#World_Health
Published 25?March 2025

▪️ မြစ်စွန်မြစ်ဖျားတွေအနီး နေထိုင်တဲ့သူတွေဟာ ကင်ဆာဖြစ်နိုင်ခြေ များတယ်လို့ အိန္ဒိယဆေးသုတေသနကောင်စီ (ICMR)က လေ့လာဖော်ပြပါတယ်။

▪️ ထိုနေရာတွေမှာ ကျန်းမာရေးအန္တရာယ်က ဘေးကင်းစိတ်ချရတဲ့အမှတ်ကို ကျော်လွန်နေကာ ကျန်းမာရေးပြဿနာများ ဖြစ်လာနိုင်တယ်လို့ အိန္ဒိယသိပ္ပံအကယ်ဒမီမှာ ဖော်ပြထားပါတယ်။

▪️ ရေထဲမှာ ခဲဓာတ်၊ သံဓာတ်၊ အလူမီနီယံဓာတ်တို့ မြင့်မားစွာ ပါဝင်နေကာ ညစ်ညမ်းမှုထိန်းချုပ်ရေး ဗဟိုဘုတ်အဖွဲ့မှ သတ်မှတ်ထားတဲ့နှုန်းထက် ကျော်လွန်နေပါတယ်။

▪️ ကင်ဆာကုသရေး တိုးတက်ဖို့အတွက် ကျန်းမာရေးစောင့်ရှောက်မှု အပြင်အဆင်များ မြှင့်တင်နေတယ်လို့ ဗဟိုအစိုးရက ရေးသားဖော်ပြထားပါတယ်။

▪️ ပြည်နယ်အဆင့် ကင်ဆာတက္ကသိုလ်(SCI) ၁၉ ခုနဲ့ ကင်ဆာအဆင့်မြင့်စောင့်ရှောက်ရေးစင်တာ (TCCC) ၂၀ တို့က နည်းပညာမြင့် ရောဂါရှာဖွေရေးနဲ့ ကုသရေးဝန်ဆောင်မှုများ ပြုလုပ်ရန် အသိအမှတ်ပြုထားပါတယ်။

▪️ ဒါ့အပြင် အဆင့်မြင့်ဆေးရုံသစ် ၂၂ ခုမှာ ဆေးဘက်ဆိုင်ရာ၊ ခွဲစိတ်မှုနဲ့ ဓာတ်ရောင်ခြည်ဝန်ဆောင်မှုများ ပါဝင်တဲ့ ကင်ဆာကုသရေးစင်တာများ ထားရှိမှာဖြစ်ပါတယ်။

▪️ ဒီကုသရေးတွေက နွမ်းပါးတဲ့လူနာတွေအတွက် အခမဲ့ ဒါမှမဟုတ် ထောက်ပံ့ကြေးတွေနဲ့ ရရှိမှာဖြစ်ပါတယ်။

▪️ PM-JAYကျန်းမာရေး အာမခံအစီအစဉ်ကလည်း ကင်ဆာကုသရေးအတွက် ငွေကြေးအကူအညီပေးထားကာ ကျန်းမာရေးစောင့်ရှောက်မှုများအတွက် မိသားစုတစ်ခုအတွက် နှစ်စဉ်ရူပီး ၅ သိန်းထောက်ပံ့ပေးထားပါတယ်။

▪️ ဒီအစီအစဉ်က စီးပွားရေးချို့တဲ့သူပေါင်း သန်း ၅၅၀အတွက် ထောက်ပံ့ပေးထားကာ အသက် ၇၀ နဲ့အထက် လူကြီးအားလုံးလည်း ပါဝင်လာပါတယ်။

▪️ ပြည်နယ် ၂၉ ခုမှ AMRITဆေးဆိုင်ပေါင်း ၂၂၂ ဆိုင်မှာ ဆေးဝါးတွေကို ၅၀ ရာခိုင်နှုန်းလျှော့ဈေးဖြင့် ရရှိနိုင်ပါတယ်။

