#World_Health
Published 09 May 2025
▪️ ခွေးတွေရဲ့နှာခေါင်းက အလွန်အာရုံခံနိုင်စွမ်းကောင်းပြီး ရှူမိသမျှကို ဦးနှောက်က အချက်ပေးသိရှိနိုင်စွမ်း မြင့်မားပါတယ်။
▪️ ခွေးတွေရဲ့ နှာခေါင်းပေါက်ထဲမှာ အနံ့အာရုံလက်ခံနေရာပေါင်း သန်း ၁၀၀ ကျော်ရှိကာ လူတွေမှာတော့ ၆ သန်းခန့်သာရှိပြီး ခွေးတွေရဲ့ ဦးနှောက်နေရာက အနံ့တွေကိုဆန်းစစ်ခွဲခြားရာမှာ လူသားဦးနှောက်ထက် အဆ ၄၀ လောက် ပိုမိုသာလွန်ပါတယ်။
▪️ အမဲလိုက်ခွေးတွေနဲ့ အခြားမျိုးစပ်ခွေးတွေဆိုရင် အနံ့အာရုံနေရာတွေက သန်း ၃၀၀ နီးပါးရှိပါတယ်။
▪️ ရဲတပ်ဖွဲ့လုပ်ငန်းများ၊ ဆေးဝါးရှာဖွေမှု၊ ဆေးဘက်ဆိုင်ရာ ရောဂါရှာဖွေမှု၊ ရှာဖွေကယ်ဆယ်ရေးလုပ်ငန်းများမှာ ခွေးတွေရဲ့ အနံ့ခံစနစ် ထူးကဲလုပ်ဆောင်နိုင်ပုံကို ဘာအီလန်တက္ကသိုလ်မှ သုတေသီများ ထုတ်ဖော်ခဲ့ကြပါတယ်။
▪️ olfactory bulb ၊ hippocampus နဲ့ amygdala လို့ခေါ်တဲ့ အဓိကဦးနှောက်နေရာ ၃ ခုမှာ ခွေးတွေရဲ့ ဦးနှောက်လှုပ်ရှားမှုကို လှမ်းပြီးအာရုံခံသိရှိနိုင်အောင် သုတေသီများက ကိရိယာတပ်ဆင်ခဲ့ပါတယ်။
▪️ ဒီဦးနှောက်နေရာတွေဟာ အနံ့အမျိုးမျိုးကို ခွဲခြားသိရှိစေတဲ့နေရာမှာ အရေးပါပါတယ်။
▪️ သိပ္ပံပညာရှင်တွေက လေဆာနည်းပညာနဲ့ ပုံရိပ်နည်းပညာမြင့်ကင်မရာအသုံးပြုကာ တကယ့်အဖြစ်အပျက်တွေမှာ ဦးနှောက်လှုပ်ရှားမှု ဖမ်းယူနိုင်ဖို့ အဆင့်မြင့်စနစ် ထားရှိခဲ့ပါတယ်။
▪️ ဒီနောက် အနံ့ထူးခြားကွဲထွက်တဲ့ ကြက်သွန်ဖြူ၊ အယ်ကိုဟော၊ မင်သောလ်၊ ဆေးခြောက်တို့ကို ရှူခိုင်းခဲ့ပါတယ်။
▪️ ထိုအခါမှာ amygdala နေရာက အနံ့ခွဲခြားမှုမှာ အရေးပါကာ အနံ့ပိုင်းခြားဆုံးဖြတ်ရာမှာ ပါဝင်တာကို တွေ့ရှိခဲ့ကြပါတယ်။
▪️ ဒီတွေ့ရှိချက်ဖြင့် ခွေးတွေအားလုံး အနံ့ခံခွဲခြားပုံကို ကောင်းစွာသိရှိစေနိုင်မယ့် ကိရိယာဖန်တီးနိုင်မယ့် ပထမခြေလှမ်းဖြစ်လာနိုင်ပါတယ်။
▪️ နောက်တဆင့်က ကင်မရာအသေးစားနဲ့ လေဆာစနစ်ပါဝင်တဲ့ ဝိုင်ဖိုင်ထိန်းချုပ်ကိရိယာ ဖန်တီးဖို့ဖြစ်ပြီး ခွေးရဲ့ခေါင်းမှာ တပ်ဆင်ကာ တကယ့်လက်တွေ့မှာ အနံ့ခံရရှိမှုများကို စောင့်ကြည့်ဖို့ဖြစ်တယ်လို့ ဒေါက်တာ ယာဖင်ဘိုင်ဒါမန်းက ပြောပါတယ်။
#Source: The Jerusalem Post
