#Local_News
Published_ 4 Aug 2022

ဂျပန်နိုင်ငံမှ Honeys က ယန်း ၁.၅ ဘီလီယံ ရင်းနှီးမြှုပ်နှံမှုအသစ်ကို မြန်မာ့အထည်ချုပ်လုပ်ငန်းကဏ္ဍ၌ ပြုလုပ်မည်ဖြစ်ဖြစ်ကြောင်း သိရပါတယ်။

အမြန်ထုတ်လုပ်ဖက်ရှင် Fast-fashion လုပ်ငန်း Honeys သည် လက်လီအရောင်း ဆိုင်ခွဲများ ဖွင့်လှစ်လုပ်ကိုင်လျက်ရှိပြီး ၎င်း၏ ရောင်းကုန် အဝတ်အစားများ၏ ထက်ဝက်ကျော်ကို မြန်မာနိုင်ငံမှ ရယူရန် ရည်မှန်းထားတယ်လို့ ဆိုပါတယ်။

ဂျပန်နိုင်ငံတွင် မေလကုန်တွင် စတိုးဆိုင်ပေါင်း ၈၇၁ ဆိုင် ဖွင့်လှစ်ထားသည့် Honeys အတွက် စျေးနှုန်းချိုသာမှုသည် အဓိက အချက်တစ်ခုဖြစ်တယ်လို့ ဆိုပါတယ်။

ဂျပန်အ၀တ်အထည်ထုတ်လုပ်သူ Honeys Holdings သည် မြန်မာနိုင်ငံတွင် တတိယမြောက်စက်ရုံကို ယခုလတွင် စတင်ဆောက်လုပ်နေတယ်လို့ သတင်းထုတ်ပြန်ချက်မှာ ဖော်ပြထားပါတယ်။

ရန်ကုန်မြို့ မင်္ဂလာဒုံစက်မှုဥယျာဉ်တွင် တည်ရှိပြီးဖြစ်သော ၎င်း၏ စက်ရုံဘေးတွင် ဧရိယာ ၁,၆၀၀ စတုရန်းမီတာရှိ စက်ရုံသစ်ကို တည်ဆောက်မှာဖြစ်ပြီး Honeys သည် ၂၀၂၄ ခုနှစ် မေလအထိ ဘဏ္ဍာနှစ် ၂ နှစ်အတွင်း စီမံကိန်းမှာ ယန်း ၁.၅ ဘီလီယံ (ကန်ဒေါ်လာ ၁၁.၃ သန်း) ခန့် ရင်းနှီးမြှုပ်နှံရန် စီစဉ်ထားပါတယ်။

အမျိုးသမီးဝတ် အမြန်ထုတ်လုပ် ဖက်ရှင်ဆိုင်ခွဲများလုပ်ငန်း Honeys သည် ၎င်း၏ ပစ္စည်းများတွင် အကြမ်းဖျင်းအားဖြင့် အရှေ့တောင်အာရှမှာ ၉၀% ကို ထုတ်လုပ်လျက်ရှိရာ၌ မြန်မာနိုင်ငံတစ်ခုတည်းမှာ ၄၄% ကို ထုတ်လုပ်ကြောင်း သိရပါတယ်။ မြန်မာနိုင်ငံရှိ စက်ရုံများတွင် အခြားနေရာများထက် စျေးသက်သာစွာ ထုတ်လုပ်နိုင်တယ်လို ဆိုပါတယ်။

အဆိုပါ စက်ရုံသစ်တွင် လုပ်သား ၁,၅၀၀ ခန့် အလုပ်ခန့်ထားမှာဖြစ်ပြီး တစ်လလျှင် အဝတ်အထည် အရေအတွက် ၁၀၀,၀၀၀ ထုတ်လုပ်မှာ ဖြစ်ပြီး ထုတ်ကုန်အားလုံးကို ဂျပန်နိုင်ငံသို့ တင်ပို့မှာ ဖြစ်ပါတယ်။

ygm_mnn
#Yangon_Media_Group

#Local_News
Published -4 August 2022

လက်ရှိနယ်စပ်ကုန်သွယ်ရေးတွင် ပို့ကုန်တင်ပို့မှုသာ မြင့်တက်နေပြီး သွင်းကုန်ပစ္စည်း တင်သွင်းမှုသည် များစွာလျော့ကျနေကြောင်း ကုန်သည်များ၏ ပြောပြချက်အရ သိရသည်။

