#World_News
Published 08 July 2025

▪️ ရာထူးမှထုတ်ပယ်ခံရတဲ့ ရုရှားပို့ဆောင်ရေးဝန်ကြီးကို မော်စကိုမြို့အပြင်ဘက်မှာ သူ့ကားထဲ သေနတ်ဒဏ်ရာဖြင့် အသက်ဆုံးပါးလျက် တွေ့ရှိခဲ့ပြီး ကိုယ့်ကိုယ်ကို အဆုံးစီရင်တယ်လို့ ယူဆရကြောင်း စစ်ဆေးရေးမှူးများက တနင်္လာနေ့မှာ ဖော်ပြခဲ့ပါတယ်။

▪️ လုပ်ငန်းခွင်မှာ လုပ်သက် ၁ နှစ်တောင်မပြည့်သေးတဲ့ အသက် ၅၃ နှစ်အရွယ် ရိုမန်စတယ်ရိုဗွိုက်ကို အကြောင်းအရင်းမပြောဘဲ ရာထူးမှထုတ်ပယ်ကြောင်း သမ္မတအမိန့်ထုတ်ပြန်ပြီး နာရီပိုင်းအလိုမှာပဲ သေကြောင်းကြံစည်ခဲ့တာဖြစ်ပြီး ဒါဟာ စတယ်ရိုဗွိုက်တာဝန်ယူတဲ့ ဒေသမှာ အကျင့်ပျက်ခြစားမှု စုံစမ်းစစ်ဆေးရေးနဲ့ ဆက်စပ်နေနိုင်ဖွယ်ရှိတယ်လို့ သုံးသပ်နေကြပါတယ်။

▪️ အကျင့်ပျက်မှုအရှုပ်တော်ပုံနဲ့ ပတ်သက်ပြီး စတယ်ရိုဗွိုက်ရာထူးနေရာကို မေးခွန်းထုတ်နေခဲ့ကြတယ်လို့ ပို့ဆောင်ရေးလုပ်ငန်းမှ အမည်မဖော်လိုသူ သတင်းရင်းမြစ်က ပြောပါတယ်။

▪️ ယူကရိန်းနဲ့ထိစပ်တဲ့ ခါ့စ်ဒေသမှာ ၂၀၂၂ ခုနှစ်က ဒေါ်လာ ၂၄၆ သန်းကို မှန်ကန်စွာ အသုံးပြုခြင်းရှိမရှိ စုံစမ်းစစ်ဆေးခဲ့ကြတာ ဖြစ်ပါတယ်။

▪️ ရုရှားစုံစမ်းစစ်ဆေးရေးကော်မတီက စတယ်ရိုဗွိုက်ဆုံးပါးရတဲ့ အခြေအနေနဲ့ ပတ်သက်ပြီး လုပ်ဆောင်နေပါတယ်။

▪️ စတယ်ရိုဗွိုက်ပိုင်ဆိုင်တဲ့ ပစ္စတိုကို အလောင်းဘေးမှာတွေ့ရှိရတယ်လို့ မီဒီယာအမျိုးမျိုးက ဖော်ပြထားပါတယ်။

▪️ ရုရှားမီဒီယာအချို့ဖော်ပြချက်အရ အလောင်းကို သူ့ကားအနီး ချုံပုတ်ထဲမှာ ဦးခေါင်းပစ်ခံရတဲ့အခြေအနေမျိုး မြင်တွေ့ခဲ့တယ်လို့လည်း ပြောနေကြပါတယ်။

▪️ စတယ်ရိုဗွိုက်ဟာ ၂၀၂၄ မေလက ပို့ဆောင်ဆက်သွယ်ရေးအဖြစ် တာဝန်မယူခင်မှာ ခါ့စ်ဒေသအုပ်ချုပ်ရေးမှူးအဖြစ် ၅ နှစ်နီးပါး တာဝန်ထမ်းဆောင်ခဲ့ပါတယ်။

▪️ အုပ်ချုပ်ရေးမှူးနေရာ ဆက်ခံတဲ့ အဲလက်ဆီစမီယာ‌‌နော့ဗ်က ငွေအလွဲသုံးစားလုပ်တယ်လို့ စွပ်စွဲခံရသလို စတယ်ရိုဗွိုက်ကိုလည်း ဒီကိစ္စမှာ ပါဝင်တယ်လို့ ပြောထားပါတယ်။

