#Daily_News
Published_6 January 2024

၁။ တောင်ငူကေတုမတီရှိ မျက်မမြင်ဘိုးဘွားများကို လှူဒါန်းမည့်သူနည်းပါးနေ၍ စားဝတ်နေရေးခက်ခဲနေ

၂။ ငါးသလောက်ဈေးကောင်းသဖြင့် ဖမ်းစီးသူများသောကြောင့် မဲစနစ်ဖြင့်အလှည့်ကျ ငါးဖမ်းထွက်နေရဟုဆို

၃။ လေပြင်းဒဏ်ခံနိုင်‌အောင် ဒေသ(၉)ခုမှနေအိမ် (၁၉၅၄၀)လုံးကိုစီမံချက်ဖြင့် အားဖြည့်ပြင်ဆင်ပေးမည်ဟုဆို

၄။ တရုတ်လျှပ်စစ်ကားကုမ္ပဏီ BYD အီလွန်မက်စ်ရဲ့တက်စ်လာလျှပ်စစ်ကားများထက် ပိုမိုရောင်းချနေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 6 January 2024

၂၀၂၃ ခုနှစ်အတွက် မြန်မာ့ရုပ်ရှင် ထူးချွန်ဆုချီးမြှင့်ပွဲ အခမ်းအနားကို ဖေဖော်ဝါရီ ၃ ရက်တွင် နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၁ (MICC-1) ခန်းမ၌ လာမည့်ဖေဖော်ဝါရီ (၃)ရက် စနေနေ့တွင်ကျင်းပသွားမယ်လို့ ပြန်ကြားရေးဝန်ကြီးဌာနမှ သိရှိရပါတယ်။

မြန်မာ့ရုပ်ရှင်ထူးချွန်ဆု(အကယ်ဒမီ)ပေးပွဲကို MICC-1 တွင်ကျင်းပခြင်းသည် ပထမဆုံးဖြစ်ပြီး ယမန်နှစ်က နေပြည်တော် မြို့တော်ခန်းမအနီးရှိလဟာပြင်ကဇာတ်ရုံတွင် ၂၀၁၉၊၂၀၂၀နှင့်၂၀၂၂ခုနှစ်များအတွက် (၃)နှစ်စာ ဆုများကို ချီးမြှင့်ခဲ့ခြင်း ဖြစ်ပါတယ်။

အကယ်ဒမီရွှေစင်ရုပ်တုတွင် တပ်ဆင်မည့် ရွှေကြယ်များနှင့် အကယ်ဒမီပေးပွဲကို တက်ရောက်လာကြမည့် အကယ်ဒမီဆုရအနုပညာရှင်၊ အတတ်ပညာရှင်များကို ရွှေစင်ရုပ်တု ရင်ထိုးတံဆိပ်များ ပေးအပ်နိုင်ရေးအတွက် လိုအပ်သည့် ရွှေများကို နိုင်ငံတော်ကကျခံသွားမည်ဖြစ်ပြီး လုပ်ငန်းအပ်နှံခြင်းကို ဆောင်ရွက်ပြီး ဖြစ်တယ်လို့လည်း ပြန်ကြားရေးဝန်ကြီးဌာနက သတင်းထုတ်ပြန်ပါတယ်။

ယခုနှစ်အကယ်ဒမီပွဲကို Forever Group Co.,Ltd အနေဖြင့် အဓိကကူညီပံ့ပိုးသူအဖြစ် တာဝန်ယူ ဆောင်ရွက်မည်ဖြစ်သည့်အတွက် နှစ်ဖက်သဘောတူ စာချုပ်ချုပ်ဆိုခြင်းကို ဇန်နဝါရီ ၃ ရက်က ချုပ်ဆိုခဲ့ပြီး လုပ်ငန်းများကိုလည်း စတင်ဆောင်ရွက်နိုင်ရေး ညှိနှိုင်းလျက်ရှိတယ်လို့လည်းဆိုပါတယ်။

မြန်မာနိုင်ငံ ရုပ်ရှင်အစည်းအရုံး အနေဖြင့် ဇာတ်ကားစိစစ်အကဲ ဖြတ်ခြင်းလုပ်ငန်းများ ဆောင်ရွက်လျက်ရှိရာ ပထမအဆင့်အနေဖြင့် ၂၀၂၃ ခုနှစ်အတွင်း ရုံတင်ပြသခဲ့သည့် ဇာတ်ကား ၃၅ ကားကို စိစစ်ခဲ့ပြီး ဒုတိယအဆင့်အနေဖြင့် ရွေးချယ်ထားသည့် ဇာတ်ကား ၁၂ ကားကို ဇန်နဝါရီ ၃ ရက်က အပြီးအစီး စိစစ်ဆောင်ရွက်ပြီး ဖြစ်ကြောင်းလည်း သိရပါတယ်။

ယင်းအပြင်ရွှေကြိုမောင်မယ်များကို နောက်ဆုံးဆန်ခါတင်အနေဖြင့် ရွှေကြိုမောင်မယ်အမျိုးသား ၁၃ ဦးနှင့် အမျိုးသမီး ၁၃ ဦးတို့ကို အပြီးသတ် ရွေးချယ်ပြီးခဲ့ပြီး ယခုနှစ်၏ ထူးခြားမှုအနေဖြင့် ရွှေကြိုများကို ရွေးချယ်ခြင်းအပြင် ရုပ်ရှင် အနာဂတ်အတွက် သရုပ်ဆောင်များကို မွေးထုတ်ပေးရန်ဆိုသည့် ရည်ရွယ်ချက်ဖြင့် ရွှေကြိုရွေးချယ်ရေးအဖွဲ့၊ ရုပ်ရှင်ထုတ်လုပ်ရေးများနှင့် ရုပ်သံလိုင်းများက သရုပ်ဆောင် ၄၃ ဦးကို ရွေးချယ်ထားကြောင်းလည်း သိရပါတယ်။

