#Local_News
Published_ 11 May 2022
ထိုင်းနိုင်ငံသို့ မြန်မာအလုပ်သမား ၃၀၁ ဦးကို MoU စနစ်ဖြင့် ဒီကနေ့ မေ ၁၁ ရက် နံနက်ပိုင်းတွင် ထပ်မံစေလွှတ်ခဲ့ကြောင်း အလုပ်သမားသံအရာရှိရုံးရဲ့ ထုတ်ပြန်ချက်အရ သိရပါတယ်။
MoU အလုပ်သမား ၃၀၁ ဦးအား အလုပ်သမားသံအရာရှိရုံးက မဲဆောက်စခန်း၌ ကြိုဆိုလက်ခံခဲ့ပြီး လက်ခံဆောင်ရွက်သည့်နည်းလမ်းများ မြန်ဆန်စေရေး၊ မြန်မာရွှေ့ပြောင်းအလုပ်သမားများ အခက်အခဲ မရှိစေရေး နယ်စပ်စခန်းမှ ဌာနဆိုင်ရာတာဝန်ရှိသူများနှင့် ပိုမိုကောင်းမွန်သည့်နည်းလမ်းများပေါ်ပေါက်လာနိုင်ရေး ပူးပေါင်းဆောင်ရွက်လျက်ရှိကြောင်း သိရပါတယ်။
မနေ့ကလည်း ထိုင်းနိုင်ငံရှိ ကြက်သားစက်ရုံ၌ အလုပ်လုပ်ကိုင်ရန် တရားဝင် MoU အလုပ်သမား ၂၈၇ ဦးကို ပထမအသုတ်အနေဖြင့် စေလွှတ်ခဲ့ပါတယ်။
ပြီးခဲ့တဲ့လများတွင် ထိုင်းနိုင်ငံသို့ တရားမဝင်လမ်းကြောင်းမှ သွားရောက်ခဲ့တဲ့ မြန်မာအလုပ်သမားများမှာ ဖမ်းဆီးခံရမှုများ ရှိနေပါတယ်။
ymg_mnn
#Yangon_Media_Group