#Source: Reuters

စစ်ကိုင်းတိုင်းရှိ မုံရွာနဲ့မော်လိုက်မြို့တွေမှာ ချင်းတွင်းမြစ်ရေနှစ်ရက်အတွင်းစိုးရိမ်ရေမှတ်ရောက်ရှိနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီကနေ့မနက်မှာထုတ်ပြန်တဲ့ ရေကြီးခြင်း သတိပေးချက်အရ သိရပါတယ်။
#Local_News
Published 8 July 2025
#မုံရွာနှင့်မော်လိုက် #စိုးရိမ်ရေမှတ်ရောက်ရှိ
#YMG/NN #Yangon_Times

မြန်မာနိုင်ငံကြက်ခြေနီအသင်း(MRCS)အနေနဲ့ ငလျင်ဘေးသင့်ပြည်သူတွေကို ငလျင်ပြန်လည် ထူထောင်ရေး ၂နှစ်တာကာလအတွင်းဆက်လက် ကူညီပေးသွားမယ်လို့ သိရပါတယ်။
#Local_News
Published 8 July 2025
#MRCS #မြန်မာနိုင်ငံကြက်ခြေနီအသင်း
#YMG/SW #Yangon_Times

EV လျှပ်စစ်သုံးကားတွေကို အာမခံချက်ရှိတဲ့ ရောင်းချမှု ၊ လျှပ်စစ်မီး မှန်တာ၊ အားသွင်းရုံလုံလောက်တာတွေပြည့်စုံပါက သုံးစွဲသူတွေ ပိုစိတ်ဝင်စား လာကြပြီး ဝယ်ယူသူတွေပိုများလာနိုင်သလို ဈေးကွက်လည်း ပိုကောင်းလာနိုင်တယ်လို့ ရန်ကုန်တိုင်းဒေသကြီး မော်တော်ယာဉ် ထုတ်လုပ်ရေးနှင့် ဖြန့်ဖြူးရောင်းချရေး လုပ်ငန်းရှင်များအသင်းက သိရပါတယ်။
#Local_News
Published 8 July 2025
#EVကားဈေးကွက် #မော်တော်ယာဉ်ထုတ်လုပ်ရေး
#YMG/NN #Yangon_Times

#Local_News
Published 8 July  2025

▪️ ကိုဗစ်-၁၉ ရောဂါ ဓာတ်ခွဲအတည်ပြုလူနာသစ် သုံးဦးတွေ့ရှိခဲ့ပြီး နာတာရှည်ရောဂါနှင့် အသက်အရွယ်ကြီးသူများကာကွယ်ဆေး ထိုးနှံရန်တိုက်တွန်းထားကြောင်း ကျန်းမာရေးဝန်ကြီးဌာန၊ပြည်သူ့ကျန်းမာရေးဦးစီးဌာန၊ မြန်မာနိုင်ငံရောဂါကာကွယ်ထိန်းချုပ်ရေးဗဟိုဌာန(Myanmar CDC) ၏ ယမာန်နေ့ည ထုတ်ပြန်ချက်အရ သိရသည်။

▪️ ကျန်းမာရေးဝန်ကြီးဌာနသည် ကိုဗစ်-၁၉ ရောဂါစောင့်ကြပ်ကြည့်ရှုခြင်းလုပ်ငန်းများကို စဉ်ဆက်မပြတ် ဆောင်ရွက်လျက်ရှိရာ ဇွန် ၂၉ရက်နေ့၊ ည ၈နာရီမှ ဇူလိုင် ၆ရက်နေ့၊ ည ၈နာရီအထိ ရက်သတ္တပတ်အတွင်း ဓာတ်ခွဲနမူနာစုစုပေါင်း (၈၃၉)ခုအား စစ်ဆေးပြီးစီးခဲ့ရာ ကိုဗစ်-၁၉ ရောဂါ ဓာတ်ခွဲအတည်ပြုလူနာသစ်(၃)ဦး တွေ့ရှိရကြောင်း သိရသည်။

