20 June, 2026
Myanmar President U Min Aung Hlaing made the comments in an interview with China Media Group in Beijing on Wednesday, during his five-day state visit to China which ended on Friday. The trip marked his 13th visit to the country and his first since assuming the office of president.
Source CCTV+

#Daily_News
Published 20 June 2026

၁။‌ YouthHackathon 2026အတွက် အသက်(၁၈)နှစ်မှ(၃၀)နှစ်အတွင်း လူငယ်များယှဉ်ပြိုင်ရန်ဖိတ်ခေါ်

‌‎၂။ ‌‌‌‌စက်သုံးဆီဈေးနှုန်းများ ဆက်တိုက်ကျဆင်းနေ

‎၃။‌‌‎ ရှမ်းတောင်သူများနှင့်စားသောက်ကုန်လုပ်ငန်းရှင်များကို တိုက်ရိုက်ချိတ်ဆက်ပေးနေ

၄။‎ ‌‌‌‌‌‌‌‌‌လျှပ်စစ်လယ်ယာစက်ပစ္စည်းများပထမဆုံးကွင်းဆင်းစမ်းသပ်မှု တရုတ်အောင်မြင်စွာပြီးမြောက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 20 June 2026

■ နိုင်ငံသားစိစစ်ရေးကတ်ပြားအမှတ်များ ထပ်ခြင်းနှင့်ပတ်သက်၍တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး အဋ္ဌမနေ့၌ ရှမ်းပြည်နယ်အမျိုးသားလွှတ်တော် ကိုယ်စားလှယ်မှ မေးခွန်းထုတ်ခဲ့ကြောင်းသိရသည်။

■ ယမာန်နေ့ မနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ အမျိုးသားလွှတ်တော် အစည်းအဝေးခန်းမ၌ ကျင်းပသည့်တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး အဋ္ဌမနေ့၌ ရှမ်းပြည်နယ်အမျိုးသားလွှတ်တော် ကိုယ်စားလှယ်အမှတ် (၁၀) စိုင်းဝင်းခိုင်က မေးမြန်းခဲ့ခြင်းဖြစ်သည်။

■ ရှမ်းပြည်နယ်အမျိုးသားလွှတ်တော် ကိုယ်စားလှယ်အမှတ် (၁၀) စိုင်းဝင်းခိုင်က နိုင်ငံသားစိစစ်ရေးကတ်ပြားအမှတ်များ အဘယ်ကြောင့်ထပ်သည့်ကိစ္စဖြစ်ပေါ်ရပါသနည်း၊ ထိုကဲ့သို့ ထပ်နေသည့်ကတ်ပြားအမှတ်ဦးစွာရရှိသူအား မည်ကဲ့သို့စိစစ်၍ ၎င်း၏ နိုင်ငံသားအခွင့်အရေး မဆုံးရှုံးစေရန်အတွက် ကာကွယ်စောင့်ရှောက်ပေးနိုင်သနည်း၊ မသမာမှုကြောင့် နိုင်ငံသားစိစစ်ရေးကတ်ပြားအမှတ်ထပ်ရသည်ကို စိစစ်တွေ့ရှိရပါက မည်သို့အရေးယူဆောင်ရွက်မည်တို့ကိုသိရှိလိုခြင်း မေးခွန်းကိုတင်သွင်း ခဲ့ကြောင်းသိရသည်။

