#World_Health
Published 1 August 2025

▪️ ယနေ့ခေတ် ကလေးတွေမှာ အမြင်အာရုံပြဿနာများ ဖြစ်နိုင်ခြေများစေတဲ့ အကြောင်းအရင်းများစွာ ရှိနေပါတယ်။

▪️ ဒါပေမဲ့ ကျန်းမာရေးနဲ့ညီညွတ်တဲ့ အလေ့အထတွေနဲ့ ကလေးတွေရဲ့ အမြင်အာရုံကို ကာကွယ်နိုင်ပါတယ်။

▪️ ဒီအတွက် မျက်လုံးပြဿနာအန္တရာယ်များ ဖြစ်နိုင်ခြေနည်းအောင် ကလေးတွေကို သွန်သင်ပြောပြပေးရမယ့် နည်းလမ်းများကို ဖော်ပြလိုက်ပါတယ်။

▪️ (၁) တီဗီ၊ ဖုန်း၊ ကွန်ပျူတာ အသုံးပြုတာများရင် အဝေးမှုန်ခြင်းဖြစ်နိုင်တာကြောင့် အချိန်အကန့်အသတ်ဖြင့်သာ ကြည့်ရှုစေရပါမယ်။

▪️ (၂) အပြင်ဘက်မှာ တစ်နေ့ကို ၁-၂ နာရီလောက် လှုပ်ရှားစေခြင်းဖြင့် သဘာဝအလင်းရောင် ထိတွေ့စေပြီး မျက်လုံးကြွက်သားများ အားကောင်းစေပါတယ်။

▪️ (၃) အလင်းရောင်ကောင်းကောင်းမရရင် မျက်လုံးကိုဒဏ်ဖြစ်စေတာကြောင့် ကလေးတွေ စာလေ့လာတဲ့အခါ အလင်းရောင်ကောင်းစွာ ရပါစေ။

▪️ (၄) အဝေးမှုန်ခြင်းနဲ့ မျက်လုံးဒဏ်ဖြစ်ခြင်းမှ ကာကွယ်နိုင်ရန် စာအုပ်တွေ၊ ဖုန်းတွေကြည့်တဲ့အခါ အနည်းဆုံး ၁၂-၁၆ လက်မလောက် ခွာကြည့်ခိုင်းပါ။

▪️ (၅) မကြာခဏ မျက်တောင်ခတ်ခြင်း၊ အနီးကြည့်ရာကနေ အဝေးသို့ပြောင်းကြည့်ခြင်းစသဖြင့် သာမန်မျက်လုံးလေ့ကျင့်ခန်းများက မျက်လုံးကြွက်သားများကို သန်မာစေပါတယ်။

▪️ (၆) ဗိုက်တာမင်-အေ၊ စီ၊ အီး၊ ဇင့်၊ အိုမီဂါ-၃ ဖက်တီးအက်ဆစ်တို့ကြွယ်ဝတဲ့ အစားအစာတွေ စားခြင်းဖြင့် မျက်လုံးကျန်းမာရေး ကောင်းမွန်စေပါတယ်။

▪️ (၇) ညဘက်လုံလောက်စွာ အိပ်စက်ခြင်းက မျက်လုံးနဲ့ ဦးနှောက်ကို မှန်ကန်စွာ အားဖြည့်စေပါတယ်။

▪️ (၈) ရေဓာတ်ခန်းခြောက်ရင် မျက်လုံးခြောက်သွေ့နိုင်တာကြောင့် တစ်နေ့တာလုံး ရေလုံလောက်စွာ သောက်ခိုင်းသင့်ပါတယ်။

▪️ (၉) မျက်လုံးကို လက်နဲ့ပွတ်မိရင် ရောဂါပိုးဝင်နိုင်တာကြောင့် လက်တွေကို သန့်ရှင်းစွာထားဖို့ သင်ပြထားသင့်ပါတယ်။

▪️ (၁၀) မျက်စိပုံမှန်စမ်းသပ်စစ်ဆေးခြင်းဖြင့် မျက်လုံးပြဿနာများ စောစီးစွာသိရှိနိုင်သဖြင့် စောစာဖြေရှင်းနိုင်မှာ ဖြစ်ပါတယ်။

