#WorldPolitics
Published 08 February 2022

ရုရှားနိုင်ငံအနေနဲ့ ယူကရိန်းကိုကျူးကျော်လာပါက Nord Stream 2 ဓာတ်ငွေ့ပိုက်လိုင်းကို အဆုံးသတ်ဟန့်တားပစ်မယ်လို့ အမေရိကန်သမ္မတ'ဂျိုးဘိုင်ဒန်'က တနင်္လာနေ့က သတိပေးပြောကြားလိုက်ပါတယ်။

ဘန်ဒန်ဟာ အနောက်နိုင်ငံက ဥရောပအတွင်းစစ်ပွဲဖြစ်လာမှာကို ရှောင်ရှားနိုင်ဖို့ ရည်ရွယ်ထားပြီး ဂျာမနီနိုင်ငံအဓိပတိအကြီးအမှူး 'အိုလက်ဖ်ရှော့လ်ဇ်'နဲ့ စည်းလုံးညီညွတ်ရေးကိစ္စတွေကို ဆွေးနွေးခဲ့ပါတယ်။

ရုရှားကနေ ဂျာမနီအထိ ဆက်သွယ်ဆောက်လုပ်နေတဲ့ ဂတ်စ်ပိုက်လိုင်းစီမံကိန်းကြီးဟာ ဆယ်စုနှစ်တိုင်တဲ့အထိ ကြာမြင့်နေပြီဖြစ်ပြီး ထိုစီမံကိန်းကို 'ဘိုင်ဒန်'က နှစ်ရှည်လများဆန့်ကျင်နေခဲ့ပါတယ်။

အသစ်တက်ရောက်လာတဲ့ ဂျာမနီခေါင်းဆောင်နဲ့ 'ဘိုင်ဒန်'တို့ အိမ်ဖြူတော်ရှိ မီဒီယာရှင်းလင်းပွဲမှာတွေ့ဆုံကြရာ ယူကရိန်းနယ်စပ်ကို ရုရှားစစ်တပ်များဝင်ရောက်လာပါက ဂတ်စ်ပိုက်လိုင်းကို ပိတ်ချပစ်ဖို့ ဆွေးနွေးခဲ့ကြပါတယ်။

"ယူကရိန်းနယ်နိမိတ်ကို ရုရှားဘက်က တင့်ကားဖြစ်ဖြစ် စစ်သားပဲဖြစ်ဖြစ် ကျူးကျော်ပြီဆိုတာနဲ့ Nord Stream 2 ဂတ်စ်ပိုက်လိုင်းကို အဆုံးသတ်ပစ်မှာပါ။ ကျွန်တော်ကတိပေးပါတယ်။ မရရအောင် အဆုံးသတ်ပစ်မှာပါ" လို့ 'ဘိုင်ဒန်'က ပြောကြားခဲ့ပါတယ်။

ယူကရိန်း၊ ရုရှား၊ ဒဏ်ခတ်ပိတ်ဆိုခြင်းကိစ္စတွေမှာ အမေရိကန်နဲ့ ဂျာမနီတို့က ဦးတည်ချက်အတူတူပဲဖြစ်ကြောင်း 'ရှော့လ်ဇ်'က ဆိုခဲ့ပေမယ့် Nord Stream 2 နဲ့ပတ်သက်တဲ့ အစီအစဉ်တွေကို တိုက်ရိုက်အတည်ပြုပြောကြားခြင်းမရှိသလို ခရီးလာရောက်လည်ပတ်စဉ်အတွင်းမှာလည်း ပိုက်လိုင်းအကြောင်း ထုတ်ဖော်ပြောကြားခြင်း မရှိခဲ့ပါဘူး။

ရုရှားတို့က ယူကရိန်းနယ်စပ်အနီးမှာ စစ်အင်အား ၁ သိန်းခန့် ဖြန့်ကျက်ထားပေမယ့် ကျူးကျော်ဖို့ရည်ရွယ်ထားခြင်းမရှိကြောင်း ဆိုလိုက်ပါတယ်။