၂၀၂၂ ခုနှစ်၏ ဘဏ္ဍာနှစ် ၄ လနီးပါးကာလအတွင်း နယ်စပ်ကုန်သွယ်ရေးလမ်းကြောင်းမှ ပို့ကုန်တင်ပို့မှု အမေရိကန်ဒေါ်လာ ၁၇၆၅ သန်းကျော် ကုန်သွယ်မှုဆောင်ရွက်ထားနိုင်ပြီး သွင်းကုန်သည် အမေရိကန်ဒေါ်လာ ၆၃၉ သန်းကျော်သာ ဆောင်ရွက်ထားနိုင်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

ယင်းအပြင် ကုန်သွယ်မှုပိုင်းနှင့် ပတ်သက်သည့် ကုန်စည်သယ်ယူပို့ဆောင်ရမှု များစွာလျော့ကျလာပြီး အဝေးပြေးကုန်စည်ပို့ဆောင်ရေးလုပ်ငန်း လည်ပတ်မှုသည်လည်း ပိုမိုနှေးကွေးလာကြာင်း သိရသည်။

ပြီးခဲ့သည့် ဘဏ္ဍာနှစ်ကာလတူထက် ပို့ကုန်သည် အမေရိကန်ဒေါ်လာ ၁၅၃ သန်းကျော် ပိုမိုဆောင်ရွက်ထားနိုင်ပြီး သွင်းကုန်အနေဖြင့်အမေရိကန်ဒေါ်လာ ၃၄၅ သန်းကျော် လျော့ကျဆောင်ရွက်ထားကြောင်း သိရသည်။

ပြည်တွင်းမှာရှိသည့် ကုန်စည်များကို ပင်လယ်ရေ လမ်းကြောင်းမှ အများဆုံးတင်ပို့နေကြောင်းလည်း သိရသည်။

ymg/sth
#Yangon_Media_Group

#Local_News
Published -4 August 2022

မလေးရှားနိုင်ငံ Pekan Nanas ထိန်းသိမ်းရေးစခန်းတွင် ထိန်းသိမ်းခံထားရသည့် မြန်မာနိုင်ငံသား ၅၃ ဦးကို မြန်မာနိုင်ငံပြန်ပို့ရန် သက်ဆိုင်ရာဌာနများနှင့် ညှိနှိုင်းဆောင်ရွက်နေကြောင်း ကွာလာလမ်ပူမြိုရှိ မြန်မာသံရုံးမှ သတင်းထုတ်ပြန်ကြေညာထားသည်။

သံရုံးပထမအတွင်းဝန်နှင့် တာဝန်ရှိသူများက အဆိုပါ ထိန်းသိမ်းရေးစခန်းတွင် ထိန်းသိမ်းခံထားရသည့် မြန်မာနိုင်ငံသား အမျိုးသား ၃၃ ဦး၊အမျိုးသမီး ၁၆ ဦး၊ ကလေး ၄ ဦးကို ယနေ့(သြဂုတ်လ ၃ ရက်)တွင် သွားတွေ့ခဲ့ခြင်းဖြစ်သည်။

မြန်မာနိုင်ငံသား အထောက်အထားပြည့်စုံသည့်သူများကို မြန်မာနိုင်ငံသို့အမြန်ဆုံး ပြန်ပို့ရန် ဆောင်ရွက်နေကြောင်းသံရုံးထုတ်ပြန်ချက်တွင် ဖော်ပြထားသည်။

