#LocalNews
Published_ 14 February 2023
ထိုင်းနိုင်ငံတွင်းသို့ ကော့သောင်းမှ လှေဖြင့် ရနောင်းဘက်ခြမ်းကိုဝင်မည့် မြန်မာ ၂၁ ဦးကို ဖေဖော်ဝါရီလ ၁၂ ရက်ညနေတွင် ထိုင်းနိုင်ငံ အမှတ်- ၂၅၂၁ ခြေမြန်တပ်ခွဲက ဖမ်းဆီးခဲ့ပြီးဖေဖော်ဝါရီလ ၁၃ ရက် နံနက်ပိုင်းတွင် ပြန်လွှတ်ပေးခဲ့ကြောင်း သိရသည်။
အဆိုပါ မြန်မာများမှာ ရေခူလာရောင်းသူများသာဖြစ်ပြီး မှားယွင်းဖမ်းဆီးမိခြင်းကြောင့် ပြန်လည် လွှတ်ပေးလိုက်ခြင်းဖြစ်ကြောင်း ၊ လှေသားများအား လှေနှင့်အတူ ပြန်နေထိုင်ခွင့်ပြုကာ ကျန်သူများကို ကော့သောင်းမြို့သို့ ပြန်လည် ပို့ဆောင်ပေးခဲ့ခြင်းဖြစ်ကြောင်း သိရသည်။
မြန်မာနိုင်ငံတောင်ပိုင်း မြန်မာ့ပင်လယ်ပြင်တွင် ရေခူပေါသည့်ကာလဖြစ်သောကြောင့် ရေခူလုပ်ငန်း လုပ်ကိုင်နေသော အသေးစားစီးပွားရေးလုပ်ငန်းရှင်များအနေဖြင့် ထိုင်းနိုင်ငံရနောင်းသို့ ရေခူများကို လှေဖြင့်တင်ကာ ကိုယ်တိုင်သွားရောက် ရောင်းချလေ့ရှိကြောင်းလည်း ဒေသခံများ၏ သတင်းကို ကိုးကား၍ အလုပ်သမားအရေး သတင်းဌာနများတွင် ရေးသားထားကြသည်။
ymg/mt
#Yangon_Media_Group
