#World_Health
Published 05 December 2025

■ ဆေးဝါးတွေမသုံးဘဲနဲ့ သွေးပေါင်ချိန်ကျစေနိုင်မယ့် အမြန်ဆုံးနည်းလမ်းတွေအကြောင်းကို အိန္ဒိယဂျူပီတာဆေးရုံမှ ဒေါက်တာ အာမစ်ဆာရက်ဖ်က ဆွေးနွေးပြောပြသွားပါတယ်။

■ အမြန်ဆုံးထိရောက်ဖို့အတွက်ဆိုရင် ဆားလျှော့ချခြင်း၊ ကိုယ်လက်လှုပ်ရှားမှုပြုလုပ်ခြင်း၊ အိပ်စက်ခြင်းနဲ့ ဖိစီးမှုထိန်းချုပ်ခြင်းတို့ တိုးတက်အောင်ပြုလုပ်ခြင်းကို အတူတကွ အလေးပေးလုပ်ဆောင်ဖို့ လိုတယ်လို့ ဆိုပါတယ်။

■ ဒီနည်းလမ်းတွေက သွေးကြောတွေ ဘယ်လိုတုံ့ပြန်လဲဆိုတာနဲ့ နှလုံးက‌နေ ဘယ်လောက်ဖိအားနဲ့ ညှစ်ထုတ်လဲဆိုတာကို တိုက်ရိုက်သက်ရောက်စေကာ ဒီအတိုင်းပြောင်းလဲကျင့်ကြံတဲ့သူတွေမှာ ရက်သတ္တပတ် အနည်းငယ်အတွင်း အကျိုးကျေးဇူးများ တွေ့ရတယ်လို့ ပြောပါတယ်။

■ အစားအသောက်အပိုင်းမှာဆိုရင် ဆိုဒီယံဖြစ်တဲ့ အငန်ဓာတ်လျှော့ချခြင်းက အရေးကြီးပါတယ်။

■ ဟင်းသီးဟင်းရွက်အခြေပြု စားစရာများကို ပိုစားပေးခြင်းဖြင့် ဆိုဒီယံရဲ့ ဘေးအန္တရာယ်တွေကို ပြန်လည်တုံ့ပြန်နိုင်ပါတယ်။

■ ပြည့်ဝဆီတွေနဲ့ သကြားကို ကန့်သတ်သင့်ပြီး အဓိကက ဆားအများအပြား စားသုံးခြင်းကိုရှောင်ရှားသင့်ပါတယ်။

■ နေ့စဉ်မိနစ် ၃၀ ခန့် ခပ်သွက်သွက်လမ်းလျှောက်ခြင်း၊ ကိုယ်အလေးချိန် ထိန်းသိမ်းခြင်း၊ အိပ်ရေးဝအောင်အိပ်ပြီး ဖိစီးမှုလျှော့ချခြင်း၊ ဆေးလိပ်နဲ့ အရက်ရှောင်ရှားခြင်းဖြင့် အမြန်ဆုံးထိရောက်မှု ရနိုင်ပါတယ်။

■ အိမ်မှာ သွေးပေါင်ချိန်ကို ပုံမှန်တိုင်းပေးပြီး အထက်ပါနည်းလမ်းတွေအတိုင်း အမြဲကျင့်ကြံနေထိုင်ရပါမယ်။

■ အဓိကသုံးချက်ဖြစ်တဲ့ ဆား၊ လှုပ်ရှားခြင်းနဲ့ အိပ်စက်ခြင်းတို့က သွေးပေါင်ချိန်ကျပြီး ရေရှည်နှလုံးကျန်းမာရေး ကာကွယ်ဖို့အတွက် အခြေခံအကျဆုံး အမြန်ဆုံးနည်းလမ်းတွေ ဖြစ်ပါတယ်။

Source: Indian Express