မလေးရှားနိုင်ငံတွင် ဖမ်းဆီးခံရသည့် မြန်မာနိုင်ငံသားများသည် ပြစ်ဒဏ်ကျခံပြီးပါက ထိန်းသိမ်းရေး စခန်းတွေ၌ ထိန်းသိမ်းခံရပြီး အဆိုပါထိန်းသိမ်းရေးစခန်းတွေမှ တဆင့်မြန်မာနိုင်ငံသား အထောက် အထားပြည့်စုံသူများကို မြန်မာ သံရုံးအစီအစဉ်ဖြင့် နေရပ်ပြန်ပို့ခြင်းဖြစ်သည်။

မလေးရှားနိုင်ငံသို့ အလုပ်လုပ်ရန် တရားမဝင်လမ်းကြောင်းကနေ သွားရောက်သည့် မြန်မာနိုင်ငံသားများ မလေးရှား-ထိုင်းနယ်စပ်၌ အဖမ်းခံရမှုများလည်း မကြာခဏဖြစ်ပွားနေကြောင်း သိရသည်။

ymg/sth
#Yangon_Media_Group

#Local_News
Published _4 August 2022

ထိုင်း-မြန်မာနယ်စပ်၊ တနင်္သာရီမြို့နယ်ရှိ မောတောင်-စင်ခွန် နယ်စပ်ဂိတ်ကို ပြန်လည်ဖွင့်လှစ်လိုက်ကြောင်း သိရသည်။

ထိုင်း-မြန်မာ နှစ်နိုင်ငံတာဝန်ရှိသူများ‌ တွေ့ဆုံကာ ညှိနှိုင်းဆွေးနွေးမှုများပြု လုပ်ခဲ့ပြီးနောက် ဩဂုတ်လ ၂ ရက်နံနက်ပိုင်းတွင် ဖွင့်လှစ်ခဲ့ခြင်းဖြစ်‌ကြောင်းသိရသည်။

အပတ်စဉ်တနင်္လာနေ့မှ စနေနေ့ထိ၊ တစ်နေ့လျှင်နံနက် ၈ နာရီမှ ညနေ ၄ နာရီထိ ဖွင့်လှစ်ထားကြောင်း သိရသည်။

မောတောင်-စင်ခွန်နယ်စပ်ဂိတ်ကို တိုက်ပွဲများဖြစ်ပွားနေသည့်အတွက်
အတွက် ပြီးခဲတဲ့ ဧပြီလမှစတင်ပိတ်ထားခဲ့ခြင်းဖြစ်‌ကြောင်း၊ ယခုအခါကိုဗစ်စည်းကမ်းများအတိုင်း ကုန်စည်တင်သွင်း ပို့ဆောင်နိုင်ပြီဖြစ်ကြောင်း သိရသည်။

ygm/mt
#Yangon _Media_Group

#World_Health
Published 4 August 2022

ဆဲလ်တွေရဲ့ပျက်စီးသွားတဲ့ အစိတ်အပိုင်းတွေကို ပြုပြင်ပေးပြီး တစ်ရှူးတွေပုံမှန်အတိုင်း ဆက်လက်ဆောင်ရွက်နိုင်အောင် ကူညီပေးတဲ့မော်လီကျူးတွေကို ဂျေရုဆလမ် ဟီဘရူးတက္ကသိုလ်က ဓာတ်ခွဲခန်းစမ်းသပ်ချက်အတွင်း လေ့လာတွေ့ရှိခဲ့ပါတယ်။

ထိုမော်လီကျူးအသစ်တွေက ထိခိုက်ထားတဲ့ တစ်ရှူးတွေမှာ ဆဲလ်အသစ်ပြန်လည်ဖြစ်ပေါ်အောင်ပြုလုပ်နိုင်ပြီး အယ်လ်ဇိုင်းမားနဲ့ ပါကင်ဆန်ရောဂါတို့လို အသက်အရွယ်အရဖြစ်ပေါ်လာတဲ့ ရောဂါတွေကို ကာကွယ်နိုင်မှာ ဖြစ်တဲ့အပြင် ပျမ်းမျှအသက်ရှင်နေထိုင်နိုင်မှုသက်တမ်းနဲ့ ကျန်းမာရေးကောင်းမွန်လာစေမှာဖြစ်ကြောင်း သုတေသီများကပြောပြခဲ့ပါတယ်။

