#World_Health
Published 29 September 2024

▪️ ၂၀၅၀ အရောက်မှာ ပဋိဇီဝဆေးယဉ်ပါး ရောဂါကူးစက်မှုတွေကြောင့် လူပေါင်းသန်း ၄၀ နီးပါး သေဆုံးနိုင်တယ်လို့ The Lancet မှာ လေ့လာချက်အသစ် ဖော်ပြထားပါတယ်။

▪️ သုတေသီများ ဖော်ပြချက်အရ ၁၉၀၀ ခုနှစ်ကနေ ၂၀၂၁ အတွင်း ဆေးယဉ်ပါး ရောဂါကူးစက်မှုများကြောင့် နှစ်စဉ် လူတစ်သန်းကျော် သေဆုံးထားပါတယ်။

▪️ ဒီပမာဏက ၂၀၅၀ အရောက်မှာ ၂ သန်းနီးပါးရှိလာနိုင်ပြီး ၂၅ နှစ်ကျော်အတွင်း သန်း ၄၀ လောက် သေဆုံးနိုင်ဖွယ်ရှိပါတယ်။

▪️ ကမ္ဘာပေါ်မှလူပေါင်း ၃ ပုံ ၁ ပုံလောက်ဟာ သင့်လျော်တဲ့ ပဋိဇီဝဆေးဖြင့် ကုသရပါက အသက်ကယ်တင်နိုင်ဖွယ်ရှိတယ်လို့ သုတေသီများ ယူဆနေကြပါတယ်။

▪️ ဘက်တီးရီးယားတွေ ဆင့်ကဲပြောင်းလဲလာပြီး ဆေးယဉ်ပါးလာတဲ့အခါ ပဋိဇီဝဆေးယဉ်ပါးခြင်း ဖြစ်လာပါတယ်။

▪️ ဒီအခြေအနေဟာ အသံတိတ်ကပ်ဘေးတစ်မျိုး ဖြစ်လာပြီး အရေးတကြီး ဖြေရှင်းဖို့ လိုအပ်ကြောင်း သုတေသီများ ဆိုပါတယ်။

▪️ ဒါနဲ့ပတ်သက်ပြီး အဖွဲ့အစည်းများမှ ဘာမှမလုပ်ဆောင်ဘူးဆိုရင် မှိုရောဂါကူးစက်မှုများကြောင့် လူပေါင်း ၆ သန်းခွဲ ကူးစက်နိုင်ပြီး နှစ်စဉ် ၃.၈ သန်းခန့် သေဆုံးနိုင်တယ်လို့ နိုင်ငံတကာ သိပ္ပံပညာရှင်များအဖွဲ့က သတိပေးလိုက်ပါတယ်။

▪️ ပြီးခဲ့တဲ့ ဆယ်စုနှစ်များအတွင်း မှိုရောဂါသတ်ဆေးတွေ ပေါ်ပေါက်ခဲ့ပေမယ့် ရောဂါပိုးမွှားတွေ တိုးများလာသလောက် မယှဉ်နိုင်ပါဘူး။

▪️ စားနပ်ရိက္ခာ လောက်ငှဖို့အတွက် မှိုရောဂါကာကွယ်မှုလိုအပ်ပြီး လက်ရှိနဲ့ နောက်အချိန်မှာ ထွက်ပေါ်လာနိုင်တဲ့ ဆေးယဉ်ပါးမှိုရောဂါပိုးများ ကုသနိုင်စွမ်းနဲ့ စားနပ်ရိက္ခာ လောက်ငှခြင်းကို ဘယ်လိုမျှခြေဖြစ်အောင် လုပ်မလဲဆိုတာ မေးစရာဖြစ်လာပါတယ်။