■ အဆိုပါ မေးခွန်းနှင့်ပတ်သက်၍ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်က နိုင်ငံသားနံပါတ်တစ်ခုတည်းကို လူပုဂ္ဂိုလ်နှစ်ဦးအား နံပါတ်ထပ်၍ ထုတ်ပေးထားခြင်းကြောင့် ကာယကံရှင်များမှလည်း အဆိုပါနိုင်ငံသားနံပါတ်ဖြင့် ပညာရေး၊ စီးပွားရေး၊ လူမှုရေးတို့တွင် အသုံးပြုထားသဖြင့် အခက်အခဲမရှိစေရန်အတွက် ထုတ်ပေးထားသည့် နိုင်ငံသားနံပါတ်များအား ရုံးလက်ခံနိုင်ငံသားကိုယ်ရေးမှတ်တမ်းဖြင့် ပြန်လည်စိစစ်ခြင်း၊ သဘောရိုးဖြင့်မှားယွင်း၍ ထုတ်ပေးထားခြင်း ဟုတ်မဟုတ် စစ်ဆေးခြင်း၊ ထုတ်ပေးထားသူများသည် မြန်မာနိုင်ငံသားဥပဒေနှင့်အညီ နိုင်ငံသားအရည်အချင်းအရ အထောက်အထားခိုင်မာစွာဖြင့် ထုတ်ပေးခြင်း ရှိ/မရှိ စစ်ဆေးခြင်း၊ ဝန်ထမ်းမှ မရိုးဖြောင့်သောနည်းဖြင့် ထုတ်ပေးထားခြင်း ရှိ/မရှိ စစ်ဆေးခြင်းတို့ ဆောင်ရွက်ခဲ့ပါကြောင်းပြောကြားခဲ့သည်။
 
■ ထိုသို့ ဖြေရှင်းဆောင်ရွက်ပေးရာတွင် နိုင်ငံသားနံပါတ်တစ်ခုတည်းဖြင့် ထုတ်ပေးထားသော နိုင်ငံသား စိစစ်ရေးကတ်ပြားများသည် မှန်ကန်စွာထုတ်ပေးထားသော ကတ်ပြားများဖြစ်ပါက နံပါတ်ပေးသည့် စာအုပ်တွင်ဖော်ပြထားသူအား အတည်ပြုပေးပြီး ကျန်တစ်ဦးအား နံပါတ်အသစ်ဖြင့်လည်းကောင်း၊ နံပါတ်ပေးသည့်စာအုပ်တွင် နှစ်ဦးစလုံးအား နိုင်ငံသားနံပါတ်တူညီစွာ မှတ်တမ်းသွင်းထားပါက နံပါတ်ထပ်နေသူနှစ်ဦးအား တွေ့ဆုံညှိနှိုင်းစေ၍ စောစွာထုတ်ယူသူအားအတည်ပြုပြီး ကျန်တစ်ဦးအား နိုင်ငံသားနံပါတ်အသစ်ရယူစေခြင်းဖြင့်လည်းကောင်း နိုင်ငံသားနံပါတ်ကို အတည်ပြုဆောင်ရွက် ပေးလျက်ရှိပါကြောင်း၊ ထို့ပြင် တစ်ဦးသည် ယင်းနိုင်ငံသားနံပါတ်ဖြင့် ဘွဲ့လက်မှတ်၊ ဝန်ထမ်းပင်စင်စာအုပ်များတွင် အသုံးပြုထား၍ ကျန်တစ်ဦးမှာ အသုံးမပြုပါက ယင်းပုဂ္ဂိုလ်အား နံပါတ်အသစ်ထုတ်ပေးပြီး ယခင်နိုင်ငံသားနံပါတ်အဟောင်းကို ပညာရေး၊ စီးပွားရေး၊ ရုံးဌာနများနှင့်ဆက်စပ်သည့်နေရာများတွင် သုံးစွဲထားပါက အခက်အခဲမရှိစေရန်အတွက် နံပါတ်အသစ်ဖြင့်ထုတ်ပေးသည့် နိုင်ငံသားစိစစ်ရေးကတ်ပြား၏ နောက်ကျောတွင် ယခင် ကိုင်ဆောင်ခဲ့သော နိုင်ငံသားစိစစ်ရေးကတ်ပြားအမှတ်ဟုရေးသွင်း၍ မူလနံပါတ်အားဖော်ပြပေးပြီး မြို့နယ်ဦးစီးမှူးမှ အတည်ပြုလက်မှတ်ရေးထိုးပေးပါကြောင်း ပြန်လည် ဖြေကြားခဲ့ကြောင်းသိရသည်။

