက်အပိုင်းက စျေးသက်သာတော့ ဝယ်သူတွေက ပိုကြိုက်တာပေါ့။ တိုက်အဟောင်းတွေဘက်မှာလည်း အရောင်း၊အဝယ်ဖြစ်သလို တိုက်သစ်တွေဘက်မှာလည်း အရောင်းအဝယ်ဖြစ်ပါတယ်။

တိုက်ခန်းစျေးနှုန်းတွေက အနည်းဆုံး သိန်း ၁၃၀ ကျော်ကနေ သိန်း ၂၀၀၊ သိန်း ၃၀၀ အထိ ပေါက်စျေးရှိပါတယ်။ သူ့ အထပ်အလိုက်ပေါ့၊ မနှစ်ကတော့ အခြေအနေအ ကြောင်းကြောင်းကြောင့် တိုက်ခန်းအရောင်းအဝယ်တွေ အေးခဲ့တယ်။ ဒါပေမယ့် ဒီနှစ်ဆန်းပိုင်းကစပြီးတော့ အရောင်း၊ အဝယ်တွေ ပြန်ဖြစ်လာပါတယ်။"လို့ ဒဂုံဆိပ်ကမ်းမြို့နယ်အတွင်းရှိ အိမ်ခြံမြေအကျိုးဆောင်လုပ်ငန်းလုပ်ကိုင်သူတစ်ဦးက YMG ကို ပြောပြခဲ့ပါတယ်။

ယုဇနဥယျာဥ်မြို့တော်အတွင်းရှိ ယခင်တိုက်ဟောင်း လေးခန်းတွဲ ငါးထပ်တိုက်တွေအပါအဝင် စစ်တောင်းရိပ်မွန်ရှိ သုံးထပ်တိုက်များနှင့် အိုးအိမ်ဌာနမှ တည်ဆောက်ခဲ့သည့် အပိုင်း(၁၊၂၊၃) တိုက်သစ်များဘက်တွင် တိုက်ခန်းအရောင်းအဝယ်ဖြစ်နေတာဖြစ်တယ်လို့လည်း အိမ်ခြံမြေအကျိုးဆောင်လုပ်ငန်း လုပ်ကိုင်သူများက ဆိုပါတယ်။

လက်ရှိ ယုဇနဥယျာဥ်မြို့တော် တိုက်ခန်းပေါက်စျေးဟာ အပေါ်ဆုံးထပ်ဆိုပါက ကျပ်သိန်း ၁၃၀ ၊ ပထမထပ်ဆိုပါက ကျပ်သိန်း ၁၇၀ ခန့်နှင့် မြေညီထပ်ဆိုပါက ကျပ်သိန်း ၂၀၀ ကျော်မှ ကျပ်သိန်း ၃၀၀ ကျော်အထိ ပေါက်စျေးရှိနေတာဖြစ်တာလည်း ဖြစ်ပါတယ်။

"သူက လမ်းကောင်းရင်ကောင်းသလို အချက်အချာကျရင် ကျသလို တိုက်ခန်းစျေးနှုန်းတွေက ကွာသွားတာပေါ့။ လမ်းအလိုက် Block အလိုက်ပေါ့၊ စျေးနှုန်းကတော့ အမျိုးမျိုးရှိပါတယ်။"လို့ ၄င်းက ဆက်လက်ပြောပြခဲ့ပါတယ်။

ymg/kg
#Yangon_Media_Group