▪️ အစိုးရက ကင်ဆာစောစီးစွာတွေ့ရှိပြီး ကာကွယ်နိုင်ဖို့အတွက်လည်း လုပ်ဆောင်နေပါတယ်။

#Source: India Today

အမေရိကန်သမ္မတ ဒေါ်နယ်ထရမ့်က ပညာရေးဝန်ကြီးဌာန ဖျက်သိမ်းခြင်းလုပ်ငန်းစဉ် တရားဝင်စတင်ရန် သမ္မတအမိန့်ကို ကြာသပတေးနေ့က လက်မှတ်ရေးထိုးလိုက်ပြီ ဖြစ်ပါတယ်။
#World_News
Published 24 March 2025
#ဒေါ်နယ်ထရမ့်လက်မှတ်ရေးထိုး #ပညာရေးဝန်ကြီးဌာနပိတ်သိမ်း
#YMG #Yangon_Times #Yangon_Media_Group

#Daily_News

Published 24 March 2025

၁။ လူငယ်များ အသိပညာရှာမှီးရန် ရန်ကုန်တိုင်း၌ ပထမဆုံး လူငယ်စင်တာ စတင်ဖွင့်လှစ်

၂။ တောင်သူများထံမှ စပါးတင်းသိန်း၁၅၀နှင့် ဧည့်မထဆန်အိတ် လေးသိန်း ဝယ်ယူမည်

၃။ လျှပ်စစ်လိုအပ်ချက်အတွက် ဆိုလာများထုတ်လုပ်ရန် ပြည်တွင်းပြည်ပရင်းနှီးမြှုပ်နှံသူများဖိတ်ခေါ်မည်

၄။ ပညာရေးဝန်ကြီးဌာနပိတ်သိမ်းမည့် အစီအစဉ်အား ဒေါ်နယ်ထရမ့်လက်မှတ်ရေးထိုး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 24 March 2025

▪️ ရန်ကုန်အပါအဝင်တိုင်းနှင့်ပြည်နယ်အချို့၌ အချိန်အခါမဟုတ်မိုးရွာနိုင်ပြီး နေ့အပူချိန်များတိုးလာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ထုတ်ပြန်ချက်အရ သိရသည်။

▪️ ယနေ့ညနေအထိခန့်မှန်းချက်အရ မန္တလေးတိုင်း၊ စစ်ကိုင်းတိုင်းဒေသကြီးအထက်ပိုင်း၊ ကချင်၊ ချင်းပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာကွက်ကျား မိုးထစ်ချုန်းရွာမည်ဖြစ်ပြီး ရွာရန်ရာနှုန်း ၈၀ ဖြစ်ကြောင်းသိရသည်။

▪️ ထို့အပြင် နေပြည်တော်နှင့် ကယားပြည်နယ်တို့တွင် အများအားဖြင့် သာယာပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ကြောင်း သိရသည်။

▪️ နောက်(၂)ရက်အတွက်ခန့်မှန်းချက်အရ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်း ဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေ့အပူချိန်များ အနည်းငယ်တိုးလာနိုင်ကြောင်း သိရသည်။

#YMG/NN #Yangon_Times

စားအုန်းဆီ အခြေခံ ရည်ညွန်းဈေးတွေဆက်တိုက်ကျဆင်းနေပြီး သုံးလအတွင်းတစ်ပိဿာကို ကျပ်၄၀၀ ကျော်အထိကျဆင်းနေတယ်လို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ထုတ်ပြန်ချက်အရသိရပါတယ်။
#Local_News 
Published 24 March 2025
#စားအုန်းဆီရည်ညွန်းဈေး #စားအုန်းဆီဈေးကျဆင်း
#YMG/NN #Yangon_Times

နိုင်ငံတော်ရဲ့ လျှပ်စစ်လိုအပ်ချက်တွေ ဖြည့်ဆည်းပေးနိုင်ဖို့ ပြည်တွင်းပြည်ပရင်းနှီးမြှုပ်နှံသူတွေဖိတ်ခေါ်ပြီး ဆိုလာများဆက်လက်ထုတ်လုပ်နိုင်ရေး ပူးပေါင်းဆောင်ရွက်မယ်လို့ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက ပြောပါတယ်။
#Local_News 
Published 24 March 2025
#ဆိုလာများထုတ်လုပ် #ပြည်တွင်းပြည်ပရင်းနှီးမြှုပ်နှံသူများဖိတ်
#YMG/SW #Yangon_Times