အမေရိကန်မှအရာရှိတွေကတော့ ရုရှားတို့က ရက်ပိုင်းအတွင်း ဒါမှမဟုတ် လာမယ့်သီတင်းပတ်များအတွင်း တိုက်ခိုက်လာနိုင်တယ်လို့ ခန့်မှန်းပြောဆိုထားပါတယ်။

လက်ရှိအကျပ်အတည်းကိစ္စမှာ 'ရှော့လ်ဇ်'အနေနဲ့ ထိထိရောက်ရောက် ဦးဆောင်ခြင်းမပြုနိုင်ဘူးလို့ ပြည်တွင်းပြည်ပမှ ဝေဖန်မှုများရှိနေပါတယ်။

ရုရှားအနေနဲ့ ယူကရိန်းကိုကျူးကျော်ပါက ဆုံးရှုံးမှုကြီးမားသွားမှာဖြစ်ကြောင်း ဆိုလိုက်ပြီး ဂျာမနီနဲ့ အမေရိကန်တို့က ရပ်တည်ချက်တူညီကြောင်း 'ရှော့လ်ဇ်းက သတင်းထောက်တွေကို ရှင်းပြခဲ့ပါတယ်။

ဂတ်စ်ပိုက်လိုင်း စတင်မထုတ်လွှတ်ခင်ကပင် ဂျာမနီနိုင်ငံရဲ့လိုအပ်ချက်တဝက်လောက်အတွက် ရုရှားဓာတ်ငွေ့ကို အသုံးပြုလျက်ရှိပါတယ်။

အနည်းဆုံး ၂၀၂၂ ခုနှစ် နောက်ပိုင်း ၆ လမတိုင်ခင်အထိ Nord Stream 2 ပိုက်လိုင်းကို ခွင့်ပြုဖို့ နှောင့်နှေးထားဦးမှာဖြစ်ပေမယ့် ပြီးခါနီးဖြစ်နေတဲ့စီမံကိန်းကို ဖျက်ပစ်ဖို့တော့ ငြင်းပယ်ခဲ့ပါတယ်။

'ဘိုင်ဒန်'နဲ့ 'ရှော့လ်ဇ်'တို့ဟာ ယူကရိန်းအရေးကိစ္စနဲ့ပတ်သက်ပြီး သံတမန်ရေးအရဖြေရှင်းဖို့ကိုသာ အလေးထားဆွေးနွေးခဲ့ကြပါတယ်။

Nord Stream 2 ဂတ်စ်ပိုက်လိုင်းကိစ္စမှာ 'ရှော့လ်ဇ်'အနေနဲ့ ဘယ်ဘက်ကရပ်တည်မလဲဆိုတာကို ရှင်းလင်းပြတ်သားဖို့လိုအပ်ပြီး ယူကရိန်းကိုထောက်ပံ့ကူညီဆဲဆိုတာကို အခြားနည်းလမ်းတွေနဲ့ သက်သေပြဖို့လိုအပ်နေပါပြီ။

Source: Reuters
#Yangon_Media_Group

#WorldHealth
Published 08 February 2022

အသက်အရွယ်ကြီးသူတွေမှာ တုပ်ကွေးကာကွယ်ဆေးပမာဏများများနဲ့ mRNA အားမြှင့်ကိုဗစ်ကာကွယ်ဆေး booster တို့ကို ပြိုင်တူထိုးနှံလို့ရကြောင်း လေ့လာတွေ့ရှိချက်အသစ်တစ်ခုမှာ အတည်ပြုဖော်ပြလိုက်ပါတယ်။
အသက် ၆၅ နှစ်အထက်လူကြီး ၃၀၆ ယောက်ကို အဖွဲ့ ၃ ဖွဲ့ခွဲပြီး စမ်းသပ်ထိုးနှံခဲ့ပါတယ်။

