#World_News
Published 20 June 2026

■ အမေရိကန်သမ္မတ ဒေါ်နယ်ထရမ့်က အလေးစားဆုံး ကမ္ဘာ့ခေါင်းဆောင်များထဲမှာ အိန္ဒိယဝန်ကြီးချုပ် နရန်ဒရာမိုဒီနဲ့ တရုတ်သမ္မတ ရှီကျင့်ဖျင်တို့ကို ထည့်သွင်းပြောကြားခဲ့ပြီး ယင်းတို့ရဲ့ ခေါင်းဆောင်မှုစွမ်းရည်၊ နိုင်ငံရေးအင်အားနဲ့ ကမ္ဘာ့ဇာတ်ခုံအပေါ် လွှမ်းမိုးနိုင်မှုတို့ကို ချီးကျူးပြောဆိုခဲ့ပါတယ်။

■ The Axios Show နဲ့ အင်တာဗျူးမှာ နိုင်ငံတကာ ခေါင်းဆောင်များအနက် သူအလေးစားရဆုံး ပုဂ္ဂိုလ်နှစ်ဦးကိုဖော်ပြရန် ထရမ့်ကို မေးမြန်းခဲ့ရာ သူက ရှီကျင့်ဖျင်နဲ့ ဝန်ကြီးချုပ် မိုဒီတို့ကို ရည်ညွှန်းပြောဆိုခဲ့ပါတယ်။

■ ရှီကျင့်ဖျင်နဲ့ ပတ်သက်လာရင် ခေါင်းဆောင်မှုအပိုင်းမှာ အမှန်တကယ် လေးစားထိုက်ပြီး မိုဒီကလည်း အလွန်တော်တယ်လို့ ဖြေကြားခဲ့ပါတယ်။

■ ကမ္ဘာ့အရေးမှာ အိန္ဒိယရဲ့ အရေးပါလာပုံကို ညွှန်းထားပြီး အိန္ဒိယလူဦးရေ ၁ ဘီလီယံခွဲအပေါ် အကောင်းဆုံး ခေါင်းဆောင်နိုင်သူလို့ ချီးကျူးခဲ့ပါတယ်။

■ ထိုခေါင်းဆောင်နှစ်ဦးလိုမျိုး ဘယ်မှာမှ ရှာမတွေ့နိုင်ဘူးလို့ မှတ်ချက်ပြုပါတယ်။

■ မိုဒီမတိုင်ခင် အိန္ဒိယခေါင်းဆောင်ပိုင်း မကြာခဏအာဏာပြောင်းလဲခဲ့တာကိုလည်း ဆိုပါတယ်။

■ မိုဒီက လူတွေကို သူရဲ့အစွမ်းသတ္တိနဲ့ ခိုင်မာပြတ်သားပြီး ထူးထူးခြားခြား ခက်ထန်တဲ့ ညှိနှိုင်းဆွေးနွေးသူတစ်ဦးအဖြစ် ဖော်ပြခဲ့ပါတယ်။

■ အဆိုပါမှတ်ချက်တွေကို ပြင်သစ်မှာ ပြုလုပ်ခဲ့တဲ့ G7 ထိပ်သီးအစည်းအဝေး တွေ့ဆုံပြီးနောက် ထွက်ပေါ်လာတာ ဖြစ်ပါတယ်။

Source: Reuters