#Source: DoctorNDTV

ကမ္ဘောဒီးယားနယ်စပ်နား ပဋိပက္ခဒဏ်ခံရတဲ့ ထိုင်းနိုင်ငံ ဆူရင်ပြည်နယ်ရှိရွာတွေအနေနဲ့ အပစ်အခတ်ရပ်စဲရေးရရှိပြီးနောက်မှာတောင် ပျက်စီးမှုအဆုံးအရှုံးဒဏ်တွေ ခံနေရပါတယ်။
#Asia_Crisis
Published 31 July 2025
#ထိုင်း-ကမ္ဘောဒီးယား #အပစ်အခတ်ရပ်စဲ
#YMG #Yangon_Times #Yangon_Media_Group

#Daily_News

Published 31 July 2025

၁။ ‌‌‌‎အိမ်အရောက်စားအုန်းဆီရောင်းချမှု ဩဂုတ်လ ၄ ရက်တွင် ပြန်လည်စတင်မည်

‎၂။ ‌‎‎‎‌‎‎‎စက်သုံးဆီအားလုံး အတက်ဈေးဖြင့် ဈေးတန်းပြီးငြိမ်နေ

၃။ ‌‎‎နေပြည်တော်နှင့် ပြည်နယ်နှစ်ခု၌ မိုးဆက်ကြီးနိုင်

၄။ ‎ထိုင်း-ကမ္ဘောဒီးယား အပစ်အခတ်ရပ်စဲရေးရရှိသော်ငြား နယ်စပ်ရွာများစစ်ဘေးဒဏ်ခံနေရဆဲ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 31 July 2025

▪️ စက်တင်ဘာလမှာ ပြုလုပ်မယ့် ကုလသမဂ္ဂအစည်းအဝေးတစ်ခုမှာ ကနေဒါက ပါလက်စ်တိုင်းကို နိုင်ငံတစ်ခုအဖြစ် အသိအမှတ်ပြုသွားဖို့ စီစဉ်နေကြောင်း ဝန်ကြီးချုပ် မာ့ခ်ကာနေးက ကြေညာသွားပါတယ်။

▪️ ဂါဇာမှာ ငတ်မွတ်ခေါင်းပါးမှု ဆိုးရွားလာချိန်မှာ အစ္စရေးလ်အပေါ် ဖိအားပေးလာတာ ဖြစ်ပါတယ်။

▪️ ဂါဇာမှာ တိုက်ခိုက်မှုတွေ ရပ်တန့်ခြင်းမရှိပါက ပြင်သစ်နဲ့ ဗြိတိန်တို့က စက်တင်ဘာလ ကုလအထွေထွေ ညီလာခံအစည်းအဝေးမှာ ပါလက်စ်တိုင်းနိုင်ငံကို အသိအမှတ်ပြုသွားမယ်လို့ ပြီးခဲ့တဲ့ ရက်သတ္တပတ်က ကြေညာထားပါတယ်။

▪️ ဂါဇာမြေပြင်က အခြေအနေတွေကို ကြည့်တာနဲ့တင် ပါလက်စ်တိုင်းနိုင်ငံရဲ့အနေအထားက ဆုတ်ယုတ်လာတာ တွေ့ရတယ်လို့ ကာနေးက သတင်းထောက်တွေကို ပြောခဲ့ပါတယ်။

▪️ ပါလက်စ်တိုင်းနိုင်ငံအဖြစ် ကိုယ်စားပြုတဲ့ အာဏာပိုင်တွေက အစိုးရပြန်လည်ဖွဲ့စည်းပြီး ၂၀၂၆ မှာ ဟားမတ်စ်တွေ မပါဝင်တဲ့ အထွေထွေရွေးကောက်ပွဲ ပြုလုပ်သွားဖို့ ဆန္ဒရှိကြောင်း အခိုင်အမာပြောခဲ့တဲ့အပေါ်အခြေခံကာ ကနေဒါက အသိအမှတ်ပြုသွားမှာဖြစ်ကြောင်း ဆိုပါတယ်။

▪️ ဂါဇာသို့ဝင်ရောက်မယ့် အကူအညီတွေကို အစ္စရေးလ်ကန့်သတ်ပိတ်ပင်တဲ့အပေါ် နိုင်ငံတကာက အမျက်ထွက်နေကြရာမှာ အစ္စရေးလ်ရဲ့ မဟာမိတ်တွေကပါ အခုလိုကြေညာလာကြတာ ဖြစ်ပါတယ်။

