#LocalNews
Published_ 1 March 2022
တပ်မတော်၏ စစ်ရေးဆိုင်ရာလှုပ်ရှားမှုများကို ၂၀၂၂ ခုနှစ် မတ်လ ၁ ရက်မှ ဒီဇင်ဘာလ ၃၁ ရက်အထိ ထပ်မံတိုးမြှင့်ရပ်စဲလိုက်ကြောင်း တပ်မတော်ကာကွယ်ရေး ဦးစီးချုပ်ရုံးက ကြေညာချက်ထုတ်ပြန်လိုက်ပါတယ်။
အဆိုပါထုတ်ပြန်ချက်တွင် တစ်နိုင်ငံလုံး ထာဝရငြိမ်းချမ်းရေးရရှိစေရေး၊ ငြိမ်းချမ်းရေး လုပ်ငန်းစဉ်များကို တိုးမြှင့်ဆောင်ရွက်နိုင်ရေး ရည်ရွယ်၍လည်းကောင်း၊ မြန်မာနိုင်ငံတစ်ဝန်းလုံး၌ ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များကို ထိထိရောက်ရောက် ဆောင်ရွက်နိုင်ရေး ရည်ရွယ်၍လည်းကောင်း မြန်မာ နိုင်ငံတစ်ဝန်းလုံး၌ နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များအပြင် နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေး ယန္တရားများအား နှောင့်ယှက်ထိပါး တိုက်ခိုက်ချိန်မှအပ တပ်မတော်၏ စစ်ရေးဆိုင်ရာလှုပ်ရှားမှုများကို ၂၀၂၂ ခုနှစ်၊ မတ်လ ၁ ရက်မှ ဒီဇင်ဘာ ၃၁ ရက်နေ့အထိ ထပ်မံတိုးမြှင့် ရပ်စဲလိုက်ကြောင်း ဖော်ပြထားပါတယ်။
တပ်မတော်အနေဖြင့် ပြည်သူလူထုတစ်ရပ်လုံး လိုလားတောင့်တနေသည့် ငြိမ်းချမ်းရေးပန်းတိုင်ကို ဆွေးနွေးညှိနှိုင်းအဖြေရှာခြင်းဟူသည့် ဒီမိုကရေစီ ကျင့်စဉ်နှင့်အညီ လျှောက်လှမ်းကြရမည်ဖြစ်ပါသဖြင့် တိုင်းရင်းသား လက်နက်ကိုင် အဖွဲ့အစည်းများနှင့် သက်ဆိုင်သူများ အားလုံးအနေဖြင့် ငြိမ်းချမ်းရေးလုပ်ငန်းစဉ်များကို လက်တွေ့ကျကျ တိုးမြှင့်အကောင် အထည်ဖော် ဆောင်ရွက်နိုင်ရေး ကိုယ်စွမ်း၊ ဉာဏ်စွမ်းရှိသမျှပါဝင်ဆောင်ရွက်နိုင်ကြပါရန် မေတ္တာရပ်ခံထားပါတယ်။
တပ်မတော်အနေဖြင့် ၂၀၁၈ ခုနှစ် ဒီဇင်ဘာလ ၂၁ ရက်မှစ၍ ၂၀၂၂ ခုနှစ် ဖေဖော်ဝါရီလ ၂၈ ရက်နေ့အထိ ပစ်ခတ်တိုက်ခိုက်မှုရပ်စဲရေးအတွက် ထုတ်ပြန်မှုပေါင်း အကြိမ် ၂၀ ပြုလုပ်ပေးခဲ့ပြီး ပစ်ခတ်တိုက်ခိုက်မှုရပ်စဲပေးခဲ့ကြောင်း သိရပါတယ်။ နစက အနေဖြင့် ငြိမ်းချမ်းရေးနှင့်ပတ်သက်၍ NCA အတိုင်း အလေးထား အကောင်အထည်ဖော် ဆောင်ရွက်လျက်ရှိတယ်လို ကြေညာချက်မှာဖော်ပြထားပါတယ်။
