Published 5 Sept 2022

(၇)ကြိမ်မြောက် အရှေ့ပိုင်းစီးပွားရေးဖိုရမ် (EEF) ကို ရုရှားနိုင်ငံ ဗလက်ဒီဗိုစတော့ခ်မြို့တွင်  စက်တင်ဘာ (၅)ရက် တနင်္လာနေ့က” ဝင်ရိုးစုံကမ္ဘာသို့ ဝင်ပေါက်လမ်း”ဆိုတဲ့ အာဘော်နှင့်   ဖွင့်လှစ်လိုက်ပါတယ်။

နိုင်ငံပေါင်း ၆၀ကျော်နှင့် ဒေသတွေက ကိုယ်စားလှယ်တွေ ဖိုရမ်တက်ရောက်လာကြတယ်လို့ ကြီးမှူးကျင်းပသူက ပြောပါတယ်။

ဗုဒ္ဓဟူးနေ့မှာကျင်းပမယ့် ဖိုရမ်ရဲ့ မျက်နှာစုံညီအစည်းအဝေးကို ရုရှားသမ္မတ ဗလက်ဒီမာ ပူတင်တက်ရောက်ဖို့ရှိပါတယ်။

EEF ဟာ ၂၀၁၅ခုနှစ် မေလမှာပူတင်ရဲ့ အမိန့်ဒီကရီနှင့် တည်ထောင်ခဲ့ပါတယ်။ အဲဒီအမိန့်ဒီကရီအရ ဗလက်ဒီဗိုစတော့ခ်မှာ နှစ်စဉ်ကျင်းပရမှာဖြစ်ပြီး ရုရှားရဲ့ အရှေ့ဖျားဒေသ စီးပွားရေးဖွံ့ဖြိုးတိုးတက်ရေး မြှင့်တင်ဖို့နှင့် အာရှပစိဖိတ်ဒေသမှာ နိုင်ငံ တကာပူးပေါင်းဆောင်ရွက်ရေးချဲ့ထွင်ဖို့ ရည်ရွယ်ပြီး တည်ထောင်ခဲ့တာဖြစ်ပါတယ်။

Source CCTV+

#Eastern_Economic_Forum_(EEF)

#7^th_EEF

#Vladivostok_Russia

Published 5 Sept 2022

ရုရှားဖက်ဒရေးရှင်းနိုင်ငံကို ရောက်ရှိနေတဲ့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်နှင့် အဆင့်မြင့် မြန်မာ ကိုယ်စားလှယ်အဖွဲ့ဟာ စက်တင်ဘာ ၅ရက် တနင်္လာနေ့က ဗလက်ဒီဗော့စတော့ခ်မြို့က ရေတပ်လေ့ကျင့်ရေးသင်တန်းကျောင်း၊ အရှေ့ဖျား ရေငုပ်သင်္ဘောဌာနချုပ်နှင့် အပြည်ပြည်ဆိုင်ရာ ဆိပ်ကမ်းတွေကို သွားရောက်လေ့လာကြည့်ရှုခဲ့တယ်လို့ နစကသတင်းထုတ်ပြန်ရေးအဖွဲ့ က ထုတ်ပြန်တဲ့ သတင်းမှာ ဖော်ပြထားပါတယ်။

ရုရှားရဲ့ တတိယမြောက်ဖွင့်လှစ်ခဲ့တဲ့ ရေတပ်လေ့ကျင့်ရေးသင်တန်းကျောင်း (Makarov Pacific Higher Naval School)ကို ပထမဦးစွာ လေ့လာကြည့်ရှုခဲ့ရာမှာ  သင်တန်းကျောင်း ကျောင်းအုပ်ကြီး ရေတပ်ဗိုလ်ချုပ် ဗလက်ဒီမာ ဗာဆီလီဗစ် ဘူရာကော့ဗ်က သင်တန်းကျောင်းနှင့်ပတ်သက်ပြီး ရှင်းလင်းပြောကြားခဲ့တယ်လို့သိရပါတယ်။