ကမ္ဘာပေါ်က ဆေးပညာနဲ့နည်းပညာတွေထွန်းကားလာတာဟာ တစ်ကမ္ဘာလုံးရဲ့ပျမ်းမျှသက်တမ်းတိုးမြင့်လာစေပေမယ့် ကျန်းမာရေးမယုတ်လျော့စေဘဲ အသက်ရှည်နေထိုင်နိုင်ဖို့အတွက်တော့ အခက်အခဲတွေနဲ့ ရင်ဆိုင်နေရဆဲဖြစ်ပါတယ်။

အိုမင်းခြင်းဖြစ်စဉ် ဖြစ်လာရတဲ့အဓိကအကြောင်းအရင်းက ဆဲလ်တွေမှာ စွမ်းအင်တွေထုတ်ပေးတဲ့ မိုက်တိုခွန်ဒရီယာတွေ ယိုယွင်းလာကာ ဆဲလ်တွေရဲ့ထိန်းချုပ်ခြင်းဖြစ်စဉ်တွေ ထိခိုက်လာတာပဲဖြစ်ပါတယ်။

ဒါတွေကို အလွန်သေးငယ်တဲ့ လျှပ်စစ်ဘတ်ထရီတွေကနေ ဆဲလ်လုပ်ဆောင်ချက်တွေကို ပုံမှန်ကူညီပေးနေတာနဲ့ ယှဉ်ကြည့်လို့ရပါတယ်။

ထိုဘတ်ထရီတွေက အမြဲအားကုန်တတ်ပေမယ့် ဆဲလ်တွေက မကောင်းတော့တဲ့ မိုက်တိုခွန်ဒရီယာတွေကို ဖယ်ရှားကာ အသစ်တွေနဲ့အစားထိုးပေးပါတယ်။

ဒါပေမဲ့ထိုဖြစ်စဉ်တွေဟာ အသက်ကြီးလာတာနဲ့အမျှ ပျက်စီးလာပြီး ဆဲလ်ယိုယွင်းပျက်စီးခြင်းနဲ့ တစ်ရှူးလုပ်ဆောင်ချက်များ ပျက်စီးလာပါတယ်။

ထိုကဲ့သို့ ယိုယွင်းလာခြင်းတွေက အသက်ကြီးရင့်လာသူတွေမှာ ရောဂါဝင်လာခြင်းနဲ့ ကြွက်သားဆုံးရှုံးမှုများ ဖြစ်လာစေပါတယ်။

အသက် ၄၀ ကျော်လောက်ကစပြီး ကြွက်သားဆုံးရှုံးလာရာကနေ အသက် ၈၀ ခန့်မှာ ကြွက်သားတဝက်လောက်အထိ ဆုံးရှုံးလာရပါတယ်။

တွေ့ရှိထားတဲ့မော်လီကျူးတွေနဲ့တော့ ထိုဖြစ်စဉ်တွေကို ကာကွယ်ပေးနိုင်ဖွယ်ရှိကြောင်း လေ့လာချက်အရသိရှိရပါတယ်။

"အနာဂတ်မှာ အိုမင်းရင့်ရော်လာပြီး ရောဂါတိုးလာနိုင်တဲ့အခြေအနေတွေကို နှောင့်နှေးအောင်ပြုလုပ်ပြီး လူသားတွေရဲ့အသက်ကို ဖွံ့ဖြိုးတိုးတက်စေမှာဖြစ်ပါတယ်၊ ဒီအရာတွေကို ပါးစပ်ကနေ အလွယ်တကူသောက်သုံးလို့ရအောင် ပြုလုပ်နိုင်ပါတယ်" လို့ ပရော်ဖက်ဆာ'ဂရော့စ်'နဲ့ 'ဘန်ဆက်ဆွန်'တို့က ဆိုပါတယ်။