▪️ ထို့ကြောင့် ရောဂါပိုးတွေ့ရှိမှုရာခိုင်နှုန်းမှာ (၀.၃၆)ရာခိုင်နှုန်းဖြစ်ပြီး အစီရင်ခံကာလအတွင်း ပြင်းထန်လူနာ၊ အထူးကြပ်မတ်ကုသမှုပေးရသောလူနာနှင့် ကိုဗစ်-၁၉ ရောဂါဖြင့် သေဆုံးလူနာမရှိကြောင်း သိရသည်။

▪️ လတ်တလောတွင် မိမိတို့နိုင်ငံအတွင်း၌ ကိုဗစ်-၁၉ ရောဂါ ကူးစက်ဖြစ်ပွား/သေဆုံးမှုနှင့်စပ်လျဉ်း၍ စိုးရိမ်ဖွယ်ရာအခြေအနေမရှိသော်လည်း ရောဂါဖြစ်ပွားမှုမှ ကြိုတင်ကာကွယ်နိုင်ရန်အတွက် တစ်ကိုယ်ရေကာကွယ်ရေးနည်းလမ်းများကို လိုက်နာဆောင်ရွက်ရန်လိုအပ်ပြီး ရောဂါကူးစက်ခံရပါက ရောဂါပြင်းထန်နိုင်ခြေနှင့် အသက်ဆုံးရှုံးနိုင်ခြေမြင့်မားသည့် အသက်အရွယ်ကြီးသူများ (အသက် ၆၀ နှစ်နှင့်အထက်)၊ ဆီးချိုရောဂါ၊ နာတာရှည်အဆုတ်ရောဂါ၊ ကင်ဆာရောဂါရှိသူများ၊ ကိုယ်ဝန်ဆောင်မိခင်များ (ကိုယ်ဝန်ဆောင်ကာလ ၃ လနှင့်အထက်)ကို ဦးစားပေးအစီအစဉ်ဖြင့် ကိုဗစ်-၁၉ ရောဂါ ထပ်ဆောင်းကာကွယ်ဆေး ထိုးနှံပေးသွားမည်ဖြစ်ပါ၍ ကာကွယ်ဆေးထိုးနှံမှုခံယူကြရန် လိုအပ်ကြောင်း သိရသည်။

#YMG/NN #Yangon_Times

#Local_News
Published 8 July  2025

▪️ မွန်ပြည်နယ်၊ မုဒုံမြို့နယ်၌ ယနေ့မနက်ပိုင်းတွင် သားရေကွင်းမှိုင်းရုံတစ်ရုံ  မီးလောင်မှုဖြစ်ပွား ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင် ၈ ရက်နေ့၊ မနက် ၁နာရီ  ၄၅ မိနစ်အချိန်ခန့်က မွန်ပြည်နယ်၊  မော်လမြိုင်ခရိုင်၊ မုဒုံမြို့ကန်ကြီးရပ်၊ သတိပဌာန်(၆)လမ်းတွင် သားရေကွင်းမှိုင်းရုံ(၁)လုံးမီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် မုဒုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၂)စီး၊ ကမာဝက်နယ်မြေမီးသတ်စခန်းမှ မီးသတ်ရေသယ်ယာဉ်(၁)စီး၊  ညောင်ကုန်းကျေးရွာ အရန်မီးငြှိမ်းသတ်ယာဉ်(၁)စီး၊  သန္ဓေမီးသတ်တပ်ဖွဲ့ဝင်များနှင့် အရန်မီးသတ်တပ်ဖွဲ့ဝင်များ ဖြင့်သွားရောက်ငြှိမ်းသတ်ခဲ့ရာ  မနက် ၂ နာရီ ၁၇ မိနစ်အချိန် ၌ မီးငြိမ်းခဲ့ ကြောင်း သိရသည်။

#YMG/NN #Yangon_Times

#Local_News
Published 8 July 2025

▪️ ယမန်နေ့မနက်အစောပိုင်းက ရန်ကုန်-မန္တလေအမြန်လမ်းမကြီးပေါ်တွင် ခြောက်ဘီးကားတစ်စီး တိမ်းမှောက်မှုဖြစ်ပွါးခဲ့ကြောင်း အမြန်လမ်းမီးသတ်တပ်ဖွဲ့မှ သိရသည်။