ပထမတစ်ဖွဲ့က ဆာနိုဖီကုမ္ပဏီမှထုတ်တဲ့ Fluzone High-Dose Quadrivalent တုပ်ကွေးကာကွယ်ဆေးနဲ့ မိုဒါနာကုမ္ပဏီမှထုတ်တဲ့ ကိုဗစ်ကာကွယ်ဆေးတတိယအကြိမ်ကို ပြိုင်တူထိုးနှံခဲ့ပါတယ်။

ဒုတိယတစ်ဖွဲ့က တုပ်ကွေးကာကွယ်ဆေးတစ်မျိုးကိုသာ ထိုးနှံပြီး တတိယအဖွဲ့က ကိုဗစ်ကာကွယ်ဆေးတစ်မျိုးကိုသာ အသီးသီးထိုးနှံခဲ့ကြပါတယ်။

သွေးနမူနာများကို ကာကွယ်ဆေးတွေမထိုးခင်အချိန်နဲ့ ထိုးပြီး ၂၁ ရက်ကြာအချိန်တိုမှာ ရယူခဲ့ကြရာ ကာကွယ်ဆေး ၂ မျိုးကို တပြိုင်တည်းထိုးနှံခြင်းက ရောဂါခုခံအားထွက်ရှိမှုကို အကျိုးသက်ရောက်မှုမရှိစေဘဲ စမ်းသပ်တဲ့အဖွဲ့ ၃ ဖွဲ့စလုံးမှာ ပဋိပစ္စည်း antibody ထွက်ရှိမှုပမာဏ အတူတူဖြစ်နေကြောင်း လန်ဆက်အသက်ရှူလမ်းကြောင်းဆိုင်ရာဂျာနယ်မှာ အင်္ဂါနေ့က ဖော်ပြခဲ့ပါတယ်။

"ကိုဗစ်ကာကွယ်ဆေးနဲ့ တုပ်ကွေးကာကွယ်ဆေးတို့ကို ပြိုင်တူထိုးနှံခြင်းက စိတ်ပူစရာအခြေအနေမရှိပါဘူး။ လေ့လာစောင့်ကြည့်တဲ့အဖွဲ့က စမ်းသပ်ခံတဲ့သူတွေကို ကာကွယ်ဆေးထိုးပြီး ၆ လကြာတဲ့အထိ ဆက်လက်လေ့လာသွားမှာဖြစ်ပါတယ်" လို့ ဆာနိုဖီမှ ပြောရေးဆိုခွင့်ရှိသူတစ်ဦးက ပြောကြားခဲ့ပါတယ်။

Source: Reuters.
#Yangon_Media_Group

#LocalNews
Published -8 Feb 2022

ထိုင်းနိုင်ငံ၊ ဘန်ကောက်မြို့၌ ဆေးကုသမှုခံယူနေရာမှ ဘဝနတ်ထံပြန်လွန်တော်မူသော စစ်ကိုင်းတိပိဋကဆရာတော်ရဲ့ ရုပ်ကလာပ်တော်ကို ထိုင်းနိုင်ငံမှ မြန်မာနိုင်ငံကို ပြန်လည်ပင့်ဆောင်မယ်လို့ ဒ္ဓဇောတကသုဗောဓာရုံကျောင်းတိုက်၊တိုက်အုပ်ဆရာတော် ဘဒ္ဒန္တစန္ဒာဝရထံက သိရပါတယ်။

ဘန်ကောက်မြို့ ဘန်မိုဂရက်ဆေးရုံကြီးမှာ ဆေးကုသမှုခံယူနေသော စစ်ကိုင်းတိပိဋကဆရာတော်ဟာ ဖေဖော်ဝါရီလ ၇ ရက်နေ့ ညနေ ၅ နာရီ ၅၀ မိနစ်အချိန်တွင် ပျံလွန်တော်မူသွားတာဖြစ်ပြီး ဆရာတော်မှာ ရိုးတွင်းချဉ်ဆီအစားထိုးလဲလှယ်ကုသရန် ထိုင်းနိုင်ငံကို၂၀၂၁ ခုနှစ်၊ နိုဝင်ဘာ ၂၈ ရက်နေ့မှ စတင်သွားရောက်ကာဆေးကုသမှုခံယူနေရတာဖြစ်ပါတယ်။

