#Local_News
Published_ 11 May 2022
တောင်ကိုရီးယားက မြန်မာလုပ်သားများအား ဆက်တိုက်ခေါ်ယူလျှက်ရှိရာ မနေ့က မြန်မာလုပ်သား ၁၂၈ ဦးဟာ ကိုရီးယားသို့ရောက်ရှိလာကြောင်း သိရပါတယ်။
တောင်ကိုရီးယားနိုင်ငံအစိုးရက မြန်မာနိုင်ငံမှ တရားဝင်အလုပ်သမားများအား ပြန်လည်လက်ခံလျက်ရှိရာ မေ ၁၀ ရက်တွင် ၁၂၈ ဦး တို့သည် ရန်ကုန်မှ အင်ချွန်းအပြည်ပြည်ဆိုင်ရာလေဆိပ်သို့ရောက်ရှိခဲ့တယ်လို့ ဆိုပါတယ်။
အဆိုပါ လုပ်သား ၁၂၈ ဦးတွင် Re-entry လုပ်သား ၁၁၁ ဦး ပါဝင်ပြီး ကျန်သူများမှာ ဆောက်လုပ်ရေးလုပ်သားအဖြစ် အသစ်ဝင်ရောက်လုပ်ကိုင်မည့် လုပ်သားသစ် ၁၇ ဦး ဖြစ်ကြောင်း သိရပါတယ်။
ဆိုးလ်မြို့မှ မြန်မာသံရုံး အလုပ်သမားသံအရာရှိက ရောက်ရှိလာတဲ့ မြန်မာလုပ်သားများအားကြိုဆို၍ အလုပ်သမားများအား ကူညီပံ့ပိုးပေးခဲ့တယ်လို့ ဆိုပါတယ်။
ပြီးခဲ့တဲ့ မေ ၃ ရက်နေ့က ၁၃၅ဦး၊ ဧပြီ ၂၈ ရက်၊ ၁၂ ရက်နှင့် ၄ ရက် နေ့တို့ကလည်း မြန်မာလုပ်သား ၃၁၇ ဦး တို့အား တောင်ကိုရီးယားကခေါ်ယူခဲ့ကြောင်း သတင်းရရှိပါတယ်။
ymg_mnn
#Yangon_Media_Group
