#LocalNews 
Published_ 3 April 2022

ရန်ကုန်တိုင်းဒေသကြီး၊ သုံးခွမြို့နယ်မှ ၈၄၉၂ ဧကရှိတဲ့ နယ်မြေအကျယ် အဝန်းကို ဘိတ်သိတ်-မဟာ-သာသာ ဒီရေတောကြိုးပြင်ကာကွယ်တောအဖြစ် သတ်မှတ်ကြောင်း သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ဒီကနေ့ထုတ်ပြန် ကြေညာလိုက်ပါတယ်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေနဲ့ ၂၀၁၈ ခုနှစ် စက်တင်ဘာလတွင် ထုတ်ပြန်ခဲ့တဲ့ သစ်တောဥပဒေပုဒ်မ(၆)၊ ပုဒ်မခွဲ(င)အရ ရန်ကုန်တိုင်းဒေသကြီး တောင်ပိုင်းခရိုင် သုံးခွမြို့နယ်အတွင်း ကျရောက်နေတဲ့ ဧရိယာအကျယ်အဝန်း ၈၄၉၂ ဧကရှိသော နယ်မြေကို ဘိတ်သိတ်-မဟာ-သာသာ ဒီရေတောကြိုးပြင်ကာကွယ်တောအဖြစ် ၂၀၂၂ ခုနှစ်၊ ဧပြီ ၁ ရက်မှစ၍ သတ်မှတ်ကြောင်း ကြေညာလိုက်တာဖြစ်ပါတယ်။

အဆိုပါကာကွယ်တောကို ဒေသတွင်းမှာရှိတဲ့ ရေမြေသဘာဝနဲ့ ရာသီဥတုကို မျှတစေဖို့ ၊ ဇီဝမျိုးစုံနဲ့ ဂေဟစနစ်ကိုရေရှည်တည်တံ့စေဖို့ ၊ ဒေသစိမ်းလန်းစိုပြည်ရေးနဲ့ သဘာဝပတ်ဝန်းကျင်ကို အထောက်အကူပြုနိုင်ဖို့ ၊ ပင်လယ်ကမ်းရိုးတန်းတစ်လျှောက် မှာရှိတဲ့ ကျေးရွာများကို လေမုန်တိုင်းတိုက်ခတ်ခြင်း၊ ဒီရေလှိုင်းရိုက်ခတ်ခြင်းစတဲ့ သဘာဝဘေးအန္တရာယ်များဘေးမှ ဒီရေတောအပင်များနဲ့ တံတိုင်းကြီးတစ်ခုသဖွယ် ကာကွယ်တားဆီးနိုင်ဖို၊ ဒီရေတောနယ်နိမိတ်အတွင်း သစ်တော၊ ရေ၊ မြေ၊ သားငှက်တိရစ္ဆာန်များအတွက် ဘေးကင်းလုံခြုံပြီး တည်ငြိမ်သောဂေဟစနစ်ကို ဖြစ်ပေါ်လာစေဖို့ နဲ့ ဒေသခံပြည်သူတွေရဲ့ လူမှုစီးပွားဘဝဖွံ့ ဖြိုးတိုးတက်လာနိုင်ဖို့ ရည်ရွယ်လုပ်ဆောင်တာဖြစ်လို့ ဆိုပါတယ်။

အဆိုပါ ဒီရေတော ကြိုးပြင်ကာကွယ်တော ဧရိယာအတွင်း ဒီရေတော အပင်မျိုးစိတ်များဖြစ်တဲ့ လမု၊ လမဲ့၊ သမဲ့၊ ကန့်ပလာ၊ ဗြူးအုပ်ဆောင်း၊ ခရာပင်များပေါက်ရောက်ပြီး ငါး၊ ပုစွန်၊ ကဏန်းတို့ ပေါက်ဖွားရာ နေရင်းဒေသလည်း ဖြစ်ပါတယ်။

ခရုစုပ်ငှက်၊ ဝန်ပိုငှက်၊ နှုတ်သီးဝိုင်းရေညှောင့်ငှက်၊ တောဘဲ ဒက်းကျီးငှက် စတဲ့ရေပျော်ငှက်များ ကျက်စားရာဒေသလည်း ဖြစ်ပါတယ်။
ymg-mnn
#Yangon_Media_Group 

#LocalNews

Published_3 April 2022

ကရင်ပြည်နယ် ၊ ဘားအံမြို့၊ ဇွဲကပင်တောင်တွင် မတ်လ ၃၀ ရက်က သေဆုံးလျက် တွေ့ရသည့် အမျိုးသမီးငယ်ကို သတ်သည်ဟုယူဆရသောအမျိုးသားအား ဧပြီလ ၂ ရက်ည ၉နာရီခွဲခန့်က ဖမ်းမိကြောင်းသိရသည်။