#YMG/NN #Yangon_Times

#World_Science
Published 20 June 2026

■ အမေရိကန် အရှေ့ကမ်းရိုးတန်း ပင်လယ်ကြမ်းပြင်အောက်မှာ ကျယ်ပြန့်တဲ့ ရေချိုစနစ်တစ်ခုကို သိပ္ပံပညာရှင်များ မှတ်တမ်းတင်တွေ့ရှိခဲ့ပါတယ်။

■ IODP³-NSF Expedition 501 လို့ခေါ်တဲ့ စီမံကိန်းကြီးထဲမှာ နိုင်ငံ ၁၃ နိုင်ငံမှ သိပ္ပံပညာရှင်အယောက် ၄၀ ပါဝင်ပြီး နယူးအင်္ဂလန်ကမ်းရိုးတန်းသို့ သွားကာ ပင်လယ်ကြမ်းပြင် ဖောက်ထွင်းပြီးနောက် နမူနာများကို ထုတ်ယူခဲ့ကြပါတယ်။

■ ပင်လယ်ရေအောက် မီတာ ၂၀၀ ခန့်အကွာမှာ ရေချိုများစိမ့်ဝင်နေတဲ့ အနည်အနှစ်အလွှာတစ်ခု ရှိနေကြောင်း ဖော်ထုတ်နိုင်ခဲ့ပါတယ်။

■ သုတေသီတွေက ရေသက်တမ်း၊ မြစ်ဖျားခံရာနဲ့ ပတ်ဝန်းကျင်ရှိ ပင်လယ်ရေထိတွေ့တုံ့ပြန်မှုများကို စစ်ဆေးနေကြပြီး ရေခဲပြင်ခေတ် ဒါမှမဟုတ် ပင်လယ်ရေမျက်နှာပြင် နိမ့်ကျခဲ့တဲ့ အချိန်တွေတည်းက ဖြစ်နိုင်တယ်လို့ ယူဆနေကြပါတယ်။

■ ဒီရှာဖွေတွေ့ရှိမှုက ကမ္ဘာ့ရေရှားပါးမှုပြဿနာကို ဖြေရှင်းရန် ပင်လယ်ရေအောက်ရှိ ရေချိုသိုလှောင်မှုများကို အသုံးပြုနိုင်မယ့် အလားအလာ မြှင့်တင်နိုင်ပေမယ့် မရေမရာမှုများစွာ ရှိနေပါသေးတယ်။

■ လက်ရှိမှာ ကမ္ဘာ့လူဦးရေ တဝက်လောက်က အချို့သောနှစ်တွေမှာ ရေရှားပါးပြတ်လပ်မှု ဆိုးဆိုးရွားရွား ကြုံတွေ့နေရပါတယ်။

■ ရာသီဥတုပြောင်းလဲမှုနဲ့ လူဦးရေတိုးပွားမှုတို့ကြောင့် ရေရှားပါးမှုပြဿနာ ပိုမိုဆိုးရွားလာသဖြင့် ဒီလိုမျိုး ရေသိုလှောင်မှုတွေ ရှာဖွေတွေ့ရှိခြင်းက အရေးကြီးတဲ့ကဏ္ဍက ပါဝင်လာနိုင်ပါတယ်။

Source: IFL Science

#World_Health
Published 20 June 2026

■ နှလုံးအင်္ဂါနဲ့ ပတ်သက်လာရင် သွေးဖိအားများခြင်း၊ နှလုံးဖောက်ခြင်း၊ သွေးကြောပိတ်ဆို့ခြင်း၊ နှလုံးရပ်ခြင်း စတဲ့ရောဂါတွေ ရှိပါတယ်။