#Source: WION

တရုတ်ငွေကြေးယွမ်ဟာ ၁၆ လအတွင်း ပထမဆုံးအကြိမ်အဖြစ် ဗုဒ္ဓဟူးနေ့မှာ တစ်ဒေါ်လာကို ၇ ယွမ်ကျော်သွားခဲ့ပြီး ဖွံ့ဖြိုးမှု တည်ငြိမ်စေတဲ့ တရုတ်လှုပ်ရှားမှုများနဲ့ လတ်တလော အမေရိကန် ဗဟိုဘဏ်အတိုးနှုန်း လျှော့ချခြင်းတို့က ဒေါ်လာတန်ဖိုးကို ဆက်လက်လျော့ကျစေတယ်လို့ မြှုပ်နှံသူများက သုံးသပ်ထားပါတယ်။
#World_Business
Published 28 September 2024
#တရုတ်ယွမ် #တစ်ဒေါ်လာကို(၇)ယွမ်
#YMG #Yangon_Times #Yangon_Media_Group

#Daily_News
Published 28 September 2024

၁။ ရန်ကုန်မြစ်ရေ ထူးကဲဒီရေတက်နိုင်၍ မြစ်ကမ်းဘေးနေသူများ သတိထားရန်ထုတ်ပြန် 

၂။ သီတင်းကျွတ်ပိတ်ရက် ချောင်းသာကိုသွားရန် ဘိုကင်တင်ထားသူ(၆၀)ရာခိုင်နှုန်းပြည့်နေ

၃။ နိုဝင်ဘာလကုန် မတိုင်မီ ပို့ကုန်ရငွေများ အမြန်ဆုံးပေးသွင်းရန်နှင့် ပျက်ကွက်သူများအား အရေးယူမည်ဟု ဗဟိုဘဏ်ထပ်မံအသိပေး

၄။ တရုတ်ယွမ်ငွေ (၁၆)လအတွင်း ပထမဆုံးအနေဖြင့် တစ်ဒေါ်လာကို(၇)ယွမ်ကျော်ထိမြင့်တက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 28 September 2024

▪️ တရုတ်သံရုံးနှင့် ကုမ္ပဏီများမှ မြန်မာရေ‌‌ဘေးသင့်ပြည်သူများအတွက် ငွေသားကန်ဒေါ်လာ(၁) သောင်း၊ ကျပ်သိန်း(၄၀၀၀)နှင့်သိန်း (၄၄၀)တန်ဖိုးရှိ စားသောက်ကုန်များလှူဒါန်းခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

▪️ မြန်မာနိုင်ငံဒေသအများအပြားတွင် ရာဂီမုန်တိုင်းဒဏ်ကို ပြင်းထန်စွာခံစားရပြီး များပြားသော လူထိခိုက် ‌ေ-သဆုံးမှုနှင့် ပစ္စည်းဥစ္စာပျက်စီးဆုံးရှုံးမှုများ ဖြစ်ပွားခဲ့သောကြောင့်လှူဒါန်းခဲ့ခြင်းဖြစ်သည်။

 ▪️ မြန်မာနိုင်ငံဆိုင်ရာတရုတ်သံရုံးက စက်တင်ဘာလ ၂၇ ရက်နေ့တွင် မြန်မာနိုင်ငံထံသို့ မြန်မာကျပ်ငွေ သိန်း ၄၄၀ ခန့်တန်ဖိုးရှိသည့် ခေါက်ဆွဲခြောက်၊ စည်သွပ်ဘူး၊ ဘီစကစ် စသည့် စားသောက်ကုန်ပစ္စည်းများ အရေးပေါ်လှူဒါန်းပေးအပ်ခဲ့သည်။

▪️ မြန်မာနိုင်ငံ တရုတ်လုပ်ငန်းရှင်များအသင်းနှင့် မြန်မာနိုင်ငံရှိ တရုတ်ကုမ္ပဏီများကလည်း လက်ငင်းငွေ အမေရိကန်ဒေါ်လာ ၁ သောင်း၊ မြန်မာကျပ်ငွေ သိန်း ၄၀၀၀ နှင့် အခြားကူညီကယ်ဆယ်ရေးပစ္စည်းများစွာလည်း လှူဒါန်းခဲ့ကြသည်။