ဆရာတော်၏ အန္တိမအဂ္ဂိဈာပနပူဇာ အခမ်းအနားကျင်းပနိုင်ရေး စစ်ကိုင်းတိပိဋကဆရာတော်ရုပ်ကလာပ်အား ထိုင်းနိုင်ငံမှ ပြန်လည်ပင့်ဆောင်လာမည်ဖြစ်ကာ ဖေဖော်ဝါရီလ ၉ ရက်နေ့ နံနက် ၉နာရီ မုံရွာလေဆိပ်သို့ ရုပ်ကလာပ်ပင့်ဆောင်ရောက်ရှိလာမယ်လို့ သိရပါတယ်။

အန္တိမအဂ္ဂိဈာပနပူဇာ ကြိုတင်အစည်းအဝေးကို ယနေ့ ဖေဖော်ဝါရီလ ၈ရက်နေ့ နေ့လယ် ၃ နာရီ အချိန်တွင် မုံရွာမြို့၊ သဒ္ဓဇောတကသုဗောဓာရုံကျောက်တိုက်တွင် ကျင်းပမှာဖြစ်ပြီး အန္တိမအဂ္ဂိဈာပနပူဇာနေ့ရက်ကို အစည်းအဝေးဆုံးဖြတ်ချက်အတိုင်း ထပ်မံကြေညာသွားမယ်လို့ တိုက်အုပ်ဆရာတော် ဘဒ္ဒန္တစန္ဒာဝရထံ မိန့်ကြားပါတယ်။

ymg/hm
#Yangon_Media_Group

#WorldHealth
Published 08 February 2022

ကိုဗစ်ရောဂါရှိမရှိစစ်ဆေးတဲ့ rapid test ဆေးစစ်ပစ္စည်းတွေထဲက ဓာတ်ပြုဆေးရည်ပုလင်းငယ်ထဲမှာပါဝင်တဲ့ ဆိုဒီယမ်‌အေဇိုက်(sodium azide) ဟာ ကလေးငယ်တွေအတွက် အလွန်အန္တရာယ်များတဲ့ အဆိပ်တစ်မျိုးဖြစ်ကြောင်း ကျွမ်းကျင်ပညာရှင်တွေက သတိပေးလိုက်ပါတယ်။

ဆိုဒီယမ်အေဇိုက်ပမာဏအနည်းငယ်က အရွယ်ရောက်ပြီးသူတွေမှာ သွေးပေါင်ကျခြင်း၊ မူးဝေမူးမေ့ခြင်း၊ နှလုံးဖောက်ခြင်း၊ လေဖြတ်ခြင်း အန္တရာယ်တွေဖြစ်စေနိုင်တယ်လို့ ဝါရှင်တန်ဒီစီ အမျိုးသားအဆိပ်ရောဂါစင်တာမှဒေါက်တာ'ကယ်လီဂျွန်ဆန်အာဘာ'က ဆိုပါတယ်။

ဆိုဒီယမ်အေဇိုက်ပမာဏများရင်တော့ အသက်ဆုံးရှုးနိုင်တဲ့အထိ ဖြစ်နိုင်ကြောင်း အရေးပေါ်ဆေးပညာအမေရိကန်ဂျာနယ်မှာ ဖော်ပြထားပါတယ်။