■ နှလုံးဆိုတာက ဝန်ထုပ်ဝန်ပိုး အမြဲရှိနေပြီး အရေးပါတဲ့အင်္ဂါဖြစ်ပေမယ့် ကင်ဆာဖြစ်နိုင်ခြေမှာတော့ အနည်းဆုံးတွေထဲ ပါဝင်ပါတယ်။

■ နှလုံးက လူ့ခန္ဓာကိုယ်ထဲမှာ ကင်ဆာခံနိုင်ရည်အရှိဆုံး အင်္ဂါတွေထဲက တစ်ခုဖြစ်ပြီး နှလုံးကင်ဆာရောဂါဆိုတာ ရှားပါးလွန်းတယ်လို့ နှလုံးရောဂါအထူးကု ဒေါက်တာ ယာရာနော့ဗ်က ပြောပါတယ်။

■ နှလုံးရဲ့ စွမ်းအင်မြင့်မားမှု၊ အောက်ဆီဂျင်ကြွယ်ဝမှု၊ အဆက်အပြတ် သွေးစီးဆင်းမှုတို့က အကျိတ်ဖြစ်ပေါ်မှုကို အဟန့်အတား ဖြစ်စေပါတယ်။

■ ဒါပေမဲ့ ဒါဟာ နှလုံးကင်ဆာကို အပြည့်အဝ ကာကွယ်ပေးတဲ့သဘောမဟုတ်ဘဲ ဆေးလိပ်သောက်ခြင်း၊ အဝလွန်ခြင်း၊ အာဟာရဓာတ်ချို့တဲ့ခြင်း၊ ကိုယ်လက်လှုပ်ရှားမှု မရှိခြင်း၊ နာတာရှည်ရောင်ရမ်းခြင်း စတဲ့အလေ့အကျင့်တွေက ကင်ဆာဖြစ်နိုင်ခြေ များစေနိုင်ပါတယ်။
အရေပြား၊ အဆုတ်၊ အစာခြေလမ်းကြောင်းတို့မှ တစ်ရှူးတွေကတော့ အဆက်မပြတ် သူ့အလိုလို အသစ်ဖြစ်နေပြီး ခဏခဏ ဆဲလ်ကွဲခြမ်းနေတာကြောင့် ကင်ဆာဖြစ်စေတဲ့ ဗီဇပြောင်းလဲမှုတွေ ဖြစ်နိုင်ခြေ များစေပါတယ်။

■ နှလုံးအကျိတ်ဖြစ်နိုင်ခြေရှိတဲ့ လက္ခဏာတွေထဲမှာ ကိုယ်နေဟန်ထားကြောင့် အသက်ရှူမဝခြင်း၊ အကြောင်းအရင်းမရှိဘဲ မူးလဲခြင်း၊ နှလုံးခုန်မမှန်ခြင်း၊ လေဖြတ်ခြင်းလိုမျိုး လက္ခဏာများ၊ ပင်ပန်းနွမ်းနယ်ခြင်း ဖျားနာခြင်းတို့လို ယေဘုယျလက္ခဏာများ ပါဝင်ပြီး ဒါတွေက နှလုံးအကျိတ်တစ်မျိုးတည်းကြောင့် ဖြစ်ပွားတာမျိုးတွေတော့ မဟုတ်ပါဘူး။

Source: Indian Express

#World_News
Published 20 June 2026

■ အမေရိကန်သမ္မတ ဒေါ်နယ်ထရမ့်က အလေးစားဆုံး ကမ္ဘာ့ခေါင်းဆောင်များထဲမှာ အိန္ဒိယဝန်ကြီးချုပ် နရန်ဒရာမိုဒီနဲ့ တရုတ်သမ္မတ ရှီကျင့်ဖျင်တို့ကို ထည့်သွင်းပြောကြားခဲ့ပြီး ယင်းတို့ရဲ့ ခေါင်းဆောင်မှုစွမ်းရည်၊ နိုင်ငံရေးအင်အားနဲ့ ကမ္ဘာ့ဇာတ်ခုံအပေါ် လွှမ်းမိုးနိုင်မှုတို့ကို ချီးကျူးပြောဆိုခဲ့ပါတယ်။