အဲဒီသင်တန်းကျောင်းမှာ သင်တန်းသားတွေကိုယ်တိုင် တီထွင်ထားတဲ့ ဆိုလာစွမ်းအင်သုံး ရေယာဉ်ကို စမ်းသပ်မောင်းနှင်ပြခဲ့တယ်လို့လည်းဆိုပါတယ်။

အဲဒီနောက် အရှေ့ဖျားရေငုပ်သင်္ဘောဌာနချုပ် Pacific Fleet Headquarters  ကိုဆက်လက်သွားရောက်ရာမှာ ဒုတိယဌာနချုပ်မှူးဖြစ်တဲ့ ရေတပ်ဗိုလ်ချူပ် ဗလက်ဒီမာ အက်စတာဟော့ဗ်က ဌာနချုပ်နှင့်ပတ်သက်၍ လိုက်လံရှင်းလင်း ပြသခဲ့ကြောင်းသတင်းထုတ်ပြန်ထားပါတယ်။

ညနေပိုင်းမှာ ဗိုလ်ချူပ်မှူးကြီးနှင့် မြန်မာအဆင့်မြင့်ကိုယ်စားလှယ်အဖွဲ့ဟာ ဗလာဒီဗော့စတော့ခ် အပြည်ပြည်ဆိုင်ရာ ဆိပ်ကမ်းကို ဆက်လက်လေ့လာခဲ့ကြရာမှာ အရှေ့ဖျားသင်္ဘောကျင်းကုမ္ပဏီ အကြီးအကဲ မစ္စတာအင်ဒရေးဆာဗာရီလော့ဗ်က  အပြည်ပြည်ဆိုင်ရာဆိပ်ကမ်းလုပ်ငန်းလည်ပတ်ဆောင်ရွက်နေမှုတွေကို ရှင်းလင်းပြသခဲ့ကြပါတယ်။

အဲဒီဆိပ်ကမ်းကို ၁၈၇၂ ခုနှစ်မှာ ရုရှားရေတပ်ဌာနချုပ်အဖြစ် စတင်တည်ဆောက်ခဲ့ပြီး ပထမကမ္ဘာစစ်ကာလအတွင်း စစ်ဘက် သယ်ယူပို့ဆောင်ရေးတွေကို အဓိကထားဆောင်ရွက်ခဲ့ပါတယ်။ ဒုတိယကမ္ဘာစစ်ကာလမှာ နိုင်ငံခြားကုန်တင်သင်္ဘောအချို့ စတင်ဝင်ရောက်ဆိုက်ကပ်ခဲ့ပြီးနောက် ၁၉၉၀ပြည်နှစ်တွင် အပြည်ပြည်ဆိုင်ရာဆိပ်ကမ်းအဖြစ်ပြောင်းလဲခဲ့တာလို့သိရပါတယ်။  ဒီဆိပ်ကမ်းဟာ ရုရှာဖက်ဒရေးရှင်းနှင့် နိုင်ငံအရှေ့ပိုင်းတို့တွင် အကြီးဆုံးဆိပ်ကမ်းဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

ထို့အပြင် ဗိုလ်ချူပ်မှူးကြီးနှင့်အဖွဲ့ဟာ Far Eastern Federal University Medical Centerကိုလည်းသွားရောက်လေ့လာခဲ့တယ်လို့သိရပါတယ်။

Source: SAC’s information

Published 4 Sept 2022

တရုတ်နိုင်ငံက နေရောင်ခြည်စွမ်းအင်သုံး မောင်းသူမဲ့  ချီမင်ရှင်း-၅၀ သို့မဟုတ် ဖော့စ်ဖရပ်-၅၀ လို့အမည်ပေးထားတဲ့ လေယာဉ်ကို စနေနေ့ကတရုတ်နိုင်ငံ အနောက်မြောက် ရှန်ရှီးပြည်နယ်က ယုလင်မြို့မှာ  အောင်မြင်စွာ စမ်းသပ်ပျံသန်းနိုင်ခဲ့ပါတယ်။