ကိုဗစ်စစ်ဆေးသည့် rapid test ဆေးစစ်ပစ္စည်းတွေမှာ အရွယ်ရောက်ပြီးသူတွေ သွေးပေါင်ကျလောက်တဲ့အထိ ဆိုဒီယမ်အေဇိုက်ပမာဏအနည်းငယ်သာပါဝင်ပြီး အမေရိကန်အစိုးရက ထုတ်လုပ်လျက်ရှိတဲ့ iHealth ဆေးစစ်ပစ္စည်းတွေကမှာ ဆိုဒီယမ်အေဇိုက် လုံးဝမပါဝင်ကြောင်း 'ဂျွန်ဆန်အာဘာ'က ပြောပါတယ်။

ကလေးငယ်တွေက လူကြီးလူလတ်တွေထက် ငယ်သေးတာကြောင့် ဆိုဒီယမ်အေဇိုက် မြိုချမိပါက အဆိပ်သင့်အန္တရာယ်ဖြစ်စေနိုင်တယ်လို့ ရှင်းပြသွားပါတယ်။

အဆိုပါဓာတ်ပြုဆေးရည်နဲ့ မတော်တဆထိတွေ့မိပြီး အဆိပ်အတောက်ထိန်းချုပ်ရေးစင်တာကို အရေးပေါ်ခေါ်ဆိုခဲ့ရမှုတွေ ရှိခဲ့ပါတယ်။

အချို့လူတွေက ဆေးရည်ကိုမြိုချတယ်၊ အချို့က အရေပြားပေါ်မှောက်ကျမိတယ်၊ အချို့က မျက်စဉ်းဆေးရည်အထင်နဲ့ မျက်လုံးထဲထည့်မိတာတွေ ရှိခဲ့တယ်လို့ 'ဂျွန်ဆန်အာဘာ'က ဆိုပါတယ်။

"သင်ကိုယ်တိုင် ဒါမှမဟုတ် တစ်ယောက်ယောက်က ဆိုဒီယမ်အေဇိုက်ပါဝင်တဲ့ ဓာတ်ပြုဆေးရည်ကို မြိုချမိတာ၊ မျက်လုံးထဲဝင်သွားတာ၊ အရေပြားပေါ်ဖိတ်ကျတာတွေရှိတယ်ဆိုရင် အဆိပ်အတောက်ထိန်းချုပ်ရေးစင်တာကို ချက်ချင်းဆက်သွယ်ပေးပါ" လို့ ညွှန်ကြားခဲ့ပါတယ်။

Source: NPIS
#Yangon_Media_Group

Published 7 Feb 2022

ယနေ့မနက်မှာမြန်မာနိုင်ငံမှာ အထိန်းသိမ်းခံထားရတဲ့ ဩစတြေလျပါမောက္ခ ရှောင်တာနယ်လ် လွတ်မြောက်လာတယ်ဆိုပြီး ကမ္ဘောဒီးယားဝန်ကြီးချုပ်က ဒီကနေ့ ဖေဖော်ဝါရီ (ရ)ရက်မနက်မှာ ပြောကြားမိခဲ့တာဟာ သတင်းအမှားသာဖြစ်တယ်လို့ ကမ္ဘောဒီးယားအစိုးရ၊ နိုင်ငံခြားရေးနှင့် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနက သတင်းထုတ်ပြန်ပါတယ်။

ကမ္ဘာဒီးယားဝန်ကြီးချုပ် ဟွန်ဆန်က ဒီကနေ့မနက်ပိုင်းက ကက်တိုင်ပြည်နယ်က အမှတ်(၇) အမျိုးသားလမ်းမကြီးဖွင့်ပွဲအတွင်း အဲသလိုပြောကြားခဲ့လို့ ဒီသတင်းကို တော်တော်များများက အတည်ပြုချက်ရယူဖို့ ကြိုးစားခဲ့ကြတယ်လို့ အဆိုပါသတင်းထုတ်ပြန်ချက်မှာဖော်ပြထားပါတယ်။

ဒီကြေညာချက်ဟာ သတင်းအချက်အလက်မှားတစ်ခုကြောင့်ဖြစ်ပြီး ပါမောက္ခတာနယ်လ်ဟာ လက်ရှိထိန်းသိမ်းခံနေရဆဲပဲ ဖြစ်တယ်လို့ နိုင်ငံခြားရေးနှင့် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနရဲ့ ပြောရေးဆိုခွင့်ရှိသူက ရှင်းလင်းပါတယ်။