■ The Axios Show နဲ့ အင်တာဗျူးမှာ နိုင်ငံတကာ ခေါင်းဆောင်များအနက် သူအလေးစားရဆုံး ပုဂ္ဂိုလ်နှစ်ဦးကိုဖော်ပြရန် ထရမ့်ကို မေးမြန်းခဲ့ရာ သူက ရှီကျင့်ဖျင်နဲ့ ဝန်ကြီးချုပ် မိုဒီတို့ကို ရည်ညွှန်းပြောဆိုခဲ့ပါတယ်။

■ ရှီကျင့်ဖျင်နဲ့ ပတ်သက်လာရင် ခေါင်းဆောင်မှုအပိုင်းမှာ အမှန်တကယ် လေးစားထိုက်ပြီး မိုဒီကလည်း အလွန်တော်တယ်လို့ ဖြေကြားခဲ့ပါတယ်။

■ ကမ္ဘာ့အရေးမှာ အိန္ဒိယရဲ့ အရေးပါလာပုံကို ညွှန်းထားပြီး အိန္ဒိယလူဦးရေ ၁ ဘီလီယံခွဲအပေါ် အကောင်းဆုံး ခေါင်းဆောင်နိုင်သူလို့ ချီးကျူးခဲ့ပါတယ်။

■ ထိုခေါင်းဆောင်နှစ်ဦးလိုမျိုး ဘယ်မှာမှ ရှာမတွေ့နိုင်ဘူးလို့ မှတ်ချက်ပြုပါတယ်။

■ မိုဒီမတိုင်ခင် အိန္ဒိယခေါင်းဆောင်ပိုင်း မကြာခဏအာဏာပြောင်းလဲခဲ့တာကိုလည်း ဆိုပါတယ်။

■ မိုဒီက လူတွေကို သူရဲ့အစွမ်းသတ္တိနဲ့ ခိုင်မာပြတ်သားပြီး ထူးထူးခြားခြား ခက်ထန်တဲ့ ညှိနှိုင်းဆွေးနွေးသူတစ်ဦးအဖြစ် ဖော်ပြခဲ့ပါတယ်။

■ အဆိုပါမှတ်ချက်တွေကို ပြင်သစ်မှာ ပြုလုပ်ခဲ့တဲ့ G7 ထိပ်သီးအစည်းအဝေး တွေ့ဆုံပြီးနောက် ထွက်ပေါ်လာတာ ဖြစ်ပါတယ်။

Source: Reuters

#World_Health
Published 19 June 2026

■ စားစရာတွေက ဦးနှောက်အတွက် တိုက်ရိုက်လမ်းညွှန်ပေးနိုင်ပြီး အာဟာရဓာတ်တွေ မှန်ကန်အောင် စားသုံးပေးပါက အာရုံစူးစိုက်မှု ပိုမိုထက်မြက်စေကာ စိတ်ပိုင်းဆိုင်ရာ ထက်မြက်စေပါတယ်။

■ ဦးနှောက်က ခန္ဓာကိုယ်စွမ်းအင်ရဲ့ ၂၀ ရာခိုင်နှုန်းလောက် အသုံးချတာကြောင့် အာဟာရချို့တဲ့ရင် စိတ်ပိုင်းဆိုင်ရာ တိုက်ရိုက်ပင်ပန်းနွမ်းနယ်စေပါတယ်။

■ ကျန်းမာရေးညီညွတ်တဲ့ အဆီများ၊ ဓာတ်တိုးဆန့်ကျင်ပစ္စည်းများက ဦးနှောက်လုပ်ဆောင်ချက်အတွက် ထောက်ကူပေးနိုင်မှာ ဖြစ်ပါတယ်။