တရုတ်နိုင်ငံရဲ့ အဓိက လေယာဉ်ပျံထုတ်လုပ်တဲ့ တရုတ်လေကြောင်းစက်မှုလုပ်ငန်းကော်ပိုရေးရှင်း AVIC ရဲ့ အမှတ်(၁) လေယာဉ်ဒီဇိုင်းနှင့်သုတေသနဌာနက ထုတ်လုပ်တဲ့ အဲဒီ နေရောင်ခြည်စွမ်းအင်သုံး ဒရုန်းကြီးဟာ  စနေနေ့ ညနေ(၅)နာရီ မိနစ်(၅၀)မှာ ပျံတက်ခဲ့ပြီး ၂၆မိနစ်ကြာပျံသန်းပြီးနောက် ညနေ ၆နာရီ ၁၆ မိနစ်မှာ ချောမွေ့စွာဆင်းသက်နိုင်ခဲ့ပါတယ်။

ဒီလေယာဉ်ဟာ AVIC ကထုတ်လုပ်တဲ့ အလွန်မြင့်မားတဲ့ သွင်ပြင်အချိုးအစားရှိတဲ့ အမြင့်ပျံ မြန်နှုန်းနိမ့် လေယာဉ်ပျံတစ်စီးဖြစ်ပါတယ်။ပထမဆုံး လေယာဉ်ကိုယ်ထည်နှစ်ခုနှင့် အကြီးစားလေယာဉ်ဖြစ်ပြီး ပထမဆုံး နေရောင်ခြည်စွမ်းအင်တစ်ခုတည်းသုံး အရာအားလုံး လျှပ်စစ်နှင့် အရွယ်ကြီးမား ဒရုန်းပလက်ဖောင်းလည်းဖြစ်ပါတယ်။

ဒီလေယာဉ်ဟာ အမြင့် ထောက်လှမ်းခြင်းတောမီးလောင်မှုစောင့်ကြပ်ကြည့်ရှုခြင်း၊ လေထုဝန်းကျင်စောင့်ကြပ်ကြည်ရှုခြင်း၊ ပထဝီအနေအထားမြေပုံမှတ်သားခြင်းနှင့်ဆက်သွယ်ရေးဆောင်ရွက်ခြင်းတွေ အတွက် သန့်ရှင်းစိမ်းလန်းပြီး ပတ်ဝန်းကျင်ထိန်းသိမ်းရေးအထောက်အကူပြုတဲ့ နေရောင်ခြည်စွမ်းအင်သုံးကာ အမြင့်မှာ အချိန်ကြာကြာ မရပ်မနားပျံသန်းနိုင်ပါတယ်။

ယခုလေယာဉ်တည်ဆောက်နိုင်တဲ့အတွက် လေကြောင်းပျံသန်းရေးမှာ မောင်းသူမဲ့ နေရောင်ခြည်စွမ်းအင်သုံးလေယာဉ် အကြီးစားတွေတည်ဆောက်ဖို့ ခိုင်မာတဲ့အုတ်မြစ်တစ်ခု အောင်မြင်စွာချလိုက်နိုင်တာလို့ သတင်းကဖော်ပြပါတယ်။

Source: CCTV Plus

#Solar_powered_unmanned_aircraft

#China_avaiation

#Green_energy

Published - 4 September 2022

နစကဥက္ကဋ္ဌရဲ့ ယခုရုရှားခရီးစဉ်အတွင်း ရုရှားသမ္မတပူတင်နှင့် နစက ဥက္ကဌ ဗိုလ်ချုပ်မှူးကြီး မင်းအောင်လှိုင်တို့ တွေ့ဆုံကြဖို့ရှိတယ်လို့ နစက အဆင့်မြင့် အရာရှိကြီးတစ်ဦးက YMG ရဲ့မေးမြန်းချက်အပေါ် အတည်ပြုပြောဆိုပါတယ်။