မရည်ရွယ်တဲ့ ယခုဖြစ်ရပ်ရှိခဲ့သော်ငြား ဝန်ကြီးချုပ်ဟွန်ဆန်နှင့် ဗိုလ်ချူပ်မှူးကြီးမင်းအောင်လှိုင်တို့ တွေ့ဆုံစဉ်အတွင်း  ဟွန်ဆန်က ပါမောက္ခရှောင်တာနယ်လ်ကိစ္စဖွင့်ဟပြောဆိုခဲ့ရာ ဗိုလ်ချူပ်မှူးကြီးက  တရားရုံးလုပ်ငန်းစဉ်များပြီးဆုံးသွားပါက သူ့အနေဖြင့်ပြန်လည်စဉ်းစားပေးမည်ဟု အာမခံခဲ့သည်ကို ပြန်ပြောင်းသတိရပါကြောင်းဖြင့် အဆိုပါပြောရေးဆိုခွင့်ရသူက ပြောတယ်လို့ သတင်းထုတ်ပြန်ချက်မှာ ဖြည့်စွက်ပြောဆိုထားပါတယ်။

Source: Statement issued by the Ministry of Foreign Affairs and International Cooperation,Cambodia

#WorldEnergy
Published 7 Feb 2022

အင်္ဂလန်နိုင်ငံ မြောက်ပိုင်း ဟမ်ဘာမြစ်ကမ်းဘေးမှာ ပြောင်းလဲမှုလေအဟုန်ဟာ ဟူးလ်မြို့တလျောက်ကိုတိုက်ခတ်နေပြီ ဖြစ်ပါတယ်။ အဲဒီနေရာမှာ စက်ရုံလုပ်သားတွေဟာ မြစိမ်းရောင်တော်လှန်ရေးတစ်ခုအတွက် တာဘိုင်ဒလက်တွေကို တပ်ဆင်ရင်း အလုပ်များနေကြပါတယ်။

#Yangon_Media_Group

Published 7 February 2022

နှစ်သစ်ကူး နွေဦးရာသီအထိမ်းအမှတ် ဖျော်ဖြေပွဲကြီးတစ်ခုကို တရုတ်နိုင်ငံ CMG က ကြီးမှူးပြီး တင်ဆက်ခဲ့ပါတယ်။ရင်သပ်ရှုမောဘွယ် ဖျော်ဖြေတင်ဆက်မှုအချို့ကိုကောက်နှုတ်တင်ဆက်ပေးလိုက်ပါတယ်။

Source CMG

Published 7 Feb 2022

အိန္ဒိယဝန်ကြီးချုပ် နာရင်ဒရာမိုဒီဟာ ကွယ်လွန်သူ ဘောလီဝုဒ်စူပါစတား လာတာမန်ဂက်စ်ရှခါရဲ့ ဈာပနအခမ်းအနားကို တနင်္ဂနွေနေ့ ညနေက တက်ရောက်ခဲ့ပါတယ်။ အိန္ဒိယဝန်ကြီးချုပ်လိုပဲ အိန္ဒိယရဲ့ လူသိထင်ရှားပုဂ္ဂိုလ်တွေဖြစ်တဲ့ ဘောလီဝုဒ်မင်းသား ရှရွတ်ခန်နှင့် ခရစ်ကက်အားကစားအကျော်အမော် ဆာချင်တက်ဒူခါတို့လည်း တက်ရောက်လာကြပါတယ်။

Source AFP

#LocalNews
Published - 7 Feb 2022

ပြည်ထောင်စုငြိမ်းချမ်းရေး ဆွေးနွေးမှုပူးတွဲကော်မတီ (UPDJC) ရဲ့ နိုင်ငံရေးပါတီများအစုအဖွဲ့သစ်မှာပါတဲ့ ပါတီအချို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ - NSPNC တို့ ဒီလထဲမှာ တွေ့ဆုံဖို့ရှိနေကြပါတယ်။

