#LocalNews
Published_ 22 March 2023
ထိုင်းကုမ္ပဏီတစ်ခုတွင်အလုပ်သမားနှစ်သောင်းကျော် ခေါ်ယူမည်ဆိုကာလိမ်လည်မှု ဖြစ်ပွားနေကြောင်း ထိုင်းဒေသတွင်း သတင်းများအရ သိရသည်။
အလိမ်ခံနေရသောကိစ္စနှင့် ပတ်သက်၍ ထိုင်းနိုင်ငံသား နိုင်ဗန်ထွိုင်ဆနဗန်ကျော ဦးဆောင်ကာ မြန်မာနိုင်ငံသား ပွဲစား ၁၄ ဦးတို့ ထိုင်းနိုင်ငံရှိ ဗဟိုအလုပ်သမားရုံး နှင့် အလုပ်သမားကာကွယ်ရေးရုံးသို့ စာရွက်စာတမ်းအထောက်အထားတို့ ဖြင့် မတ်လ ၂၀ ရက်တွင် တိုင်ကြားခဲ့ကြကြောင်း သိရသည်။
Calcom Public Company Limited စက်ရုံ၌ အလုပ်သမားပေါင်း ၂၀၀၀၀ ကျော် ခေါ်ယူရန် မြန်မာပြည်တွင်းရှိ အေဂျင်စီကုမ္ပဏီ ၁၄ ခုချိတ်ဆက်ထားသည်ဟု လိမ်လည်၍ တစ်ဦးလျင် ဘတ်ငွေ ၁၃၀၀ ဘတ်ဖြင့် စုစုပေါင်း ထိုင်းဘတ်ငွေ ၄၄၂၀၀၀၀ ဘတ် (မြန်မာကျပ်ငွေ သိန်း ၄၀၀၀ ခန့်) ကို ထိုင်းနိုင်ငံသူ အမည် နန်စောင်ဝရဖောင် က ကြိုတင်ကောက်ခံခြင်းပြုခဲ့ကြောင်း၊ယင်းငွေများကို ပြီးခဲ့သည့် ဇန်နဝါရီလ ၉ ရက်တွင် ယင်းအမည် နန်စောင်ဝရဖောင်၏ ဘဏ်အကောင့်သို့ ငွေလွဲပေးထားခဲ့ခြင်းဖြစ်ကြောင်း သိရသည်။
အဆိုပါ ကိစ္စနှင့် ပတ်သက်၍ Calcom Public Company စက်ရုံ တာဝန်ခံထံ သွားရောက်စုံစမ်းမေးမြန်းခဲ့သော်လည်း အလုပ်သမားခေါ်ယူထားခြင်း မရှိကြောင်း ၊ စက်ရုံကုမ္ပဏီအမည်ဖြင့် အလွဲသုံးစားပြု၍ လိမ်လည်မှုသာဖြစ်နိုင်ကြောင်း၊ယင်းကြောင့် နစ်နာသူ အလုပ်ကိုင်ရှာဖွေရေး မြန်မာပွဲစား ၁၄ ဦးထဲ၌ တစ်ဦးဖြစ်သော အမည် နန်စောင်ခွန်ဒေါင် နှင့် နိုင်ဗန်ထွိုင်ဆနဗန်ကျော ဦးဆောင်၍ ဗဟိုအလုပ်သမားရုံးနှင့် အလုပ်သမားကာကွယ်ပေးရေးရုံး အပါဝင် မှုခင်းနှိမ်နှင်းရေးဌာနတို့ထံ တိုင်ကြားထားခြင်းဖြစ်ကြောင်း သိရပါသည်။
၎င်းဖြစ်စဉ် အပေါ် "အလုပ်သမားတွေက သူတို့ကိုယ်တိုင်သွင်းတာပါ၊ပိုက်ဆံကို ပွဲစားလက်ထဲ ကနေတစ်ဆင့် သွင်းတာမဟုတ်ပါဘူး"ဟုလည်း မှတ်ချက်တွင် ရေးသားပြောဆိုနေကြသကဲ့သို့ "ပွဲစားတွေခံလိုက်ရတာ မဟုတ်ဘူး၊အလုပ်သမားတွေဆီက ကောက်ပြီး သူတို့က တစ်ဆင့်ပေးရုံပဲ"ဟုလည်း မှတ်ချက်ပေး ပြောဆိုနေကြသည်ကိုတွေ့ရသည်။
ymg/mt
#Yangon_Media_Group
#DailyNews