■ (၁) အဆီပါသောငါးနှင့် အိုမီဂါ-၃ဖက်တီးအက်ဆစ်
အဆီပါတဲ့ငါးတွေကို အနည်းဆုံး ၁ ပတ် ၂ ကြိမ်ခန့် စားပေးခြင်းဖြင့် မှတ်ဉာဏ်ဆုတ်ယုတ်မှုကို နှေးစေနိုင်ပါတယ်။

■ (၂) ဘယ်ရီသီးများ
ဓာတ်တိုးဆန့်ကျင်ပစ္စည်းများ ကြွယ်ဝပြီး သွေးစီးဆင်းမှု ကောင်းစေကာ ဓာတ်တိုးဖိစီးခြင်း လျော့ကျစေတဲ့အပြင် အာရုံကြောမျှင်များ ရေရှည်ထိခိုက်ခြင်းမှ ကာကွယ်ပေးပါတယ်။

■ (၃) ချောကလက်နှင့်ကိုကိုး
ဖလေဗိုနွိုက်၊ ကဖင်း၊ သီယိုဘရိုမင်းတို့ ပါဝင်တာကြောင့် ဦးနှောက်သွေးစီးဆင်းမှုနဲ့ နိုးကြားမှု ကောင်းစေပါတယ်။

■ (၄) ကြက်ဥနှင့်ကိုလင်း
မှတ်ဉာဏ်နဲ့ စိတ်အခြေအနေအတွက် အဓိကကျတဲ့ ကိုလင်းက ကြက်ဥမှာ အများဆုံးပါဝင်ကာ တစ်နေ့ကို ကြက်ဥအကြီးတစ်လုံးဆိုရင် လုံလောက်ပါတယ်။

■ (၅) အစိမ်းရောင်အရွက်များ
ဟင်းနုနွယ်၊ ကိုက်လံ၊ ပန်းဂေါ်ဖီစိမ်းတို့မှာ ဖောလိတ်၊ ဗိုက်တာမင်-ကေ၊ လူတိန်း၊ ဘီတာကယ်ရိုတင်းတို့ ကြွယ်ဝတာကြောင့် ဦးနှောက်ဆဲလ်ဖွဲ့စည်းမှု၊ လုပ်ဆောင်ချက်များကို ကူညီပေးပါတယ်။

■ (၆) အခွံမာသီး၊ အစေ့အဆန်၊ ဂျုံပြောင်းသီးနှံ
ဦးနှောက်ဆဲလ်များ ဓာတ်တိုးဖိစီးခြင်းမှ ကာကွယ်ပေးကာ တစ်နေ့တာလိုအပ်တဲ့ စွမ်းအင်တွေကို ထိန်းသိမ်းပေးပါတယ်။

Source: Style Rave

#World_Health
Published 19 June 2026

■ လူသုံးများတဲ့ ဆီးချိုဆေး မက်ဖော်မင်ဟာ ဆီးချိုရောဂါ ထိန်းချုပ်စေနိုင်ရုံမကဘဲ အသက်ကြီးလာတဲ့အခါမှာလည်း အထောက်အကူ ဖြစ်စေနိုင်တယ်လို့ လေ့လာချက်တစ်ခုမှာ တွေ့ရှိထားပါတယ်။

■ ဒါ့အပြင် သက်ကြီးအမျိုသမီးတွေမှာ အသက် ၉၀ လောက်အထိ နေရနိုင်ခြေ ပိုများစေနိုင်ဖွယ် ရှိပါတယ်။

■ အမေရိကန်နဲ့ ဂျာမနီတို့မှ သိပ္ပံပညာရှင်တွေက မီးယပ်သွေးဆုံးပြီးသား အမျိုးသမီး ၄၃၈ ဦးကို လေ့လာခဲ့ကြကာ လူတဝက်လောက်က မက်ဖော်မင်ဆေး အသုံးပြုပြီး နောက်တဝက်လောက်က အခြားဆီးချိုဆေးတစ်ခုဖြစ်တဲ့ ဆာဖိုနိုင်ယူရီယာ အသုံးပြုခဲ့ကြပါတယ်။