"ဘန်ဆက်ဆွန်နဲ့ ဂရော့စ်တို့ရဲ့တွေ့ရှိချက်တွေက အသက်အရွယ်ကြီးလာခြင်းအတွက် အလွန်အဖိုးတန်ပါတယ်၊ အသက်အရွယ်ကြီးလာတိုင်း မလွဲမသွေကြုံရမယ့်ရောဂါများကို အတတ်နိုင်ဆုံးလျှော့ချနိုင်ဖို့ အလွန်နီးစပ်နေပါတယ်" လို့ ဆိုပါတယ်။

Source: The Jerusalem Post
#Yangon_Media_Group

#Local_News
Published -3 August 2022

ဗဟိုဘဏ်က တစ်ဒေါ်လာကို ၁၈၅၀ ကျပ်လို့ သတ်မှတ်ထားပေမဲ့ အပြင်မှာ တစ်ဒေါ်လာကို ၂၇၀၀ ကျပ်ထိ မြင့်တက်နေတယ်လို့ သွင်းကုန်လုပ်ငန်းရှင်တွေက တညီတညွတ်တည်း ဆိုကြပါတယ်။

#Yangon_Media_Group

#Asia_Entertainment
Published 3 August 2022

ဘန်ကောက်မှ မော်တော်ဆိုင်ကယ်တက္ကစီသမားတစ်ဦးပုံစံကဲ့သို့ လိမ္မော်ရောင်တောက်တောက်ဂျာကင်နဲ့ ဦးထုပ်ဆောင်းထားတဲ့နပန်းသမားတစ်ဦးက လိုက်ကာနောက်ကနေ ပြေးထွက်လာပြီး ကြိုးဝိုင်းထဲကို ဝင်ရောက်လာပါတယ်။

#Yangon_Media_Group

#Local_News
Published_3 August 2022

အငြိမ့်သဘင်လောကမှာ တစ်ချိန်တုန်းကနာမည်ကြီးခဲ့ပြီးတော့ အခုချိန်မှာ ဘဝအခက်အခဲတွေ ရင်ဆိုင်နေရတဲ့ သက်ကြီးရွယ်အိုနဲ့ နာမကျန်းဖြစ်နေတဲ့ အငြိမ့်မိခင်ကြီး(၁၅)ဦးရှိတယ်လို့ မြန်မာနိုင်ငံအငြိမ့်မင်းသမီးများ အဆိုအကအလွှာ(ဗဟို) ဥက္ကဌကျားလေးစိန်က ပြောပါတယ်၊၊

#Yangon_Media_Group

#Local_News
Published_3 August 2022

ကိုဗစ်ကပ်ရောဂါဖြစ်ပြီး နောက်ပိုင်းကစလို့ ကိုယ့်မိသားစု ကျန်းမာရေးအတွက် ကိုယ်တိုင်စောင့်ရှောက်ဖို့ ပုဂ္ဂလိကဆေးဝါးကျွမ်းကျင်သင်တန်းတက်ရောက်သူတွေ များလာတယ်လို့ သိရပါတယ်။

#Yangon_Media_Group

Published: 3 August 2022

ရုရှား-မြန်မာ စစ်ရေးနည်းပညာ ပူးပေါင်းဆောင်ရွက်ရေး ကော်မရှင်အစည်းအဝေးတစ်ရပ်ကို ယခုဩဂုတ်လအတွင်း ကျင်းပသွားမယ်လို့ ရုရှားနိုင်ငံခြားရေးဝန်ကြီး ဆာဂေး လက်ဗရော့ကပြောပါတယ်။

“ ကျွန်တော်တို့ဟာ မိတ်ဟောင်းဆွေဟောင်းတွေနှင့် မဟာဗျူဟာမြောက်မိတ်ဖက်တွေအဖြစ်  အမြဲဆက်သွယ်ခဲ့ကြပါတယ်” လို့ ရုရှားနိုင်ငံခြားရေးဝန်ကြီးက ဗိုလ်ချူပ်မှူးကြီးမင်းအောင်လှိုင်ကို ပြောခဲ့တယ်လို့ TASSသတင်းမှာဖော်ပြထားပါတယ်။