မြန်မာနိုင်ငံဆန်စပါးအသင်းချုပ်အနေနဲ့ ပို့ကုန်ကုမ္ပဏီတွေ အသင်းဝင်ဆန်စက်ကြီးတွေနဲ့ ညှိနှိုင်းပြီး တောင်သူ‌ထံမှ စပါးတင်းသိန်း၁၅၀နဲ့ ဧည့်မထဆန်အိတ်လေးသိန်းကို ဝယ်ယူသွားမယ်လို့ သိရပါတယ်။
#Local_News 
Published 24 March 2025
#မြန်မာနိုင်ငံဆန်စပါးအသင်းချုပ် #ဧည့်မထဆန်အိတ်လေးသိန်းဝယ်ယူ
#YMG/SW #Yangon_Times

မျိုးဆက်သစ်လူငယ်တွေ  အသိပညာရှာမှီးနိုင်ဖို့ ရန်ကုန်တိုင်းမှာ ပထမဆုံး လူငယ်စင်တာကို စတင်ဖွင့်လှစ်ခဲ့ပြီး ကျန်တိုင်းနဲ့ပြည်နယ်တွေမှာလည်း ဆက်လက်ဖွင့်လှစ်ဖို့ကြိုးပမ်း‌နေတယ်လို့ မြန်မာနိုင်ငံ လူငယ်ရေးရာဗဟိုကော်မတီဥက္ကဌ အားကစားနှင့်လူငယ်ရေးရာဝန်ကြီးဌာန ပြည်ထောင်စု ဝန်ကြီး Jeng Phang နော်တောင်က ပြောပါတယ်။
#Local_News 
Published 24 March 2025
#လူငယ်များအသိပညာရှာမှီး #လူငယ်စင်တာဖွင့်လှစ်
#YMG/NN #Yangon_Times

#Local_News
Published 24 March 2025

▪️ ၂၀၂၇ အာရှဖလား တတိယအဆင့်ခြေစစ်ပွဲ အုပ်စုပထမပွဲစဉ်ကို မနက်ဖန်တွင် ရန်ကုန်မြို့၌  ကျင်းပမည်ဖြစ်ရာမြန်မာအသင်းနှင့် အာဖဂန်နစ္စတန် အသင်းတို့ ယှဉ်ပြိုင်ကစားမည်ဖြစ်ကြောင်း သိရသည်။

▪️ ထိုသို့ ယှဉ်ပြိုင်ကစားရာတွင် မတ် ၂၅ ရက် ညနေ ၅ နာရီတွင် ရန်ကုန်မြို့ရှိ သုဝဏ္ဏကွင်း၌ ယှဉ်ပြိုင်ကစားမည်ဖြစ်သည်။

▪️ အဆိုပါ အာရှဖလား တတိယအဆင့် ခြေစစ်ပွဲကို လေးသင်း ခြောက်အုပ်စုခွဲ၍ ၂၀၂၅ ခုနှစ် မတ်လမှ ၂၀၂၆ ခုနှစ် မတ်လအထိ တစ်နှစ်ကြာ ကျင်းပမည်ဖြစ်ပြီး မြန်မာအသင်းသည် ဆီးရီးယား၊ အာဖဂန်နစ္စတန်၊ ပါကစ္စတန်အသင်းတို့နှင့် တစ်အုပ်စုတည်း ကျရောက်နေကြောင်း သိရသည်။

▪️ မြန်မာ့လက်ရွေးစင်အသင်းသည် မတ် ၃ ရက်မှစ၍ ပဏာမကစားသမား ၄၂ ဦးဖြင့် စတင်လေ့ကျင့်ခဲ့ပြီး ဝင်းနိုင်ထွန်း၊ ဝေလင်းအောင် စသည့် ကစားသမားအချို့ ဒဏ်ရာပြဿနာကြောင့် ယခုခြေစစ်ပွဲနှင့် လွဲချော်မည်ဖြစ် ကြောင်းသိရသည်။