▪️ အမေရိကန်နဲ့ အစ္စရေးလ်တို့ကတော့ ကာနေးရဲ့ ထုတ်ပြန်ချက်တွေကို ငြင်းဆန်လိုက်ကာ ကနေဒါအစိုးရအပြောင်းအလဲဖြစ်ချိန်မှာ ဟားမတ်စ်တို့အတွက် အခွင့်အရေးရစေနိုင်ပြီး ဂါဇာအပစ်အခတ်ရပ်စဲရေး အားထုတ်မှုတွေကို ထိခိုက်စေနိုင်တယ်လို့ ပြောနေကြပါတယ်။

▪️ ပါလက်စ်တိုင်းက ၂၀၁၂ နောက်ပိုင်း ကုလအထွေထွေညီလာခံရဲ့ စောင့်ကြည့်နိုင်ငံအဖြစ် ရှိနေခဲ့ပြီး အဖွဲ့ဝင် ၁၉၃ နိုင်ငံရဲ့ ၄ ပုံ ၃ ပုံကျော်က အသိအမှတ်ပြုထားပါတယ်။

▪️ ပါလက်စ်တိုင်းအသိအမှတ်ပြုခြင်းက အစ္စရေးလ်ကို ဖိအားပေးဖို့ဆိုပေမယ့် ကနေဒါရဲ့ ကြေညာချက်က အစ္စရေးလ်နဲ့ ဆက်ဆံရေးကို ပျက်ပြားစေနိုင်တယ်လို့ အမေရိကန် ထောက်လှမ်းရေးအရာရှိဟောင်း ဂျိုနသန်ပါနီကော့ဖ်က ပြောသွားပါတယ်။

#Source: Reuters

#World_Science
Published 31 July 2025

▪️ မားစ်ဂြိုဟ်(အင်္ဂါဂြိုဟ်)အကြောင်း လေ့လာဖို့ကြိုးစားရာမှာ သူ့ရဲ့တောင်ပိုင်းကုန်းပြင်မြင့်တွေရှိ ရှေးဟောင်းမြစ်ကမ်းပြင် ၁၅,၀၀၀ ကီလိုမီတာကျော်ကို တွေ့ရှိခဲ့တာကြောင့် တစ်ချိန်က ရေတွေတည်ရှိခဲ့နိုင်တယ်လို့ ယူဆရပါတယ်။

▪️ အခုမှတွေ့ရှိတဲ့ မားစ်ဂြိုဟ်မြစ်ဟာ ကီလိုမီတာ ၁၅,၀၀၀ ကျော်အထိ ရှိနေကာ ကမ္ဘာပေါ်က ဂင်္ဂါမြစ်ထက် ပိုရှည်လျားနေပါတယ်။

▪️ မြစ်လမ်းကြောင်းတွေက မားစ်ဂြိုဟ်ပေါ်က မရှာဖွေရသေးတဲ့ နိုအာခစ်တယ်ရာကွင်းပြင်ကြီးမှာ တွေ့ရှိတာ ဖြစ်ပါတယ်။

▪️ မြစ်စီးဆင်းရာကနေ အနည်တွေထိုင်ပြီး အချိန်ကြာလာတဲ့အချိန်မှာ ကြောရိုးကြီးတွေ ဖြစ်ပေါ်ခဲ့တယ်လို့ ယူဆရပြီး နောက်ပိုင်းမှာ တိုက်စားသွားခံရပါတယ်။

▪️ သုတေသီအဖွဲ့က CTX , MOLA , HiRISE ကိရိယာများအသုံးပြုရာကနေ ရရှိတဲ့ အချက်အလက်များဖြင့် မြစ်ကြမ်းပြင်တွေရဲ့ တည်နေရာ၊ အရှည်၊ ပုံသဏ္ဍာန်တို့ကို ပုံဖော်ခဲ့ကြပါတယ်။

▪️ မြစ်ကြောရိုးတွေကို နေရာကျယ်ကျယ်ပြန့်ပြန့် တွေ့ရပြီး အချို့နေရာတွေမှာ ကီလိုမီတာရာနဲ့ချီ ရှိနေပါတယ်။

▪️ မားစ်ဂြိုဟ်ဟာ အေးမြခြောက်သွေ့တယ်လို့ ယူဆထားပြီး အချိန်ခဏတာလောက် ရေခဲအရည်ပျော်ရာကနေ မြစ်တွေပေါ်ပေါက်ခဲ့တယ်လို့ ထင်နေကြပါတယ်။