“ ကျွန်တော်တို့ထိတွေ့ဆက်ဆံမှုဟာ ထက်သန်စွာ ဖွံ့ဖြိုးတိုးတက်နေပါတယ်။ နှစ်နိုင်ငံအစိုးရများအကြား ကုန်သွယ်ရေးနှင့် စီးပွားရေးပူးပေါင်းဆောင်ရွက်ရေး ကော်မရှင်ရဲ့ အစည်းအဝေးကို မြန်မာနိုင်ငံမှာကျင်းပပါမယ်။ ဒီလကုန်မှာ စစ်ရေး နည်းပညာ ပူးပေါင်းဆောင်ရွက်ရေးကော်မရှင်အစည်းအဝေးကို စီစဉ်ထားတဲ့အတိုင်း ရုရှားမှာ ကျင်းပပါမယ်။ စွမ်းအင်ဆိုင်ရာ လုပ်ငန်းအဖွဲ့တစ်ခုကိုလည်း တည်ထောင်ပြီးပါပြီ။အဲဒါကြောင့် ကျွန်တော်တို့ရဲ့ ဆက်ဆံရေးမှာ ပိုပြီး အကျိုးရှိရှိ တိုးတက်နေပါတယ်” လို့ ရုရှားနိုင်ငံခြားရေးဝန်ကြီး ပြောခဲ့ပါတယ်။

စစ်ရေးနှင့်စစ်ရေးနည်းပညာပူးပေါင်းဆောင်ရွက်ရေး ပြီးတော့ လုံခြုံရေးဟာ မော်စကိုနှင့် နေပြည်တော်အကြား ဆက်ဆံရေး  ဖွဲ့စည်းတည်ဆောက်မှုမှာ အရေးကြီးတဲ့နေရာမှာ  ရှိနေတယ်လို့လည်း သူကပြောပါတယ်။

Source: TASS

#Russia_Myanmar

#Sergey_Lavrov

#Russia_Myanmar_Military_Tie

#Local_News
Published _ 3 July 2022

ရန်ကုန်- ဒလ သဘောဆိပ်တစ်ချို့က သမ္ဗန်ကူးခနှုန်းထားတွေကို အရင်ကထက် ပိုတိုးကောက်နေတယ်လို့ စီးနင်းနေတဲ့ ခရီးသွားပြည်သူတွေက ပြောပါတယ်။

#Yangon_Media_Group

Published 3 August 2022

တရုတ်ပြည်သူ့လွတ်မြောက်ရေးတပ်မတော် PLA ရဲ့ အရှေ့ပိုင်းစစ်တိုင်းဟာ ဩဂုတ် (၂)ရက်ကစပြီး  ထိုင်ဝမ်ကျွန်းအနီးမှာ စစ်ဆင်ရေးတွေ ဆက်တိုက်ပြုလုပ်နေပါတယ်။ အရှေ့ပိုင်းစစ်တိုင်းဟာ ထိုင်ဝမ်ကျွန်းရဲ့ မြောက်ပိုင်း၊ အနောက်တောင်ပိုင်းနှင့် အရှေ့တောင်ပိုင်းကမ်းခြေတွေအနီးနှင့် အဲဒါတွေရဲ့ လေပိုင်နက်ထဲ မှာ စစ်ရေးလေ့ကျင့်မှုတွေ ပြုလုပ်နေကြပါတယ်။  အဲဒီအပြင် ထိုင်ဝမ်ရေလက်ကြားမှာ တာဝေး လက်တွေ့ ပစ်ခတ်မှုတွေနှင့် အရှေ့ပိုင်းကမ်းခြေရေပြင်မှာ သမားရိုးကျ ဒုံးကျည် စမ်းသပ်မှုတွေပြုလုပ်မယ်လို့လည်း သိရပါတယ်။

Source : CCTV Plus

#China_Taiwan_Tension

#Pelosi_Taiwan

#US_China_Tension