▪️ (၇.၇.၂၀၂၅.ရက်နေ့၊ နံနက် ၀၅ နာရီ မိနစ်၄၀)အချိန်တွင် ရန်ကုန်-မန္တလေအမြန်လမ်းမကြီးမိုင်တိုင်အမှတ်(၆၆/၂-၃)ဖာလုံကြား၌ ယာဉ်မတော်ဆမှုဖြစ်ပွားကြောင်းသတင်း၍၊ အုတ်ရှစ်ကုန်းအမြန်လမ်းမီးသတ်စခန်းနှင့် အုတ်ရှစ်ကုန်းအမြန်လမ်းရဲစခန်းတို့မှ တာဝန်ရှိသူများ ကယ်ဆယ်ရေးလုပ်ငန်းများသွားရောက်ဆောင်ရွက်ခဲ့ကြောင်း သိရသည်။

▪️ ဖြစ်စဉ်မှာနေပြည်တော်ဘက်မှ ရန်ကုန်ဘက်သို့မောင်းနှင်လာသော၊ဂေါ်ဖီထုပ်များတင်ဆောင်မောင်းနှင်လာသော MITSUBISHI FUSO အမျိုးစား၊ ပြာ/စိမ်း/ခဲရောင်(၆)ဘီးယာဉ်သည် အဆိုပါမိုင်တိုင်အရောက်တွင် ယာဉ်မောင်းအိပ်ငိုက်ကာ အရှိန်မထိန်းနိုင်ဘဲ လမ်းယာဘက်မြေသားလမ်းအစပ်သို့ ရောက်ရှိပြီး လမ်းပေါ်သို့ပြန်လည်ဆွဲယူမောင်းနှင်စဉ်လမ်းမကြီးပေါ်ဘေးတစ်စောင်းတိမ်းမှောက်ရပ်တန့်သွားခဲ့ခြင်းဖြစ်ကြောင်း၊
ယာဉ်မတော်တဆမှုကြောင့်၊ ယာဉ်ပေါ်တွင်ယာဉ်မောင်းပါ ကျား(၂)ဦးတို့ထိခိုက်မှုမရှိခဲ့ကြောင်း သိရသည်။

#YMG/SW #Yangon_Times

#Local_News
Published 8 July 2025

▪️ ဂျပန်ဖောင်ဒေးရှင်းရန်ကုန် ၏ ဂျပန်ယဉ်ကျေးမှုစင်တာ (JFYG)မှ “အပြောစွမ်းရည်ကို သင်ကြားပေးမယ်” ဟူသည့် ခေါင်းစဉ်ဖြင့် ဂျပန်ဘာသာစကား သီးခြားစွမ်းရည် သင်ကြားရေးနည်းစနစ်သင်တန်းကို ဖွင့်လှစ်သွားမည်ဖြစ်ကြောင်း သိရသည်။

▪️ ယခုသင်တန်းတွင် ကျောင်းသားတို့၏ အပြောစွမ်းရည်ကို ပျိုးထောင်ပေးရန်အတွက် level အလိုက်မည်သည့်အချက်များကို အာရုံစိုက်ပြီး မည်သို့ပြုလုပ်နိုင်မည်ဟူသည့်အချက်များ လက်တွေ့ကျကျလေ့လာပြီး ဆရာများအနေဖြင့် အတန်းတွင်းပြုလုပ်နိုင်သည့်အရာများကို ရှာဖွေဖော်ထုတ်သွားကြမည်ဖြစ်ကြောင်း သိရသည်။

▪️ သင်တန်းကို ဇူလိုင်လ ၂၆ရက် (စနေ) မှ စက်တင်ဘာလ ၂၀ရက် (စနေ) အထိ အပတ်စဉ် စနေနေ့တိုင်း၊ မနက် ၉နာရီမှ ၁၂နာရီအထိ သင်ကြားမည်ဖြစ်ပြီးသင်တန်းကြေးအခမဲ့ဖြင့်(၈)ကြိမ်လုံး ဂျပန်ဖောင်ဒေးရှင်းရန်ကုန်သို ကိုယ်တိုင်လာရောက်တက်ရောက်နိုင်သူများ၊ မြန်မာလူမျိုးများအား ဂျပန်ဘာသာစကားသင်ကြားပေးနေသူများ JLPT N2 အထက်ရှိပြီး တက်ကြွစွာအကြံဉာဏ်များ ထုတ်နိုင်သူများ လျှောက်ထားတက်ရောက်နိုင်ကြောင်း သိရသည်။