#Yangon_Media_Group

#Published -7 Feb 2022

ထိုင်းနိုင်ငံ၊ဘန်ကောက်မြို့၊ဘန်မိုဂရက်ဆေးရုံကြီးတွင်ဆေးကုသမှုခံယူနေရသောသုတဗုဒ္ဓ၊ စစ်ကိုင်းတိပိဋကဆရာတော် မှာယနေ့ ညနေ ၆နာရီ ၁၉မိနှစ်အချိန်တွင်

အဆိုပါဆေးရုံကြီးတွင်  ဘဝနတ်နန်းစံမြန်းတော်မူသွားပြီလို့သတင်းအတည်ပြုချက်ရရှိပါတယ်။

ယနေ့ညနေ၅နာရီ၁၀မိနစ်တွင် YMG ကဆက်သွယ်မေးမြန်းရာတွင် စိုးရိမ်ရတဲ့အခြေအနေတွင်ရှိနေတယ်လို့ သိခဲ့ရာမှ ယခု ဘဝနတ်ထံပျံလွန်တော်မူသွားရတာဖြစ်ပါတယ်။

တိပိဋကဓရဓမ္မဘဏ္ဍာဂါရိက၊ တိပိဋက​ကောဝိဒ အပါအဝင် (၄၇)ဘွဲ့ရ ဆရာ​တော် ဘဒ္ဒန္တအဘိဇာတာလင်္ကာရာဘိဝံသ အရှင်သူမြတ်သည် သက်​တော်(၄၂)နှစ်၊ သိက္ခာ​တော်(၂၂)ဝါ၊ ၁၃၈၃-ခုနှစ်၊ တပို့တွဲလဆန်း(၇)ရက်၊ယနေ့တွင် ထိုင်းနိုင်ငံ၊ ဘန်​ကောက် မြို့၊ ဘန်မိုဂရက်ဆေးရုံတွင်ဘဝနတ်ထံ ပျံလွန်တော်မူခဲ့တာဖြစ်ပါတယ်။

စစ်ကိုင်းတိပိဋကဆရာတော်ဟာ ချဉ်ဆီအစားထိုးကုသရန် ၂၀၂၁ ခုနှစ် နိုဝင်ဘာလ (၂၈) ရက်၌ ဆေးကုသမှုခံယူရန်အတွက် ထိုင်းနိုင်ငံ၊ ဘန်ကောက်မြို့သို့ ကြွရောက်သွားခဲ့ပြီး ဆေးဝါးကုသမှုခံယူခဲ့တာဖြစ်ပါတယ်။

ymg/hm

Published - 7 Feb 2022

စင်ကာပူနိုင်ငံတွင် ရောက်ရှိနေပြီး မြန်မာနိုင်ငံသို့ ပြန်လည်ထွက်ခွာလိုသည့် မြန်မာနိုင်ငံသား များအား ယနေ့မွန်းတည့် ၁၂ နာရီခွဲခန့်က အကြိမ် (၉၀) မြောက်ကယ်ဆယ်ရေးအဖြစ်  မြန်မာအမျိုးသားလေကြောင်းလိုင်းမှ လေယာဉ်ဖြင့် စင်ကာပူနိုင်ငံမှရန်ကုန်မြို့သို့ ပြန်လည် ပိုဆောင်ပေးခဲ့တယ်လို့ သိရပါတယ်။

