#World_News
Published 05 December 2025

■ ဒေါ်နယ်ထရမ့်အစိုးရအဖွဲ့က လူဝင်မှုများပြားပြီး လုံခြုံရေးပြဿနာများကို အကြောင်းပြကာ ခိုလှုံခွင့်တောင်းသူများအတွက် အလုပ်ပါမစ်သက်တမ်းကို ကြာသပတေးနေ့က လျှော့ချလိုက်ပါတယ်။

■ အမေရိကန် နိုင်ငံသားခွင့်ပြုရေးနဲ့ လူဝင်မှုကြီးကြပ်ရေး(USCIS)က အလုပ်ခန့်အပ်ခြင်း ခွင့်ပြုချက်စာရွက်စာတမ်းများအတွက် အကျုံးဝင်သက်တမ်းကာလကို ၅ နှစ်ကနေ ၁၈ လသို့ လျှော့ချလိုက်ကြောင်း ပေါ်လစီလမ်းညွှန်မှာ ပြင်ဆင်လိုက်ပါတယ်။

■ ဒီပြောင်းလဲမှုက ခိုလှုံခွင့်ရပြီးသူများ၊ ဒုက္ခသည်ခံယူထားသူများ၊ နိုင်ငံသားခံယူခွင့်လျှောက်ထားသူများအတွက် အလုပ်အကိုင်အခွင့်အလမ်းများအပေါ် သက်ရောက်စေပါတယ်။

■ ဒီလိုမျိုး အကျုံးဝင်ကာလလျှော့ချခြင်းဟာ အမေရိကန်မှာ အလုပ်လုပ်ကိုင်လိုသူတွေအနေနဲ့ အများပြည်သူလုံခြုံရေးကို မခြိမ်းခြောက်နိုင်ဘဲ အမေရိကန်ဆန့်ကျင်ရေးလုပ်ရပ်တွေလည်း လုပ်နိုင်မှာမဟုတ်ဘူးလို့ USCIS ညွှန်ကြားရေးမှူး ဂျိုဆပ်အက်ဒ်လိုး ဖော်ပြထားပါတယ်။

■ ဒီနိုင်ငံထဲ ဝင်ရောက်နေထိုင်ခွင့်ရခဲ့သူတစ်ဦးကနေ အမျိုးသားအစောင့်တပ်အဖွဲ့ဝင်တွေကို တိုက်ခိုက်ခဲ့ပြီးနောက်မှာ ဒီလိုနိုင်ငံခြားသားတွေကို ကြီးကြပ်စစ်ဆေးဖို့ လိုအပ်လာပြီလို့ ဆိုပါတယ်။

■ ၂၀၂၁ ခုနှစ် ဂျိုးဘိုင်ဒင်လက်ထက် အမေရိကန်သို့ ဝင်ရောက်လာခဲ့တဲ့ အာဖဂန်နိုင်ငံသားဟာ ဝါရှင်တန်ဒီစီ ဘူတာရုံအပြင်ဘက်မှာ စစ်သားနှစ်ဦးကို ပစ်ခတ်ပြီးနောက် USCIS နဲ့ ထရမ့်အစိုးရအဖွဲ့က လူဝင်မှုကန့်သတ်ထိန်းချုပ်မှုတွေ တင်းကြပ်လာတာ ဖြစ်ပါတယ်။

■ ပစ်ခတ်မှုအပြီးမှာ USCIS က အစိုးရကနေ ဘေးအန္တရာယ်ပေးနိုင်တယ်လို့ ယူဆထားတဲ့ ၁၉ နိုင်ငံမှ နိုင်ငံသားအားလုံးရဲ့ အကျိုးခံစားခွင့်များကို ရပ်ဆိုင်းခဲ့ပါတယ်။

■ ဒီနိုင်ငံတွေထဲမှာ အာဖဂန်နစ္စတန်၊ မြန်မာ၊ ချက်၊ ကွန်ဂို၊ ဂီနီယာ၊ ဟေတီ၊ အီရန်၊ လစ်ဗျား၊ ဆူဒန်၊ ယီမင်၊ လာအို၊ တိုဂို၊ ဗင်နီဇွဲလားတို့လို နိုင်ငံတွေ ပါဝင်ပါတယ်။

Source: AOL