အဆိုပါသေဆုံးလျက်တွေ့ရသည့်အမျိုးသမီးငယ်၏ ဦခေါင်းတွင်ဒဏ်ရာများတွေ့ရသည့်အတွက် ယင်းနှင့်အတူ တောင်ပေါ်သို့တက်ခဲ့သည့် အမျိုးသားအားစုံစမ်းရာ ထွက်ပြေးတိမ်းရှောင်နေကြောင်း သိရသဖြင့် သက်ဆိုင်ရာက စုံစမ်းစဉ် ကြာအင်းဆိပ်ကြီးမြို့နယ်အတွင်း ဖမ်းဆီးရမိခဲ့ခြင်း ဖြစ်ကြောင်း သိရသည်။

ဖမ်းဆီးရမိသူမှာ ဘားအံမြို့နယ် နွားခြံကုန်းကျေးရွာမှ ဒယ်ကလစ်ဆိုသူဖြစ်ပြီး ယခုအခါ ထုံးအိုင်နယ်မြေရဲစခန်းမှ ပုဒ်မ ၃၀၂ ဖြင့် အမှုဖွင့်အရေးယူထားကြောင်း အဆိုပါဖြစ်စဉ်ကို သိရှိသည့် အုပ်ချုပ်ရေးတာဝန်ရှိသူကပြောသည်။

ဇွဲကပင်တောင်သိုသွားရောက်၍ ဘုရားဖူး‌မျှော်ရာမှ ပျောက်ဆုံးသွားသူမှာတိယနှစ်ကျောင်းသူ မဇာခြည်လှိုင်ဖြစ်ပြီး ဧပြီလ ၁ ရက်နံနက်တွင် သေဆုံးလျက်ပြန်လည်တွေ့ရှိခဲ့ခြင်းလည်းဖြစ်သည်။

#ymg/mt
Yangon_Media_Group 

#LocalNews 
Published_ 3 April 2022

ဘုရားပွဲတော်ချိန်ကာလဖြစ်လို့ ရွှေစက်တော်မန်းချောင်း အပန်းဖြေဆင်စခန်းမှာ ဆင်စာဘူဖေး လာရောက်ကျွေးမွေးသူ များပြားလာကြောင်း သိရပါတယ်။

မင်းဘူးမြို့နယ်၊ မန်းရွှေစက်တော်ဘုရားအနီး ပဒေါင်း-ပျော်ဘွယ် ကြိုးပြင် ကာကွယ်တောအတွင်းရှိ ရွှေစက်တော်မန်းချောင်း အပန်းဖြေဆင်စခန်းကို ပြန်လည် ဖွင့်လှစ်ခဲ့ပြီးနောက် ဆင်စာဘူဖေးလှူဒါန်းကျွေးမွေးမှု (၂၁) ကြိမ်အထိရှိလာပြီ ဖြစ်ကာ ဖေဖော်ဝါရီလ ၅ ရက်က မန်းရွှေစက်တော် ဘုရားပွဲတော်နှင့်အတူ ပြန်လည်ဖွင့်လှစ် ခဲ့တာပါ။

ဆင်စာကို Online ကနေဆက်သွယ်ပြီး လှူဒါန်းကျွေးမွေးကြသလို ကိုယ်တိုင် လာရောက်ကျွေးမွေး တာတွေလည်းရှိပြီး၊ ဆင်စာကျွေးမွေးမှုက ဖေဖော်ဝါရီ လမှာ ၉ ကြိမ်၊ မတ်လမှာက ၁၂ ကြိမ်၊ စုစုပေါင်း ၂၁ ကြိမ်အထိ ရှိပြီ ဖြစ်ပါတယ်။

အဆိုပါ ဆင်စခန်းတွင် ဆင်ထီး(၄)ကောင်၊ ဆင်မ (၇)ကောင်၊ စုစုပေါင်းဆင် (၁၁)ကောင်ရှိပြီး ဆင်စာဘူးဖေး ကျွေးမွေးလိုသူများအနေဖြင့် ငွေကျပ် ၃၀၀၀၀ မှစပြီး ၅၀၀၀၀ ကျပ်နှင့် ၁၀၀၀၀၀ ကျပ်နှုန်းဖြင့် သတ်မှတ်ထားပါတယ်။