ကယ်ဆယ်ရေးလေယာဉ်တွင် စင်ကာပူနိုင်ငံသို့လာရောက်စဉ် COVID-19 ကြောင့် ပိတ်မိနေသူ များ၊ စင်ကာပူနိုင်ငံတွင် ပညာသင်ကြားနေသည့် ကျောင်းသား၊ ကျောင်းသူများ၊ ကိုယ်ဝန်ဆောင်မိခင်များ၊ အလုပ်လုပ်ခွင့်ပါမစ် ရပ်နားခြင်း ခံထားရသူများ၊ သင်္ဘောသားများနှင့် မြန်မာနိုင်ငံရှိ မိသားစုများထံ အလည်အပတ်ပြန်ကြသူများ အပါအဝင် စုစုပေါင်း (၁၀၈) ဦး လိုက်ပါသွားပါတယ်။

လိုက်ပါသည့် မြန်မာနိုင်ငံသားများအနေဖြင့် လေဆိပ်၌ လူဝင်မှုကြီးကြပ်ရေးဆိုင်ရာကိစ္စရပ်များ ဆောင်ရွက်ရာတွင် အခက်အခဲမရှိစေရေးနှင့် စင်ကာပူနိုင်ငံမှ အဆင်ပြေချောမွေ့စွာ ထွက်ခွာနိုင်ရေး  မြန်မာသံရုံးမှတာဝန်ရှိသူများက လေဆိပ်တွင်လိုအပ်သည်များ ကူညီဆောင်ရွက်ပေးခဲ့တယ်လို့ ဆိုပါတယ်။

ymg/mnn

#Published -7 Feb 2022

ထိုင်းနိုင်ငံ၊ဘန်ကောက်မြို့၊ဘန်မိုဂရက်ဆေးရုံကြီးတွင်ဆေးကုသမှုခံယူနေရသောသုတဗုဒ္ဓ၊ စစ်ကိုင်းတိပိဋကဆရာတော် အနေနဲ့ ကျန်းမာရေးစိုးရိမ်ရအခြေအနေနဲ့ဆေးကုသမှုခံယူနေရတယ်လို့ တပည့်သံဃာတွေရဲ့ပြောကြားချက်အရသိရပါတယ်။

တိပိဋကဓရဓမ္မဘဏ္ဍာဂါရိက၊ တိပိဋက​ကောဝိဒ အပါအဝင် (၄၇)ဘွဲ့ရ ဆရာ​တော် ဘဒ္ဒန္တအဘိဇာတာလင်္ကာရာဘိဝံသ အရှင်သူမြတ်သည် သက်​တော်(၄၂)နှစ်၊ သိက္ခာ​တော်(၂၂)ဝါ၊ ၁၃၈၃-ခုနှစ်၊ တပို့တွဲလဆန်း(၇)ရက်၊ယနေ့တွင် ထိုင်းနိုင်ငံ၊ ဘန်​ကောက် မြို့၊ ဘန်မိုဂရက်ဆေးရုံတွင်ဘဝနတ်ထံ ပျံလွန်တော်မူတယ်လို့ လူမှုကွန်ယက်မှာသတင်းတွေဖော်ပြနေတာလည်းဖြစ်ပါတယ်။

လတ်တလောအနေဖြင့်ဆရာတော်မှာ ကျန်းမာရေးအခြေအနေ  ကြောင့် အထူးကြပ်မတ်ကုသနေရပြီး သတင်းမှားများမဖော်ပြရန်နှင့် ပြည်တွင်းက တပည့်သံဃာများကလည်း ဆရာတော်ကို လိုက်ပါစောင့်ရှောက်သူများနဲ့ အဆက်အသွယ်မပြတ်ပြုလုပ်နေတယ်လိုသိရပါတယ်။

စစ်ကိုင်းတိပိဋကဆရာတော်ဟာ ချဉ်ဆီအစားထိုးကုသရန် ၂၀၂၁ ခုနှစ် နိုဝင်ဘာလ (၂၈) ရက်၌ ဆေးကုသမှုခံယူရန်အတွက် ထိုင်းနိုင်ငံ၊ ဘန်ကောက်မြို့သို့ ကြွရောက်သွားခဲ့ပြီး ဆေးဝါးကုသမှုခံယူခဲ့တာဖြစ်ပါတယ်။

ymg/hm