#World_News
Published 09 May 2025
▪️ ပုပ်ရဟန်းမင်းလီယို(၁၄)အမည်ဖြင့် ရောဘတ်ဖရန်ဆစ်ပရီဗို့စ်ဟာ ပုပ်ရဟန်းမင်းကြီးအသစ်ဖြစ်လာပါတယ်။
▪️ သက်တော် ၆၉ နှစ်ရှိပြီဖြစ်ပြီး ရိုမန်ကက်သလစ်ဘုရားကျောင်းတော်ကြီး သမိုင်းမှာ ပထမဆုံးသော အမေရိကန်ဖွား ခေါင်းဆောင်တစ်ဦးဖြစ်လာပါတယ်။
▪️ ၁၉၉၅ ခုနှစ် စက်တင်ဘာလ ၄ ရက်နေ့က ချီကာဂိုမှာ မွေးဖွားခဲ့တဲ့ ပရီဗို့စ်ဟာ ပီရူးနိုင်ငံသားကိုင်ဆောင်ထားကာ ရောမမှာ လေ့လာဆည်းပူးပြီးနောက် ပီရူးသို့ တာဝန်စေလွှတ်ခံခဲ့ရပါတယ်။
▪️ ဗာတီကန်ဟာ ကမ္ဘာ့နိုင်ငံရေးမှာ အင်အားကြီးဖြစ်တဲ့ အမေရိကန်ကနေ ပုပ်ရဟန်းမင်းခန့်အပ်လေ့မရှိတဲ့ အစဉ်အလာကနေ သွေဖည်ပြီး ကာဒီနယ်အဖြစ် အချိန် ၂ နှစ်ကျော်သာ တာဝန်ထမ်းဆောင်ရသေးတဲ့ အမေရိကန်ဘုန်းတော်ကြီးတစ်ပါးကို ရွေးချယ်လိုက်တာလည်း ဖြစ်ပါတယ်။
▪️ ခရစ်တော်၌အိပ်ပျော်ပြီဖြစ်တဲ့ ယခင်ပုပ်ရဟန်းမင်း ဖရန်ဆစ်က ၂၀၂၃ ဇန်နဝါရီလမှာ သူကိုယ်တိုင် ပရီဗို့စ်ကို ကာဒီနယ်ချီးမြှောက်ခဲ့ပါတယ်။
▪️ ပရီဗို့စ်ဟာ အေးဆေးတည်ငြိမ်တဲ့ ခေါင်းဆောင်ဖြစ်ပြီး ဘယ်လိုပြဿနာတွေပဲရှိရှိ ပျော်ရွှင်စွာနေထိုင်သလို နံနက်ခင်းဝတ်ပြုပြီးချိန်မှာ နောက်ပါဘုန်းကြီးတွေနဲ့အတူ မနက်စာအတူစားတယ်လို့ သိရပါတယ်။
▪️ ပရီဗို့စ်ဟာ ပြီးခဲ့တဲ့နှစ်တွေအတွင်း ပီရူးဘုန်းကြီးများကြား အလုပ်ကြိုးစားကာ ထိုက်သင့်တဲ့လွှမ်းမိုးမှုရှိတယ်ဆိုတဲ့ ဂုဏ်သတင်းထွက်ပေါ်ခဲ့ပါတယ်။
▪️ လက်တင်အမေရိကနဲ့လည်း ဆက်စပ်နေတဲ့အပြင် အမေရိကန်နိုင်ငံသားလည်း ဖြစ်တဲ့အတွက် ကျောင်းတော်အတွင်း ကွဲပြားတဲ့အဖွဲ့တွေကြား ရှုမြင်ပုံပြောင်းလာနိုင်ကာ ညီညွတ်ပေါင်းစည်းစေနိုင်ပါတယ်။
▪️ အမေရိကန်သမ္မတ ဒေါ်နယ်ထရမ့်က ပထမဆုံး အမေရိကန်ပုပ်ရဟန်းမင်း ဖြစ်လာတဲ့အတွက် အလွန်ဂုဏ်ယူမိကြောင်း ပြောပါတယ်။
▪️ ပုပ်ရဟန်းမင်းလီယို(၁၄)ရဲ့ ပထမဆုံးမိန့်ခွန်းပြောကြားရာမှာ ငြိမ်းချမ်းရေးအကြောင်းနဲ့ သာသနာပြုရေးအကြောင်းတို့ကို အလေးပေးဖော်ပြထားပြီး ယခင်ပုပ်ရဟန်းမင်းရဲ့ လမ်းစဉ်အတိုင်း ကမ္ဘာကြီးနဲ့ ဆက်သွယ်လုပ်ဆောင်သွားဖို့ ပြောထားပါတယ်။
#Source: The Guardian