Published_ 21 March 2023
၁။ သင်္ကြန်ပိတ်ရက်ရှည်ကာလတွင် ပူတာအိုဒေသသို့ လာရောက်လည်ပတ်မည့်သူ များမည်ဟုဆို
၂။ ရွှေစျေးကစားလိုသူတွေရဲ့ဝါဒဖြန့်မူများကိုယုံကြည်ပြီး အရောင်းအဝယ်မလုပ်ဖို့ ရန်ကုန်ရွှေအသင်းထုတ်ပြန်
၃။ နွေရာသီမတ်လနှောင်းပိုင်း၌ လေဖိအားနည်းရပ်ဝန်းနှင့် မိုးရွာခြင်း၊ မြူကျခြင်းများ ဖြစ်ပေါ်ဦးမည်
၄။ အမေရိကန်အရီဇိုးနားတွင် ရေအနည်းငယ်ဖြင့် အထွက်နှုန်းကောင်းစေမည့်ရေသွင်းနည်းလမ်းများအား စိုက်ပျိုးရေးသိပ္ပံပညာရှင်များ အဖြေရှာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#LocalNews
Published_ 21 March 2023
ထိုင်းနိုင်ငံ၊အယုဒ္ဓယခရိုင်တွင် မြန်မာအမျိုးသမီးတစ်ဦး အိမ်သာအတွင်း ခလေးမွေးဖွားမှု မတ်လ ၁၉ ရက်က ဖြစ်ပွားခဲ့ကြောင်း သိရသည်။
အဆိုပါ အမျိုးသမီးမှာ အသက် ၂၉ နှစ်အရွယ်ရှိပြီး ဗိုက်အောင့်ရာမှ အိမ်သာခန်းတွင်းသွားရောက်စဉ် အရေးပေါ်ကလေးမွေးဖွားခဲ့ခြင်း ဖြစ်ကြောင်း၊မွေးလာသည့် ကလေးမှာ မိန်းခလေးဖြစ်ကြောင်း ထိုင်းနိုင်ငံတွင်းရွေ့ပြောင်းမြန်မာလုပ်သားများအရေး ကူညီနေသူများထံမှ သိရသည်။
အဆိုပါ ကလေးမွေးဖွားမှုမှာ ညပိုင်းဖြစ်သောကြောင့်အယုဒ္ဓယလူမှုကယ်ဆယ်ရေးသူနာပြုဝန်ထမ်းများက ကူညီဆောင်ရွက်ပေးခဲ့ရကြောင်း၊ ၎င်း၏ကိုယ်ဝန်သက်တမ်း ၆ လသာ ရှိသေးသည်ဟုဆိုသော်လည်း ကလေးငယ်မှာ ခန္ဓာကိုယ်ဖွံ့ဖြိုးကြီးထွားနေကြောင်း၊ယခုအခါ အဆိုပါ အမျိုးသမီးအား အယုဒ္ဓယဆေးရုံတွင် ထားရှိကာ စောင့်ရှောက်ပေးထားပြီး ကလေးရော မိခင်ပါ ကျမ်းမာကြောင်း သိရသည်။
Photo- Thaitv2 သတင်း
ymg/mt
#Yangon_Media_Group
#DailyNews
Published_ 20 March 2023
၁။ ရန်ကုန်ရွှေဈေး အကယ်ဒမီအခေါက်ရွှေ သိန်း ၃၀ နီးပါး ရှိလာ
၂။ ရန်ကုန်၊ မန္တလေးနှင့် ထိုင်းနိုင်ငံများတွင် သင်္ကြန်တွင်းတရားစခန်းများ ပြန်ဖွင့်မည်
၃။ ဓာတ်ဆီဈေး တစ်လီတာ ၂၀၃၅ ကျပ်အထိ ပြန်လည်ကျဆင်းလာ
၄။ သန့်စင်စွမ်းအင်ကဏ္ဍကိုဦးစားပေးလာသော်ငြား လျှပ်စစ်ကျွမ်းကျင်ပညာရှင်များ အမေရိကန်တွင် ရှားပါးလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#LocalNews