#Local_News #နေပြည်တော်MICC-1 #ဇာတ်ကား၁၂ကားအပြီးသတ်ရွေးချယ်ပြီး #-ymg/knl

#Local_News
Published 6 January 2024

တာမွေမြို့နယ်ရှိ လျှပ်စစ်ဆိုင်မှအမျိုးသမီးနှစ်ဉီး အား ရို-က်နှ-က်၍ရွှေနှင့်ငွေများလုယက်မှုဖြစ်ပွားခဲ့ကြောင်း မြန်မာမွတ်စလင်မ် ပရဟိတအဖွဲ့ (MMRO)မှသိရသည်။

ဖြစ်စဉ် မှာဇန်နဝါရီ (၅)ရက်၊ ညနေပိုင်းက တာမွေမြို့နယ် တာမွေကြီး(က+ဂ)ရပ်ကွက် ၁၅၆လမ်းနေအိမ်တိုက်ခန်း မီးပစ္စည်းဆိုင်မှအမျိုးသ္မီး ၂ဉီးအားရိုက်နှက်၍ရွှေနှင့်ငွေများလုယက်ထွက်ပြေးသွားပါသဖြင့် နှစ်ဦး ဒဏ်ရာရရှိခဲ့ကြောင်းသိရသည်။

'မနေ့က ဖြစ်စဉ်ဖြစ်တဲ့အချိန်မှာဖုန်းဆက်ခေါ်လို့ကျွန်မတို့ကသွားပြီးကူညီခဲ့တာပါ၊တစ်ယောက်ကို စံပြဆေးရုံနဲ့ တစ်ယောက်ကိုတော့မေဓာဝီဆေးရုံကိုပို့ခဲ့တာပါ၊လက်ရှိအခြေအနေတော့ မသိပါဘူး 'ဟု မြန်မာမွတ်စလင်မ် ပရဟိတအဖွဲ့ (MMRO)အဖွဲ့မှ တာဝန်ရှိသူတစ်ဦးကပြောသည်။

အဆိုပါဒဏ်ရာရရှိသူနှစ်ဦးအားသင်္ဃန်းကျွန်းမြို့နယ် စံပြဆေးရုံသို့ပို့ဆောင်၍ ထိုမှတဆင့်ဒဏ်ရာပြင်းထန်သူ(ဉီးခေါင်းထိခိုက်) ၁ဉီးအားမြောက်ဥက္ကလာမြို့နယ် မေဓါဝီဆေးရုံသို့ထပ်မံကူညီပို့ဆောင်ပေးခဲ့ပြီး ကျူးလွန်သူမှာလွန်မြောက်သွားကြောင်း သိရသည်။

#Local_News #လျှပ်စစ်ဆိုင်မှအမျိုးသမီးနှစ်ဉီး #ရွှေနှင့်ငွေများလုယက်မှုဖြစ် #YMG/NN #Yangon-Times

တောင်ငူမျက်မြင်ဘိုးဘွားရိပ်သာမှာ ခိုလုံနေရတဲ့ အသက်(၈၀) မျက်မမြင်ဘိုးဘွားလေးဦးသာကျန်ရှိတော့ပြီး မျက်မမြင်ဘိုးဘွားတွေ အသက်ဆက်ရှင်သန်ဖို့အတွက် အလှူရှင်တွေရဲ့ စားနပ်ရိက္ခာနဲ့ ငွေကြေးလှူဒါန်းမှုတွေ လိုအပ်လျက်ရှိတယ်
#Local_News
Published_6 January 2024
#တောင်ငူကေတုမတီ #မျက်မမြင်ဘိုးဘွားများ #စားဝတ်နေရေးခက်ခဲနေ
#tthl #Yangon_Times

ယခုနှစ် ငါးသလောက်ဖမ်းစီးရရှိတဲ့ရာသီမှာ ဖမ်းစီးသူများတဲ့အတွက် မြစ်အတွင်းသို့ ငါးဖမ်းလှေငယ်များကို မဲစနစ်ဖြင့် အလှည့်ကျဆင်းကာ ငါးဖမ်းပိုက်ချခွင့်ရတယ်လို့ ဧရာဝတီတိုင်းဒေသကြီးရှိ တစ်ပိုင်တစ်နိုင် ငါးဖမ်းလုပ်ငန်းလုပ်ကိုင်သူတွေထံက သိရပါတယ်။
#Local_News
Published_6 January 2024
#ငါးသလောက်ဈေးကောင်း #မဲစနစ်ဖြင့်အလှည့်ကျငါးဖမ်းထွက်နေရ
#YMG/LW #Yangon_Times

"လေပြင်းဒဏ်ခံနိုင်အောင် နေအိမ် (၁၉၅၄၀)လုံးကိုပြင်ဆင်ပေးဖို့ ရှိတယ်။ အခုနှစ်မှာတော့ လေဘေးအတွက် တိုင်းဒေသကြီး/ပြည်နယ် ကိုးခုရှိနေအိမ်ပေါင်း ၁၉၅၄၀ လုံးကို ရန်ပုံငွေကျပ်သန်း ၉၄၅ ဒသမ ၅၈၀ ကျခံသုံးစွဲကာ အားဖြည့်ပြင်ဆင်သွားမယ်" လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်း
#Local_News
Published_6 January 2024
#နေအိမ်(၁၉၅၄၀)လုံးကိုပြင်ဆင်ပေး #ဒေသ(၉)ခု
#tthl #Yangon_Times