#World_Health
Published 05 December 2025

■ အစားအစာ၊ ရေ၊ ပတ်ဝန်းကျင်တို့မှာ လူတွေကို အန္တရာယ်ပေးနိုင်မယ့် ပိုးမွှားများကို ရှာဖွေတွေ့ရှိနိုင်မယ့် သယ်ဆောင်တဲ့ အော်တိုလုပ်ဆောင်စက်ပစ္စည်းတစ်ခုကို မာဒရာစ်အိန္ဒိယနည်းပညာတက္ကသိုလ်နဲ့ ပန်ဂျပ်တက္ကသိုလ်တို့မှ သုတေသီအဖွဲ့က ထုတ်လုပ်လိုက်ပါတယ်။

■ ဒီလိုပိုးမွှားအစအနတွေကို ဓာတ်ခွဲခန်းထဲမှာ ရှာဖွေတဲ့နည်းလမ်းတွေက အချိန်ကုန်သလို ဈေးကြီးပြီး လုပ်တတ်တဲ့သူတွေ လိုအပ်ပါတယ်။

■ ယခုသုတေသနက တကယ့်လက်တွေ့မှာ ပိုးမွှားအနည်းငယ်ကိုပင် တွေ့ရှိနိုင်မယ့် အသုံးပြုလွယ်တဲ့ ပစ္စည်းဖြစ်ပါတယ်။

■ Smart MDD ပစ္စည်းက ရွှေရောင်နာနိုအမှုန်များ ပါဝင်ပြီး အရောင်တိုင်းတာရှာဖွေတဲ့ စနစ်ဖြစ်ပါတယ်။

■ ဓာတ်ပြုလို့ ပိုးမွှားရှိတဲ့အခါ အနီမှ အပြာရောင်သို့ ပြောင်းတာကို မြင်ရပါတယ်။

■ အလိုအလျောက် ပြုလုပ်သွားတာကြောင့် လူထိန်းချုပ်စရာမလိုဘဲ လျင်မြန်စိတ်ချရတဲ့ရလဒ် ရရှိနိုင်မှာဖြစ်တယ်လို့ သုတေသနအဖွဲ့က ဆိုပါတယ်။

■ ဒီနည်းပညာက လယ်သမားတွေ၊ စားသောက်ကုန်ဘေးကင်းရေးအေဂျင်စီတွေ၊ ပတ်ဝန်းကျင် စီမံကွပ်ကဲသူတွေအနေနဲ့ စံချိန်စံနှုန်းနဲ့အညီ ပိုးမွှားပါဝင်မှုကို ချက်ချင်းစစ်ဆေးနိုင်ပြီး အများပြည်သူကျန်းမာရေးအန္တရာယ် လျှော့ချနိုင်မှာဖြစ်ကြောင်း ပရော်ဖက်ဆာ ဆူဂျာထာနာရာယာနန်အန်နီက ပြောပါတယ်။

■ ရေဖြန့်ဖြူးရေးနေရာတွေမှာ ပိုးမွှားတွေကို စစ်ဆေးနိုင်မယ်လို့လည်း ဆိုပါတယ်။
လက်ရှိမှာ ဓာတ်ခွဲခန်းစမ်းသပ်မှုများ ပြုလုပ်နေပြီး နောင်အချိန်မှာ လက်တွေ့နမူနာများဖြင့် အတည်ပြုစစ်ဆေးသွားမှာ ဖြစ်ပါတယ်။

■ စိုက်ပျိုးရေးနဲ့ ပတ်ဝန်းကျင်ရေရှည်တည်တံ့ရေးမှာ ပိုမိုပါဝင်နိုင်အောင် ပိုးမွှားအမျိုးအစားများစွာကို ရှာတွေ့နိုင်အောင် ချဲ့ထွင်သွားဖို့ စီစဉ်နေကြောင်း ဒေါက်တာ ရိုဟစ်ကူမာရှာမာက ပြောသွားပါတယ်။

Source: NDTV