#LocalNews
Published -12 Mar 2022

ရခိုင်ပြည်နယ်အမ်းမြိုနယ်တွင် ယာဉ်အောက်ဘက်ကုန်ပစ္စည်းများထားသိုသည့်အခန်းအတွင်း ကုန်ပစ္စည်းများကြား၌ သိုဝှက် သယ်ဆောင်လာသည့် ဘင်္ဂါလီ ၄ ဦးအား ဖမ်းဆီးရမိခဲ့တယ်လို့ အမ်းမြိုနယ်ရဲတပ်ဖွဲ့မှ သိရပါတယ်။

အမ်းမြို့နယ်၊ ကံမြင့်ကန်ပူးပေါင်းစစ်ဆေးရေးဂိတ်၌ ပူးပေါင်းအဖွဲ့ဝင်များမှ ယာဉ်အဝင်/အထွက်များအား စစ်ဆေးနေစဉ် မတ်လ ၁၁ ရက်နေ့ နံနက်ပိုင်းက စစ်တွေမြို့မှ ရန်ကုန်မြို့သို့ထွက်ခွာလာသော ကျောက်တော်မြို့နယ်၊ ရွာမကျေးရွာနေ ဦးထွန်းထွန်းကျော်(ဘ)ဦးလှကျော်ဇော၊ အသက် ၄၁ နှစ်၊ ရခိုင်/ဗုဒ္ဓ၊ မောင်းနှင်လာပြီး ကျောက်တော်မြို့နယ်၊ မင်းသားတောင်ကျေးရွာ ထွန်းထွန်းဦး(ဘ) ဦးဘတင်၊ အသက် ၃၇ နှစ်၊ ရခိုင်/ဗုဒ္ဓနှင့် မြေပုံမြို့နယ်၊ စံညှင်းကျေးရွာနေ ကျော်စွာ (ဘ)ဦးရွှေလှသိန်း၊ အသက် ၂၈ နှစ်၊ ရခိုင်/ဗုဒ္ဓ၊ ယာဉ်နောက်လိုက်တို့ ၂ ဦး လိုက်ပါလာကာ ခရီးသည်ကျား ၃၀ ဦး၊ မ ၁၅ ဦး၊ ပေါင်း ၄၅ ဦး တင်ဆောင်လာသည့် ''မာန်သစ္စာ'' ခရီးသည်တင် ယာဉ်အား စစ်ဆေးခဲ့ရာယာဉ်အောက်ဘက်ကုန်ပစ္စည်းများထားသိုသည့်အခန်းအတွင်း ကုန်ပစ္စည်းများကြား၌ သိုဝှက်သယ်ဆောင်လာသည့် ဘင်္ဂါလီ ၄ ဦးအား ဖမ်းဆီးရမိခဲ့ကြောင်း သိရှိရပါတယ်။

ဖမ်းဆီးရမိ ဘင်္ဂါလီများအားမေးမြန်းချက်အရ ၎င်းတို့သည် မလေးရှားနိုင်ငံသို့ရောက်ရှိနေသော ဆွေမျိုးများမှ စစ်တွေရှိလူပွဲစားတစ်ဦးထံ မလေးရှားရောက်ပါက သိန်း ၃၀ ပေးမည်ဖြစ်ကြောင်း ချိတ်ဆက်ပေးမှုကြောင့် လိုက်ပါလာစဉ်ဖမ်းဆီးခံရခြင်းဖြစ်ကြောင်းနှင့် ဖမ်းဆီးရမိယာဉ်မောင်းဖြစ်သူအား စစ်ဆေးချက်အရ ဘင်္ဂါလီများအား ရန်ကုန်မြို့သို့ ပို့ဆောင်ပေးမည်ဆိုပါ တစ်ဦးလျှင် ၁၁ သိန်းစီ ပေးမည်ဖြစ်ကြောင်းပြောဆိုခဲ့ရာ ၎င်းမှသဘောတူခဲ့သဖြင့် ခေါ်ဆောင်လာခြင်းဖြစ်ကြောင်း စစ်ဆေးပေါ်ပေါက်ခဲ့တယ်လို့ သိရပါတယ်။

ဖမ်းဆီးရမိ ဘင်္ဂါလီ ၄ ဦးအား လဝကအက်ဥပဒေ-၆(၂)/၆(၃)ဖြင့် အမှုဖွင့်အရေးယူနိုင်ရေးဆောင်ရွက်လျက်ရှိပြီး ယာဉ်မောင်းနှင့် ယာဉ် နောက်လိုက်တို့အား ရာဇသတ်ကြီးပုဒ်မ-၃၆၇ ဖြင့် အမှုဖွင့်လှစ်ခဲ့ပြီး အရေးယူနိုင်ရေးဆောင်ရွက်လျက်ရှိတယ်လို့ သိရပါတယ်။