■ ထိုအခါမှာ ဆာဖိုနိုင်ယူရီယာ အသုံးပြုသူတွေထက်စာရင် မက်ဖော်မင်အသုံးပြုသူတွေက အသက် ၉၀ မတိုင်ခင် အသက်ဆုံးပါးနိုင်ခြေ ၃၀ ရာခိုင်နှုန်း ပိုနည်းတာကို တွက်ချက်တွေ့ရှိခဲ့ကြပါတယ်။

■ မက်ဖော်မင်ဆေးကို အိုမင်းရင့်ရော်မှုဖြစ်စဉ်များမှ တားဆီးပေးခြင်း၊ DNA ပျက်စီးမှုမှ လျှော့ချခြင်း၊ အသက်ရှည်စေခြင်းတို့မှာ ကူညီတဲ့ဆေးအဖြစ် သတ်မှတ်ထားပါတယ်။

■ ဒါပေမဲ့ ဒီလေ့လာချက်မှာ အကန့်အသတ်တွေရှိနေပြီး ကျပန်းရွေးချယ်မှု မရှိခြင်း၊ နမူနာအစမ်းသပ်ခံ နည်းပါးခြင်း၊ အသက် ၆၀ နဲ့အထက် မီးယပ်သွေးဆုံးပြီးအမျိုးသမီးတွေကိုသာ ဦးစားပေးခြင်းတို့ ပါဝင်နေပါတယ်။

■ ၁၄-၁၅ နှစ်တာလောက် စောင့်ကြည့်လေ့လာခဲ့တာဖြစ်ပြီး လူ့သက်တမ်းအပေါ်မှာ မက်ဖော်မင်ရဲ့ သက်ရောက်နိုင်စွမ်းကို စမ်းသပ်သိရှိခွင့် ရခဲ့ပါတယ်။

■ အသက်အရွယ်နဲ့ သက်တမ်းအပေါ် သက်ရောက်မှုတွေကို အတည်ပြုနိုင်ဖို့ နောက်ထပ်လေ့လာမှုတွေ လိုအပ်ပါသေးတယ်။

■ ဇီဝဖြစ်စဉ်ရင့်ရော်မှု နှေးစေခြင်းက အသက်အရွယ်အရ ရောဂါများနဲ့ မသန်စွမ်းမှုများ တားဆီးပေးနိုင်မယ်ဆိုတဲ့ ယူဆချက်နဲ့လည်း ကိုက်ညီနေပါတယ်။

Source: Science Alert

ဖီဖာကမ္ဘာ့ဖလားပြိုင်ပွဲ ကြည့်ရှုတဲ့ပုံစံနဲ့ ပတ်သက်ပြီး တရုတ်မှာ ရုပ်ရှင်ရုံတွေသို သွားရောက်ပြီး လူအများနဲ့ စိတ်လှုပ်ရှားစွာ ကြည့်နိုင်ခြင်း၊ ရုပ်ရှင်ရုံအဆင့် အသံနဲ့ရုပ်ထွက်စနစ်များဖြင့် ကြည့်ရှုနိုင်ခြင်းတို့ ရရှိနေပါပြီ။

#Asia_Technology
Published 18 June 2026
#ဖီဖာကမ္ဘာ့ဖလားပြိုင်ပွဲ #ကမ္ဘာ့ဖလားဘောလုံးပွဲစဉ်
#YMG #Yangon_Times #Yangon_Media_Group

မြန်မာမှုလက်ရာတစ်ခုဖြစ်တဲ့ ယွန်းထည်လုပ်ငန်းဈေးကွက်ဟာ (၈၀)ရာခိုင်နှုန်းခန့်အထိကျ‌ဆင်းနေတယ်လို့ ယွန်းထည်လုပ်ငန်းတွေက
တဆင့်သိရပါတယ်။