"ဒီခရီးစဉ်မှာ ရုရှားနိုင်ငံအစိုးရအဖွဲ့ဝန်ကြီးတော်တော်များများနဲ့တွေ့ဖြစ်ပါမယ်၊ရုရှားသမ္မတနဲ့ တွေ့မယ်။ဘာတွေဆွေးနွေးဖြစ်မယ်ဆိုတာတော့ မသိရသေးပါဘူး"ဟု ယင်းကပြောပါတယ်။

ရုရှားဖက်ဒရေးရှင်းနိုင်ငံ၊ ဗလာဒီဘော့စတော့မြို တွင် စက်တင်ဘာ ၅ ရက်မှ ၈ ရက်အထိ ကျင်းပပြုလုပ်မည့် (၇ ) ကြိမ်မြောက် အရှေ့ဖျားစီးပွားရေးဖိုရမ်- ၂၀၂၂ ( The 7th Eastern Economic Forum 2022) သို တက်ရောက်ရန် နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ဟာ ယနေ့ စက်တင်ဘာ ၄ရက်နေ့မှာ ရုရှားနိုင်ငံ  ဗလာဒီဘော့စတော့မြိုသို ရောက်ရှိကြောင်း ရုရှားမီဒီယာအချို့ရဲ့ သတင်းထုတ်ပြန်ချက်အရသိရပါတယ်။

ဗိုလ်ချုပ်မှုးကြီးမင်းအောင်လှိုင် ရုရှားဖက်ဒရေးရှင်းနိုင်ငံအစိုးရ၊အရှေ့ဖျားစီးပွားရေးဖိုရမ်(EEF)၏ ဖိတ်ကြားချက်အရ ရက်ပိုင်းအတွင်း သွားရောက်မည် ဖြစ်ကြောင်း စက်တင်ဘာလ ၂ ရက် ည ပိုင်းတွင် နစက အနေဖြင့် သတင်းထုတ်ပြန်ထားခဲ့တာဖြစ်ပါတယ်။

အဆိုပါ ခရီးစဉ်အတွင်း ရုရှားဖက်ဒရေးရှင်းနိုင်ငံ ဗလာဒီဘော့စတော့မြို့တွင် စက်တင်ဘာလ ၅ ရက် မှ ၈ ရက်ထိ ပြုလုပ်မည့် ၇ ကြိမ်မြောက် အရှေ့ဖျား စီးပွားရေးဖိုရမ် ကို ပါဝင်တက်ရောက်မည်ဖြစ်ပြီး ရုရှားဖက်ဒရေးရှင်းနိုင်ငံအစိုးရအဖွဲ့တာဝန်ရှိသူများနှင့် တွေ့ဆုံကာ နှစ်နိုင်ငံကြား ချစ်ကြည်ရေးနှင့် စီးပွားရေးပေါင်းစုံတွင် ပူးပေါင်းဆောင်ရွက်သွားမည် ဖြစ်ကြောင်းလည်း အဆိုပါထုတ်ပြန်ချက်တွင် ဖော်ပြထားပါတယ်။

ymg/mt

Yamgon_Media_Group

#SAC_Myanmar

#Russia_Myanmar

#Myanmar_Politics

Published 4 Sept 2022

1MDB နှင့်ဆက်စပ်တဲ့ အဂတိလိုက်စားမှုကြောင့် ထောင်ကျခံနေရတဲ့ မလေးရှားဝန်ကြီးချုပ်ဟောင်း နာဂျစ်ရာဇက်ဟာ  ဒီကနေ့  ဆေးရုံတင်လိုက်ရတယ်လို့ သူ့ရဲ့ အထူးအရာရှိက စက်တင်ဘာ ၄ ရက်က ပြောပါတယ်။