ymg/hm
#Yangon_Media_Group

#LocalNews
Published_11 March 2022

စစ်ပွဲတွေကြောင့် ပျက်စီးသွားတဲ့ ကရင်ပြည်နယ် မြဝတီမြို့နယ်က လေးကော့ကော်မြို့သစ်ကို ပြန်လည်ထူထောင်ဖို့ ထိုင်းနိုင်ငံချင်းမိုင်မြို့မှာ မနေ့က မတ်လ ၁၀ ရက်နေ့မှာ ဂျပန်နိုင်ငံအစိုးရရဲ့ မြန်မာနိုင်ငံအမျိုးသားပြန်လည်သင့်မြတ်ရေးဆိုင်ရာ အထူးကိုယ်စားလှယ် မစ္စတာဆာဆာကာဝါနဲ့ ကရင်အမျိုးသားအစည်းအရုံး (KNU)ဥက္ကဌ ဗိုလ်ချုပ်ကြီး စောမူတူးစေးဖိုးတို့ တွေ့ဆုံခဲ့ကြတာပါ။

#Yangon_Media_Group

#LocalNews
Published - 11 March 2022

ကမ္ဘာ့ကုလသမဂ္ဂတွင်ကျင်းပမည့် United Nations Global Compact Leader Summit-2022 နိုင်ငံတကာခေါင်းဆောင်များညီလာခံသို့တက်ရောက်ရန် စတော့ဟုမ်းကမ္ဘာ့ငြိမ်းချမ်းရေးဆုရှင် -ကမ္ဘာ့ငြိမ်းချမ်းရေးသံတမန်ရဟန်းတော် IBEC ဆရာတော် ဒေါက်တာအရှင်သောဘိတသည် ဖိတ်ကြားခြင်းခံခဲ့ရတယ်လို့ သိရပါတယ်။

အဆိုပါ အစည်းအဝေးကို ၂၀၂၂ ခုနှစ်၊ ဇွန်လ(၁)ရက် နေ့နှင့် (၂)ရက် နေ့များတွင် ကမ္ဘာ့ကုလသမဂ္ဂ၌ ကျင်းပသွားမှာဖြစ်ပါတယ်။

IBEC ဆရာတော်သည် ဥရောပနိုင်ငံများသို့ ငြိမ်းချမ်းရေးခရီးစဥ်အဖြစ် သွားရောက်ခဲ့တာလည်းဖြစ်ပါတယ်။

ဥရောပတိုက်နိုင်ငံများ ငြိမ်းချမ်းရေးခရီးစဥ်အတွင်း မြန်မာပြည်ငြိမ်းချမ်းရေးအတွက် အာဆီယံဒေသတွင်းနှင့် ဥရောပသမဂ္ဂအတွင်း အပြုသဘောဆောင်မူပြရုပ်များကိုဆောင်ရွက်ကြရန် ငြိမ်းချမ်းရေးသတင်းစကားများကိုလည်း IBEC ဆရာတော်က ပြောကြားခဲ့တာပါ။

ထို့အတူ IBEC-ဆရာတော်သည် ကမ္ဘာ့ငြိမ်းချမ်းရေးသံတမန်ရဟန်းတော်တစ်ပါးဖြစ်သဖြင့် မြတ်ဗုဒ္ဓ၏ဓမ္မနှင့်ငြိမ်းချမ်းရေး မြန်မာနိုင်ငံ၏နိုင်ငံရေး စစ်ရေးတော်လှန်ရေးပဋိပက္ခများ လျော့နည်းကျဆင်းကာငြိမ်းချမ်းရေးနှင့် ပြန်လည်တည်ဆောက်ရေးကဏ္ဌများဆောင်ရွက်ကြရန်အတွက် အာဆီယံရပ်ဝန်းဒေသနှင့် ဥရောပသမဂ္ဂအဖွဲ့ဝင်နိုင်ငံ တစ်ချို့နဲ့လည်း ပူးပေါင်းဆောင်ရွက်ခဲ့တယ်လို့ သိရပါတယ်။

IBEC-ဆရာတော်သည် ဥရောပ-အာရှရပ်ဝန်းဒေသဗုဒ္ဓသာသနာ ပြန့်ပွားတိုးတက်ရေး ပညာရေး ငြိမ်းချမ်းရေးအတွက် (၄၁)ရက်ကြာ ငြိမ်းချမ်းရေးခရီးစဥ်ထွက်ခွာခဲ့တာဖြစ်ပြီး ဒီကနေ့ မတ်လ(၁၁)ရက် ဒေသစံတော်ချိန်နံနက်(၁၀ နာရီ၊ မိနစ် ၂၀)အချိန်မှာတော့
မြန်မာပြည်သို့ ပြန်လည်ရောက်ရှိလာခဲ့ပြီဖြစ်တယ်လို့လည်း သိရပါတယ်။