▪️ ရေဘေးဒဏ်သင့်ဒေသမှ ပြည်သူများလည်း ရေဘေးကိုဆောလျင်စွာကျော်ဖြတ်နိုင်ပြီး အိမ်ရာပြန်လည်တည်ဆောက်နိုင်မည်ဟု ယုံကြည်ကြောင်းလည်းထုတ်ပြန်ချက်၌ ဖော်ပြထားသည်။

#YMG/tthl #Yangon_Times

အခုရက်ပိုင်းအတွင်း‌ ဒေါ်လာဈေးနဲ့အတူ ရွှေဈေးနှုန်းတွေဆက်တိုက်ကျဆင်းနေပြီး  ၂၀၂၄ ပြင်ဆင်ထားတဲ့  အခွန်အကောက်ဥပဒေဟာ လာမယ့်နိုဝင်ဘာလအတွင်းမှာ စတင်အသက်ဝင်မှာဖြစ်တာကြောင့် ရွှေဈေးအခုထက်ပိုတည်ငြိမ်နိုင်မယ်လို့  ရွှေဈေးကွက်ကျွမ်းကျင်သူတွေဆီက သိရပါတယ်။
#Local_News
Published 28 September 2024
#အခွန်အကောက်ဥပဒေ #ရွှေဈေးပိုတည်ငြိမ်နိုင်
#YMG/NN #Yangon_Times

ပြီးခဲ့တဲ့ ၂နှစ်ကျော်က တင်ပို့ထားတဲ့ ပို့ကုန်ရငွေ‌တွေကိုပါ ၇၅ ရာခိုင်နှုန်းအထိရောင်းချနိုင်ဖို့  ဖြေလျှော့ထားပြီးဖြစ်တာကြောင့်  လာမယ့်နိုဝင်ဘာလကုန် မတိုင်မီ ပို့ကုန်ရငွေတွေ အမြန်ဆုံးပေးသွင်းဖို့နဲ့ ပျက်ကွက်သူတွေကို အရေးယူသွားမယ်လို့ မြန်မာနိုင်ငံတော်ဗဟိုဘဏ်အသိပေးလိုက်ပါတယ်။
#Local_News
Published 28 September 2024
#ဗဟိုဘဏ်အသိပေး #ပို့ကုန်ရငွေများပေးသွင်းရန်
#YMG/NN #Yangon_Times

ရေဘေးကြောင့် အခုသီတင်းကျွတ်ပိတ်ရက်မှာ ချောင်းသာလာမယ့်သူတွေ မနှစ်ကထက်နည်းပေမယ့်ဟိုတယ်၊ တည်းခိုခန်းဘိုကင်(၆၀)ရာခိုင်နှုန်းပြည့်လာပြီး (၄၀)ရာခိုင်နှုန်းသာကျန်‌တော့တယ်လို့ သိရပါတယ်။
#Local_News
Published 28 September 2024
#သီတင်းကျွတ်ပိတ်ရက် #ချောင်းသာဘိုကင်တင်သူပြည့်
#YMG/tthl #Yangon_Times

လာမယ့် အောက်တိုဘာလ(၃)ရက်ကနေ (၆)ရက်အတွင်း ရန်ကုန်မြစ်အတွင်း သာမန်ထက် ထူးကဲဒီရေတက်နိုင်လို့ မြစ်ကမ်းနားဒေသတွေမှာ နေထိုင်ကြသူတွေ သတိထားကြဖို့ မြန်မာ့ဆိပ်ကမ်းအာဏာပိုင်က အသိပေးထုတ်ပြန်ထားပါတယ်။
#Local_News
Published 28 September 2024
#ထူးကဲဒီရေတက်နိုင် # မြစ်ကမ်းဘေးနေသူများသတိထား
#YMG/tthl #Yangon_Times