“ သူဟာလက်ရှိ ကွာလာလမ်ပူဆေးရုံမှာ တက်ရောက်ကုသခံနေပါတယ်။ ပူးပေါင်းကူညီပြီး လိုအပ်တာဆောင်ရွက်ပေးကြတဲ့ အကျဉ်းထောင် အာဏာပိုင်တွေနှင့် ကွာလာလမ်ပူဆေးရုံဝန်ထမ်းတွေကိုကျေးဇူးတင်ပါတယ်” လို့  မူဟာမက် မူခလစ် မက်ရီဘီက ပြောပါတယ်။

ဒါပေမယ့် ဆေးရုံတက်ကုသရတဲ့အထိဖြစ်လာရတဲ့ နာဂျစ်ရဲ့ နာမကျန်းမှုအသေးစိတ်ကိုတော့ သူက ပြောမသွားပါဘူး။

နာဂျစ်အခြေအနေဟာတည်ငြိမ်နေပြီး ဆေးကုသဖို့လိုအပ်နေတယ် လို့ အကျဉ်းထောင်အရာရှိတစ်ဦးကပြောတယ်လို့ အက်စထရို အန်ဝါနီ သတင်းဌာနက ပြောပါတယ်။

 အကျဉ်းထောင်အတွင်း မသိရသေးတဲ့ အဖြစ်တစ်ခုအပြီးမှာ ဝန်ကြီးချုပ်ဟာ ကျန်းမာရေးစစ်ဆေးခံရတာဖြစ်တယ်လို့ ယုံကြည်ရတယ်လို့ အရင်းအမြစ်တစ်ခုကပြောပါတယ်။

“ ကျန်းမာရေးစစ်ဆေးမှုတွေပြီးရင်တော့ သိရမှာပါ ။ အချိန်တော့ နည်းနည်းကြာမယ်” လို့ အဆိုပါ အရင်းအမြစ်ကပြောပါတယ်။

အခြားသတင်းပေါ်တယ်တစ်ခုကတော့ ဝန်ကြီးချုပ်ဟောင်းဟာ ကိုယ်တွင်းသွေးယိုစိမ့်မှုတစ်ခုကြောင့် ကွာလာလမ်ပူ ဆေးရုံတင်လိုက်ရတာလို့ ရေးသားပါတယ်။

Source: Straits Times

#Najib Razak

#Najib_Razak_hospitalized

#Hospital_Kuala_Lumpur

Published 4 Sept 2022

သမ္မတဟောင်း ဒေါ်နယ်ထရမ့်က သူ့နေရာဆက်ခံထားတဲ့ ဂျိုးဘိုင်ဒင်ကို “ နိုင်ငံတော်ရဲ့ရန်သူ” လို့ တံဆိပ်တပ်လိုက်ပါတယ်။ စက်တင်ဘာ ၃ရက်က ပဲင်စီလ်ဗေးနီးယား မှာ ကျင်းပတဲ့ စုရုံးပွဲတစ်ခုမှာ သူက အဲသလိုပြောကြားခဲ့တာဖြစ်ပါတယ်။  သူက ပြီးခဲ့တဲ့လက သူ့ရဲ့ဖလော်ရီဒါအိမ်ကို အက်ဖ်ဘီအိုင်က စီးနင်းတဲ့ကိစ္စကိုလည်း ပြစ်တင်ဝေဖန်လိုက်ပါတယ်။

“ ခင်ဗျားတို့ အမှန်တရားကို သိချင်ကြသလား။ နိုင်ငံတော်ရဲ့ ရန်သူက သူနှင့်  သူ့ကိုထိန်းချုပ်နေတဲ့ အုပ်စုပဲ” လို့ သူက ပြောလိုက်တဲ့အခါ သူ့ထောက်ခံသူတွေက ဩဘာပေးကြပါတယ်။

Source AFP

#Donald_Trump

#Joe_Biden

#Enemy _of_the_state