ymg-mnn
#Yangon_Media_Group
#LocalNews
Published -1 Mar 2022
ရန်ကုန်တိုင်းဒေသကြီးအတွင်း ယနေ့ နံနက်အစောပိုင်းက မြို့နယ်နှစ်ခုတွင်မီးလောင်မှုနှစ်ကြိမ်ဖြစ်ပွားခဲ့တယ်လို့ သိရပါတယ်။
ဖြစ်စဉ်များမှာ မတ်လ ၁ရက်နေ့၊ နံနက် ၅နာရီ ၅၀ မိနစ်အချိန်ခန့်၊ ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၆/၁၂)ရပ်ကွက်၊ ရွှေညာမောင်လမ်းတွင် မီးလောင်မှုဖြစ်ပွားကြောင်း သတင်းရရှိသဖြင့် Level 1ယာဉ်အုပ်စု ထွက်ခွာငြိမ်းသက်ခဲ့ရာ နံနက် ၆နာရီကျော်ခန့်တွင်မီးငြိမ်းသွားခဲ့ပါတယ်။
ထိုအပြင် ယနေ့နံနက် ၆နာရီအချိန်ခန့်ကလည်းရန်ကုန်တိုင်းဒေသကြီး၊ လှိုင်သာယာမြို့နယ်၊ ငွေပင်လယ်စက်မှုဇုန်၊ ဆိပ်ကမ်းသာလမ်းတွင် မီးလောင်မှုဖြစ်ပွားကြောင်း သတင်းရရှိသဖြင့် Level 1ယာဉ်အုပ်စု ၊ Level 2 ယာဉ်အုပ်စု ထွက်ခွာငြိမ်းသက်ခဲ့ရာ ၆နာရီ ၄၅မိနစ် အချိန်မှာ မီးငြိမ်းသွားခဲ့ပါတယ်။
ဖေဖော်ဝါရီလ ၂၈ရက်နေ့ကလည်း ရန်ကုန်တိုင်းဒေသကြီးအတွင်း ၈ကြိမ်ထက်မနည်းမီးလောင်မှုဖြစ်ပွားခဲ့ပါတယ်။
ymg/hm
#Yangon_Media_Group
Published 28 February 2022
နေပြည်တော်၊ ဒက္ခိဏသီရိမြို့နယ်ရှိ မာရဝိဇယ ဗုဒ္ဓဥယျာဉ်တော်တွင် တည်ထားကိုးကွယ်မည့် မာရဝိဇယ ဗုဒ္ဓရုပ်ပွားတော် မြတ်ကြီး အပိုင်း ၁ နှင့် အပိုင်း ၂ တို့အား ခေတ်မီစက်ကိရိယာများ အသုံးပြု၍ ထွင်းထုပူဇော်နေကြကြောင်းသိရှိရပါတယ်။
အဲဒီအပြင် ယင်းနောက် ဉာဏ်တော် ၉ ပေရှိ ဆင်းတုတော်များကို ထားရှိရန်အတွက် နည်းပညာအသုံးပြု၍ CNC စက်ဖြင့်ထုဆစ်လျက်ရှိနေပါတယ်။
အဆိုပါ မာရဝိဇယ ဗုဒ္ဓဥယျဉ်တော်တွင် တည်ဆောက်မည့် ကျောင်းဆောင်တော် ရတနာပန္နက်တော်တင် မင်္ဂလာအခမ်းအနားကို ယမန်နေ့ဖေဖော်ဝါရီ (၂၇)ရက် နံနက်ပိုင်းတွင် ကျင်းပပြုလုပ်ခဲ့ပါတယ်။