#Local_News
Published 18 June 2026
#ယွန်းထည် #
#YMG/SW #Yangon_Times

#Local_News
Published_18 Jun 2026

■ တရုတ်နိုင်ငံသမ္မတ မစ္စတာရှီကျင့်ဖျင်၏ ဖိတ်ကြားချက်အရ တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသော နိုင်ငံတော်သမ္မတ ဦးမင်းအောင်လှိုင်သည် ယနေ့ ဇွန်လ ၁၈ ရက် ညပိုင်းတွင် ရှန်ဟိုင်းမြို့မှ G253 အမြန်ရထားဖြင့် တရုတ်နိုင်ငံ၊ ဟန်ကျိုးမြို့သို့ရောက်ရှိခဲ့ကြောင်း သိရသည်။

■ နိုင်ငံတော်သမ္မတသည် ရှန်ဟိုင်းမြို့ရှိ Hongqiao Railway Station မှ ထွက်ခွာလာသော G253 အမြန်ရထားဖြင့် လိုက်ပါစီးနင်းလာခဲ့ခြင်းဖြစ်ပြီး ဟန်ကျိုးမြို့ရှိ အရှေ့ဟန်ကျိုးဘူတာ (ဟန်ကျိုးတုန်း) သို့ ရောက်ရှိခဲ့ခြင်းဖြစ်သည်။

■ အရှေ့ဟန်ကျိုးဘူတာသည် ခေတ်မီဒီဇိုင်းဖြင့် တည်ဆောက်ထားသော တရုတ်နိုင်ငံ၏ အဓိကအမြန်ရထားဘူတာကြီးများအနက် တစ်ခုဖြစ်ပြီးကျယ်ဝန်းခမ်းနားသည့် အဆောက်အအုံ၊ ခရီးသည်ဝန်ဆောင်မှုစနစ်များနှင့် သယ်ယူပို့ဆောင်ရေးဆက်သွယ်မှု ကောင်းမွန်မှုတိုကြောင့် လေဆိပ်တစ်ခုသဖွယ်မြင်တွေ့ရသည့် ဘူတာတစ်ခုအဖြစ်ထင်ရှားကြောင်း သိရသည်။

■ နိုင်ငံတော်သမ္မတ၏ ဟန်ကျိုးမြို့ခရီးစဉ်သည် တရုတ်နိုင်ငံ နိုင်ငံတော်အဆင့်ချစ်ကြည်ရေးခရီးစဉ်အတွင်း ဆက်လက်ဆောင်ရွက်မည့် အစီအစဉ်များ၏ တစ်စိတ်တစ်ပိုင်းဖြစ်ပြီး မြန်မာ-တရုတ် နှစ်နိုင်ငံအကြား ချစ်ကြည်ရင်းနှီးမှုနှင့် ကဏ္ဍစုံပူးပေါင်းဆောင်ရွက်မှုများ ပိုမိုတိုးမြှင့်ရေးအတွက် ဆက်လက်ဆောင်ရွက်သွားမည်ဖြစ်ကြောင်း သိရသည်။

Yangon_Times/pp

တရုတ်နိုင်ငံ ရှန်ဟိုင်းမြို့မှာပြုလုပ်မယ့် Intertextile Shanghai Apparel Fabrics - Autumn Edition အထည်အလိပ်ပြပွဲမှာ မြန်မာအထည်ချုပ်လုပ်ငန်းရှင်တွေပါဝင်ပြသဖို့ဖိတ်ခေါ်ထားတယ်လို့ မြန်မာနိုင်ငံအထည်ချုပ်လုပ်ငန်းရှင်များအသင်းကနေ သိရပါတယ်။

#Local_News
Published 18 June 2026
#တရုတ်နိုင်ငံရှန်ဟိုင်းမြို့ #မြန်မာအထည်ချုပ်လုပ်ငန်းရှင်
#YMG/NN #Yangon_Times