▪️ မြန်မာ့လက်ရွေးစင်အသင်းကို နည်းပြချုပ်အဖြစ် ဦးမျိုးလှိုင်ဝင်းက ဆက်လက်ကိုင်တွယ်နေပြီး ဂိုးသမား- ဇင်ညီညီအောင် (ဒဂုံစတား)၊ ဆန်းဆက်နိုင် (ရန်ကုန်ယူနိုက်တက်)၊ နေလင်းထက် (ဟံသာဝတီ)၊ နောက်တန်း- နန္ဒကျော်၊ သက်ဟိန်းစိုး၊ ဟိန်းဖြိုးဝင်း၊ ဇွဲခန့်မင်း (ရှမ်းယူနိုက်တက်)၊ သီဟထက်အောင် (ဒဂုံစတား)၊ ဟိန်းဇေယျာလင်း (ရန်ကုန်ယူနိုက်တက်)၊ ကျော်သီဟဇော် (အား/ကာသိပ္ပံ)၊ စိုးမိုးကျော် (အူထိုင်းထာနီ-ထိုင်း)၊ အလယ်တန်း- လွင်မိုးအောင် (ရရောင်း-ထိုင်း)၊ ကျော်မင်းဦး (PDRM-မလေးရှား)၊ ဇော်ဝင်းသိန်း၊ ဥက္ကာနိုင် (ရန်ကုန်ယူနိုက်တက်)၊ မင်းမော်ဦး (သစ္စာအားမာန်)၊ အောင်နိုင်ဝင်း (ရခိုင်ယူနိုက်တက်)၊ မြတ်ကောင်းခန့်၊ ခွန်ကျော်ဇင်ဟိန်း၊ ရဲရင့်အောင် (ရှမ်းယူနိုက်တက်)၊ သီဟဇော် (နာဂါဝေါ-ကမ္ဘောဒီးယား)၊ မောင်မောင်လွင် (လမ်ဖွန်ဝါရီယာ-ထိုင်း)၊ ဟိန်းထက်အောင် (နီဂျီရီဆီဘမ်လန်-မလေးရှား)၊ ရှေ့တန်း- သန်းပိုင် (ကန်ချာနာဘူရီ-ထိုင်း)၊ အောင်ကောင်းမာန် (ဖရေးယူနိုက်တက်-ထိုင်း)နှင့် ပြည်မိုး(ရတနာပုံ)တို့ ပါဝင်ကြ ကြောင်း သိရသည်။

#YMG/NN #Yangon_Times

#Local_News
Published 24 March 2025

▪️ မဲခေါင်-လန်ချန်းအထူးရန်ပုံငွေဖြင့် ဝါးဆန်းသစ်တီထွင်မှု သုတေသနစင်တာ တည်ဆောက်ရေးစီမံကိန်းကို ဆောင်ရွက်သွားမည်ဖြစ်ကြောင်း သိပ္ပံနှင့်နည်းပညာဝန်ကြီး ဌာန၊ သုတေသနနှင့်တီထွင်ဆန်းသစ်မှု ဦးစီးဌာနမှ သိရသည်။

▪️ သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှု ဦးစီးဌာန က မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ(၂၀၂၄)ဖြင့် စီမံကိန်းနှစ်ခု အကောင်အထည်ဖော်ဆောင်ရွက်သွားမည်ဖြစ်ရာ ဝါးဆန်းသစ်တီထွင်မှု ထုတ်ကုန်များနှင့် ပတ်သက်သည့် သုတေသနစင်တာ တည်ဆောက်ရေးစီမံကိန်း (လုပ်ငန်းစဉ် ၁) စီမံကိန်းအပြင် ဒီဂျစ်တယ် စီးပွားရေးကို ပံ့ပိုးပေးနိုင်ရန်အတွက် အိုင်စီတီ ပူးပေါင်းဆောင်ရွက်သည့် ဆန်း သစ်တီထွင်မှုများ တိုးမြှင့်ခြင်းဆိုင်ရာ စီမံကိန်းများကို ဆောင်ရွက်သွားမည်ဖြစ်ကြောင်း သိရသည်။