မိမိတိုတတ်နိုင်သောနှုန်းထားဖြင့် အွန်လိုင်းမှတဆင့် ဆက်သွယ် လှူဒါန်းကျွေးမွေး နိုင်သလို ကိုယ်တိုင်လာရောက်ပြီးကျွေးမွေးနိုင်ကြောင်း၊ အဝေးမှလာရောက် ကျွေးမွေး လိုသူများအနေဖြင့် ကြိုတင်ဆက်သွယ်ထားပါက အသင့်ကျွေးနိုင်အောင် ပြင်ဆင်ပေး ထားတယ်လို့ ဆိုပါတယ်။

ဆင်စာအဖြစ် ကြံ၊ ပြောင်းဖူး၊ ငှက်ပျောသီး၊ ဖရုံသီး၊ ဖရဲသီး၊ သခွားသီးနှင့် နေဗီယာ မြက်များကို ဝယ်ယူကျွေးမွေးရကြောင်း သိရပါတယ်။
PhotoCredit:MOI
ymg-mnn
#Yangon_Media_Group 

 #LocalNews
Published - 3 Apr 2022

ကိုယ့်ထမင်းကိုယ်ရှာစားသောပြည်သူဖြစ်ပြီး ဘယ်အဖွဲ့အစည်းကမှမဟုတ်ဘူးလို့ LP gas တင်ဆောင်ဖြန့်ဖြူးပေးနေသောသြရကုမ္ပဏီကထုတ်ပြန်လိုက်ပါတယ်။

"ထီးခီး မေတ္တာ ထားဝယ် လမ်းကြောင်းက စယ်ဒေါ့်ထူးကုမ္ပဏီ မှတင်သွင်းပြီး တနင်္သာရီတိုင်းနှင့်မွန်ပြည်နယ်များအတွင်း အများပြည်သူအသုံးပြုရန်အတွက် ထမင်းချက်သည့်ဂက်စ်များတင်ဆောင်လာသည့် AwRa ကုမ္ပဏီပိုင် ဂက်စ်သယ်ယာဉ် ၂စီး ထားဝယ်မြို့အနီး ၂၀၂၂ ခုနှစ် ၄လပိုင်း ၁ရက် နေ့လည်မှာ အကြမ်းဖက်ဖျက်ဆီးခံခဲ့ရပါတယ်(ဒီနှစ်အတွင်းမှာ AwRa Gas Bowser ယာဉ် ၄ စီးအကြမ်းဖက်ဖျက်ဆီးခံခဲ့ရပြီးဖြစ်ပါတယ် ။ ထီးခီးမှမေတ္တာလမ်းကြောင်း တလျှောက် မိုင်၆၀လောက် တပ်မဟာ၄ နယ်မြေလမ်းကြောင်း အတွင်း အဆင့်ဆင့်စစ်ဆေးခံပြီးမှ ဖြတ်သန်းခွင့်ပြုခဲ့တာဖြစ်ပြီးအများပြည်သူတွေအတွက်အမှန်တကယ်လိုအပ်နေတဲ့ကုန်ပစ္စည်းလည်းဖြစ်ပါတယ် ဘယ်အဖွဲ့အစည်း ဘယ်သူက လုပ်သည်ဖြစ်စေ ဒီလုပ်ရပ်ဟာ အများပြည်သူရဲ့အကျိုးဖျက်စီးတာဖြစ်လို့ မလုပ်ဆောင်သင့်ပါဘူးလို့ ဘဲ ပြောပြချင်ပါတယ်ကိုယ့်ထမင်း ကိုယ်ရှာစားကြရတဲ့ ပြည်သူတွေပါ ဘယ်အဖွဲ့ အစည်း ဘယ်သူ့ဘက်ကမှလည်း မဟုတ်ရပါ ခင်ဗျာ"ဟုထုတ်ပြန်ထားပါတယ်။

မကြာသေးမီရက်ပိုင်းကလည်းအဆိုပါ ကုမ္ပဏီပိုင်ယာဉ်နှစ်စီးသည် ထီးခီးဘက်မှ ထားဝယ်မြို့ကို မောင်းနှင်လာရာတွင် ထားဝယ်မြို့၊ ပကာရီကျေးရွာ အုပ်စု ရမ္မဇူရွာအကျော် အရောက်တွင် လက်နက်ကိုင်အဖွဲ့တစ်ခုမှ တားဆီးကာ မီးရှို့ဖျက်ဆီးခံခဲ့ ရပါတယ်။