#Local_News
Published 28 September 2024

▪️ ရန်ကုန်တိုင်း‌အတွင်းရှိ စက်မှုဇုန်များ အပါအဝင်ခရိုင်နှင့် မြို့နယ်များတွင် ယနေ့မှစတင်၍  မီးပေးချိန်အား ပြောင်းလဲသတ်မှတ်လိုက်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ သိရသည်။

▪️ ထိုသို့ပြောင်းလဲရာ၌ မီးပေးချိန်အား ယနေ့မှစတင်၍ ပြောင်းလဲပြီဖြစ်သဖြင့်အုပ်စုအေကို မနက် ၅နာရီအချိန်၌  စတင်ပိတ်မည်ဖြစ်ပြီး စက်မှုဇုန်များအား မနက် ၉နာရီမှ ညနေ  ၅ နာရီ  အထိဓာတ်အားပေးမည်ဖြစ်ကြောင်း သိရသည်။

▪️ ထို့အပြင် မနက် ၅နာရီမှ ၉ နာရီ အထိတစ်ကြိမ် အရှေ့ပိုင်းခရိုင်၊ အနောက်ပိုင်းခရိုင်၊ တောင်ပိုင်းခရိုင်၊ မြောက်ပိုင်းခရိုင် ၊ မနက်၉နာရီမှ  နေ့လယ် ၁နာရီအထိ တကြိမ်အရှေ့ပိုင်းခရိုင်၊ အနောက်ပိုင်းခရိုင်၊ တောင်ပိုင်းခရိုင်၊ မြောက်ပိုင်းခရိုင်၊ နေ့လယ် ၁နာရီ မှ ညနေ ၅နာရီအထိ တကြိမ်အရှေ့ပိုင်းခရိုင်၊ အနောက်ပိုင်းခရိုင်၊တောင်ပိုင်းခရိုင်၊ မြောက်ပိုင်းခရိုင် ညနေ ၅နာရီ မှ ည ၉နာရီအထိ တကြိမ်အရှေ့ပိုင်းခရိုင်၊ တောင်ပိုင်းခရိုင်၊ မြောက်ပိုင်းခရိုင် စသဖြင့် ၄ကြိမ် အုပ်စု ချိန်းခြင်းဆောင်ရွက်မည်ဖြစ်ကြောင်း သိရသည်။

#YMG/NN #Yangon_Times

#Local_News
Published 28 September 2024

▪️ နေပြည်တော် ကောင်စီနယ်မြေအတွင်း၌ ရေကြီး၊ရေလျှံမှုများကြောင့် ထိခိုက်ပျက်စီးမှုများအား ရှင်းလင်းရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်ရန်  မီးသတ်တပ်ဖွဲ့ဝင် ၅၀ သည် ဖိအားမြင့် မီးသတ်စက်ကြီးများဖြင့် ထွက်ခွာနေပြီဖြစ်ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အဆိုပါ  ရေကြီးရေလျှံမှုနှင့် ရေလွှမ်းမိုးမှု ဖြစ်စဉ်များကြောင့် ထိခိုက်ပျက်စီးမှုများအား ရှင်းလင်းရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်ရာတွင် အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှု ကော်မတီဥက္ကဌ၏ လုပ်ငန်းလမ်းညွှန်ချက်နှင့်အညီ ပိုမိုအားဖြည့် အရှိန်အဟုန်မြှင့် ကူညီဆောင်ရွက်နိုင်ရန် သွားရောက်ခြင်းဖြစ်ကြောင်း သိရသည်။

ထိုသို့သွားရောက်ရာတွင်  ရန်ကုန်တိုင်းဒေသကြီး မီးသတ်ဦးစီးမှူးရုံးမှ ရှာဖွေကယ်ဆယ်ရေးတပ်ဖွဲ့ဝင် ၅၀ ဦးတို့သည် ဂျပန်နိုင်ငံထုတ် မြင်းကောင်ရေ ၆၀ ရှိ Tohatsu အမျိုးအစား (High Pressure Pump) ဖိအားမြင့်မီးသတ်စက်ကြီးများဖြင့် နေပြည်တော်သို့ စက်တင်ဘာ၂၈ ရက်နေ့၊  မနက်၁၁ နာရီ အချိန်တွင် ထွက်ခွာသွားပြီဖြစ်ကြောင်း၊ ရန်ကုန်တိုင်းဒေသကြီးအစိုးရအဖွဲ့မှ အဆိုပါ တပ်ဖွဲ့ဝင်များအတွက် လိုအပ်သော ပံ့ပိုးကူညီမှုများ ဆောင်ရွက်ပေးခဲ့ကြောင်း သိရသည်။