▪️ သင်တန်းတက်ရောက်ရန် ယခုလ ၁၆ ရက်နောက်ဆုံးထားလျှောက်ထားရမည်ဖြစ်ပြီး သင်တန်းပြီးဆုံးကြောင်း လက်မှတ် (Certificate) ကို ၇ကြိမ်နှင့်အထက်တက်ရောက်ပြီး အတန်းပြီးဆုံးပြီးနောက်ကောက်ယူသည့် စစ်တမ်းကို ဖြေဆိုပြီးသူများကိုသာ ထုတ်ပေးမည်ဖြစ်ကြောင်း သိရသည်။

#YMG/SW #Yangon_Times

#Local_News
Published_8 July 2025

▪️ မြစ်ကြီးနားမြို့၊ စီတာပူရပ်ကွက်နှင့် ယုဇနရပ်ကွက် အတွင်းရှိ နေအိမ်များ အသံမိုင်းများဖြင့် ပစ်ခတ်တိုက်ခိုက်ခံရကြောင်း သိရသည်။

▪️ ယနေ့ ဇူလိုင်လ ၇ ရက် ညနေ ၃ နာရီ ၄၀ မိနစ်ခန့်တွင် ကချင်ပြည်နယ်၊ မြစ်ကြီးနားမြို့၊ စီတာပူရပ်ကွက်ရှိ ဒေါ်ဒွဲဘူ၏နေအိမ်ကိုလည်း ကောင်း၊ ညနေ ၃ နာရီ ၄၅ မိနစ်ခန့်တွင် ယုဇနရပ်ကွက်အတွင်းရှိ ဦးတူးဂျာ ၏ နေအိမ်ကို လည်းကောင်း အကြမ်းဖက်သမားများက အသံမိုင်းများဖြင့် လာရောက် ပစ်ခတ်ဖောက်ခွဲခဲ့ကြောင်း၊ ထိုသို့ပစ်ခတ်ခဲ့မှုကြောင့် နေအိမ်များရှိ ပြတင်းတံခါး မှန်များ အနည်းငယ်ပျက်စီးခဲ့ပြီး လူထိခိုက်မှုမရှိကြောင်း သိရသည်။

▪️ အထက်ပါဖြစ်စဉ်တွင် အကြမ်းဖက်လုပ်ရပ်များဆောင်ရွက်ခဲ့သည့် အကြမ်းဖက် သမားများနှင့် ပါဝင်ပတ်သက် သူများအား ဖော်ထုတ်ဖမ်းဆီး၍ ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သိရသည်။

#Yangon_Times/PP

#World_Science
Published 08 July 2025

▪️ ကြယ်တံခွန်တစ်ခုဟာ ကြယ်တစ်ခုနဲ့တစ်ခုကြား အာကာသမှ ကျွန်ုပ်တို့ရဲ့ နေစကြဝဠာနားကနေ ဖြတ်သန်းသွားမယ့်လမ်းကြောင်းပေါ် ရောက်နေတယ်လို့ အာကာသပညာရှင်များ တွေ့ရှိထားပါတယ်။

▪️ ဒီလိုမျိုး ကိုယ့်စကြဝဠာအပြင်ဘက်က အရာတွေ ဖြတ်သန်းသွားတာဟာ တတိယအကြိမ်မြောက် တွေ့ရှိတာဖြစ်ပြီး အရင်နှစ်ကြိမ်က Oumuamua နဲ့ Comet Borisov တို့ဖြစ်ပြီး ဒီလိုမျိုးအဖြစ်တွေက အလွန်ရှားပါးတာကြောင့် သိပ္ပံပညာရှင်များ စိတ်ဝင်စားနေကြပါတယ်။

▪️ ၂၀၁၇ ခုနှစ်က ပထမဆုံးအဖြစ် မတွေ့ခင်အထိ ကြယ်တွေကြားကအရာတွေအကြောင်း မသိရှိခဲ့ကြဘူးလို့ အောက်စ်ဖို့ဒ်တက္ကသိုလ်မှ နက္ခတ္တရူပပညာရှင် ခရစ္စလင်တော့က ပြောပါတယ်။

▪️ အခြားစကြဝဠာတွေဆီက အရာတွေထွက်ပေါ်လာတာဟာ ဒါတွေနဲ့ အလုပ်လုပ်နေသူတွေအတွက်တော့ စိတ်ဝင်စားစရာ ဖြစ်စေတယ်လို့ ပြောပါတယ်။

