#LocalNews
Published - 12 Jan 2022
မကွေးတိုင်းဒေသကြီး၊ သရက်ခရိုင်၊ အောင်လံမြို့နယ်၊ တရော်ကုန်းရပ်ကွက်၊ ပြည်လမ်းတွင် ယာဉ်တိမ်းမှောက်ခဲ့သည့်ဖြစ်စဥ်တစ်ခု ဇန်နဝါရီလ ၁၁ ရက်၊ ည ၁၀ နာရီကျော်အချိန်ခန့်က ဖြစ်ပွားခဲ့တယ်လို့ သိရပါတယ်။
အဆိုပါ ယာဥ်တိမ်းမှောက်မှုဖြစ်ပွားရာသို့ အောင်လံမြို့နယ်မီးသတ်စခန်းမှ အုပ်ချုပ်မှုယာဉ်(၁)စီး၊ မီးသတ်စက်ယာဉ်(၁)စီးတို့ဖြင့် ကယ်ဆယ်ရေးလုပ်ငန်းများ သွားရောက်ကူညီဆောင်ရွက်ခဲ့ရပြီး ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာသူအမျိုးသား(၃)ဦး၊ အမျိုးသမီး(၃)ဦးအနက် အမျိုးသမီး(၂)ဦး သေဆုံးခဲ့ပြီး ကျန်အမျိုးသား(၃)ဦး၊ အမျိုးသမီး(၁)ဦးတို့ ပြင်းထန်စွာ ထိခိုက်ဒဏ်ရာရရှိခဲ့တယ်လို့ သိရပါတယ်။
ဒါ့အပြင် ယာဥ်တိမ်းမှောက်မှုကြောင့် ထိခိုက်ဒဏ်ရာရရှိသူများနှင့် သေဆုံးသူများ၏(Dead Body)များကို အောင်လံမြို့ ၊ အေးငြိမ်းရာပရဟိတအသင်းမှ သူနာတင်ယာဉ်ဖြင့် အောင်လံမြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့တယ်လို့လည်း မီးသတ်တပ်ဖွဲ့က သတင်းထုတ်ပြန်ခဲ့ပါတယ်။
Photo - MFSD
YMG/kg
#Yangon_Media_Group