အဲဒီမင်္ဂလာအခမ်းအနားသို့ လယ်ဝေးမြို့၊ ပေါက်မြိုင်ကျောင်းတိုက်ဆရာတော် အဘိဓဇ မဟာရဋ္ဌဂုရု ဘဒ္ဒန္တဇနိန္ဒ နှင့် တပ်ကုန်းမြို့၊ မဟာသီ ဟနာဒ ကျောင်းတိုက်ဆရာတော် အဘိဓဇမဟာရဋ္ဌဂုရု ဘဒ္ဒန္တအာစိဏ္ဏတို့ အမှူးပြုသည့် ဆရာတော်သံဃာတော်များ ကြွရောက် ချီးမြှင့်တော်မူကြပြီး နစကဥက္ကဋ္ဌ၊ဒုတိယဥက္ကဋ္ဌနှင့် အဖွဲ့ဝင်တွေနှင့်အတူ ဖိတ်ကြားထားသည့် ဧည့်သည်တော်များ၊ ဝတ်အသင်းအဖွဲ့များ တက်ရောက်ကြည်ညိုခဲ့ကြပါတယ်။
မာရဝိဇယ ဗုဒ္ဓရုပ်ပွားတော်မြတ်ကြီးသည် ကမ္ဘာပေါ်တွင် လက်ရှိ တည်ထားကိုးကွယ်နေကြတဲ့ ထိုင်တော်မူ ကျောက်ဆစ်ဗုဒ္ဓရုပ်ပွားဆင်းတုတော်တွေထဲမှာ ပလ္လင်တော်အမြင့် ၁၈ ပေ၊ ဉာဏ်တော်အမြင့် ၆၃ ပေ၊ စုစုပေါင်း ၈၁ ပေအမြင့်နှင့် ကမ္ဘာ့ဉာဏ်တော်အမြင့်ဆုံး ဖြစ်လာမယ်လို့ သိရှိရပါတယ်။
#LocalNews
Published - 28 Feb 2022
ပြည်တွင်းစားသုံးဆီဈေးနှုန်းတွေ မြင့်တက်လာပါတယ်။ အခုလက်ရှိမှာတော့ စားအုန်းဆီ တစ်ပိဿာ ကျပ် ၆,၀၀၀ ကျော် ၇,၀၀၀ နီးပါးအထိ ဈေးနှုန်းတွေမြင့်တက်နေပါတယ်။
#Yangon_Media_Group
#LocalNews
Published - 28 Feb 2022
ထိုင်းနိုင်ငံအတွင်းကို အလုပ်လာရောက်လုပ်ကိုင်လိုသူတွေအနေနဲ့ အသက်အန္တရာယ်များတဲ့ ခိုးဝင်ရောက်မှုတွေကို မပြုလုပ်ကြဖို့ မြန်မာနိုင်ငံသားများအရေးပူးတွဲလှုပ်ရှားမှုကော်မတီ JACBA က သတိပေးပြောဆိုလိုက်ပါတယ်။
#Yangon_Media_Group
#LocalNews
Published - 28 Feb 2022
အိုမီခရွန် ရောဂါပိုးစတင်တွေ့ရှိခဲ့တဲ့ အိန္ဒိယ-မြန်မာ နယ်စပ်မြို့တစ်မြို့ဖြစ်တဲ့ တမူးမြို့တွင် လက်ရှိအချိန်တွင် ကိုဗစ်အတည်ပြု လူနာ ၆ ဦးသာ ကျန်ရှိတော့တယ်လို့ တမူးမြို့ဒေသခံများထံမှ သိရပါတယ်။
#Yangon_Media_Group
#DailyNews
Published - 28 Feb 2022
၁။ ထိုင်းနိုင်ငံသို့ အသက်အန္တရာယ်များသည့် ခိုးဝင်ရောက်မှုမပြုလုပ်ရန် JACBA သတိပေး
၂။ အိုမီခရွန်ရောဂါပိုး စတင်တွေ့ရှိခဲ့တဲ့ တမူးမြို့တွင် ကိုဗစ်လူနာ ၆ ဦးသာကျန်ရှိ
၃။ မိုးလဝေသ သတင်း
၄။ အစ္စလာမ်အကြမ်းဖက်တွေဖျက်ဆီးခဲ့သည့် အီရတ်ရှေးဟောင်းမြို့မှ ပြုပြင်မွမ်းမံခြင်းလက်ရာများ
ဖော်ထုတ်ပြသ.......အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။
#Yangon_Media_Group
Page 1996 of 2043