အစာဈေးမြင့်တက်လာတဲ့အပြင် ဘဲကျောင်းတဲ့ ကျောင်းကွက်နေရာတွေနည်းပါးလာတာကြောင့် မွေးမြူသူတွေ ၅၀ရာခိုင်နှုန်း ထက်ဝက်လောက် အထိလျော့ကျလာတယ်လို့ ဧရာဝတီတိုင်းက စီးပွားဖြစ် ဘဲမွေးမြူသူတွေဆီက သိရပါတယ်။
#Local_News
Published 26 Apirl 2025
#အစာဈေးမြင့် #မွေးမြူသူထက်ဝက်ခန့်လျော့ကျ
#YMG/NN #Yangon_Times

ပဲခူးတိုင်းအရှေ့ပိုင်း၊ ရှမ်းပြည်နယ်တောင်ပိုင်းနဲ့ အရှေ့ပိုင်းဒေသတွေမှာ သုံးလေးရက်ဆက် မိုးရွာသွန်းပြီး တောင်ကျချောင်းရေနဲ့ မိုးသက်လေပြင်းကျရောက်နိုင်တာကြောင့်ကြိုတင်ပြင်ဆင်တာ‌ တွေပြုလုပ်ကြဖို့ ပြင်ပမိုးလေဝသပညာရှင် ဦးဝင်းနိုင်က သတိပေးထားပါတယ်။
#Local_News
Published 26 Apirl 2025
#ရက်ဆက်မိုးရွာနိုင် #ကြိုတင်ပြင်ဆင်ရန်သတိပေး
#YMG/NN #Yangon_Times

စားသုံးသူတွေအနေနဲ့ လက်ရှိမှာ ရပ်ကွက်စျေး‌တွေထက် စျေးဝယ်စင်တာစူပါမားကတ်တွေမှာ သားငါးဝယ်မှုပိုမိုများပြားလာတယ်လို့ သိရပါတယ်။
#Local_News
Published 26 Apirl 2025
#စူပါမားကတ် # သားငါးဝယ်သူပိုမိုများ
#YMG/SW #Yangon_Times

လာမယ့်မေလ၁ရက်က စတင်ပြီး ထိုင်းနိုင်ငံသို့ ဝင်ရောက်မယ့် မြန်မာအပါအဝင် နိုင်ငံခြားသား ခရီးသွားအားလုံးအတွက် ဒစ်ဂျစ်တယ်ဆိုက်ရောက်ကတ် (Thailand Digital Arrival Card- TDAC) စနစ်ကို ကျင့်သုံးသွားမယ်လို့ မြန်မာနိုင်ငံဆိုင်ရာ ထိုင်းသံရုံးက ထုတ်ပြန်ထားပါတယ်။
#Local_News
Published 26 Apirl 2025
#ဒစ်ဂျစ်တယ်ဆိုက်ရောက်ကတ် #နိုင်ငံခြားသားခရီးသွား
#YMG/SW #Yangon_Times

#Local_News
Published 26 April 2025

▪️ နဝမအကြိမ်မြောက် အသည်းအစားထိုးခွဲစိတ်ကုသမှုကို တပ်မတော်နှင့်အိန္ဒိယနိုင်ငံမှ အသည်းအစားထိုးခွဲစိတ်ကုသမှုအဖွဲ့တို့ ပူးပေါင်း၍ မင်္ဂလာဒုံမြို့နယ်ရှိ တပ်မတော်ဆေးရုံကြီး (ခုတင်- ၁၀၀၀) အထူးကုသမှုစင်တာ၌ဆောင်ရွက်နေကြောင်း သိရသည်။

▪️ တပ်မတော်တွင် နဝမအကြိမ်မြောက် အသည်းအစားထိုးခွဲစိတ်ကုသမှု (ပထမနေ့) ကို ယမာန်‌ နေ့က မင်္ဂလာဒုံမြို့နယ်ရှိ တပ်မတော်ဆေးရုံကြီး (ခုတင်- ၁၀၀၀) အထူးကုသမှုစင်တာ၌ ပြုလုပ်ခဲ့ခြင်းဖြစ်သည်။

▪️ အဆိုပါ အသည်းအစားထိုးခွဲစိတ်ကုသမှုကို တပ်မတော်မှ အသည်းအစားထိုးခွဲစိတ်ကုသမှုအဖွဲ့နှင့် အိန္ဒိယနိုင်ငံမှ အသည်းအစားထိုးခွဲစိတ်ကုသမှုအဖွဲ့တို့ ပူးပေါင်းဆောင်ရွက်ခဲ့ကြခြင်းဖြစ်ပြီး လူနာဖြစ်သူ ဒေါ်ခင်ဦးကြည်နှင့် အသည်းအလှူရှင် ဒေါ်မျိုးမျိုးမြတ်တို့ကို ခွဲစိတ်ကုသခြင်းဖြစ် ကြောင်း သိရသည်။

▪️ ထိုသို့ အသည်းအစားထိုးခွဲစိတ်ကုသမှု ဆောင်ရွက်ရာတွင် အသည်းအလှူရှင်ထံမှ အသည်းထုတ်ယူခြင်းကို မနက် ၉ နာရီတွင် စတင်ခဲ့ပြီး ထုတ်ယူရရှိသောအသည်းကို ညနေ ၃ နာရီခွဲခန့်တွင် အသည်းလက်ခံ လူနာထံသို့ အစားထိုးခွဲစိတ်ကုသခြင်းဆောင်ရွက်ခဲ့ကာ စုစုပေါင်း ခွဲစိတ်ချိန်ကိုးနာရီခန့် ကြာမြင့်ခဲ့ကြောင်း သိရသည်။