▪️ ဝါးသည် ကြီးထွားမြန် သယံဇာတဖြစ်သည့်အတွက် ဆောက်လုပ်ရေး၊ ပရိဘောဂ၊ လက်မှုလုပ်ငန်းများတွင် အသုံးချနိုင်မည့်တန်ဖိုးရှိသည့် သယံဇာတဖြစ်ရာ ဝါးထုတ်လုပ်မှုကို အားပေးခြင်းအားဖြင့် ထုတ်ကုန်တင်ပို့မှုကို တိုးမြှင့်နိုင်မည်ဖြစ်ပြီး ကျေးလက်ဒေသများအတွက်ပါ အလုပ်အကိုင် အခွင့် အလမ်းများဖန်တီးပေးနိုင်မည်ဖြစ်ကြောင်း၊ လက်ရှိပြည်တွင်း၌ ကြိမ်၊ဝါးနှင့် လက်မှုပစ္စည်းထုတ်လုပ်သည့် ကုမ္ပဏီ ၉ ခု ခန့်ရှိပြီး ကျေးလက်ဒေသ အခြေခံထုတ်ကုန်ဖြစ်သည့် ကြိမ်၊ ဝါးနှင့် ပြုလုပ်သည့်လက်မှုပစ္စည်းများကို ပြည်ပ ဈေးကွက်သို့ ၈၀ ရာခိုင်နှုန်းတင်ပို့နေပြီး ပြည်တွင်း ဈေးကွက်၌ ၂၀ ရာခိုင်နှုန်း ဖြန့်ဖြူး ရောင်းချနေကြောင်း သိရသည်။

#YMG/SW #Yangon_Times

#Local_News
Published 24 March 2025

▪️ ယမန်နေ့က ရန်ကုန်ဆိပ်ကမ်းသို့ ပြည်ပမှ တင်သွင်းခွင့်ပြုထားသော ဘိလပ်မြေ တန်ချိန် ၁၅၀၀ ထပ်မံ‌ရောက်ရှိခဲ့ကြောင်း သိရသည်။

▪️ ပွင့်လင်းရာသီသို့ ရောက်ရှိလာသည့်အတူ နိုင်ငံတစ်ဝန်းတွင် ဆောက်လုပ်ရေး လုပ်ငန်းများကို အရှိန်အဟုန်ဖြင့်ဆောင်ရွက်လျက်ရှိရာ တည်ဆောက်မှုလုပ်ငန်းများ အတွက် လိုအပ်သည့် ပြည်တွင်းဘိလပ်မြေလိုအပ်ချက်ကို ပြည့်မီစေရန်နှင့် ပြည်တွင်း ထုတ်လုပ်မှုကို အင်အားဖြည့်တင်းပေးနိုင်ရန်အတွက် ပြည်ပမှဘိလပ်မြေများကို တင်သွင်း ခွင့်ပြုလျက်ရှိ‌ကြောင်း၊ ထိုသို့တင်သွင်းခွင့်ပြုရာတွင် ကော့သောင်းနယ် စပ်ကုန်သွယ်ရေး စခန်းမှတစ်ဆင့် တင်သွင်းလာသော ဘိလပ်မြေရေယာဉ်များ စဉ်ဆက်မပြတ်ရောက်ရှိ လျက်ရှိပြီး ယခုတန်ချိန် ၁၅၀၀ တင်ဆောင်လာသည့် ရေယာဉ်သည် ရန်ကုန်မြို့ရွှေပြည်သာ ရွှေမဲဆိပ်ကမ်းသို့ မတ်လ၂၃ရက် ညနေပိုင်းတွင် ထပ်မံရောက်ရှိခဲ့ ခြင်းဖြစ်ကြောင်း သိရသည်။

▪️ နိုင်ငံတော်အစိုးရအနေဖြင့် ပြည်တွင်း ဆောက်လုပ်ရေးလုပ်ငန်းများအတွက် ယခုကာလအတွင်း လိုအပ်သော ဘိလပ်မြေကို တင်သွင်းခွင့်ပြုထားပြီး ယခုရေယာဉ်အပြင် ကျန်ဘိလပ်မြေ တင်ဆောင်လာသည့် ရေယာဉ်များလည်း အပတ်စဉ်ဆက်လက်ရောက်ရှိလာမည်ဖြစ်ကြောင်း သိရသည်။

#YMG/SW #Yangon_Times

#World_News
Published 24 March 2025

▪️ ယူကရိန်းနဲ့ အမေရိကန် ကိုယ်စားလှယ်အဖွဲ့တွေဟာ စွမ်းအင်နဲ့ အရေးကြီး အခြေခံအဆောက်အအုံများ ကာကွယ်ရေး အဆိုပြုချက်များအကြောင်း တနင်္ဂနွေနေ့က ဆွေးနွေးခဲ့တယ်လို့ ယူကရိန်း ကာကွယ်ရေးဝန်ကြီးက ပြောပါတယ်။

