#World_Science
Published 10 January 2026

■ တရုတ်အရှေ့ပိုင်းမှာ သိပ္ပံပညာရှင်တွေ ဒိုင်နိုဆောဥနှစ်လုံး တွေ့ရှိခဲ့ကာ ၅ လက်မခန့်ရှိပြီး အထဲမှာ အရောင်တောက်နေတဲ့ သတ္တုပုံဆောင်ခဲတွေ ပြည့်နေပါတယ်။

■ ဒီတွေ့ရှိမှုကို အန်ဟွေ့တက္ကသိုလ်မှ ရှေးဟောင်းသုတေသီ ကျင်ဟေဦးဆောင်တာ ဖြစ်ပါတယ်။

■ ဥတစ်လုံးက ကွဲအက်နေကာ ပုလဲကယ်ဆိုက်သတ္တုတွေ တွေ့ရပါတယ်။

■ ပျော်ဝင်ဓာတုတွေ ကြွယ်ဝတဲ့ ရေတွေက ဥတွေထဲစိမ့်ဝင်ကာ နှစ်သန်းပေါင်းကြာပြီးနောက် နေရာလွတ်တွေထဲမှာ ပုံဆောင်ခဲတွေ ဖြစ်သွားပါတယ်။

■ ဒီဥတွေက Shixingoolithus qianshanensis လို့ခေါ်တဲ့ အကာထူ လုံးဝန်းတဲ့ ဒိုင်နိုဆောဥအမျိုးအစားတွေ ဖြစ်ပါတယ်။

■ ဒီဒိုင်နိုဆောတွေဟာ ဂျူရာဆစ်ခေတ်နှောင်းပိုင်းမှာ ရှင်သန်ခဲ့ကြပြီး နှာနုကနေ အမြီးအထိ ပေ ၂၀ မှ ၃၀ အထိ ရှိတတ်ကြပါတယ်။

■ လွန်ခဲ့တဲ့ နှစ် ၆၆ သန်းခန့်က ၆ မိုင်ခန့်ကျယ်ဝန်းတဲ့ ဂြိုဟ်သိမ်တစ်ခု ဝင်တိုက်မိချိန်မှာ အခြားသတ္တဝါများနဲ့အတူ ပျောက်ကွယ်ခဲ့ကြပါတယ်။

■ ဒီတွေ့ရှိချက်တွေကနေ တရုတ်မှာရှိခဲ့တဲ့ ဒိုင်နိုဆောမျိုးစိတ်တွေ မျိုးပွားခြင်းနဲ့ အသိုက်ဖွဲ့ခြင်းတို့အကြောင်း ပိုမိုသိရှိစေနိုင်မှာ ဖြစ်ပါတယ်။

■ ကျန်ရှီဒေသမှ သန္ဓေသားလောင်းပါတဲ့ ဒိုင်နိုဆောဥတွေကို လေ့လာခြင်းဖြင့် အစောပိုင်းဖွံ့ဖြိုးမှုအဆင့်တွေကို သိလာနိုင်ပါတယ်။

■ ကျွမ်ရှန်နဲ့ ကျန်ရှီတို့လို ဒေသတွေမှ ရုပ်ကြွင်းတွေဟာ မီးတောင်နဲ့ အနည်ကျဖြစ်စဉ်များကြောင့် ရုပ်ကြွင်းထိန်းသိမ်းထားနိုင်ပုံကို သိရှိစေပါတယ်။

■ ဒိုင်နိုဆောဥတွေနဲ့ သန္ဓေသားလောင်းတွေက ရှေးခေတ်ဂေဟစနစ်တွေ ပြန်လည်တည်ဆောက်စေနိုင်ပြီး ယခင်က ရာသီဥတု သဟဇာတဖြစ်တည်မှုတို့ကို နားလည်စေနိုင်မှာ ဖြစ်ပါတယ်။

Source: Earth.