▪️ အသည်းအလှူရှင်နှင့် အသည်းလက်ခံ လူနာများ၏ ခွဲစိတ်ပြီးနောက်ပိုင်း ကျန်းမာရေးအခြေအနေမှာ ကောင်းမွန်လျက်ရှိပြီး အထူးကြပ်မတ် ကုသခန်း၌လိုအပ်သော ပြုစုကုသမှုများကို သက်ဆိုင်ရာပါရဂူများ၊ ဆေးမှူးများနှင့် သူနာပြု/ကျွမ်းကျင်သူများက ဆက်လက်ဆောင်ရွက်ပေး လျက်ရှိ ကြောင်းသိရသည်။ အဆိုပါ အသည်းအစားထိုးခွဲစိတ်ကုသမှုကို တပ်မတော်မှ တာဝန်ရှိသူများက ကြည့်ရှုအားပေးကြပြီး ခွဲစိတ်ကုသမှုများကို ယနေ့ ဧပြီ ၂၆ ရက်နှင့် ၂၇ ရက်တို့တွင် ဆက်လက်ဆောင်ရွက်သွားမည် ဖြစ်ကြောင်း သိရသည်။

▪️ တပ်မတော်တွင် ပထမအကြိမ်အသည်းအစားထိုးခွဲစိတ်ကုသမှုကို ၂၀၂၂ ခုနှစ် စက်တင်ဘာ ၂၇ ရက်နှင့် ၂၈ ရက်တို့တွင် အသည်းအစားထိုးလူနာ နှစ်ဦးဖြင့် အောင်မြင်စွာ ခွဲစိတ်ကုသဆောင်ရွက်နိုင်ခဲ့ပြီး အသည်းအစားထိုးခွဲစိတ်ကုသမှုအား ဆက်လက်ဆောင်ရွက်ခဲ့ရာ ၂၀၂၃ ခုနှစ်အတွင်း အသည်းအစားထိုးခွဲစိတ်ကုသမှုသုံးကြိမ်၊ လူနာကိုးဦး၊ ၂၀၂၄ ခုနှစ်အတွင်း အသည်းအစားထိုးခွဲစိတ်ကုသမှုသုံးကြိမ်၊ လူနာကိုးဦးနှင့် ၂၀၂၅ ခုနှစ်အတွင်း လူနာသုံးဦးတို့အား အောင်မြင်စွာခွဲစိတ်ကုသဆောင်ရွက်ပေးနိုင်ခဲ့ကြောင်း သိရသည်။

▪️ ယခုနဝမအကြိမ်မြောက် အသည်းအစားထိုးခွဲစိတ်ကုသမှုကို လူနာသုံးဦးဖြင့် ဆောင်ရွက်သွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 26 April 2025

▪️ နေပြည်တော် အထူးဖွံ့ဖြိုးရေး စီမံကိန်းတွင် ပါဝင်ခဲ့သည့် ကုမ္ပဏီများ စည်ပင်သို့ ပြန်လည်ဆက်သွယ်ရမည်ဖြစ်ကြောင်း အဆောက်အဦးများ ပြန်လည်ပြုပြင်အသုံးပြု ရေးနှင့် အသစ်တည်ဆောက်ရေးကြီးကြပ်မှုကော်မတီမှ အသိပေးထုတ်ပြန်လာသည်။

▪️ ထုတ်ပြန်စာ၌ နေပြည်တော်တည်ဆောက်ရေး အထူးဖွံ့ဖြိုးရေး စီမံကိန်းတွင် ပါဝင်သည့်ရုံးဌာနအဆောက်အအုံများ၊ အထူးအဆောက်အအုံများ၊ ဝန်ထမ်းအိမ်ရာများ၊ အုပ်ချုပ်မှုဆိုင်ရာအဆောက်အအုံများအပါအဝင် အခြားအဆောက်အအုံတည်ဆောက်ရေး လုပ်ငန်းများတွင် တည်ဆောက်ခဲ့သည့်ကုမ္ပဏီများအနေဖြင့် နေပြည်တော်စည်ပင် သာ ယာ ရေးကော်မတီ၊ အင်ဂျင်နီယာဌာန(အဆောက်အအုံ) ဌာနမှူးနှင့် ဒုတိယဌာနမှူးထံသို့ ဆက်သွယ်ကြရန် ဖော်ပြထားသည်။

▪️ မတ်လ ၂၈ ရက်တွင် လှုပ်ခတ်ခဲ့သည့် အင်အားပြင်းငလျင်ကြောင့် ထိခိုက်ပျက်စီးမှု အများဆုံးဒေသတွင် နေပြည်တော်လည်း တစ်ခုအပါအဝင်ဖြစ်ပြီး လက်ရှိတွင် အပျက်အစီးရှင်းလင်းရေးနှင့် ပြန်လည်တည်ဆောက်ရေးလုပ်ငန်းများကို စတင်ဆောင်ရွက်နေပြီဖြစ်သည်။

#YMG/SW #Yangon_Times