▪️ နာဆာက ဒီအရာကို ချီလီနိုင်ငံ ရီယိုဟာတာဒိုမှာ ATLAS တယ်လီစကုပ်ဖြင့် တွေ့ရှိခဲ့ပြီးနောက် 3I/ATLAS လို့ အမည်ပေးခဲ့ကြပါတယ်။

▪️ ဒီကြယ်တံခွန်ဟာ အခုအချိန်မှာ မိုင်ပေါင်းသန်း ၄၂၀ ကွာဝေးပြီး ကမ္ဘာတဝှမ်းမှ အာကာသပညာရှင်များက သူ့ရဲ့အရွယ်အစား၊ ပုံပန်းသွင်ပြင်များကို သိရဖို့ တယ်လီစကုပ်များဖြင့် အပြိုင်အဆိုင် ကြိုးပမ်းနေကြပါတယ်။

▪️ နာဆာပြောကြားချက်အရ ကြယ်တံခွန်ဟာ လျင်မြန်စွာ ရွေ့လျားနေပေမယ့် ကမ္ဘာဂြိုဟ်ကို အန္တရာယ်ပေးနိုင်မှာ မဟုတ်ဘူးလို့ ဆိုပါတယ်။

▪️ စက်တင်ဘာလမှာ မြေပြင်တယ်လီစကုပ်တွေကနေ မြင်နိုင်မှာဖြစ်ပေမယ့် နေလုံးနဲ့ နီးကပ်လွန်းမှာကြောင့် လေ့လာရန်ခက်ခဲမှာပါ။

▪️ ဒီဇင်ဘာလမှ ပြန်လည်ထွက်ပေါ်လာပြီး ပိုမိုလေ့လာခွင့်ရမှာ ဖြစ်ပါတယ်။

▪️ ထူးခြားဆန်းပြားတဲ့ လုပ်ဆောင်ချက်တွေပါဝင်တဲ့ Vera C.Rubin Observatory စခန်းသစ်ကြီးကြောင့် ကြယ်စင်စုကြားအရာတွေကို ပိုမိုတွေ့ရှိနိုင်တော့မှာ ဖြစ်ပါတယ်။

#Source: NPR

#World_Health
Published 08 July 2025

▪️ ဂျပန်လို Inemuri ဆိုတာက အသိစိတ်ရှိစွာဖြင့် အိပ်ပျော်ခြင်းကို ဆိုလိုပြီး ရထားပေါ်၊ ရုံးခန်းထဲ၊ အစည်းအဝေးထဲမှာပင် ခဏတာအိပ်စက်တာကို လက်ခံကျင့်သုံးကြပါတယ်။

▪️ ဒါဟာ အလုပ်ခွင်ကနေ ထွက်ပြေးချင်တဲ့သဘောမဟုတ်ဘဲ လူတစ်ယောက်က အလုပ်ထဲမှာ အာရုံနှစ်မြှုပ်ထားတာကြောင့် အနားယူချိန်ရရှိသင့်တဲ့သဘော ဖြစ်ပါတယ်။

▪️ ဒီလိုအနားယူခြင်းဖြင့် စိတ်ပိုင်းဆိုင်ရာ အကျိုးကျေးဇူးများစွာ ရရှိနိုင်တာကြောင့် Inemuri နည်းလမ်းကနေ ရရှိနိုင်မယ့်အရာများကို ဖော်ပြလိုက်ပါတယ်။

▪️ (၁) ဦးနှောက်ကို ပြန်လည်မြှင့်တင်နိုင်စွမ်းရှိကာ အာရုံစူးစိုက်မှုတိုးတက်စေပြီး ဦးနှောက်ရှုပ်ထွေးခြင်းကို လျှော့ချပေးပါတယ်။

▪️ (၂) အနားယူလိုက်တဲ့အခါ တွေးခေါ်ချင့်ချိန်နိုင်စွမ်းတိုးတက်စေပြီး ဆုံးဖြတ်ချက်ချခြင်းတွေမှာ ကောင်းမွန်စေပါတယ်။

▪️ (၃) ခဏတာအနားယူခြင်းဖြင့် ရေတိုမှတ်ဉာဏ်တွေကို ကြာရှည်သိမ်းဆည်းနိုင်ပြီး လေ့လာသင်ယူနိုင်စွမ်း တိုးတက်စေပါတယ်။