LP Gas ရေနံဓာတ်ငွေ့ရည် ယာဉ်နှစ်စီးအား လက်နက်ကိုင်များမှမီးရှို့ဖျက်ဆီးခဲ့ခြင်းကြောင့် ယာဉ်၏ အရှေ့ပိုင်း များမှာ မီးလောင်ကျွမ်းခဲ့သော်လည်း ယာဉ်ပေါ်လိုက်ပါလာသူများမှာတော့ ထွက်ပြေးသွား ခဲ့တယ်လို့သိရပါတယ်။
#ymgHM
#Yangon_Media_Group 

Published 3 April 2022

တောရိုင်းတိရိစ္ဆာန်အရှင်တွေကို အွန်လိုင်းက တရားမဝင်ရောင်းဝယ်နေတာတွေ မြန်မာနိုင်ငံမှာ မြင့်တက်လာနေပြီး အဲဒါဟာ ပြည်သူ့ကျန်းမာရေးနှင့် အန္တရာယ်ရှိနေတဲ့မျိုးစိတ်တွေအတွက် ခြိမ်းခြောက်မှုဖြစ်နေတယ်လို့ ကမ္ဘာ့ တောရိုင်းတိရိစ္ဆာန်ရန်ပုံငွေအဖွဲ့ WWF က ပြောတယ်လို့ အေပီသတင်းဌာနက မကြာသေးမီက ရေးသားခဲ့ပါတယ်။

ပြီးခဲ့တဲ့သောကြာနေ့က ထုတ်ပြန်ခဲ့တဲ့ အစီရင်ခံစာမှာ ဒီလိုဝယ်ရောင်းလုပ်နေတာတွေအပေါ် ပိတ်ပင်တားမြစ်မှု တွေအားနည်းနေတာကြောင့်ဖြစ်တယ်လို့ ဖော်ပြထားပါတယ်။

မြန်မာနိုင်ငံမှာ အွန်လိုင်းကနေ တောရိုင်းတိရိစ္တာန် တရားမဝင်ရောင်းဝယ်မှုဟာ ၁၁၄၀၆ခုရှိခဲ့ပြီး မနှစ်ကထက် ၇၄ ရာခိုင်နှုန်းမြင့်တက်လာတာဖြစ်တယ်လို့ အစီရင်ခံစာကဆိုပါတယ်။

အဲဒီအရောင်းအဝယ်တွေမှာ တိရိစ္ဆာန်အရှင်မျိုးစိတ်၁၇၃မျိုးအထိပါဝင်ပြီး အဲဒီအထဲမှာ မျိုးစိတ်၅၄ခုဟာ တကမ္ဘာလုံးမှာ မျိုးသုဉ်းတော့မယ်လို့ သတ်မှတ်ထားတာတွေဖြစ်တယ်လို့ အစီရင်ခံစာအရသိရပါတယ်။

သုတေသနမှူးတွေဟာ တောရိုင်းတိရိစ္ဆာန်ရောင်းဝယ်နေတဲ့ ဖေ့စ်ဘုတ်အကောင့် ၆၃၉ခုကို ဖော်ထုတ်နိုင်ခဲ့ကြ ပါတယ်။ အကြီးဆုံးအွန်လိုင်းရောင်းဝယ်ရေးအုပ်စုတစ်ခုဆိုရင် အဖွဲ့ဝင် တစ်သောင်းကိုးထောင်ကျော်ရှိပြီး တစ်ပတ်ကို ပို့စ်ပေါင်း ဒါဇင်ကျော်တင်ထားတာတွေ့ရပါတယ်။

ရောင်းကြဝယ်ကြတဲ့ တောင်ရိုင်းတိရိစ္တာန်တွေအထဲမှာ ဆင်တွေ၊ဝက်ဝံတွေ၊မျောက်လွှဲကျော်တွေ၊ တိဘက်တောဆိတ်၊အန္တရာယ်အလွန်ရှိနေတဲ့ သင်းခွေချပ်တွေနှင့် အာရှလိပ်ကြီးမျိုးတွေလည်း ပါဝင်ပါတယ်။ လူကြိုက်အများဆုံးဖြစ်နေတာက မျောက်တွေဖြစ်ပြီး အိမ်မွေးတိရိစ္ဆာန်တွေအဖြစ် ဝယ်ကြတာဖြစ်ပါတယ်။

ရောင်းဖို့ကြော်ငြာထားတဲ့ တိရိစ္ဆာန်အများစုဟာ တောထဲက သယ်လာကြတာဖြစ်ပါတယ်။ အဲဒီအထဲမှာ သင်းခွေချပ် တွေနှင့်အတူ ကြောင်ကတိုးတွေပါ ပါဝင်ပြီး အဲဒီတိရိစ္ဆာန်တွေဟာ ဆားရစ်နှင့် ကိုဗစ်-၁၉ ရောဂါတွေ ကူးစက်နိုင်မယ့် အလားအလာရှိနေတာတွေ အဖြစ် သတ်မှတ်ထားတာဖြစ်ပါတယ်။