▪️ ဒါဟာ ၃ နှစ်ကြာလာတဲ့ စစ်ပွဲကြီးကို ဒေါ်နယ်ထရမ့် အဆုံးသတ်ဖို့ သံတမန်ရေးရာ အားထုတ်မှုတွေရဲ့ တစ်စိတ်တစ်ပိုင်း ဖြစ်ပါတယ်။

▪️ ဒီဆွေးနွေးမှုက ဆော်ဒီအာရေဗျမှာ ပြုလုပ်တာဖြစ်ပြီး အမေရိကန် အထူးသံတမန် စတိဗ်ဝစ်ကော့ဗ်က စစ်ပွဲကြီးအဆုံးသတ်ရေးနဲ့ ပတ်သက်လို့ အကောင်းမြင်တဲ့အကြောင်း ထုတ်ဖော်ပြောကြားလိုက်ပါတယ်။

▪️ "ရုရှားသမ္မတ ဗလာဒီမာပူတင်လည်း ငြိမ်းချမ်းရေး လိုချင်မယ်လို့ ခံစားမိပါတယ်။ တနင်္လာနေ့ ရုရှားနဲ့ အမေရိကန် ကိုယ်စားလှယ်အဖွဲ့တို့ ဆွေးနွေးရာမှာ တကယ့်တိုးတက်မှုတွေ မြင်လာရနိုင်တယ်လို့ ထင်မိပါတယ်။ ပင်လယ်နက်မှာ အပစ်အခတ်ရပ်စဲလာနိုင်ပြီး ထိုကနေ လုံးဝရပ်စဲခြင်း ဖြစ်လာလိမ့်မယ်" လို့ ဝစ်ကော့ဗ်က Fox Newsကို ပြောသွားပါတယ်။

▪️ ယူကရိန်းသမ္မတ ဗိုလိုဒီမာဇယ်လန်စကီက သူ့ကိုယ်စားလှယ်အဖွဲ့ဟာ လုံးဝအပြုသဘောဆောင်တဲ့ ဆွေးနွေးမှုပြုလုပ်ခဲ့ပြီး ဆက်လက်လုပ်ဆောင်နေတယ်လို့ ပြောပါတယ်။

▪️ ဘယ်လိုတွေပဲဆွေးနွေးသည်ဖြစ်စေ ပူတင်ကို တိုက်ခိုက်မှုတွေ ရပ်တန့်အောင် လုပ်ဖို့လိုတယ်လို့ ပြောသွားပါတယ်။

▪️ ယူကရိန်း ကိုယ်စားလှယ်အဖွဲ့ကို ဦးဆောင်တဲ့ ကာကွယ်ရေးဝန်ကြီး ရပ်စ်တမ်အူမရော့ဗ်က ဒီလိုမျိုး ဆွေးနွေးရခြင်းဟာ ငြိမ်းချမ်းရေး နီးစပ်လာဖို့နဲ့ လုံခြုံရေးအားကောင်းလာဖို့ ရည်ရွယ်တယ်လို့ ဆိုပါတယ်။

▪️ ပြီးခဲ့တဲ့ ရက်သတ္တပတ်က ရုရှားနဲ့ ယူကရိန်းတို့ ရက် ၃၀ ကြာအောင် စွမ်းအင်အခြေခံ အဆောက်အအုံများကို အပြန်အလှန် မပစ်ခတ်ရေးဆိုတဲ့ ထရမ့်ရဲ့အဆိုပြုချက်ကို ပူတင်သဘောတူခဲ့ပေမယ့် မကြာခင်မှာပဲ နှစ်ဖက်စလုံးက ဆက်လက်တိုက်ခိုက်နေခဲ့ပါတယ်။

▪️ ယူကရိန်းအရှေ့ပိုင်းမှာ ရုရှားတပ်တွေ ဆက်လက်ချီတက်လာတာ ခံနေရတဲ့ ဇယ်လန်စကီက ရက် ၃၀ အပစ်အခတ်ရပ်စဲရေးကို ထောက်ခံထားပါတယ်။

#Source: Reuters