ဓါတ်ပုံ - IBEC - သတင်းထုတ်ပြန်ရေးအဖွဲ့။

ymg/kg
#Yangon_Media_Group

#LocalNews
Published_ 11 March 2022

မြန်မာ့အာမခံလုပ်ငန်းမှာ ရှိတဲ့ ကျန်းမာရေးအာမခံ အမျိုးအစားတွေထဲက ထပ် ဆောင်း ကျန်းမာရေးအာမခံအဖြစ် လုပ်ထားတဲ့ ကိုဗစ်အာမခံ ကို စိတ်ဝင်စားသူ များနေတယ်လို မြန်မာ့ အာမခံလုပ်ငန်းက သိရပါတယ်။

#Yangon_Media_Group

#LocalNews
Published - 11 March 2022

ကျိုက်ထီးရိုးတောင်တန်းဒေသသို့ ခရီးသွားဝင်ရောက်မှုတွေဟာ ယခုကာလမှာ ပုံမှန်ထက်ကျဆင်းနေတယ်လို့ သိရပါတယ်။

#Yangon_Media_Group

#Local_Health
Published_ 11 March 2022

အစားအသောက်နှင့် ဆေးဝါးကွပ်ကဲရေးဦးစီးဌာနတွင် မှတ်တမ်းတင်ထားခြင်းမရှိသည့် ကျန်းမာရေးအတွက် ဘေးအန္တရာယ်ဖြစ်စေနိုင်သော တားမြစ်ဓာတုပစ္စည်းများပါဝင်နေ၍ သုံးစွဲရန်မသင့်သော အလှကုန်ပစ္စည်းခုနစ်မျိုးကို အစားအသောက်နှင့် ဆေးဝါးကွပ်ကဲရေးဦးစီးဌာန(FDA)က မတ်လ ၉ ရက်တွင် ထုတ်ပြန်ထားပါတယ်။

၎င်း အလှကုန်ပစ္စည်း ၇ မျိုးမှာ (၁) Via Letvass Eye-Shadow Palette ၊ (၂) Comfor Beauty Matte Lip Stick (12) ၊ (၃) LALCUME Excellent Day Cream LD-402 ၊ (၄) LALCUME Excellent Day Cream LN 403 ၊ (၅) AIFUBAO Whitening Red Ginseng Whitening and Anti– Freckle Trial Pack (Day Cream) ၊ (၆) AIFUBAO Whitening Red Ginseng Whitening and Anti – Freckle Trial Pack (Night Cream) နှင့် (၇) Sky Whitening Moisturizing Skin Care Cream (Pearl Collagen Pure Natural Cream) တို့ဖြစ်ကြပါတယ်။

တားမြစ်ဓာတုပစ္စည်းများဟာ အရေပြားယားယံခြင်း၊ ရောင်ရမ်းခြင်း၊ အဖြူအနီကွက်များဖြစ်ခြင်း၊ အရေပြားမှတစ်ဆင့် ခန္ဓာကိုယ်အတွင်းသို့စုပ်ယူ၍ ထုံကျင်ခြင်း၊ ကြွက်သားတုန်ခါခြင်း၊ ပင်ပမ်းနွမ်းနယ်ခြင်း၊ ခေါင်းကိုက်ခြင်းနှင့် စိတ်ကျရောဂါများအပြင် ရေရှည်သုံးစွဲပါက ကျောက်ကပ်ပျက်စီးခြင်းနှင့် အခြားရောဂါများ ဖြစ်ပွားနိုင်တယ်လို့ FDA ရဲ့ ထုတ်ပြန်ချက်မှာ ဖော်ပြထားပါတယ်။

အလှကုန်ပစ္စည်း တင်သွင်းဖြန့်ဖြူးရောင်းချနေသည့် ကုမ္ပဏီနှင့် လက်လီလက်ကားဆိုင်များအနေဖြင့် အစားအသောက်နှင့်ဆေးဝါးကွပ်ကဲရေး ဦးစီးဌာနတွင် မှတ်တမ်းတင်ထားခြင်းမရှိသော အများပြည်သူသုံးစွဲရန်မသင့်ကြောင်းကြေညာထားသည့် အလှကုန်ပစ္စည်းများ တင်သွင်းဖြန့်ဖြူးရောင်းချခြင်းများကို ကျင့်ဝတ် (Ethic) အရ လုံး၀မပြုလုပ်ရန် တားမြစ်ထားပါတယ်။

လိုက်နာဆောင်ရွက်ခြင်းမရှိပါက သက်ဆိုင်ရာအာဏာပိုင်အဖွဲ့အစည်းက ပြည်သူ့ကျန်းမာရေးဆိုင်ရာ ဥပဒေပုဒ်မ-၃ အပိုဒ် (၃)(ဃ) အရ အရေးယူဆောင်ရွက်သွားမည်ဖြစ်ကြောင်း FDA က အသိပေးချက် ထုတ်ပြန်ထားပါတယ်။

#ymg_mnn
#Yangon_Media_Group