“ လက်ရှိတိရိစ္ဆာန်ကနေကူးစက်တဲ့ရောဂါတွေအတွက် အာရှဟာ ပေါက်ဖွားရာဒေသအဖြစ် သတ်မှတ်ခံနေရတဲ့ အနေအထားမှာ မြန်မာနိုင်ငံမှာ တောရိုင်းတိရိစ္တာန်အွန်လိုင်းရောင်းဝယ်တာတွေဟာ အလွန်စိတ်ပူစရာ ကောင်းပါတယ်” လို့ WWF ရဲ့ အာရှပစိဖိတ် ဆိုက်ဘာမှုခင်းစီမံကိန်းအကြီးအကဲ ရှန်မာတင်ကပြောပါတယ်။

ရောင်းဝယ်ကြရာမှာ မျိုးမတူတဲ့ တိရိစ္ဆန်တွေကို နီးနီးကပ်ကပ်ထားတာ တစ်ခါတစ်ခါ လှောင်အိမ်တစ်ခုထဲ အတူထည့်ထားတာတွေ တွေ့ရတယ်လို့ သူကပြောပါတယ်။

တောင်ရိုင်းတိရိစ္တာန်တွေကို ရောင်းဝယ်ဖောက်ကားမှုအပေါ် ဥပဒေစည်းကမ်းဖြင့် တားမြစ်မှုမရှိဘဲ လူတွေနှင့် တောရိုင်းတိရိစ္ဆာန် အပြန်အလှန်ထိတွေ့ဆက်ဆံမှုတွေကြောင့် ကိုဗစ်-၁၉လိုမျိုး  ကာကွယ်ဆေးမတိုးတဲ့ သန္ဓေပြောင်းမှုအသစ်တွေဖြစ်ဖို့ အန္တရာယ်အလွန်ရှိနေယ်လို့ ပညာရှင်တွေကပြောပါတယ်။

မြန်မာနိုင်ငံမှာ အဲဒီတိရိစ္တာန်တွေကို ရွှေ့ပြောင်းရာမှာ နည်းလမ်းဟောင်းတွေဖြစ်တဲ့ ဘတ်စ်ကားတွေကို အသုံးပြု နေတာဖြစ်တယ်လို့ သုတေသနတွေ့ရှိချက်မှာဖော်ပြထားပါတယ်။

မြန်မာနိုင်ငံထဲမှာရှိနေတဲ့ တိရိစ္ဆာန်တွေထဲမှာ အချို့ကို ထိုင်းကနေတင်သွင်းလာကြပြီး အဲဒီအထဲမှာ အောက်ချင်းငှက်နှင့်ကတ္တဝါတို့လိုငှက်တွေပါဝင်ပြီး မိချောင်းတွေကိုတော့ အိန္ဒိယကိုတင်ပို့ကြပါတယ်။ အချို့ကို  တော့ တရုတ်ကိုတင်ပို့တယ်လို့ အစီရင်ခံစာမှာဖော်ပြထားပါတယ်။

WWF က အန္တရာယ်ရှိနေတဲ့ မျိုးစိတ်တွေကို ကမ္ဘာလုံးဆိုင်ရာ ကုန်သွယ်မှုပြုလုပ်နေကြတဲ့အထဲ မြန်မာရဲ့ အခန်းကဏ္ဍကို ဒီ့ထက်ပိုနားလည်အောင် ဆက်လက်လေ့လာဦးမယ်လို့ ဆိုထားပါတယ်။

Source AP

#LocalNews
Published_2 April 2022

ရခိုင်ပြည်နယ်၊ သံတွဲမြို့မှာ အမျိုးသမီး ၃ ဦးကို မတ်လ ၃၁ ရက်နေ့မှာ အကြမ်းဖက်မှုပုဒ်မနဲ့ ထောင် ၁၀ နှစ်စီ ချလိုက်တာနဲ့ ပတ်သက်ပြီးတော့ အယူခံဝင်မယ် မဝင်ဘူးဆိုတာကို သူတို့ မိသားစုတွေနဲ့ မဆွေးနွေးရသေးဘူးလို့ အမှုကို လိုက်ပါဆောင်ရွက်နေတဲ့ ရှေ့နေက ပြောပါတယ်။

#Yangon_Media_Group