#World_News
Published 01 April 2026

■ မော်စကို၊ မတ် ၃၁ (ရိုက်တာ) - ရုရှားနိုင်ငံဟာ အင်တာနက်ထိန်းချုပ်မှုတွေနဲ့ ဆင်ဆာဖြတ်တောက် မှုတွေကို ကျော်လွှားဖို့ ရုရှားနိုင်ငံသား သန်းပေါင်းများစွာ အသုံးပြုနေကြတဲ့ Virtual Private Networks (VPN) တွေကို ပိုပြီး တင်းတင်းကျပ်ကျပ် နှိမ်နင်းသွားမယ်လို့ ရုရှား ဒစ်ဂျစ်တယ်ရေးရာဝန်ကြီးက ပြောပါတယ်။

■ ရုရှားရဲ့ "အကြီးမားဆုံး နှိမ်နင်းမှု" လို့ သံတမန်တွေက ရှုမြင်ကြတဲ့ အဲဒီလုပ်ရပ်တွေအရ အာဏာပိုင် တွေဟာ လူထုဆက်သွယ်ရေးကို ဖြတ်တောက်ဖို့ ကျယ်ပြန့်တဲ့ လုပ်ပိုင်ခွင့်အာဏာတွေ ရယူထားရင်း မိုဘိုင်း အင်တာနက်တွေကို အကြိမ်ကြိမ် ပိတ်ပင်တာတွေနဲ့ အဓိက စာတိုပေးပို့ရေး ဝန်ဆောင်မှုတွေကို ကြားဖြတ်နှောင့်ယှက်တာတွေ ဆောင်ရွက်ခဲ့ပါတယ်။

■ "အဓိက လုပ်ငန်းစဉ်ကတော့ VPN အသုံးပြုမှုကို လျှော့ချဖို့ပါပဲ" လို့ ဒစ်ဂျစ်တယ်ရေးရာဝန်ကြီး Maksut Shadayev က တနင်္လာနေ့ နှောင်းပိုင်းမှာ နိုင်ငံတော်ပံ့ပိုးမှုနဲ့ လည်ပတ်နေတဲ့ MAX messenger မှာ ပြော ကြားခဲ့ပြီး၊ အသုံးပြုသူတွေအပေါ် ထိခိုက်မှု အနည်းဆုံးဖြစ်စေမယ့် ကန့်သတ်ချက်တွေ ချမှတ်နိုင်ဖို့ ဝန်ကြီးဌာနက ကြိုးပမ်းနေတယ်လို့လည်း ဖြည့်စွက်ပြောသွားပါတယ်။

■ အမည်မဖော်ပြထားတဲ့ နိုင်ငံခြားပလက်ဖောင်း အများအပြားကို ဝင်ရောက်အသုံးပြုခွင့် ကန့်သတ်ဖို့ ဆုံးဖြတ်ချက်တွေ ချမှတ်ထားတယ်လို့ သူက ပြောခဲ့ပေမဲ့ အသေးစိတ် အချက်အလက်တွေကိုတော့ မပြောခဲ့ပါဘူး။

■ လွန်ခဲ့တဲ့လတွေအတွင်း WhatsApp ကို ပိတ်ပင်ခဲ့ပြီး၊ Telegram ကို အသုံးပြုရ နှေးကွေးစေခဲ့သလို၊ မော်စကိုနဲ့ အခြားမြို့တွေ၊ ဒေသတွေမှာပါ မိုဘိုင်းအင်တာနက်ကို အကြိမ်ကြိမ် နှောင့်ယှက်ဖြတ် တောက်မှုတွေလုပ်ခဲ့တယ်။

■ နိုင်ငံခြားပလက်ဖောင်းတွေဟာ ဥပဒေကို လိုက်နာဖို့ ပျက်ကွက်ခဲ့တာရယ်၊ပြီးတော့ယူကရိန်းရဲ့ အလုံး အရင်းနဲ့ ဒရုန်းတိုက်ခိုက်မှုတွေကို တန်ပြန်ဖို့အတွက် မိုဘိုင်းအင်တာနက် ကန့်သတ်ချက်တွေ လိုအပ် တယ်လို့ ကရင်မလင်နန်းတော်က ဆိုပါတယ်။

■ Kommersant သတင်းစာရဲ့ အဆိုအရ ဇန်နဝါရီလလယ်လောက်မှာ ရုရှားဟာ VPN ၄၀၀ ကျော်ကို ပိတ် ပင်ခဲ့ပြီး ဒီပမာဏဟာ ပြီးခဲ့တဲ့နှစ် နှောင်းပိုင်းကထက် ၇၀ ရာခိုင်နှုန်း ပိုများလာတာ ဖြစ်ပါတယ်။

■ ဒါပေမဲ့ ဒီအခြေအနေက ကြောင်နဲ့ကြွက် ကစားနေသလို ဖြစ်နေတယ်- အာဏာပိုင်တွေက VPN တစ်ခုကို ပိတ်လိုက်တာနဲ့ တစ်ပြိုင်နက် နောက်တစ်ခု ထပ်ထွက်လာပြီး၊ ရုရှားလူငယ် အများအပြားဟာ သူတို့ရဲ့ VPN တွေကို နေ့စဉ် ပြောင်းလဲအသုံးပြုနေကြတယ်လို့ ရိုက်တာသတင်းထောက်တွေရဲ့ အဆိုအရသိရပါတယ်။

အရင်းအမြစ်-ရိုက်တာ