▪️ (၄) အလုပ်လုပ်ရင်း မောပန်းနွမ်းနယ်တာတွေကို အနားယူခြင်းဖြင့် သက်သာစေပြီး ဖိစီးမှုများကို လျှော့ချပေးနိုင်ကာ စိတ်တည်ငြိမ်စေပါတယ်။

▪️ (၅) အိပ်ရေးမဝတဲ့အခါ အသေးအဖွဲများကိုပါ စိတ်ပျက်လာစေသဖြင့် အနားယူခြင်းဖြင့် စိတ်ရှည်ခြင်း၊ လူမှုရေးနားလည်ခြင်းစိတ်တို့ တိုးတက်စေကာ ဆက်ဆံရေးကောင်းမွန်စေပါတယ်။

▪️ (၆) နာရီပေါင်းများစွာ မနားမနေ အလုပ်လုပ်တာထက်စာရင် ခဏတာအိပ်စက်ခြင်းဖြင့် အချိန်တိုအတွင်း အလုပ်တွေကို ထိရောက်စွာ ကောင်းကောင်းလုပ်နိုင်မှာ ဖြစ်ပါတယ်။

▪️ (၇) အနားယူခြင်းက ပျင်းရိတယ်ဆိုတဲ့ ယူဆချက်ကို ဖျောက်ဖျက်ပြီး ဒီလိုမျိုး အနားယူခြင်းက ကြိုးစားအားထုတ်မှုပြုလုပ်ရင်း ကျန်းမာရေးစက်ဝန်းကို ညီညွတ်မျှတစေပါတယ်။

▪️ (၈) ကိုယ့်ခန္ဓာကိုယ်ရဲ့ လုပ်နိုင်စွမ်းကန့်သတ်ချက်ကို လက်သင့်ခံနိုင်စေပြီး အလုပ်အပေါ် စိတ်အားထက်သန်မှုနဲ့ လက်တွေ့လုပ်ကိုင်နိုင်ခြင်းတို့ကို ထင်ဟပ်နေစေပါတယ်။

▪️ (၉) ခဏတာအနားယူလိုက်ရင် စိတ်အာရုံနိုးကြားလန်းဆန်းစေသဖြင့် အမှားအယွင်းများ ဖြစ်ခြင်းကို လျှော့ချနိုင်ပါမယ်။

▪️ (၁၀) ခဏတာအိပ်စက်တဲ့အခါ စိတ်ကူးကြံအသစ်များ ထွက်ပေါ်စေပြီး ဖန်တီးနိုင်စွမ်းကို မြှင့်တင်ပေးနိုင်ပါတယ်။

#Source: DoctorNDTV

၈ ဇူလိုင် ၂၀၂၅

အမေရိကန်သမ္မတ ဒေါ်နယ်ထရမ့်က နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ထံ မြန်မာနိုင်ငံမှ အမေရိကန်သို့ တင်ပို့မည့် ပို့ကုန်များအတွက် အကောက်ခွန်နှုန်းထားကို ဩဂုတ် ၁ရက်နေ့မှစ၍ ၄၀ ရာခိုင်နှုန်းကောက်ခံမည်ဖြစ်ကြောင်း အကြောင်းကြားစာကို ယနေ့ ပေးပို့လိုက်ပါတယ်။

ယခင်က ၄၅ ရာခိုင်နှုန်းဟုကြေညာခဲ့ရာမှ ၄၀ ရာခိုင်နှုန်းသို့ပြောင်းလဲခဲ့ခြင်းဖြစ်ပါတယ်။

ထရမ့်ဟာ မြန်မာနိုင်ငံအပါအဝင် ဂျပန်၊တောင်ကိုရီးယားနှင့် နိုင်ငံအချို့က နိုင်ငံခေါင်းဆောင်များထံ အခွန်နှုန်းထားအသစ်ဖြင့် စတင်ကောက်ခံတော့မည့် အလားတူစာများကို တစ်ပြိုင်နက်ပေးပို့ခဲ့ပြီး အဆိုပါစာများကို ထရမ့်က သူ့ရဲ့ Truth Social ပလက်ဖောင်းတွေင်ပို့စ်များတင်ခဲ့တာဖြစ်ပါတယ်။