▪️ အထောက်အထားအသစ်အရ မားစ်မှာ မြစ်တွေဆက်သွယ်နေတဲ့စနစ်ရှိနိုင်တဲ့ ရာသီဥတုရှိခဲ့နိုင်တဲ့သဘော ဖြစ်နေပါတယ်။

▪️ ဒီတွေ့ရှိချက်က မားစ်ဂြိုဟ်ရဲ့အတိတ်ကို ပြန်လည်ပုံဖော်နိုင်စေရုံမက ယနေ့ခေတ် ကမ္ဘာပေါ်က ပြောင်းလဲမှုကြီးတွေကိုပါ လေ့လာစရာဖြစ်လာစေပါတယ်။

#Source: India Today

#World_Health
Published 31 July 2025

▪️ လူသားတွေ အိုမင်းရင့်ရော်ခြင်းဖြစ်စဉ် စတင်မြန်ဆန်လာတဲ့ အချိန်ကာလက ထင်ထားတာထက် ပိုစောနိုင်တယ်လို့ လေ့လာတွေ့ရှိထားပါတယ်။

▪️ အရေးကြီး ကိုယ်တွင်းအင်္ဂါတစ်ခု ထိခိုက်ရာကနေ အခြားနေရာတွေမှာပါ လျင်မြန်စွာ ပျက်စီးလာပါတယ်။

▪️ တရုတ်သိပ္ပံပညာရှင်များက အသက် ၁၄ နှစ်မှ ၆၈ နှစ်ကြား ဦးနှောက်မတော်တဆထိခိုက်မှုကနေ အသက်ဆုံးပါးထားတဲ့ အင်္ဂါလှူဒါန်းသူ ၇၆ ဦးထံမှ တစ်ရှူးနမူနာ ၅၁၆ ခုကို ဆန်းစစ်ခဲ့ကြပါတယ်။

▪️ ရောဂါဖြစ်ခြင်းနဲ့ ဆက်စပ်တဲ့ ပရိုတိန်း ၄၈ ခုက အသက်ကြီးလာတာနဲ့အမျှ သိသာထင်ရှားလာပါတယ်။

▪️ အင်္ဂါအားလုံးက တူညီစွာ အိုမင်းလာတာမဟုတ်ဘဲ ဟော်မုန်းတွေထုတ်ပေးတဲ့ အက်ဒရီနယ်ဂလင်းမှ ပရိုတိန်းပြောင်းလဲမှုက အသက် ၃၀ လောက်တည်းက စတင်လာပါတယ်။

▪️ တကယ်တမ်းပြောင်းလဲမှုကတော့ ၄၅ နှစ်မှ ၅၅ နှစ်ကြားဖြစ်ပြီး အဓိကအင်္ဂါစနစ်တွေမှာ အလျင်အမြန် ဖြစ်ပျက်လာပါတယ်။

▪️ အောက်ဆီဂျင်ပါတဲ့သွေးတွေကို တစ်ကိုယ်လုံးထံ ပေးပို့တဲ့ သွေးကြောမကြီးမှာ အသိသာဆုံးပြောင်းလဲပါတယ်။

▪️ အသက်ကြီးလာတာနဲ့အမျှ သွေးကြောမကြီးထဲက GAS6 လို့ခေါ်တဲ့ ပရိုတိန်းတစ်မျိုး မြင့်တက်လာကာ အိုမင်းရင့်ရော်ခြင်းဖြစ်စဉ်တွေ ဖြစ်ပေါ်စေတယ်လို့ သုတေသီတွေ ယူဆနေပါတယ်။

▪️ အိုမင်းရင့်ရော်ခြင်းဆိုတာက တသမတ်တည်းအရှိန်ဖြင့် သွားနေတာမဟုတ်ဘူးလို့ ယုံကြည်စရာ ဖြစ်လာပါတယ်။

▪️ အသက် ၅၀ အရွယ်ကို ဇီဝဖြစ်စဉ် အကူးအပြောင်းအရွယ်အဖြစ် သတ်မှတ်ဖို့က နောက်ထပ်သုတေသနတွေ ပြုလုပ်သွားရဦးမှာ ဖြစ်ပါတယ်။

#Source: New York Post