#YMG/NN #Yangon_Times

#World_Health
Published 28 September 2024

▪️ သွားနဲ့ခံတွင်း ကျန်းမာနေဖို့အတွက် တစ်နေ့နှစ်ကြိမ် သွားတိုက်ခြင်း၊ သွားကြားပွတ်ခြင်းတို့အပြင် အခြားကာကွယ်ရေးနည်းလမ်းတွေလည်း ပြုလုပ်ဖို့လိုပါတယ်။

▪️ ဆုတံဆိပ်ရ သွားဆရာဝန် ဒေါက်တာ အဲလက်စ်ဖူက နေ့လယ်စာ စားပြီးနောက် သွားတွေကို အနားပေးဖို့ အရေးကြီးကြောင်း၊ ဒါဟာ သွားယိုယွင်းခြင်းကို ကာကွယ်ပေးပြီး ကြံ့ခိုင်စေမှာဖြစ်ကြောင်း ပြောပါတယ်။

▪️ အစာစားပြီးနောက် အနည်းဆုံး ၂ နာရီအတွင်း ဘာမှမစားဘဲနေခြင်းဖြင့် တံတွေးတွေက သွားတွေကို သဘာဝအတိုင်း သန့်ရှင်းပေးကာ သွားပိုးစားခြင်း၊ ကြွေလွှာပျက်စီးခြင်း အန္တရာယ်တို့ကို လျှော့ချပေးနိုင်တယ်လို့ ဒေါက်တာဖူက ပြောပါတယ်။

▪️ နေ့လယ်စာ စားပြီးတဲ့အခါ တံတွေးရဲ့ pH ကမြင့်တက်သွားပြီး ကြွေလွှာကို သတ္တုဓာတ် ပြန်ဖြည့်ပေးခြင်းဖြင့် သွားတွေကို ကာကွယ်ပေးတယ်လို့ ရှင်းပြပါတယ်။

▪️ နေ့လယ်စာ စားတဲ့အခါမှာ အရွက်လိုမျိုး ကျန်းမာတဲ့အစာတွေက ခံတွင်းကျန်းမာရေးကို ကောင်းမွန်စေနိုင်ပါတယ်။

▪️ သွားတွေကို ပုလဲလိုဖြူဖွေးချင်ရင် အစားစားတဲ့အခါ ပေါင်မုန့်ချော၊ ပါစတာ၊ အာလူးကြော်၊ ပြောင်းဂျုံ၊ ခရက်ကာတို့လို ကာဗိုဟိုက်ဒရိတ်တွေကို ရှောင်ရှားသင့်တယ်လို့ ဒေါက်တာက အကြံပြုပါတယ်။

▪️ ဒီလိုစားစရာတွေက အက်ဆစ်ဓာတ် ပိုများတာကြောင့် တံတွေးက အစာကြွင်းတွေကို ဖယ်ရှားဖို့ အချိန်ပိုကြာကာ သွားပိုးစားနိုင်ခြေ ပိုများပါတယ်။

▪️ ကြာကြာဝါးရတဲ့ မုန်လာဥနီလို အသီးအရွက်တွေက ခံတွင်းကျန်းမာရေးအတွက် ပိုမိုကောင်းမွန်တတ်ပါတယ်။

▪️ ဆိုင်လီတိုလ်လိုမျိုး အပင်ကနေရတဲ့ ပစ္စည်းပါဝင်တဲ့ ပီကေဝါးခြင်းဖြင့်လည်း သွားအတွက် အကျိုးရှိစေပါတယ်။