Published_ 20 March 2023
ထိုင်းနိုင်ငံ၊ချွန်ဘုရီခရိုင်၊တမ်ဗွန်ဟွေးကပီမြို့နယ်တွင် မြန်မာနိုင်ငံသားဇနီးမောင်နှံစကားများရန်ဖြစ်ရာ ခင်ပွန်းဖြစ်သူက ဇနီးဦးခေါင်းကို တူနှင့်ထုသတ်၍ ထွက်ပြေးလျက်ရှိရာ ယင်းကို မတ်လ ၁၈ ရက်တွင် ထိုင်းရဲတပ်ဖွဲ့က တံဗွန်နောင်ခမ် စီရာဇာ(သီရိရာဇာ) မြို့ ချွန်ဘုရီခရိုင်အတွင်း ဖမ်းမိခဲ့ကြောင်း သိရသည်။
အဆိုပါ ဖြစ်စဉ်မှာ မတ်လ ၁၇ ရက် နံနက်က ဖြစ်ပွားခဲ့ခြင်းဖြစ်ပြီး သေဆုံးသူမှာ အသက် ၃၆ နှစ်အရွယ် မသီတာ ဖြစ်ကြောင်း၊ တူဖြင့် ထုခဲ့သည့် ခင်ပွန်းဖြစ်သူမှာ အသက် ၄၂ နှစ်အရွယ် နေထွန်း ဆိုသူဖြစ်ကြောင်း သိရသည်။
ဇနီးဦးခေါင်းကို တူနှင့်ထုသတ်ခဲ့သူမှာ အရက်အမြဲသောက်သူ ဖြစ်ကြောင်း၊အခင်းဖြစ်သည့်နေ့ကလည်း ယင်းဇနီးမောင်နှံနေထိုင်သည့် ဆောက်လုပ်ရေးတန်းလျားအနီး သောက်သုံးပြီးသား ဘီယာဗူးခွံ ၄ လုံး တွေ့ရှိရကြောင်း သိရသည်။
ymg/mt
#Yangon_Media_Group
#DailyNews
Published_ 18 March 2023
၁။ ဓာတ်ဆီ ဈေးတစ်လီတာ ၂၀၃၅ ကျပ်အထိ ပြန်လည်ကျဆင်းလာ
၂။ သင်္ကြန်အပြီးတွင် မီးလောင်ကျွမ်းမှု ပိုများလာနိုင်၍ ရပ်ကွက်တိုင်းတွင် အရန်မီးသတ်အဖွဲ့များ ဖွဲ့ထားရမည်ဟုဆို
၃။ အမေရိကန်ဘဏ်အချို့ ဒေဝါလီခံလိုက်တာကြောင့် ဒေါ်လာအညွှန်းကိန်းမြင့်လာပြီး ရွှေဈေးများ မြင့်တက်နေဟုဆို
၄။ သီချင်းဓာတ်ပြားဟောင်း ဝယ်ယူစုဆောင်းခြင်းပြန်လည်ခေတ်စားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#DailyNews
Published_ 17 March 2023
၁။ သင်္ကြန်ကာလမန္တလေး၊ ပုဂံနှင့်မြောက်ဦးယဉ်ကျေးဇုန်များ၊ ပျူမြို့ဟောင်းများဖွင့်လှစ်ထားမည်၊ ပြတိုက်များပိတ်မည်
၂။ ပြင်ပရွှေပေါက်ဈေး ၂၈ သိန်း ၉ သောင်းနီးပါး ပေါက်ဈေးရှိနေပြီး အရောင်းအဝယ်မရှိ
၃။ သင်္ကြန်ကာလအိမ်ခြံမြေအရောင်းအဝယ်အေးမည်၊ သင်္ကြန်ပြီးမှအရောင်းအဝယ်ပြန်ဖြစ်မည်ဟုဆို
၄။ ဒေါင်ဖန်မော်တော်ယာဉ်ထုတ်လုပ်ရေးမှ ကားမော်ဒယ်လ်အချို့ကို လျှော့ဈေး(၄၀)ရာခိုင်နှုန်းကျော်လျှော့ချပြီး ဆွဲဆောင်မှုများလုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
Page 77 of 136