▪️ မနက်စာစားပြီးမှ သွားတိုက်ချင်တယ်ဆိုရင် ကြွေလွှာသတ္တုဓာတ် ပြန်ဖြည့်ဖို့အတွက် မိနစ် ၃၀ လောက်စောင့်သင့်ပြီး အလျင်လိုရင်တော့ ရေသောက်နိုင်ပါတယ်။

#Source: New York Post

#World_Health
Published 28 September 2024

▪️ ခရမ်းချဉ်သီးတုပ်ကွေးလို့ခေါ်တဲ့ ရောဂါဟာ အိန္ဒိယရှိ ကီရာလာနဲ့ အိုဒီရှာတို့မှာ ကူးစက်ဖြစ်ပွားနေပါတယ်။

▪️ မေလ ၆ ရက်နေ့က ကီရာလာမှာ ပထမဆုံးတွေ့ရှိပြီးနောက် အသက် ၅ နှစ်အောက် ကလေးငယ် ၈၂ ဦးအထိ ကူးစက်ထားပါတယ်။

▪️ ရောဂါဖြစ်တဲ့အခါ အနီရောင် အဖုအပိမ့်တွေ ထွက်တာကြောင့် ခရမ်းချဉ်သီးတုပ်ကွေးလို့ ခေါ်တာဖြစ်ပြီး ကုသဆေး မရှိသေးပါဘူး။

▪️ တွေ့ရှိထားတဲ့ ရောဂါလက္ခဏာများက ဆင်တုပ်ကွေးနဲ့ ဆင်တူကာ ခရမ်းချဉ်သီးလို အနီအဖုတွေ၊ အင်ပျဉ်၊ ကိုယ်အပူချိန်မြင့်မားခြင်း၊ အဆစ်များဖောရောင်ခြင်း၊ ခန္ဓာကိုယ်ကိုက်ခဲခြင်း၊ ရေဓာတ်ခန်းခြောက်ခြင်း၊ အားအင်ကုန်ခမ်းခြင်းတို့ ခံစားရနိုင်ပါတယ်။

▪️ အဆိုပါတုပ်ကွေး မဖြစ်စေရန် တစ်ကိုယ်ရည်သန့်ရှင်းအောင် နေထိုင်ဖို့က အရေးကြီးပါတယ်။

အနီးနားက အရာတွေကို သန့်ရှင်းအောင်ထားပြီး ပုံမှန်ပိုးသန့်စင်ပေးဖို့ လိုပါတယ်။

▪️ ကလေးတွေမှာ ရောဂါလက္ခဏာတစ်ခုခု တွေ့ပြီဆိုရင်တော့ ကျန်းမာရေးပညာရှင်ထံ ဆွေးနွေးသင့်ပါတယ်။

▪️ လက္ခဏာသက်သာဖို့ဆိုရင် အဖုအပိမ့်တွေကို ကုတ်ဖဲ့ခြင်းမှ ရှောင်ကြဉ်တာမျိုးဖြင့် ကုသနိုင်ပါတယ်။

▪️ ကိုဗစ်-၁၉ ရောဂါလက္ခဏာအချို့နဲ့ ဆင်တူတတ်ပေမယ့် ဘာမှတော့ မဆိုင်ပါဘူး။

▪️ ဒီလက္ခဏာတွေဟာ အခြားဗိုင်းရပ်စ် ကူးစက်မှုတွေမှာလည်း တွေ့ရတတ်ပါတယ်။

▪️ အူလမ်းကြောင်း ဗိုင်းရပ်စ်များကြောင့် ရောဂါဖြစ်ပွားတာဖြစ်ပြီး လူကြီးတွေမှာတော့ ကိုယ်ခံအားက ခုခံနိုင်တဲ့အတွက် သိပ်ပြီးဖြစ်ပွားလေ့ မရှိပါဘူး။

#Source: DoctorNDTV